Category: Lajme

Një person është lënduar si pasojë e rënies së çatisë së objektit të ri të Komunës së Prishtinës dhe e njëjta është dërguar në Emergjencën e Qendrës Klinike Universitare të Kosovës për tretman mjekësor.

Për gjendjen e saj shëndetësore ka folur, Avdyl Pacolli, shefi i Urgjencës së Prishtinës.

“Flitet për një paciente të gjinisë femrore e cila e ka pësu një politraumë më lëndime të shumfishta, nëdërkohë është në parametrat vital për jetën”, ka thënë Pacolli për Gazetën Sinjali.

“Ekipet e qendrës së mjekësëisë urgjente kanë dalë në vendin e ngjarjes pas thirrjes së qytetarëve edhe të policisë”.

“Më pas atë e kanë dëgu në Qendrën Emergjentë pranë SHSKUK-së”.

“E njëjta është duke marrë tremtan në qendrën emergjente dhe është duke iu nënshtar ekzamnineve klinike-diagnostike”, tha tutje Pacolli.

Rasti është konfirmuar edhe nga Policia e Kosovës.

Sipas policisë rreth orës 13:00, është raportuar se në rrugën “Nora e Hotit” në Prishtinë, një person ka marrë lëndime si pasojë e goditjes nga materiale që janë shkëputur nga çatia e një objekti.

“Policia menjëherë ka dalë në vendin e ngjarjes dhe mbështetur në informacionet e para është raportuar për një person të lënduar, femër, e cila është dërguar në QKUK për trajtimin e nevojshëm mjekësor. Aktualisht policia ka nisur punën për zbardhjen e plotë të të gjitha rrethanave që karakterizojnë ngjarjen”, thuhet në njoftimin e policisë.

Drejtori i deritanishëm i minierës së Trepçës, Bahri Karaça është shkarkuar nga pozita e drejtorit, bëjnë të ditur burime të KosovaPress-it brenda minierës.

I njëjti burim ka thënë se në vend të tij është emëruar Shyqri Sadiku.

Kujtojmë se dje janë lënduar 13 minatorë në minierën e Trepçës, pas rrjedhjes së acidit sulfurik.

Deputeti nga radhët e Partisë Demokratike të Kosovës, Abelard Tahiri, iu ka bërë ftesë deputetëve të Kuvendit që ta votojnë rezolutën e partisë së tij për uljen e çmimit të energjisë elektrike dhe heqjen e bllok tarifës.

Ai përgjatë kërkesës ka bërë një krahasim me atë se sa e blen KESCO rrymën nga KEDS-i dhe sa e faturon tek qytetarët.

“Nëse e shohim çmimin për megavat, se sa e merr KESCO në KEK është vetëm 2 euro e 90 centë, pra kushton kilovati. Ndërsa, neve qytetarëve me tarifën e ulët na e faturon 3.34 centë, me tarifën e ulët pjesën e natës, ndërsa me tarifën e lartë nën 800 kWh është 7.79 centë. Pra, më shumë se 100 për qind. Nëse shkojmë mbi 800kWh, tarifa e ulët është 6.81 centë, ndërsa tarifa e lartë mbi 800 kWh shkon 14.45 centë. Pra, prej 2 e 90 sa e merr në KEK, neve me tarifën e lartë mbi 800 kWh na e faturon 14 euro e gjysmë, pra gati 500 përqind”, ka deklaruar shefi i GP-së së PDK-së në Kuvend.

Ai një gjë të tillë e ka quajtur plaçkitje.

“Prandaj, kolegë deputetë është e papranueshme me vazhdu edhe në vitin 2024 me pagu fatura të tilla të energjisë elektrike, kur nevoja për import ka qenë vetëm 5 për qind. 95 për qind e energjisë elektrike është prodhuar nga prodhimet vendore. Në anën tjetër, çmimi shkon deri në 500 për qind në tarifën e lartë mbi 800 kWh, kjo është e papranueshme. Duhet ta kundërshtojmë. Nuk mundemi me leju me u gjobit në forma të tilla. Kjo është plaçkitje”.

Ministrja e Ekonomisë, Artane Rizvanolli, në seancën e Kuvendit të Kosovës, ku po flitet për çmimet e energjisë elektrike, ka thënë se Kosova ka çmimet më të ulëta në rajon dhe Evropë.

Rizvanolli ka përmendur edhe subvencionimet.

“Kur flasim për energjinë elektrike, Kosova është me çmimin më të lirë në rajon dhe Evropë. Vitet e fundit kanë qenë sfiduese në sektorin e energjisë, kriza u përballua në mënyrën më të mirë të mundshme”, ka thënë ministrja.

“Patëm një bashkëpunim të shkëlqyeshëm me Shqipërinë. Kosova mbetet shteti me çmimin e energjisë elektrike më të lirin në rajon”, ka shtuar ajo.

Tutje, Rizvanolli ka treguar se Qeveria e Kosovës i ka ndihmuar qytetarët dhe bizneset përmes subvencionimit.

Subvencionimi i radhës do të bëhet direkt në faturë, i ndarë në 6 këste mujore, duke filluar nga fatura e janarit.

40,620 familje që janë kualifikuar në grupin e parë, do të përfitojnë nga subvencionimi i energjisë elektrike.

Shefja e deputetëve të Lëvizjes Vetëvendosje, Mimoza Kusari-Lila, e konsideron joserioze rezolutën e opozitës në seancën e jashtëzakonshme për energjinë elektrike. Fillimisht përmendi zbatimin e vendimit në katër komunat veriore, ku siç tha ajo është hera e parë që kemi heqjen e barrës nga buxheti i shtetit, raporton EO.

Ajo tha se kërkesa e sotme për seancën e jashtëzakonshme nuk përmban asnjë risi, por është përsëritje e kopje.

“Fillimisht do duhej të flisnim për zbatimin e energjisë në katër komunat e vendit. Kjo situate e re është hera e parë që zbatohet në kuptimin e mbushjes së obligimit qytetarë, e po ashtu kemi heqjen e barrës nga buxheti i shtetit. Nuk përmban asnjë risi, por kopje e përsëritje e të njëjtave kërkesa nga vitet e kaluara, kur situata me rrymë ishte më dramatike”.

Shefja e GP të VV tha se Qeveria po vazhdon t’ju qëndrojë afër qytetarëve, e sipas saj kjo rezolutë e prezantuar nuk është aspak serioze.

“Rezoluta e prezantuar nuk është serioze nuk bën zgjidhje. Zgjidhjet e vetme që i keni ofru janë: seanca të jashtëzakonshme, komisione për sektorin e energjisë në mesin e krizës dhe keni abstenuar në zhvillimin e politikave për sektorin e energjisë”, tha Kusari-Lila para deputetëve.

“Sfidat shumë vjeçare të këtij sektori janë edhe përgjegjësi e juaja nga tëre dekada e fundit. Përkundër abstenimit tuaj në këtë proces pozita dhe qeveria kanë qenë seriozisht të angazhuar për tu përballuar me situatën e vështirë energjetike”, tha Kusari-Lila.

“Se ka dyshim për faturim jo të saktë, është fakt evident për të cilin qytetarët duhet t’i drejtohen KESCO dhe ZRREE. Përderisa ne si ligjvënës kemi mundësinë të ftojmë ZRrE për të raportuar mbi procesin e shqyrtimit të ankesave të qytetarëve dhe masat e ndërmarra ndaj furnitorit KESCO, gjithashtu duhet të jemi pjesëmarrës aktiv në shqyrtimin e rregullt tarifor. Për informatën tuaj furnitori i shërbimit universal deri më 22 janar të dhënat me koston aktuale ndërsa më së largu me 5 shkurt ZRrE duhet të njoftoj lidhur me vlerësimin e tyre për propozimet e marra”, tha shefja e deputetëve të VV-së në seancën e jashtëzakonshme për energjinë.

Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri, ka thënë se kryeministri Kurti nuk e ka problem që me përhapjen e krizës sociale, të jetë në krye të qeverisë e cila po e zbrazë Kosovën.

Tahiri ka thënë se qeveria ua ka zvogëluar qytetarëve standardin jetësor.

“Me vendimmarrje monopoliste për shtrenjëtim të energjisë verës, ku piku dhe blloktarifat nuk marrin shumë vëmendje për shkak të konsumit të ultë, kjo qeveri ua tkurri qytetarëve standardin dhe shërbimet, i varfëroi”, ka thënë Tahiri.

Postimi i plotë:

Kjo Qeveri e ka rritur varësinë energjetike dhe ka ngritur në qiell çmimet dhe krizën sociale dhe ekonomike.

Kur ishin në opozitë, dolën kundër çdo investimi ndërkombëtar energjetik. Asokohe doli kundër projekteve të linjitit ashtu edhe kundër projektit energjetik amerikan me gaz. Qëllimi i tij nuk ishte mirëqenia por lufta për pushtet.

Me vendimmarrje monopoliste për shtrenjëtim të energjisë verës, ku piku dhe blloktarifat nuk marrin shumë vëmendje për shkak të konsumit të ultë, kjo qeveri ua tkurri qytetarëve standardin dhe shërbimet, i varfëroi.

Ky kryeministër, nuk e ka problem që me përhapjen e krizës sociale, të jetë në krye të qeverisë e cila po e zbrazë Kosovën.

Kalkulimet e tij dhe njerëzve përreth janë të thjeshta por fatkeqe për ne. Duke e zbrazur Kosovën, ky ‘fenomen’ politik, shpenzon më pal rrymë, pranon remitenca më shumë, për çmimet me të cilat pasurohet klika e tij. Krejt çfarë ka mbetur është të dërgoj Martin Berishajn në ndonjë vend ku ka më shumë diasporë, dhe ku nëse votohet në Ambasada, t’i mbushin kutitë!

Kjo, sot në Seancën e Jashtëzakonshme duhet të demaskohet, le të del në pah mashtrimi!

Kryetari i Aleancës për Ardhmërinë e Kosovës, Ramush Haradinaj, e ka quajtur Qeverinë Kurti arrogante dhe se për këtë do t’i ndëshkojnë qytetarët në zgjedhjet e ardhshme, raporton EO.

Në një deklarim për media, kreu i AAK-së, ka folur edhe për koalicionin me Nisma Socialdemokrate, teksa shprehet i hapur edhe për koalicion me partitë tjera.

“Ne synojmë jemi të hapur për koalicion. Marrëveshja me Nismën është e koncentruar që të gjithë ata që dëshirojnë me u bashku ketë koalicioni mos mu ndi të ardhur po me u ndi si në shtëpinë e vet, nuk presim askënd ne punojmë angazhohemi por jemi të hapur këto deklarimet e pushtetit janë thjesht e arrogancës së tyre, arroganca e mashtrimit ju ka bërë punë mashtrimi”, u shpreh Haradinaj.

Hipokrizinë e kësaj Qeverie, Haradinaj e sheh edhe në shpenzueshmërinë e parasë publike dhe “xhipat e zi”. Thotë se gjatë vizitës në përvjetorin e 25-të në Reçak, udhëheqësit e shtetit shkuan me mbi 20 xhipa.

“Unë isha në Reçak para tre ditësh, ju siguroj mbi 20 xhipa të zi kanë qenë këta pushtetit që kanë ardhë. 20 xhipa një pas një për me shku në Reçak nëse e merrni vetëm këtë shembull pastaj e zbërtheni këtë në hipokrizi të mashtrimeve. Vërtet ky vetëbesim i tyre buron nga arroganca, se qytetari i duron i toleron ja u anon mashtrimin po edhe mundet me qenë ndryshe qytetari ashtu si ju ka jep njëherë besimi mundet me ja marr ka pasur edhe në të kaluarën raste kur qytetari i ka ndëshku mund të i ndëshkoj edhe këta”, u shpreh Haradinaj.

Ndërsa mungesën e një termocentrali të ri, fajtor sipas Haradinajt është shefi i ekzekutivit. Fajtor e bën edhe për refuzimin e gazsjellësit amerikan.

“Shihni faturat e energjisë nuk ka qytetarë të Kosovës që nuk e dinë që Kurti është iniciatori dhe shkaktari kryesor që s’kemi një termocentral me qymyr 500 megavat energji të prodhuar në Kosovë do të ishte në kosto të lirë 18 euro ka qenë e paraparë megavati maksimum 60 njëkohësisht nuk ka qytetar i Kosovës që Kurti e ka refuzu gazin amerikan gazsjellësin. Nuk ka qytetarë në Kosovë që kolegët e afërm të Kurtit si rasti i zotëri (Martin) Berisha që ishte ndërmjetës për me ble energji edhe paret që i nxjerrke ai s’po dihet ku kanë përfundu pastaj nuk ka qytetarë të Kosovës që nuk e dinë që kur u arrestu drejtori i KEK-ut”, u shpreh Haradinaj.

Me propozimin e Grupit Parlamentar të Partisë Demokratike të Kosovës dhe me mbështetjen e deputetëve tjerë opozitarë, deputeti Ferat Shala ka propozuar Rezolutën për uljen e çmimit të energjisë elektrike dhe heqjen e bllok tarifave.

Shala ka kërkuar që të miratohet kjo rezolutë, e cila përmban pesë pika:

1. I rekomandon Zyrës së Rregullatorit për Energji (ZRRE), që brenda afatit të arsyeshëm kohor të anuloj vendimin për shtrenjtimin e çmimit të energjisë elektrike dhe të marrë vendim për uljen e çmimit të saj në harmoni me rrethanat socio-ekonomike dhe nivelin e çmimit të energjisë në tregun ndërkombëtar, respektivisht në bursat respektive ndërkombëtare;
2. I rekomandon Zyrës së Rregullatorit për Energji (ZRRE), brenda afatit të arsyeshëm kohor të marrë vendim për anulimin – heqjen e bllok tarifës për kalkulimin e shpenzimeve të energjisë elektrike për konsumatorët familjarë;
3. I rekomandon Zyrës së Rregullatorit për Energji (ZRRE) ndërmarrjen e masave në raport me Kompaninë Kosovare për Furnizim me Energji Elektrike (KESCO), për të siguruar trajtimin efektiv dhe të barabartë të konsumatorëve që kanë parashtruar ankesa ndaj faturave të energjisë elektrike për muajin dhjetor 2023 dhe ankesave eventuale të konsumatorëve në vitin 2024.
4. Obligon Qeverinë e Republikës së Kosovës për marrjen e masave, veprimeve e vendimeve për krijimin e parakushteve financiare për anulimin e menjëhershëm të vendimit për shtrenjtimin e energjisë elektrike dhe lehtësimin e barrës financiare për konsumatorët familjarë të energjisë elektrike;
5. Kërkon nga Zyra për Rregullatorin e Energjisë dhe Qeveria e Republikës së Kosovës, që në afat sa më të shkurtër kohor të njoftoj Kuvendin për përmbushjen e pikave 1, 2, 3 dhe 4 të kësaj rezolute.