Category: Lajme

Kryetari i Komunës së Vitisë, Sokol Haliti, gjatë vizitës në Zvicër, ka marrë pjesë në Galambrëmjen e organizuar nga ansambli “Arbëresha”, në 20-vjetorin e themelimit.

Përmes një postimi në Facebook, Haliti ka shpreh falënderime për siç ka thënë promovimin dhe ruajtjen e trashëgimisë kulturore.

“Sonte isha prezent në Fraunfeld të Zvicrrës në Galambrëmjen e organizuar në 20 vjetorin e themelimit të Ansamblit ‘Arbëresha’, të cilët janë ambasadori më i mirë i kulturës sonë kombëtare. Ata i falenderova për promovimin dhe ruajtjen e trashëgimisë sonë kulturore”, ka shkruar Haliti.

Zyrtarët policorë po vazhdojnë të punojë tashmë për 24 vite pa sigurim shëndetësore. Shumë policë me sëmundje kronike, disa prej tyre me invaliditet dhe mbi 4.700 me lëndime gjatë kryerjes së detyrës zyrtare, kanë pritur që pas protestës së fundit të vitit të kaluar, t’u plotësohet edhe sigurimi shëndetësor, por se deri më tash nuk është ndërmarrë diçka për plotësimin e kësaj kërkese.

Derisa nga partia në pushtet kanë theksuar se është duke u marrë kjo çështje me seriozitet, nga opozita janë shprehur se partia në pushtet nuk ka ndërmarrë asnjë gjë për Policinë e Kosovës.

Kryetari i Sindikatës së Policisë së Kosovës, Imer Zeqiri tha se diskutimet me Qeverinë e Kosovës janë duke vazhduar, por se deri tash nuk ka diçka në favor të policisë.

Ai tha se Policia e Kosovës janë duke pritur që të bëhet ligji për sigurime shëndetësore dhe jetësorë.

Zeqiri shtoi se policët punojnë në kushte jo të mira, dhe se ato duhet të përmirësohen duke nisur nga sigurimi shëndetësor, paga e të tjera.

Zeqiri ka bërë thirrje që sa më shpejt të hartohet ligji për sigurime shëndetësore sepse për shkak të kushteve jo të mira të punës, shumë policë janë duke jap dorëheqje.

Se çështja e sigurimit shëndetësor për policët e Kosovës nuk është duke u trajtuar nga Qeveria e thotë edhe

Ish-drejtori i Policisë së Kosovës, Rashit Qalaj thotë se çështja e sigurimit shëndetësor për policët e Kosovës nuk është duke u trajtuar nga Qeveria, pasi këtë nevojë të domosdoshme, po heziton ta realizojë.

Ndërsa, zëvendës kryetari i Komisionit për Sigurinë e Kosovës nga radhët e Lëvizjes Vetëvendosje, Enver Dugolli tha se shërbimin për sigurim shëndetësor shumë shpejt do ta ketë edhe Policia e Kosovës.

Ai tha se ekziston një fond i veçantë për trajtimet shëndetësore të policisë së Kosovës dhe se është duke u punuar edhe për sigurim shëndetësor.

Ndërkaq, Njësiti më elitar i Policisë së Kosovës, i njohur si FIT në tre muajt e fundit të vitit të kaluar, kanë mbajtur një protestë para Qeverisë së Kosovës për të shprehur pakënaqësitë e tyre rreth kushteve të punës.

Në këtë protestë janë parashtruar rreth 14 kërkesa, në mesin e tyre edhe sigurimi shëndetësor dhe ai jetësor.

Të dielën në Podujevë do të mbahet marsh për 18-vjeçarin, Lulzim Fejzullahu i cili u rrah për vdekje nga dy të mitur më 14 janar.

Marshi pritet të fillojë nga ora 13:00, ku marshuesit do të nisen nga vendi ku është sulmuar 18-vjeçari, për të vazhduar deri te komuna e Podujevës.

Prokuroria ka vendosur masën paraburgim për dy të miturit e dyshuar që morën pjesë në përleshjen fizike, pas së cilës Lulzimi mbeti i plagosur dhe më pas u dërgua për trajtim mjekësor në QKUK ku ndërroi jetë nga plagët e marra më 20 janar.

Rasti nga policia është cilësuar si vrasje e rëndë dhe është dënuar nga kryeministri Albin Kurti.

“Vrasja mizore e Lulzim Fejzullahut duhet të jetë alarm për të gjithë, përfshirë institucionet, për të punuar më shumë me të rinjtë dhe të rejat, që të orientohen sa më shumë drejtë arsimimit dhe edukimit, në mënyrë që të mos e shohin dhunën si zgjidhje dhe që të qëndrojnë sa më larg sjelljeve agresive dhe akteve të dhunës që mund të përfundojnë me pasoja tragjike”, kishte thënë Kurti gjatë vizitës për ngushëllime te familja e të ndjerit.

Ish-ambasadori amerikan i OSBE-së, William Walker, është martuar.

Në ceremoninë që po mbahet në Shtetet e Bashkuara të Amerikës, ai ka kurorëzuar dashurinë me bashkëshorten e tij Dejzi.

Walker teksa po qëndronte në Kosovë dy javë më parë, konfirmoi martesën e tij të tretë.

Ai tregoi se gruaja e tretë me të cilët do të martohet quhet Dejzi, sikurse e kishte emrin edhe gruaja e dytë, tashmë e ndjerë.

Ai ndër të tjera tha se në ceremoni të martesës do të ketë edhe miq nga Kosova.

Një burrë është gjetur pa shenja jete në banesën e tij në Prishtinë.

Policia ka njoftuar se me vendim të prokurorit, trupi i pajtë i viktimës është dërguar për obduksion në IML.

“HETIM I VDEKJES-Prishtinë / 19.01.2024 – 14:31. Raportohet se në banesën e tij pa shenja jete është gjetur viktima mashkull kosovar. Me vendim të prokurorit trupi i pa jetë i viktimës është dërguar në IML për obduksion.”, thuhet në raport.

Partia Demokratike e Kosovës (PDK) dhe kryetarët e dy komunave veriore nga radhët e kësaj partie, kanë dalur kundër procesit të nënshkrimit të peticioneve, proces ky që mundëson shkarkimin e tyre, raporton EO.

Kështu ka deklaruar deputeti i PDK-së, Rashit Qalaj, i cili tha se kërkesat e tyre kanë qenë që kryetarët shqiptarë të katër komunave me shumicë serbe, të japin dorëheqje në mënyrë të organizuar dhe në koordinim me qeverinë e jo të shkarkohen nga një komunitet, që sipas tij, nuk ka marr pjesë fare në zgjedhje.

Ai ka thënë se kjo iniciativë e mbledhjes së nënshkrimeve është gabim dhe nuk duhet që të konsiderohet si opsion.

“Fillimisht dua ta jep një koment në lidhje me çështjen e mbledhjes së nënshkrimeve, ju e dini që Partia Demokratike dhe kryetarët që janë atje të Partisë Demokratike janë kundër këtij peticioni. Ata kanë bërë thirrje në vazhdimësi që kryetarët të cilët janë të zgjedhur tash në komunat veriore të japin dorëheqje në mënyrë të organizuar në mënyrë të koordinuar me qeverinë e jo të shkarkohen nga një komunitet të cilën nuk ka marrë pjesë fare në zgjedhje. Pra mendoj që është gabim çështja e mbledhjes së nënshkrimeve dhe si të tillë duhet të konsideruar”, tha ai.

Ish-drejtori i Policisë së Kosovës, ka thënë se gjatë procesit zgjedhor, i cili do të mbahet pas procedurave të shkarkimit, mund të ketë tensione, kjo pasi sipas tij, ngritja e tensioneve në veri është tendencë e vazhdueshme e Serbisë.

“Sa i përket çështjes së tensionimit të situatës nuk e di edhe mund të ketë tensione lokale, kryesisht varet nga tendenca e Serbisë e cila është tendencë e vazhdueshme për ngritjen e tensioneve në veri”, tha ai.
Qalaj ka theksuar se situata në veri duket e qetë në sipërfaqe por që në realitet është shumë e tensionuar dhe se mund të ketë incidente të ngjashme si vitin e kaluar edhe në të ardhmen.

“Gjendja e sigurimit është një situatë në sipërfaqe duket e qetë mirëpo është shumë e tensionuar për shkak të veprimeve të shtetit të Serbisë, presidentit Vuciq në raport me Kosovën, sidomos në raport me katër komunat veriore. Pra unë mendoj që situata atje është shumë e tensionuar dhe mund të ketë incidente të ngjashme edhe në të ardhmen”, tha ai.

Pas katër orësh në pyetje nga BIA, Klara Sanduloviq, e bija e politikanit serb, Nikolla Sanduloviq, është lejuar të hyjë në territorin e Serbisë.

Klara Sanduloviq, pas vizitës që bëri gjatë ditës së shtunë në memorialin “Adem Jashari”, në Prekaz është ndaluar në pikën kufitare në Merdare nga Policia serbe.

Por, pas katër orësh në pyetje nga BIA, Klara Sanduloviq, e bija e politikanit serb, Nikolla Sanduloviq, është lejuar të hyjë në territorin e Serbisë.

Kështu ka bërë të ditur vetë Nikolla Sanduloviq përmes një postimi në llogarinë e tij në Twitter.

Ai u ka bërë thirrje ndërkombëtarëve që ta ndalin “këtë regjim diktatorial” që sipas tij po persekuton kundërshtarët politikë dhe familjet e tyre.

“Pas 4 orësh marrje në pyetje dhe ngacmime nga BIA, Klara Sanduloviq dhe Mihajlo Todiq u lejuan të hyjnë në vendin e tyre! Evropa, Britania e Madhe dhe Amerika duhet ta ndalin këtë regjim diktatorial që po persekuton kundërshtarët politikë dhe familjet e tyre”, shkroi Sanduloviq.

Klara Sanduloviq, pas vizitës që bëri gjatë ditës së shtunë në memorialin “Adem Jashari”, në Prekaz është ndaluar në pikën kufitare në Merdare nga Policia serbe.

Pak javë më parë politikani opozitar serb, Sanduloviq u maltretua në Serbi për shkak të vizitës në Prekaz.

Anëtarë të BIA-s serbe në fillim të janarit arrestuan dhe keqtrajtuan Sanduloviqin, vetëm pse kishte shpërndarë pamjet nga vizita e tij në Prekaz para një viti.

Gjithashtu, për të bërë homazhe në Prekaz javën e kaluar ishte edhe avokati i Sanduloviqit, Çedomir Stojkoviq, i cili me tu kthyer në Serbi u mor në pyetje nga Agjencia e Inteligjencës së Serbisë.

Klara, ngjashëm si babai (Nikolla), u përkul para varrit të Blerina Jasharit dhe kërkoi falje për krimet e shtetit të saj ndaj shqiptarëve.

“Veprimi i babait tim ishte shumë paqësor ndërsa Qeveria serbe konsideroi që ai kishte kryer një krim prandaj sot vendosa të bëhem kriminele si babai im dhe vendosa të vi këtu e të shpreh ngushëllimet e mija për të gjitha viktimat e pafajshme, në mënyrë që gjenerata ime të vetëdijesohet që duhet të ndalim urrejtjen e të falim njëri-tjetrin dhe gjithashtu të kërkojmë falje”, ka thënë ajo.

Bashkë me vajzën e Nikola Sandulloviqit ishte edhe nënkryetari i partisë së tij, Mihajlo Todiq, i cili tha se erdhi në Kompleksin Memorial për të kërkuar falje për krimet e Serbisë.

Për të njëjtin Sanduloviq ka njoftuar se pas ndalimit nga BIA, është lejuar që të hyjë në Serbi.