Category: Lajme

Gjykata e Apelit ka vërtetuar vendimin e Gjykatës Themelore në Prishtinë, përmes të cilit më 26 shtator 2023 Sladjan Trajkoviq ishte dënuar me një vit burgim për kryerjen e veprës penale “Keqpërdorim i pozitës apo autoritetit zyrtar”.

Trajkoviq akuzohej se prej muajit dhjetor të vitit 2013 deri më 13 tetor 2014, pasi ka qenë depoist kryesor në depon e Komunës së Graçanicës, në mënyrë të vazhdueshme ka marrë pajisje medicinale, të cilat kanë qenë në depon e kësaj komunë, raporton “Betimi për Drejtësi”.

“Refuzohet si e pa pabazuar ankesat e mbrojtësit të akuzuarit S.T. av. R.G., ndërsa aktgjykimi i Gjykatës Themelore në Prishtinë – Departamenti për Krime të Rënda, …të datës 09.10.2023 vërtetohet”, thuhet në vendimi e Apelit.

Sipas Apelit, vendimi i Themelores është i qartë i kuptueshëm dhe i plotë në çdo pikë të dispozitivit të aktgjykimit.

Po ashtu në vendimin e Apelit thuhet se nga provat materiale, konkretisht kontrata e punës del se i akuzuari Trajkoviq ka qenë në marrëdhënie punë me Komunën e Gracanicës si depoist dhe se sipas kontratës ka qenë personi përgjegjës për mallin që ka qenë në deponon e komunës.

Sipas Apelit edhe dëshmitari B.P ka theksuar se vetëm i akuzuari Trakoviq ka poseduar çelësat e depos dhe se ky dëshmitar e ka parë të akuzuarin Trajkviq duke hyrë në depo pas orarit të punës dhe duke u larguar nga depo me veturën e tipit “Fiat Bravo”.

Tutje, në vendimin e Apelit thuhet se mungesa e mallit në depo ishte konstatuar nga një komision i formuar prej tre anëtarësh dhe se mungesa e mallit kapte vlerën prej 58 mijë eurove.

Andaj, sipas Apelit vendimi me burgim prej një viti ndaj Trajkoviq i shqiptuar nga Themelorja është i drejtë i bazuar dhe se nuk ka kushte për shqiptim të një dënimi më të butë ashtu siç ka kërkuar mbrojtësit e të njëjtit në ankesën e tyre.

Ankesë, ndaj vendimi të Themelores kanë parashtruar mbrojtja e të akuzuarit Trajkovq, duke i propozuar Apelit që çështjen ta kthej në rigjykim.

Ndërkaq, Prokuroria e Apelit përmes parashtresë i ka propozuar Gjykatës së Apelit që aktgjykimi i Themelores të vërtetohet dhe ankesa e mbrojtës së të akuzuarit Trajkoviq të hedhet poshtë si e pa bazuar.

Ndryshe, Gjykata Themelore në Prishtinë më 8 shtator 2020, të akuzuarin Trajkoviq e kishte liruar nga akuza për keqpërdorim të pozitës zyrtare.

Mirëpo, kundër këtij vendimi ankesë kishte parashtruar Prokuroria Themelore në Prishtinë, të cilën ankesë, Gjykata e Apelit më 19 janar 2021 e kishte aprovuar dhe rastin e kishte kthyer në rigjykim e vendosje.

Ndryshe, sipas aktakuzës së ngritur më 19 nëntor 2014, i pandehuri Sladjan Trajkoviq prej muajit dhjetor të vitit 2013 deri më 13 tetor 2014, duke e shfrytëzuar detyrën pasi ka qenë depoist kryesor në depon e Komunës së Graçanicës, e cila ndodhet në fshatin Llapnasellë, në mënyrë të vazhdueshme ka marrë pajisje medicinale, si dhe tre ventilatorë viasys dhe barna të cilat kanë qenë në depon e Komunës së Graçanicës.

Akuza thotë se ka qenë i vetmi që ka pasur në posedim çelësat e dyerve dhe njëherit ka pasur qasje në këtë objekt gjatë dhe pas orarit të punës ka bartur me veturën e tij zyrtare gjësende të cilat kanë qenë në depo dhe të njëjtat i ka dërguar në drejtim të panjohur, me qëllim të përfitimit të kundërligjshëm të dobisë pasurore për vete, me ç’rast i ka shkaktuar dëm të konsiderueshëm buxhetit të Komunës së Graçanicës, në vlerë rreth 58 mijë e 21 euro e 47 centë.

Me këtë, Trajkoviq po akuzohet se ka kryer veprën penale “Keqpërdorim i pozitës apo autoritetit zyrtar” nga neni 422, paragrafi 1 të Kodit Penal, vepër kjo e dënueshme me burgim prej gjashtë muaj deri në pesë vjet.

Njëri ndër avokatët kryesorë të Rexhep Selimit, David Young, është larguar nga ekipi mbrojtës i tij.

Ky lajm është bërë i ditur në faqen zyrtare të Gjykatës Speciale.

Avokati kryesor i Selimit, Jeffrey Roberts, kishte dërguar letër te trupi gjykues, ku e kishte njoftuar për shkëputjen e kontratës me avokatin Young.

Edhe Gregory Kehoe ishte larguar si avokati kryesor i Thaçit.

Çfarë loje po luan kancelari gjerman Olaf Scholz, pyet Bild, duke raportuar se, sipas disa zyrtarëve të lartë, ai pengoi shefen aktuale të KE-së Ursula von der Leyen të bëhej kreu i ardhshëm i NATO-s.

Sipas raportimeve, arsyeja është se ajo është shumë kritike ndaj Rusisë. Të paktën kështu kanë deklaruar disa zyrtarë të lartë nga Brukseli dhe disa diplomatë të lartë evropianë, sipas raportit të Welt am Sonntag.

Sipas raportit, Sekretari Amerikan i Shtetit Anthony Blinken sugjeroi Von der Leyen si kandidat të presidentit amerikan Joe Biden.

Më pas Biden iu afrua Scholz dhe kërkoi pëlqimin e tij. Por Scholz refuzoi. “Scholz ishte kategorikisht kundër që Ursula von der Leyen të bëhej kryetare e NATO-s,” citoi Welt am Sontag të thoshin njerëz të njohur me këtë çështje.

Në kuadër të nismës “7 javë – 7 projekte”, kryetari i Komunës së Gjilanit, Alban Hyseni, ka prezantuar projektin e bulevardit të qytetit.

Hyseni ka bërë të ditur se kostoja e këtij projekti është 20 milionë euro, duke e cilësuar si ndryshimin më të madh urbanistik në histori të Gjilanit.

“Hapësira publike, parkingje si zgjidhje e burim i të hyrave, objekti i administratës komunale për punë efikase e shërbime më të mira, për ndryshim radikal, për GJILANIN QË DUAM. Mbi 30.000 metër katror, mbi 500 parkingje nëntokësore, mbi 8000 metër katror komuna e re, nënkalime, si zgjidhje për trafikun”, ka theksuar ai.

Postimi i plotë:

7 javë – 7 projekte
Bulevardi i qytetit – rreth 20milionë €.
Ndryshimi më i madh urbanistik në histori të qytetit tonë, po vie.
Hapësira publike, parkingje si zgjidhje e burim i të hyrave, objekti i administratës komunale për punë efikase e shërbime më të mira, për ndryshim radikal, për GJILANIN QË DUAM.
– Mbi 30.000 metër katror;
– Mbi 500 parkingje nëntokësore;
– Mbi 8000 metër katror komuna e re;
– Nënkalime, si zgjidhje për trafikun.

Presidentja Vjosa Osmani dhe kryeministri Albin Kurti kanë marr pjesë në ceremoninë e hapjes së “Carvago by Gjirafa”, që do të lidhë kosovarët me tregun e madh online në Evropë për blerje dhe shitje makinash, raporton EO.

Ata e kanë vlerësuar bashkëpunimin ndërmjet kompanisë Gjirafa dhe Carvago nga Republika Çeke, duke thënë se ky inivacioni ka një rol përmbajtjesore në zhvillimin e ekonomisë.

Presidentja Osmani ka thënë se ky bashkëpunim do t’i sjellë përfitime vendit dhe se do të ketë ndikim edhe në jetën e qytetarëve.

Ajo e ka lavdëruar edhe kompaninë Gjirafa, duke e quajtur një rrëfim suksesi të Kosovës.

“Vërtet kënaqësi për të promovuar një produkt inovativ të kompanisë Gjirafa, si shenjë identifikuese e shtetit tonë. Çdo dite e me shumë po bëhen imazhi ynë. Gjirafa është një ndër rrëfimet e suksesit, kjo tregon që Kosova mund të tregojë më shumë. Inovacioni ka një rol përmbajtësor për zhvillimin e ekonomisë sonë”.

“Do t’i sjellë fitim jo vetëm shtetit tonë po do të ndikoje direkt në jetën e qytetarëve tanë. Kosova është interesuar të lidhet sa më shumë me tregun evropian dhe ‘Carvago’ është një mundësi e tillë. Është kënaqësi që sot bashkëpunim me Çekinë e thellon partneritetin tonë me një shtet që ka qëndruar gjithmonë pranë Kosovës, që ka qenë jo vetëm katalizator ekonomik po edhe katalizator që të rinjtë tanë të ecin lirshëm drejt Evropës”, ka thënë ajo.

Kryeministri Albin Kurti, ka thënë se është shumë e rëndësishëm bashkëpunim ndërmjet këtyre dy kompanive, duke shtuar se ekonomia digjitale ka nevojë për autostrada digjitale.

Ai ka thënë se qeveria është duke investuar në fushën e teknologjisë.

“Është kënaqësi të flas para juve për të shënuar edhe një arritje tjetër të suksesshme në sektorin e teknologjisë. Një partneritet mes kompanisë digjitale ‘Gjirafa’ dhe ‘Carvago’ nga Republika Çeke. Qeveria jonë është e përkushtuar ta çlirojë këtë potencial duke krijuar një mjedis të favorshëm. Ekonomia digjitale ka nevoja për autostrada digjitale”, ka thënë ai.

Ambasadori Çek, Bohumil Mazanek, ka thënë se ky bashkëpunim thekson përkushtimin e dy vendeve që të nxisin zhvillimin ekonomik.

Ai tha se Republika Çeke do të mbështes fuqishëm bizneset fillestare të Kosovës

“Lanësimi i bashkëpunimit paraqet një zhvillim të rëndësishëm në marrëdhënieve Kosovë-Çeki. Kjo nismë thekson përkushtimin e dy kombeve që të nxit zhvillimin ekonomik dhe lidhjen me të fuqishme të dy vendeve. Ekspertiza ndërkombëtare e Carvago do të nxit zhvillimin ekonomik. Republika Çeke mbështet fuqishëm bizneset fillestare të Kosovës”, ka thënë ai.

Shërbimi inovativ i Carvago-s ua mundëson klientëve blerjen e automjeteve nga komoditeti i tyre shtëpiak. Me përkushtim ndaj transparencës dhe cilësisë, Carvago garanton gjendjen e çdo makine, pasi teknikët e saj ekspertë inspektojnë personalisht çdo automjet para se të dalë në shitje.

Dukuri brengosëse dhe në rritje po konsiderohet konsumimi i duhanit dhe alkoolit nga të miturit, për çka po kërkohet kujdes nga prindërit e shkollat, por edhe nga bizneset që shesin këto produkte. E derisa monitorimi i bizneseve që nuk respektojnë ligjin që ndalon shitjen e duhanit dhe alkoolit, po duket të jetë sfidues për institucionet, bëhet e ditur se gjatë vitit që shkojë, janë gjobitur vetëm dy biznese.

MINT në një përgjigje me shkrim për KosovaPress, thekson se ligji për mbrojtjen e konsumatorit ndalon edhe ekspozimin e duhanit, për të cilën inspektorët e tregut kurdo që hasin raste të tilla ndërmarrin veprime ligjore. Dhe as kjo pjesë nuk respektohet nga marketet.

“Inspektorët e Tregut në baza ditore, gjatë çdo inspektimi, kanë për obligim të kujdesen që këto dispozita të ligjit të respektohen nga subjektet ekonomike që ndër të tjera merren edhe me shitjen e alkoolit dhe duhanit. Meqenëse si dukuri është e vështirë të evidentohet gjatë inspektimeve, sepse momentin që inspektorët janë prezent operatorët ekonomikë janë të kujdesshëm, mirëpo gjatë vitit 2023, janë evidentuar se në dy raste u është lejuar të miturve të blejnë duhan dhe alkool, pasi që shitësja nuk ka kërkuar që konsumatori të dëshmojë moshën me anë të dokumentit identifikues. Ndaj dy subjekteve ekonomike është iniciuar procedurë në Gjykatë. Gjithashtu, Ligji i lartpërmendur ndalon ekspozimin e duhanit për çka po ashtu inspektorët e tregut, kurdo që hasin në raste të tilla ndërmarrin veprimet ligjore,” thekson MINT në një përgjigje me email.

Neuropsikiatri Sami Rexhepi thotë për KosovaPress, se është shumë brengosëse shitja dhe konsumimi i pijeve nga të miturit, pasi që është rritur numri i të rinjve të cilët kanë filluar të abuzojnë me duhan dhe alkool, dhe se dëmi i këtyre moshave të reja është shumë i madh në tru dhe mushkëri.

“Ajo çka është shumë brengosëse është se numri i të rinjve të cilët kanë filluar me abuzuar me duhan dhe alkool është në rritje, brengosëse është edhe vet fakti se mosha gjithnjë më të reja po fillojnë me abuzim, që për pasojë e ka sa më e re të jetë mosha e fillimit të përdorimit apo abuzimit me alkool dhe duhan dëmtimet po flasim për një tru i cili nuk është plotësisht i formuar i pjekur dëmtimet janë shumë të mëdha, sa më e re të jetë mosha dëmi është shumë më i madh, çoftë në tru si organ ,çoftë në mushkëri. Mjerisht që disa ndryshime të cilat shkaktojnë atë moshë të re janë invizibile që do të thotë kur nuk e kemi në rimarrjen e plotë të trurit apo të mushkërive,” thotë Rexhepi.

Sipas tij, prindërit duhet të jenë më të ndërgjegjshëm rreth kësaj çështje, punëtorët ta respektojnë ligjin për të mirën e fëmijëve. Ai rekomandon që shkollat të bëjnë më shumë kontrolle, pasi që nxënësit gjatë shëtitje të organizuara nga shkolla, përdorin lëndë narkotike dhe substanca të tjera, por gjithashtu gjatë këtyre organizimeve, të mos lejohet hyrja e të miturve në klube të natës.

“Nuk ka një formulë e cila do të respektohej, kjo duhet të filloj me ndërgjegjësimin e prindërve në radhë të parë, sepse nuk ka prindër që dëshiron që fëmija të konsumojë duhan apo alkool në moshë të re, zakonisht ajo bëhet fillimisht fshehurazi, është ndërgjegjësimi i prindërve për mbikëqyrje më të madhe të fëmijëve, jo në kuptimin e një kufizimi apo ndalese se ai e bënë më kureshtarë një fëmijë për ta provuar se si duket, pastaj është ndërgjegjësimi i punëtorëve në ato shitore që ta respektojnë ligjin për të mirën e fëmijëve, jo vetëm për mos sanksionim si punëtorë, por me mendu gjithmonë se ata fëmijë janë fëmijët e tyre dhe çka kur ata fillojnë të abuzojnë me këto dyja, dhe vjen edhe shkolla se shpeshherë të rinjtë nëpër shëtitje ekskursione kanë gjithmonë disa kënde të fshehta ku marrin duhan, fillojnë me duhan pastaj fillojnë me abuzu edhe me bari dhe substanca tjera psikoaktive edhe njësoj mos me lënë qasje nën moshën 18 vjeçare të rinjve nëpër diskoteka, klube të ndryshme dhe mos me i lënë shumë qasje në jetën e natës për të rriturit,” shton ai.

Ndërsa, sociologu Gent Xërxa shprehet se në Kosovë, marketet të cilat furnizohen me alkool janë afër shkollave. Por një problem tjetër, sipas tij, është se vet të miturit , shesin alkool apo duhan si shitës ambulativ.

“Tek të miturit ndikon mjaft keq, ashtu se ligji për mbrojtjen e konsumatorit, neni 15 dhe thotë se nuk duhet t’iu ofrohet, shërbehet apo shitur të miturve, sipas kësaj predispozite lidhet edhe me raportimin e tyre në çoftë se vërehen këto fenomene në drejtori të punës, që mendoj se nuk është një mekanizëm i fortë parandalues me krahasim me vendet e tjera, ku shumica e duhanit dhe alkoolit janë larg shkollave,… 00:39 nuk është si në vendin tonë në çdo 100 metra apo çdo market apo vend tjetër shërbyes… 00:51 Kemi edhe raste të tjera, kemi parë vetë edhe për shkak kushteve të rënda ekonomike, e kemi pa se edhe të miturit shesin vet si shitës ambulativ të cigareve, ashtu si iu imponohet pak nga kureshtja, adoleshenca, jo edukimi adekuat, nga kushtet e rënda që iu imponohet të shesin dhe të jenë afër këtyre gjërave të cilat janë të ndjeshme,” shprehet Xërxa.

Përndryshe, Ministria e Industrisë, Ndërmarrësisë dhe Tregtisë kërkon nga konsumatorët që në rast se hasin në shkelje të ligjit ndonjë operator ekonomik, ta deponojnë ankesën pranë Departamentit të Mbrojtjes së Konsumatorit, në numrin pa pagesë: 0800 11000 ose në ueb faqen https://konsumatori.rks-gov.net/.

Ambasori i Britanisë së Madhe Nicholas Abbott tashmë është në përfundim të mandatit të tij në Kosovë.

Ai sot nëpërmjet një videoje disa minutëshe, ka zgjedhur fjalët e tij më të mira për Kosovën dhe kosovarët.

Thotë se nga të gjitha vendet që ka vizituar, Kosova është një vend i veçantë që meriton sukses

“Ka qenë një eksperiencë e veçantë. Mirëpritja e ngrohtë e popullit këtu ka bërë që puna dhe jetesa këtu të jetë ndryshe nga çdo gjë tjetër që kam bërë ndonjëherë. Ndërkohë që ka pasur sfida në katër vjet e gjysmë të fundit përfshirë COVID-in”.

Ai ka vazhduar duke thënë se marrëdhënia e ngushtë dhe e fortë mes vendeve tona do të thotë që ne të mbetemi partnerë dhe aleatë.

“Mburrem me trajnimin që ua ofruam FSK-së, dhe fokusi ynë do të jetë i vazhdueshëm për mbështetjen e familjeve që janë ende në pritje të lajmeve për të dashurit e tyre të rezultojnë ende të zhdukur”.

Abbott ka një porosi edhe për udhëheqësit e në Kosovë.

“Unë nuk kam recetë të lehtë për zgjidhje, por u bëj thirrje atyre që udhëheqin Kosovën të krijojnë një vizion të një vendi modern demokratik, i cili mbështet, inkurajon dhe mbron qytetarët e tij të të gjitha komuniteteve pa dallim”.

Deputetja e PDK-së, Ganimete Musliu do t`i nënshtrohet një ndërhyrjeje kirurgjikale, e cila do të kryhet jashtë vendit.

Deputetja Musliu ka thënë se është diganostifikuar që dy vite më një problem në zemër.

Ajo ka shkruar në Facebook se do të largohet përkohësisht nga puna e saj si deputete e Kuvendit të Kosovës.

“Tani, me rekomandim të mjekëve kosovarë, më duhet t’i nënshtrohem një ndërhyrjeje kirurgjikale, e cila (për fat të keq) do të kryhet jashtë vendit, pasi që mjekëve në Kosovë, përkundër kompetencës së shkëlqyer profesionale, ende nuk u janë krijuar kushtet që ata i meritojnë”, ka shkruar ajo.

Ajo ka falënderuar repartin e Kardiologjisë dhe Kardiokirurgjisë në QKUK, Spitalin Amerikan që janë kujdes për të dhe të gjithë ata të cilët janë lutur dhe i kanë uruar gjithë të mirat.

“Gjatë gjithë kohës jam trajtuar në Kosovë dhe dua të falënderoj të gjithë mjekët që punojnë në repartin e Kardiologjisë dhe Kardiokirurgjisë në QKUK dhe në Spitalin Amerikan që u kujdesën për mua. E falënderoja po ashtu çdo institucion dhe çdo individ që ishte pranë meje dhe më ofroi mbështetje”, ka shkruar Musliu në Facebook.

Në takime të ndara, në margjinat e Konferencës së Sigurisë në Mynih të Gjermanisë, zëvendëskryeministrja dhe Ministrja e Punëve të Jashtme dhe Diasporës e Republikës së Kosovës, Donika Gërvalla takoi ministrin e Punëve të Jashtme të Kroacisë, Gordan Grlic Radman, ,inistrin e Punëve të Jashtme të Portugalisë, João Gomes Cravinho si dhe ministren e Punëve të Jashtme të Lihtenshtajnit, Dominique Hasler.

Në komunikatë thuhet se gjatë këtyre takimeve, ministrja Gërvalla i njoftoi homologët e saj rreth proceseve nëpër të cilat po kalon Kosova, duke përfshirë sigurinë dhe tendencat destabilizuese të Serbisë, të cilat e rrezikojnë hapur sigurinë dhe stabilitetin jo vetëm në Ballkanin Perëndimor, por edhe më gjerë.

“Bashkëpunimi në fushën e ekonomisë dhe mbështetja për Kosovën në rrugën e saj drejt anëtarësimit në mekanizma ndërkombëtarë ishte gjithashtu pjesë e rëndësishme e diskutimit të frytshëm bilateral me Kroacinë, Portugalinë dhe Lihtenshtajnin”, thuhet në njoftim.