Category: Lajme

Kryetari i Partisë Demokratike të Kosovës, Memli Krasniqi ka shprehur ngushëllimet e tij për vdekjen e ish-komandantit të Ushtrisë Çlirimtare të Kosovës nga Shqiperia, Gani Imerit.

Krasniqi u shpreh se Ganiu dhe familja e tij dhanë një kontribut të jashtëzakonshëm në çlirimin, forcimin dhe shtetndërtimin e Kosovës.

“I trishtë lajmi për vdekjen e ish-Komandantit të UÇK-së në Zonën Operative të Shalës, Gani Imeri. Para, gjatë dhe pas luftës, Ganiu dhe familja e tij Imeri nga Dumnica e Epërme, dhanë një kontribut të jashtëzakonshëm në çlirimin, forcimin dhe shtetndërtimin e vendit tonë”, ka shkruar Krasniqi në Facebook.

“Ai vinte nga një familje atdhetare – dhe një të tillë la mbrapa. Vepra dhe jeta e tij do të jenë frymëzim dhe shembull për gjeneratat që la pas. Ngushëllimet më të thella familjes Imeri, bashkëluftëtarëve të tij, miqve dhe gjithë qytetarëve të Vushtrrisë”.

Shtatë vota me kusht janë regjistruar në qendrën kryesore të votimit në Leposaviq. Pesë prej tyre kanë qenë komisionerë, ndërkaq dy të tjerë të cilët kanë ardhur për të votuar në objektin komunal.

Në këtë objekt komunal janë tri qendra votimi me gjithsej gjashtë vendvotime.

Numri i qytetarëve në Leposaviq me të drejte vote është mbi 13 mijë, në tetë qendra votimi.

Partia më e madhe e serbëve në Kosovë “Lista Serbe” e cila mbeshtetet nga Beogradi, ka ftuar për bojkot të këtyre zgjedhje.

Për shkarkim të kryetarëve duhet të ketë së paku 50 për qind plus një votues me të drejte vote, në secilën nga katër komunat në veri të Kosovës.

Ky votim në katër komunat veriore organizohet bazuar në udhëzimin administrativ të hartuar nga Qeveria, pas presionit të bashkësisë ndërkombëtare për shpalljen e zgjedhjeve të reja në komunat në veri.

Qendra e votimit në shkollën “Isa Boletini” në Zhazhë të Zveçanit, ka 246 votues në këtë qendër por ende asnjë s’ka dalë në votime.

Qendra është hapur në ora 7, teksa materiali votues ka ardhur me kohë dhe është në rregull Kamera është e ndezur dhe po funksionon.

Me kohë është hapur edhe qendra e votimit në fshatin Lipë të Zveçanit, fshat ky me shumicë shqiptare.

Megjithatë, akoma edhe ky vendvotim nuk ka pasur asnjë votues.

Në të gjithë komunën e Zveçanit janë 7 mijë e 209 votues, ndërkaq në këtë qendër janë të regjistruar 204 votues.

Në Kosovë parashihet që sot të mbajë mot kryesisht i vranët dhe me reshje shiu të intensitetit mesatar deri të lartë, ndërsa në viset malore me lartësi mbi 1000 metra parashihen reshje të borës.

Sipas Institutit Hidrometeorologjik të Kosovës, temperaturat minimale do të lëvizin ndërmjet 2-4 gradë Celsius, ndërsa maksimalet e ditës parashihen të lëvizin ndërmjet 6-8 gradë Celsius.

Do të fryjë erë kryesisht nga ana verilindore dhe veriperëndimore me shpejtësi 1-7m/s.

Përgatiti: Pranvera Krasniqi

Rrahman Feta është njëri prej tregtarëve që nga zjarri i nëntë muajve më parë, humbi një pjesë të konsiderueshme të mallit që shiste në tregun e gjelbër në kryeqytet.

Feta, i cili me shitjen e tekstilit ka mbajtur familjen e tij, ende po pret kompensim për dëmet e shkaktuara. Që prej djegies së tendës, ky e ka improvizuar një të ngjashme, në një cep të tregut.

Mirëpo, kolegët e tij, djegien e tendave e kishin përjetuar edhe më rënd.

Përderisa, sipas pronarëve, askush nuk u interesua për gjendjen e tregut pas zjarrit, nga komuna e Prishtinës thonë se kanë një plan të kompensimit.

“Duam t’i bëjmë bashke të gjitha tregjet në Prishtinë, t’ua bëjmë tendat e tyre diku në Hajvali sapo ta nënshkruajmë kontratën do të fillojmë me punimet”, tha Donat Lushaku, zëdhënës në komunën e Prishtinës.

Sipas Lushakut, tregu, së bashku me tendat e reja për tregtarët e Prishtinës, do të jenë gati në fillim të vitit 2025.

Më shumë detaje i gjeni në Edicionin Qendror të lajmeve në videon më poshtë:

Ka vdekur ish-komandanti i Ushtrisë Çlirimtare të Kosovës, Gani Imeri.

Imeri gjatë luftës ishte Komandant i Batalionit IV, të Brigadës 141, Zona Operative e Shalës.

Lajmi për vdekjen e tij e kanë bërë të ditur familjarët dhe bashkëluftëtarët e Imerit.

Derisa, kryetari i Komunës së Vushtrrisë, Ferit Idrizi, ka dërguar telegram ngushëllimi për vdekjen e Gani Imerit.

Shkrimi i plotë nga Ferit Idrizi:

TELEGRAM NGUSHËLLIMI

E nderuara familja Imeri,

Më pikëlloi lajmi për ndarjen nga jeta e Gani Imerit, Komandant i Batalionit IV, të Brigadës 141, Zona Operative e Shalës e UÇK-së. Ai ishte shembull i një luftëtari në Luftën e UÇK-së, i një humanisti dhe udhëheqësi të palodhshëm në shërbim të qytetarëve dhe të atdheut.

E nderuara familje Imeri, duke bashkëndjerë dhimbjen me juve, ju shpreh ngushëllime të thella për ndarjen nga jeta të Komandantit, Gani Imeri.

Emri i tij la gjurmë në historinë më të re të Kosovës.

Lavdi jetës dhe veprës së Komandantit, Gani Imeri!

Përgatiti: Pranvera Krasniqi

Vetëm në 24 orët e fundit, sipas raportit të policisë, në Kosovë janë regjistruar 10 raste të reja të dhunës në familje. Gjysma e tyre kanë ndodhur vetëm në rajonin e Prishtinës.

Shifrat alarmante dhe rastet fundit të vrasjes së grave, kanë nxitur Ambasadën Amerikane në Kosovë të dal me njoftim, duke u bërë thirrje qytetarëve që të raportojnë dhunën.

Ambasada e SHBA-së u është referuar edhe raporteve dhe hulumtimeve të organizatave të shoqërisë civile, sipas të cilave, dhuna në familje është ndër krimet më të paraportuara në Kosovë.

Por, sipas sociologut Jeton Brajshori, ka disa arsye pse nganjëherë viktimat, hezitojnë ta raportojnë dhunën.

“Bash aty ku shkojnë të marrin siguri, aty nuk kanë, madje ka raste që gratë e dhunuara e ndryshojnë deklaratën, ka raste të dhunës që kur raportohen kuptohen se ka pasur dhunë edhe disa herë para raportimit, nuk kanë uxim ta raportojnë…”, tha Brajshori.

Mungesën e sigurisë në institucionet publike e pohon edhe Drejtori i Qendrës për Punë Sociale në Fushë-Kosovë, Abaz Xhigoli.

“Është e vërtetë që institucionet tona duhet të krijonin ambient për dhënien e sigurisë te qytetarët…”, tha Xhigoli.

Ndërkaq, sipas raportit të Policisë, gjatë vitit të kaluar janë raportuar mbi 2,700 raste të dhunës në familje, ku kryesisht pësonte gjinia femërore.

Më shumë detaje i gjeni në Edicionin Qendror të lajmeve në videon më poshtë:

Përgatiti: Armand Hoti

Kryetari i Komunës së Mitrovicës së Veriut, Erden Atiq, së bashku me bashkëshorten e tij, gjenerojnë mbi katër mijë euro në muaj.

Bazuar në të dhënat e Agjencisë për Parandalimin e Korrupsionit, Atiq, po ashtu është pronar i një banese të trashëguar, me vlerë prej 22 mijë eurosh.

Mbi 13 mijë e 500 euro, janë të ardhurat vjetore të kryetarit të Zubin Potokut Izmir Zeqiri. Ky është pronar i një shtëpie, të cilën e trashëgoi nga ati.

Shtëpia e tij, kap një vlerë prej 50 mijë eurosh.

Ai zotëron edhe dy parcela me vlerë të përgjithshme prej 45 mijë eurosh.

I pari i Zubin Potokut posedon edhe një veturë, që kushton mbi tre mijë euro.

Zeqiri ka detyrime financiare në shumë prej mbi 11 mijë eurosh, meqë në vitin 2018 kishte marrë një kredi prej 20 mijë eurosh.

Udhëheqësi i Zveqanit, Ilir Peci dhe familja e tij, gjenerojnë të ardhura mujore prej mbi 2000 eurosh.

Pasurit e paluajtshme të kryetarit Peci, respektivisht, një tokë dhe një shtëpi, prekin shumën e 78 mijë eurove.

Peci është pronar i një veture që kushton mbi tre mijë euro, e të cilën e ka blerë me kursime. Thuajse aq, kanë vlerë edhe metalet e çmuara që posedon familja Peci.

Me parat e kursyera, në vitin 2007, kryetari ndërtoi edhe një fermë me vlerë prej 50 mijë eurosh.

Kryetari Peci, gjithashtu ka detyrime financiare në bankë.

Ndërkaq, i pari i Leposaviqit, Lulzim Hetemi, i cili pasurinë e tij e deklaroi me vonesë, merr pagë mbi 1200 euro në muaj.

Hetemi është pronar i një shtëpie me vlerë prej 10 mijë eurosh, të cilën e përfitoi si donacion, ndërkaq, ai ka në pronësi edhe 35 ari tokë, me vlerë 50 euro.

Më shumë detaje i gjeni në Edicionin Qendror të lajmeve në videon më poshtë: