Një grua nga Mitrovica është dërguar në strehimore bashkë me fëmijët e saj, pasi burri ka ushtruar dhunë në vazhdimësi.
Kështu ka bërë të ditur policia përmes raportit.
“Ankuesja femër kosovare ka raportuar se bashkëshorti i saj, në vazhdimësi ushtron dhunë ndaj saj. I dyshuari është arrestuar dhe pas intervistimit është liruar në procedurë të rregullt, ndërsa viktima së bashku me fëmijët e saj është dërguar në strehimore”, thuhet në raport.
Këshilli Evropian ka njoftuar se sot i ka dhënë dritën e gjelbërt finale projektit miliardësh për Lehtësi të Reformave për Rritje për Ballkanin Perëndimor, si një instrument i ri për të mbështetur reformat e lidhura me Bashkimin Evropian dhe rritjen ekonomike në rajon.
Ky plan do të mbulojë periudhën nga viti 2024 deri në vitin 2027 dhe pritet të ofrojë deri në 2 miliardë euro grandet dhe 4 miliardë euro kredi për gjashtë partnerët e Ballkanit Perëndimor të BE-së në vitet e ardhshme.
Këshilli ka bërë të ditur se parakushtet e përgjithshme për mbështetjen e BE-së në kuadër të instrumentit përfshijnë që partnerët të vazhdojnë të mbështesin dhe respektojnë mekanizmat efektivë demokratikë, duke përfshirë një sistem parlamentar shumëpartiak, zgjedhje të lira dhe të ndershme, media pluraliste, një gjyqësor të pavarur dhe sundim të ligjit, dhe të garantojnë respektimin e të drejtat e njeriut, duke përfshirë të drejtat e personave që u përkasin pakicave.
Ndërkohë për Kosovën dhe Serbinë ka edhe parakushte të tjera, ku përfshihet progresi në Dialog dhe zbatimi i marrëveshjeve të arritura në procesin e negociatave, përfshirë edhe marrëveshjet e kaluara.
Këshilli Evropian ka bërë të ditur se parakusht për këto dy shtete është që ato të angazhohen në mënyrë konstruktive me progres të matshëm dhe rezultate të prekshme në normalizimin e marrëdhënieve të tyre me synimin për të zbatuar plotësisht të gjitha detyrimet e tyre përkatëse që rrjedhin nga Marrëveshja për Rrugën drejt Normalizimit dhe Aneksi i Zbatimit të saj, si si dhe të gjitha Marrëveshjet e Dialogut të kaluar, dhe se ata angazhohen në negociatat për Marrëveshjen Gjithëpërfshirëse për normalizimin e marrëdhënieve.
Në Dhomat e Specializuara të Kosovës (DhSK) në Hagë ka filluar dëshminë dëshmitari i 62-të i Zyrës së Prokurorit të Specializuar i cili mban kodin 03878 në procesin gjyqësor ndaj Hashim Thaçit, Kadri Veselit, Rexhep Selimit dhe Jakup Krasniqit.
Pyetjet për dëshmitarin ka filluar përfaqësuesi i ZPS-së, prokurori Matt Halling i cili fillimisht lexoi një përmbledhje ku tha se dëshmitari ishte arrestuar dhe rrahur nga ushtarët e UÇK-së në fillim të 1999-ës.
“Dëshmitari i ZPS-së është arrestuar nga ushtarët e UÇK-së në fillim të viti 1999. Dëshmitari është rrahur keqazi brenda një periudhë tri javore mbi të cilën ai u transferua dhe u lirua. Dëshmitari 03878 ka vuajtur lëndime dhe plagë të rënda dhe që kanë zgjatur në kohë si rezultat të ndalimit dhe keqtrajtimit të tij”, tha prokurori.
Ky dëshmitar është duke dhënë dëshmi me video-lidhje si dhe është me masa mbrojtëse. Vlen të theksohet se kryetari i trupit gjykues, e pyeti dëshmitarin nëse dëshiron t’i heq këto masa por ai refuzoi kështu që identiteti i tij është i mbrojtur.
Disa pyetje prokurori i bëri në seancë publike ku dëshmitari pohoi se në vendin ku ishte mbajtur i ndaluar kishte roje me armë e po ashtu rrahjet u kryenin me dritë ndezë.
Gjatë kohës sa kanë qenë të ndaluar dëshmitari mohoi se ka qenë para ndonjë gjykatësi e po ashtu tha se nuk kanë pasur akuza zyrtare. Më pas, për mbrojtjen e dëshmitarit, pyetjet e tjera prokurori kërkoi që t’i shtrojë ne seancë private dhe kjo u aprovua nga trupi gjykues.
Sipas gjyqtarit Charles Smith III, dëshmia e këtij dëshmitari pritet të zgjasë rreth një ditë e gjysme. Ai tha se për pyetje prokuroria i ka paraparë rreth një orë, ndërsa kundërpyetjet e mbrojtjes pritet që të marrin kohë rreth gjashtë orë e gjysmë.
Pos kësaj, kryetari i trupit gjykues, Charles Smith III tha se Selimi e Veseli janë të pranishëm fizikisht në seancën e gjyqit ndërsa, Thaçi dhe Krasniqi janë përmes video-lidhjes
Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.
Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.
Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. /Betimi për drejtësi
Para objektit të Agjencisë së Statistikave të Kosovës, është protestuar në shenjë pakënaqësie ndaj ngacmimeve ndaj punëtorëve të ASK-së gjatë regjistrimit të popullsisë, ekonomive familjare dhe banesave, raporton EO.
Para objektit të kësaj agjencie, përfaqësues të organizatës “Fourth Wave”, kanë mbajtur në dorë një mbishkrim “Kam shkuar për regjistrim, jam përballur me intimidim. Siguria është detyrë e shtetit”.
Ata kanë thënë se gratë regjistruese janë lajmëruar te ta dhe kanë thënë se gjatë regjistrimit janë përballuar me intimidim dhe ngacmim.
Nerimane Ferizi nga kjo tha se gjatë këtij procesi kanë pranuar tri raste të ngacmimit në terren gjatë regjistrimit te popullsisë, teksa tha se ato nuk i kanë raportuar rastet në polici.
Ferizi tha se e shohin shqetësuese përgjigjen e u.d drejtorit për këto raste ku në rast ngacmimi ato mund te marrin me vete vëllain, ose dikë tjetër me vete.
Agjencia e Statistikave të Kosovës (ASK) organizoi konferencë për media, lidhur me ecurinë e Javës së pestë të Regjistrimit të Popullsisë, Ekonomive Familjare dhe Banesave në Kosovë (ReKos 2024), raporton EO.
Avni Kastrati (U.D kryeshef Ekzekutiv), Bekim Canoll i (u.d drejtor i DMTI-së), Idris Shala (udhëheqës i GIS) në Agjencinë e Statistikave të Kosovës (ASK) në konferencë për media, kanë dhënë informacione rreth ecurisë së Javës së pestë në terren për Regjistrimin e Popullsisë, Ekonomive Familjare dhe Banesave në Kosovë me të dhëna deri këtë të martë, ora 9-të e mëngjesit.
Kastrati ka thënë se deri më tani pjesëmarrja e popullsisë në regjistrim sipas komunave është 1.204.560.
Ai ka theksuar se kanë mbetur edhe pak takime deri tek të dhënat preliminare.
“Në përgjithësi projekti për regjistrimin e popullsisë është duke iu ofruar fundit dhe nuk kemi probleme të aspektit në terrenit. Njëkohësisht nuk kemi refuzime të mëdha të qytetarëve edhe ato pak, pas diskutimeve po i pranojnë si një e mirë publike. Edhe pajisjet janë duke funksionuar dhe nuk kemi telashe në terren”, ka thënë Kastrati.
Ai tha se disa komuna kanë qenë shumë aktive dhe disa nuk janë angazhuar aq. Jemi duke shpresuar për angazhim më të madh ka thënë ai.
“Deri më tani po i shihni të dhënat ku janë regjistruar mbi 1,204,560 dhe regjistrimi është duke shkruar sipas planit. Edhe komunitetet, të gjitha janë duke marrë pjesë, disa komuna në veri nga serbët ka ende hezitim, një pjesë e tyre po regjistrohet, ka një hezitim por një pjesë po regjistrohet”, ka thënë Shala.
Sa i përket kualitetit të të dhënave, Kastrati ka thënë se janë duke u shfrytëzuar burime, si ato të kaluarat.
“Për to janë duke u shfrytëzuar burime, si ato të kaluarat. Krahasuar me burime tjera vet sistemi e gjeneron që duhet të rishikohet, është për tu përgëzuar pasi kjo bëhet për herë të parë pasi vitet tjera ishte metodologji tjetër”, ka thënë Kastrati.
Kastrati tha se nëse vazhdon kështu, procesi do të përfundoj i suksesshëm.
I pyetur rreth ngacmimeve që mund tu bëhen grave dhe vajzave gjatë intervistimit në terren, Kastrati tha se ato kanë pasur trajnime të cilat mund ti shfrytëzojnë në raste.
Sipas tij deri më tani nuk ka pasur ndonjë ankesë të tillë deri sa përmendi një rast të viteve të kaluara ku ishte dorëzuar një ankesë me shkrim për ngacmim e që sipas tij kishte rezultuar se ajo kishte faj.
Ish presidenti i Sllovenisë, Borut Pahor, tash kandidat për postin e emisarit të BE’së për dialogun Kosovë- Serbi ka thënë se për shkak të rritjes së kërkesave për deklarata dhe intervista, më nuk do të flasë për media.
Në një postim në “X” ai ka thënë se nuk do të deklarohet derisa të përfundojë procesi i përzgjedhjes së emisarit të posaçëm të BE’së për dialogun Kosovë- Serbi.
“Duke pasur parasysh numrin në rritje të kërkesave për deklarata apo intervista, veçanërisht nga rajoni, ish-presidenti Borut Pahor nuk po jep deklarata apo intervista deri në përfundim të procesit të përzgjedhjes së përfaqësuesit special të BE-së për dialogun Beograd-Prishtinë dhe çështje të tjera rajonale. Faleminderit për mirëkuptimin.”
Katër raste të dhunës në familje u regjistruan gjatë së hënës së 6 majit në Prishtinë.
Dy raste të dhunës u raportuan në Fushë Kosovë, derisa një tjetër në Prishtinë e Obiliq.
Në Fushë Kosovë janë arrestuar dy të dyshuar meshkuj kosovar. Në njërin rast burri kishte sulmuar gruan së bashku me vajzat e tij, derisa në rastin tjetër një burrë pas një mosmarrëveshje kishte sulmuar fizikisht të fejuarën e tij.
Derisa, në Prishtinë, viktima femër kosovare, ka raportuar se i dyshuari mashkull kosovar-bashkëshorti i saj, e ka sulmuar fizikisht.
Lidhur me rastin, në prezencë të zyrtarit të QPS-së viktima pas intervistimit, me dëshirën e saj ka shkuar në strehimore bashkë me dy fëmijët e saj.
Ndërsa, në Obiliq ankuesja femër kosovare ka raportuar se djali i saj i birësuar i dyshuari mashkull kosovar, i cili nuk ka qëndrueshmëri psikike ka shkaktuar dhunë ndaj saj.
Kryetari i Komunës së Rahovecit, Smajl Latifi, ka njoftuar se ka vdekur infermieri disavjeçar, Skender Hoti. I ndjeri për disa vite ka shërbyer si infermier në Qendrën e Mjekësisë Familjare në Ratkoc, raporton Ekonomia Online.
Hoti ka qenë edhe ish-luftëtar i UÇK-së në zonën e Rahovecit.
“Pas një sëmundjeje të rëndë, u nda nga jeta veterani i UÇK-së, Skender Sokol Hoti, nga fshati Ratkoc. Kontributi i Skenderit në luftën për liri, por edhe pas luftës në fushën e shëndetësisë si infermier në Qendrën e Mjekësisë Familjare në Ratkoc, është shumë i madh dhe asnjëherë nuk do të harrohet. Me këtë rast, u shpreh ngushëllimet më të sinqerta familjes së ngushtë të Skenderit, vëllezërve të tij, farefisit, miqve, kolegëve nga QKMF-ja në Rahovec dhe të gjithë bashkëluftëtarëve”, ka shkruar Latifi.
Kryeministri i Kosovës, Albin Kurti, në një postim të tij në platformën X ka thënë se Serbia po propagandon për dhunë ndaj serbëve në Kosovë.
Ai ka publikuar të dhëna lidhur me vrasjet në Kosovë nga viti 2021 deri në vitin 2024.
Sipas Kurtit kanë ndodhur 86 vrasje, prej të cilave në 81 raste viktimat ishin shqiptarë, 3 serbë dhe 2 etni tjera.
“Statistikat zyrtare të policisë tregojnë se nga viti ’21 deri në ’24, në Kosovë janë gjithsej 86 vrasje: 81 shqiptarë, 3 serbë dhe 2 etni të tjera. 3 serbë u vranë në ’22; 2 në komunën e Mitrovicës së Veriut dhe një në Graçanicë. Për të tre vrasjet ka vetëm të dyshuar serbë”, ka shkruar Kurti.
“Çdo person në Kosovë, vendor apo ndërkombëtar, e di: propaganda serbe për dhunën ndaj serbëve është pikërisht ajo – propagandë. Faktet flasin vetë, duke hedhur poshtë gënjeshtrat tinëzare dhe duke zbuluar gjatësinë që do të shkonte një regjim autoritar për të mbjellë kaos”, ka përfunduar ai.
Dhjetëra punëtorë të “Kosova Thëngjillit”, kanë protestuar të martën para ndërtesës së Qeverisë, në shenjë pakënaqësie për ndërprerjen e kontratës që dy vite, raporton EO.
Protestën, punëtorët kanë thënë se do ta vazhdojnë edhe ditët në vijim dhe se pa plotësimin e kushteve nuk e kanë ndërmend ta
Zaim Maxhuni, anëtar i Bordit në “Kosova Thëngjill”, në një prononcim për Ekonomia Online, ka thënë se arsyeja e kësaj proteste është vazhdimi i kontratës për punë.
Ai ka thënë se kontrata e KEK-ut u është ndërpre që dy vite, ndonëse për vazhdimin e saj kishin marrë premtim nga Ministria e Ekonomisë.
“Së pari jemi punëtor të ‘Kosova Thëngjillit’ në Obiliq jemi të ndara nga KEK-u, nga viti 2003 jem ish-punëtor të KEK-ut. Arsyeja dihen përse janë nda kanë qenë sigurisht arsyeja personale mirëpo nga viti 2003 kemi punuar me kontrata, kanë qenë me KEK-un. KEK-u na ka shit thëngjillin neve, ne e kem plasu ne treg te konsumatorët, te tregu privat dhe bizneset që më së shumti ka ble ‘Ferronikeli’. Na jem dikund 160 punëtorë të ‘Kosova Thëngilli’ ku në vitin 2021-2022 Kosova thëngjilli ka arrit me bo qarkullim rreth 1 milionë edhe ka qenë kompani profitabile. Kemi operuar me sukses po nuk e di pse nuk na u vazhdohet kontrata kemi bërë edhe borxhet e vjetra e te reja ndaj KEK-ut nuk kemi pas probleme punëtoret kanë punuar në rregull”, ka thënë ai.
“Qysh nga 1 korriku 2022 na është ndërpre kontrata para kohës gjashte muaj para afatit para se me u skadu qysh prej asaj dite dikund rreth protesta 10-11 i kemi bërë të gjitha kanë qenë boshe edhe pse na kanë premtuar që do të bëjmë një zgjedhje do të bëjmë diçka me KEK-un, Ministria e Ekonomisë prapë se prapë sot e atë dite jemi pa punë. Na mundeni me vazhdu me protesta i mjet demokratik tjetër sen nuk dina çka me vazhdu na nuk kërkojmë lëmosh na kërkojmë vetëm punë nuk jem barrë për KEK-un veç ka fitime profit për neve nuk ka diqka që mundet me dëmtua dikun 1 milionë euro 70 përqindëshin e atij qarkullimit i merr KEK-u, ne dikun 30 për qind”, u shpreh ai.
