Category: Lajme

Presidentja e vendit, Vjosa Osmani ka shprehur ngushëllime për ndarjen nga jeta të at Antonio Belushit.

“Me dhimbje të thellë mora lajmin për kalimin në amshim të at Antonio Belushit, veprimtarit të paepur të çështjes shqiptare, i cili përveç se kultivoi me pasion gjuhën arbëreshe, nga vitet ‘90, bashkë me Presidentin Rugova e veprimtarë të tjerë, e mbrojti të drejtën e shqiptarëve për liri.

Ndarja e tij nga jeta është humbje e madhe për familjen e miqtë, kishën arbëreshe, institucionet e popullin arbëresh të Kalabrisë e gjithë Italisë së Jugut”, shkruan në shkrimin zyrtar.

Derisa u tha se kishte nderin ta takonte në bibliotekën e pasur të tij, të cilën e krijoi dhe e mbajti me aq përkushtim deri në vdekje.

“Si Presidente e vendit, kur ia akordova shtetësinë e Kosovës, ishte i stërlumtur, sepse e iu plotësua dëshira e tij jetësore. I përhershëm qoftë kujtimi për at Antonio Belushin”, përfundoi Osmani.

Projektligji për Noterinë ka marrë dritën jeshile nga Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit, i cili të enjten u votua me shtatë vota pro, asnjë kundër dhe asnjë abstenim, raporton Ekonomia Online.

Ndryshe nga ky Projektligj, partitë opozitare patën pakënaqësi në raportet e Komisioneve kryesore për Projektligjin për ndryshimin dhe plotësimin e Ligjit për Këshillin Prokurorial të Kosovës. Të njëjtin, e quan në kundërshtim me direktivat e Bashkimit Evropian.

Deputeti i Lidhjes Demokratike të Kosovës, Driton Selmanaj, tha se komisioni ka pranuar një letër nga Bashkimi Evropian por që kryetari Adnan Rrustemi nuk i ka njoftuar.

“Nuk na keni tregu qe keni pranuar një letër nga BE-ja që e keni marrë më 15 maj, që thotë që ta rikonstruktoni të Komisionit të Venecias. Po beni shumë keq qe po miratoni ligje duke deformuar sistemin. Unë normalisht do ta votoj kundër”, tha Selmanaj.

Por kryetari Rrustemi tha se nuk sheh asnjë pengesë dhe do ta procedojë për miratim në Kuvend, pas votimit në këtë komision.

“Unë nuk po shoh asnjë pengesë ne i kemi shiku dhe po i trajtojmë përfundimisht i merr për bazë të gjitha. Vet mendojë që reformat të jenë më të thella”, tha Rrustemi.

Por kjo mënyrë sipas Selmanajt është e gabuar.

“LDK është e interesuar me pas reformë të mirëfilltë. Unë personalisht jam kundër, kjo mënyrë është gabim kur e kam parë qasjen e kam parë që kjo është fatkeqësi”, tha Selmanaj.

Përkundër kritikave, raporti me amendamente është miratuar me gjashtë vota.

Ndërsa deputeti i Partisë Demokratike të Kosovës, Hajdar Beqa, pyeti Rrustemin se pse Kosova për katër vite nuk ka kryeprokuror të shtetit.

“Fazën që jemi nuk jam për me lëshu materie, unë e pata vërejtjen që letrat kur vijnë nga institucionet siç janë nga BE-ja është mirë me njoftu. Kjo letër ka kuptimin e vet dhe reflekton në të ardhmen dhe Gjykatën Kushtetuese. Që katër vite nuk kemi kryeprokuror tani thoni që e kemi hequr korrupsionin”, tha Beqa.

E deputeti tjetër i pushtetit, Dimal Basha, deklaroi se nuk e ka parë letrën e dërguar nga BE-ja.

“Unë nuk e kam parë atë letër, ka qenë një grup punues dhe është mirë që po na shkruajnë letra BE-ja dhe po e nënçmoni punën e grupit të tyre. Ne po duam vetëm një sistem të drejtësisë që punon mirë”, u shpreh Basha.

Gjithashtu, aty u miratua edhe Projektligji i Këshillit për të Drejtat Pronësore të Shtetasve të Huaj me nëntë vota pro e asnjë kundër.

Votimet u realizuan pas më shumë se gjysmë ore diskutime.

Disa banorë nga fshati Shipitullë të Obiliqit kanë protestuar para ndërtesës së Qeverisë së Kosovës lidhur me shpronësimin e tokave të tyre.

Njëri nga banorët e këtij fshati, Arsim Mjeku tha se KEK-u u ka marrë rreth 95 për qind të tokave, duke u lënë atyre vetëm 5 për qind shtëpi.

Si pasojë e kësaj, Mjeku tha se banorëve të Shipitullës nuk po u lejohet të ndërtojnë shtëpi apo të hapin biznese, duke u thënë se do të bëhet shpronësimi i këtij fshati tërësisht.

Ai shtoi se prej vitit 2004 janë të anashkaluar nga komuna, KEK-u dhe qeveria dhe se kërkesat e tyre nuk po merren parasysh.

Tutje, Mjeku tha se KEK-u i ka marrë 16 shtëpi dhe ka lënë 50 të tjera, për çka edhe banorët po kërkojnë që të shpronësohen të gjitha.

Ai tha se nuk do të ndalen vetëm me protesta por do të vazhdojnë të kërkojnë drejtësi lidhur me këtë çështje.

“Ne jemi banorët e fshatit Shipitullë. Jemi ardhur sot t’i shprehim pakënaqësitë të fshatit Shipitullë lidhur me shpronësimin qe ka bërë KEK-u në fshatin Shipitullë, Komuna e Obiliqit. E ka marrë tokën 95 për qind, i ka lënë shtëpia veç 5 për qind. Prej 2004 ne banorët e fshatit Shipitullë jemi të anashkaluar nga Komuna, Qeveria, KEK-u. Nuk lejojnë të ndërtojmë shtëpi, nuk të lejojnë të bësh biznes, nuk lejojnë se gjoja do të bëhet shpronësimi i fshatit Shipitullë. Në vitin 2024 KEK-u ka marrë 95 për qind tokën, 5 për qind i ka lënë shtëpia. I ka marrë 16 shtëpi, i ka lënë 50. Ne kërkojmë “krejt dhe drejt” 50 shtëpi kanë mbetur, edhe ato të shpronësohen. Përndryshe ne nuk do të ndalemi me protesta deri sa të kërkojmë të drejtën tonë sepse jemi në të drejtën tonë dhe nuk kemi kah të shkojmë.

Edhe banori, Xhemil Mjekiqi tha se këto gjëra janë bërë me mashtrime, derisa potencoi se janë në hall.

Duke u shprehur i revoltuar për procesin e shpronësimit, ai shtoi se shumë shtëpi kanë mbetur pa ujë e rrymë.

“Ne jemi banorët e fshatit Shipitullë. Halle kemi kur është shpronësuar herën e parë… Do na ka rrokë e do s’na ka rrokë, ishte siç ishte puna… Herën e dytë kur për këtë 1 hektarë e 60 ari, kjo është bërë me njoftësi, me para…Nuk e di çfarë i thotë njeriu kësaj pune… Tokat ju kanë marrë e shtëpitë kanë mbetur pa ujë, pa rrymë, pa rrugë, pa ambulantë, pa shkollë. Ne jemi hallexhinj”, tha ai.

Banorët kanë vendosur banerë pranë ndërtesës së Qeverisë dhe Kuvendit të Kosovës me mbishkrimin “Krejt dhe drejt nuk është kryeministër”.

Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, mori pjesë mbrëmë në pritjen e organizuar nga ambasada britanike në Kosovë, me rastin e Ditëlindjes së Madhërisë së Tij, Mbretit Charles III, raporton Ekonomia Online.

Në fjalën e tij, ai shprehu se Mbretëria e Bashkuar mban një vend të veçantë në zemrat dhe mendjet tona, për mbështetjen e vazhdueshme ndaj Kosovës.

“Në rrugëtimin tonë për liri, Mbretëria e Bashkuar ka qenë gjithmonë një aleat i palëkundur – një komb që përkrah lirinë dhe vlerat demokratike, që na qëndruan pranë gjatë luftës dhe përpjekjeve tona për çlirim, dhe vitet pasuese të rindërtimit të vendit tonë. Javën e kaluar, pritëm ish-kryeministrin Tony Blair, për të shënuar së bashku 25 vjet nga çlirimi i Kosovës. Ne e vlerësojmë shumë dhe nuk do ta harrojmë kurrë mbështetjen e tij të palëkundur gjatë luftës.” tha zëvendëskryeministri.

Më tej, ai shtoi se Kosova është tashmë një shtet i cili synon anëtarësimin në OKB, BE, NATO, Këshill të Evropës, dhe që po fuqizon themelet e demokracisë dhe lirisë, të drejtave civile dhe sundimit të ligjit.

“Në aspiratat dhe rrugëtimin që kemi përpara, ne kemi besim se me mbështetjen e Mbretërisë së Bashkuar dhe aleatëve tanë perëndimorë, do t’i arrijmë qëllimet tona, teksa marrëdhëniet tona diplomatike, vizitat dypalëshe, bashkëpunimi dhe lidhja ndërnjerëzore po forcohen dita-ditës. Një lidhje më e thellë në politikë, kulturë, ekonomi, siguri dhe shumë fusha të tjera”, përfundoi zëvendëskryeministri.

49 për qind e qytetarëve nuk janë të kënaqur në dialogun me Serbinë, ndërsa mbështetje nuk i dhanë as vazhdimësisë së këtij procesi për pesë vitet e ardhshme. Kështu u tha në prezantimin e rezultateve të sondazhit “Zëri i Popullit rreth ‘Shtegut të Paqes’ ndërmjet Kosovës dhe Serbisë: Shpalosja e Rolit të Grave”, të organizuar nga Instituti Kërkimor për Çështje Evropiane dhe të Zhvillimit (RIDEA), raporton Ekonomia Online.

Në këtë hulumtim, kanë marrë pjesë 1.108 respodentë, nga të gjitha komunat e Kosovës. Prej tyre, 89 për qind kanë qenë shqiptarë, 9 për qind serb dhe 2 për qind të grupeve tjera etnike. Ndërkaq, 43 për qind e respodentëve kanë qenë burra, ndërsa 57 për qind gra.

E në grupin e dytë të gjetjeve për marrëveshjen e fundit të Brukselit mes Kosovës dhe Serbisë e lidhur me aneksin e Ohrit, 43 për qind të mostrave u ndanë te pakënaqur për gjendjen dhe rezultatin.

Deputetja e Lëvizjes Vetëvendosje, Mirlinda Tishukaj-Sadiku, ka thënë se pjesëmarrja e serbëve në këtë hulumtim nuk është i kënaqshëm.

“Mendoj se ky hulumtim është bazë e mirë e perceptimit te opinionit publik por përfshirja e komunitetit serb në hulumtim është numër i vogël, pa dashur të kontestoj përgjigjet e këtij studimi, opinioni im është se numri serb është shumë i vogël duke marrë parasysh qe si temë ka qenë roli i grave në procesin e dialogut. Ky hulumtim është marrë edhe në aspektin politik, gjinor por edhe në operacionalizimin e aspektit të ndikimit politik tek asociacionin, andaj fokusi nuk ka qenë vetëm tek roli i gruas por në brendi ka edhe pika tjera, si marrëveshja e Ohrit në marsin e vitit 2023”, u shpreh Tishukaj, teksa përmend edhe përfshirjen e presidentes Osmani në Këshill të Sigurisë së OKB.

“Sa i përket të kaluarës, përfaqësuese femër ka qenë Edita Tahiri por edhe tash me ligj e drejta i takon kryeministrit Albin Kurti, por nuk është që ka mbetur edhe presidentja e vendit, Vjosa Osmani, të gjithë e dimë përfaqësimin e saj në Këshillin e Sigurisë në OKB ku ia përplasi të vërteten presidentit serb Vuçiq, por edhe ministren e punëve të jashtme, Donika Gërvalla”, tha tutje ajo.

Nënkryetarja e Partisë Demokratike të Kosovës, Mimoza Ahmetaj, ka thënë se me kalimin e viteve ndryshimet politike janë pasqyruar mes këtij raporti.

“Në vitin 2010 dialogu është parë si aspekt i fundit për ndërtimin e rrugës drejt anëtarësimit të BE-së. Dialogun e dimë se në fillim e kanë udhëhequr Edita Tahiri e cila ka pasur respektin e gjithë qeverisë, ajo e barti barrën e takimeve të renda me palën serbe. Kanë kaluar 13 vite, dje kanë ndodhur shumë ndryshime politike dhe ky raport qe po e diskutojmë sot jep drite mbi atë se çka ndodh në Kosovë dhe rreth saj”, u shpreh ajo.

Deputetja e Lidhjes Demokratike të Kosovës, Valentina Bunjaku-Rexhepi, ka thënë se nuk ka pasur përfaqësim nga gratë në dialog, që nga koha e ish-kryenegociatorës, Edita Tahiri.

“Prej kohës së Edita Tahirit nuk ka pasur gra në përfaqësim. Ka shumë arsye se gratë dinë dhe munden, përfshirja e grave në dialogun Kosovë-Serbi është e nevojshme kur për këto 4 vite të qeverisë nuk kemi pasur progres është edhe arsye mungesa e grave.

Ndërkaq deputetja e Aleancës për Ardhmërinë e Kosovës, Time Kadrijaj, ka thënë se Kosova ka pranuar dialogun pa pranuar kërkim falje nga Serbia për krimet e luftës. Sipas saj, dialogu me Serbinë është dashur të zhvillohet me parime.

“Gjatë këtij rrugëtimi të dialogut kemi pasur marrëveshje por sa janë zbatuar ato. Disa po disa s’janë zbatuar fare. Më duket se jemi përballur me standarde të dyfishta. Në vitin 2018, Kosova ka marr miratim pozitiv dhe atë drejtë e gëzoi në vitin 2024. Kemi filluar me një dialog teknik i cili kaloi tutje në politik, me drejtim në Bruksel, e stërgjatët dialogu tash e 13 vjet, i cili është rezultati i këtij dialog, është dashur të ketë dialog me parime”, u shpreh ajo.

E zëvendësambasadori i Gjermanisë në Kosovë, Mathias Conrad, tha se Kosova mund të mësoj shumë dhe se ky raport paraqet prezantim të mirë.

“Dialogu është e vetmja rrugë, është proces i vështirë dhe as nuk kemi pritur të jetë i lehtë, për faktin se na është dashur shumë kohë për arritjen e marrëveshjeve te vogla. Sa i përket marrëveshjes e Ohrit, më duket interesante se 40 për qind nuk kanë mendim sepse unë mendoj se kjo marrëveshje e ka ndryshuar lojën, duhet implementuar”, u shpreh ai.

Kryeministri Albin Kurti, me ftesë të përfaqësuesit të posaçëm gjerman për Ballkanin Perëndimor, Manual Sarrazin, dje ka qenë për vizitë në Portin e Hamburgut për të parë nga afër Sistemin e Skanimit të Ngarkesave me Rreze X.

Kurti tha se shkoi atje për të mësuar më shumë rreth mundësive që edhe Republika e Kosovës të pajiset me një sistem të këtillë.

Nga atje Kurti tha se po shikojnë mundësitë që qeveria gjermane ta pajisë edhe Kosovën me një skaner të tillë.

“Sot në këtë vizitë po shohim se cilat janë edhe kushtet me të cilët qeveria gjermane do të ishte dakord që të na pajiste edhe neve me një skaner të këtillë me rreze X ashtu që të rritet siguria në kufijtë e Kosovës sa i përket mallrave që na hyjnë dhe gjithashtu të bëhemi pjesë e Evropës sa i përket mbikëqyrjes së kufijve dhe tregtisë së sigurt”.

Prononcimi i plotë i kryeministrit Kurti:

Jam këtu në Portin e Hamburgut me një delegacion nga Kosova, me ftesë të përfaqësuesit të posaçëm të qeverisë gjermane për Ballkanin Perëndimor, z. Manuel Sarrazin të cilin e falënderoj për mikpritjen e ngrohtë, për këtë vizitë e cila ka të bëjë me vëzhgimin dhe mësimin e këtij skanimi me rreze X që zhvillohet në portin e Hamburgut për kontejnerët, maunët, dhe transportuesit e tjerë.

Jemi të interesuar që të kemi tregti të sigurt andaj siguria në Kosovë nënkupton sigurinë e kufijve dhe sot në këtë vizitë po shohim se cilat janë edhe kushtet me të cilët qeveria gjermane do të ishte dakord që të na pajiste edhe neve me një skaner të këtillë me rreze X ashtu që të rritet siguria në kufijtë e Kosovës sa i përket mallrave që na hyjnë dhe gjithashtu të bëhemi pjesë e Evropës sa i përket mbikëqyrjes së kufijve dhe tregtisë së sigurt.

E falënderoj edhe një herë z. Sarrazin për këtë mundësi në portin e Hamburgut ku bëhet kontrolli kulmor i mallrave sa i përket sigurisë.

Vera e vitit 2024 fillon sot në orën 22:50. Sot është dita më e gjatë e vitit dhe do të zgjasë deri në 15 orë e 35 minuta.

Në ditën e fillimit të verës, dita është më e gjata, dhe nata është më e shkurtra.

Këtë ditë rrezet e Diellit bien nën kënd të drejtë në kthimin verior dhe nën këndin më të madh në hemisferën veriore.

Dita zgjat shumë më shumë se nata, sot dita do të zgjasë deri në 15 orë e 35 minuta.

Dita e gjatë dhe pozicioni i diellit gjithashtu ndikojnë që rrezatimi diellor të jetë më i fortë, ndaj indeksi UV do të jetë shumë i lartë këto ditë. Kujdes nga rrezatimet diellore, veçanërisht në pjesën më të nxehtë të ditës nga ora 10:00 deri në orën 18:00.

Vera e vitit 2024 do të përfundojë të dielën, më 22 shtator 2024, në orën 14:43.

Publicisti Bardhyl Mahmuti ka kërkuar që të shpallet ditë zie pas vdekjes së At Antonio Belushit dhe që Kuvendi i Kosovës të mbajë seancë të jashtëzakonshme.

Mahmuti ka thënë se “në momentet më të rënda të historisë së popullit shqiptar të Kosovës, në kohën kur shteti serb zbatonte planin gjenocidal “Patkoi”, Atë Antonio Bellusci e denoncoi me tërë forcën intelektuale në opinionin publik të Italisë”.

“Me pikëllim të madh morëm lajmin për vdekjen e Atë Antonio Bellusci, që pasqyronte hulumtuesin e përkushtuar të kulturës iliro-shqiptare, studimet etnografike të së cilit hodhë ndritë mbi trashëgiminë gojore të arbreshëve në itali dhe Greqi. Në momentet më të rënda të historisë së popullit shqiptar të Kosovës, në kohën kur shteti serb zbatonte planin gjenocidal “Patkoi”, Atë Antonio Bellusci e denoncoi me tërë forcën intelektuale në opinionin publik të Italisë! Në shenjë nderimi për këtë atdhetar dhe humanist të madh, Kuvendi i Kosovës duhet të mbajë një senacë të jashtëzakonshme dhe të shpallë ditë zije!”, ka shkruar Mahmuti.

I quajtur edhe si “Ati shpirtëror i arbëreshëve të Italisë”, Belushi është ka dhënë dëshmi të panumërta për mbrojtjen e kauzës shqiptare, sidomos asaj të Kosovës, si klerik dhe veprimtar shkencor e humanitar, gjithandej nëpër botë.

Kryetari i PSD-së, Dardan Molliqaj, edhe një herë e ka përsëritur qëndrimin e tij për shkëmbimin e territoreve me Serbinë.

Ai në “Debat Plus” tha se themelimi i Asociacionit do të krijojë shumë probleme, derisa shtoi se dhënia e veriut e marrja e Luginës së Preshevës është zgjidhja më e mirë.

“Kryetari i Asociacionit ka m’u ba opozitari i kryeministrit, s’po kryhet kjo punë. Duhet me diskutu mundësinë e ripërcaktimit, unë jam për këtë punë, jo pse se thotë kërkush, e them sepse besoj që është e mundshme dhe e duhur. S’po kërkoj diçka që s’ka hapësirë te ndërkombëtarët”, tha ai.

“Ata që janë me dhënë veriun në kuptimin e ndryshimin e kufijve, që me marrë Luginën e Preshevës janë njerëz që ia dojnë më të mirën Kosovës”, vijoi ai.