Category: Lajme

Policia ka arrestuar të dyshuarin që rrahu bashkëshorten e tij në Prizren. Videoja e rrahjes brutale është publikuar sot në rrjetet sociale.

Lajmin e ka konfirmuar zëdhënësi i Policisë, Vesel Gashi, i cili tha se edhe I dyshuari dhe viktima janë shoqëruar në stacionin policor dhe janë intervistuar.

“Sot me datë 20.06.2024 disa media kanë publikuar një video regjistrim në të ciljn shihet sesi një mashkull ushtron dhunë ndaj nje femre. Posa është parë video regjistrimi hetuesit e Stacionit Policor të Prizrenit kane ndërmarr veprime hetimore dhe është identifikuar i dyshuari dhe viktima. Polcia ka lokalizuar të dy dhe janë shoqëruar për në stacionin policor. Janë intervsituar të dy nga hetuesit e dhunës në familje, ngase i dyshuari dhe viktima janë janë çift dhe bashkëjetojn.. Policia ka informuar prokurorin e shtetit dhe është vepruar në bazë të udhëzimeve të tij”.

“Pas intervistimit të dyshuarit në prezencën e avokatit nga prokurori është lëshuar vendim mbi ndalimin për 48 orë për të. Viktima është njftuar për të drejtat e saj”.

Zëvendëskryeministri i Kosovës Besnik Bislimi tha se takimet vjetore me Suedinë, janë mundësi e mirë për të thelluar partneritetin, analizuar e reflektuar arritjet e deritanishme, sfidat gjatë zbatimit të projekteve si dhe mundësitë që paraqiten për të ardhmen.

“Bashkëpunimi i ngushtë me Suedinë, ka për synim strategjik rritjen e ndikimit të projekteve të përbashkëta, duke i ndërlidhur ato edhe me reformat të cilat po i ndërmarrim në kontekst të procesit të integrimit evropian dhe të zhvillimit të vendit”, ka shkruar Bislimi.

Zëvendëskryeministri tha se diskutuan mbi kontributin e vazhdueshëm e të palëkundur të Suedisë në zhvillimin e Kosovës, pasqyrën e strategjisë së bashkëpunimit zhvillimor, si dhe prioritetet e fushat e fokusit për periudhën 2021-2027

“Ato prekin projekte e iniciativa ekzistuese dhe të mundshme në të ardhmen, me ndikim në të drejtat e njeriut, demokracinë, sundimin e ligjit, barazinë gjinore, gjithëpërfshirjen, zhvillimin e qëndrueshëm dhe mjedisin, si dhe zhvillimin ekonomik”, përfundoi ai.

Rusia e sulmoi të enjten një fshat në rajonin lindor të Ukrainës, Donjeck, duke i vrarë tre njerëz dhe duke i plagosur katër të tjerë, përfshirë një fëmijë, thanë zyrtarët.

Fshati Rozkishne, rreth 25 kilometra larg vijës së frontit, ishte cak i sulmeve, thanë prokurorët rajonalë në Telegram.

Sipas të dhënave të para, trupat ruse përdorën sistemin Smerch, për të kryer sulme me municione thërrmuese, thanë ata.

Në mesin e të plagosurve është edhe një djalë 14-vjeçar, i cili u dërgua në spital.

Katër shtëpi, vetura dhe një tubacion gazi u dëmtuan gjatë sulmit, njoftuan ata.

Rusia kreu sulme me raketa dhe dronë gjatë natës, duke dëmtuar infrastrukturën e energjisë në katër rajone, tha kompania kombëtare e energjisë, Ukrenerho më 20 qershor.

Përveç Donjeckut, u sulmuan edhe rajonet Vinitsjas, Dnipropetrovski dhe Harkiv.

Forcat Ajrore të Ukrainës raportuan se Rusia sulmoi Ukrainën më 20 qershor me nëntë raketa dhe 27 dronë.

Ushtria ukrainase tha se ka rrëzuar të gjithë dronët dh pesë raketa./REL/

Ministria e Shëndetësisë u ka bërë thirrje qytetarëve që të kenë kujdes të shtuar nga temperaturat e larta.

Përmes një postimi në faqen zyrtare, Ministria ka apeluar te qytetarët që t’u përmbahen rekomandimeve të MSh-së dhe Institutit Kombëtar të Shëndetësisë Publike.

“Të moshuarve dhe atyre me sëmundje kronike u bëhet thirrje që të shmangin diellin nga ora 10:00 deri në orën 17:00, të pini ujë dhe të shmangni pijet me sheqer, alkool dhe kafeinë, të vishni veshje të lehta, mos t’i leni fëmijët apo kafshët në makinë, të mbani shtëpinë e freskët dhe të qëndroni në hije”, thuhet mes tjerash në postimin e MSh-së.

Ushtria izraelite liroi të enjten 33 të burgosur palestinezë nga Rripi i Gazës, sipas burimeve mjekësore.

“Të arrestuarit e liruar u pranuan në Spitalin e Martirëve Al-Aksa me trupa të dobët dhe shenja torture”, thanë burimet.

Sipas një gazetari të Anadolu, të arrestuarit u liruan në lindje të Deir al-Balah në Rripin qendror të Gazës.

Ushtria izraelite besohet se ka arrestuar mijëra palestinezë nga Gaza, duke përfshirë gra, fëmijë dhe mjekë, në mes të ofensivës së saj vdekjeprurëse në enklavë.

Dhjetra të burgosur të liruar nga ushtria izraelite në javët e fundit kanë përshkruar torturat dhe keqtrajtimet gjatë marrjes në pyetje ndërsa ishin në paraburgim.

Duke shpërfillur një rezolutë të Këshillit të Sigurimit të OKB-së që kërkon një armëpushim të menjëhershëm, Izraeli është përballur me dënimin ndërkombëtar në mes të ofensivës së tij brutale të vazhdueshme në Gaza që nga një sulm i 7 tetorit 2023 nga grupi palestinez Hamas.

Afro 37,400 palestinezë janë vrarë që atëherë në Gaza, shumica prej tyre gra dhe fëmijë, dhe më shumë se 85,500 të tjerë janë plagosur, sipas autoriteteve lokale shëndetësore.

Izraeli akuzohet për gjenocid në Gjykatën Ndërkombëtare të Drejtësisë, vendimi i fundit i së cilës urdhëroi Tel Aviv-in të ndalojë menjëherë operacionin e tij ushtarak në qytetin jugor të Rafahut, ku mbi një milion palestinezë kishin kërkuar strehim nga lufta përpara se të pushtohej më 6 maj.

Kryeministri i Kosovës Albin Kurti ka shpërndarë një video në rretin social Facebook duke thënë se Kosova tash ka Observator dhe Planetarium Kombëtar, me teleskopin diellor më të madh në Evropën Lindore.

“Puna më pak se dy vjeçare dhe bashkëpunimi ndërmjet Ministrisë së Arsimit, Shkencës, Teknologjisë dhe Inovacionit, Komunës së Shtimes, Organizatës “Astronomy Outreach of Kosovo” e përmes tyre me kompaninë e prodhimit të teleskopëve, Celestron, kompanisë Sky-Ëatcher USA dhe organizatës amerikane Sunlit Earth!/The Charlie Bates Solar Astronomy Project, tash do t’i ofrojë të gjithëve mundësinë për të vrojtuar gjithësinë, teksa zgjerojmë limitet e kureshtjes. Përhumbje e lundrim në hapësirë, për një përvojë për t’u përjetuar”, ka shkruar Kurti.

Komuna e Prishtinës ka reaguar ndaj pretendimeve për nisje të hetimeve nga Prokuroria Speciale për kontratën me Shërbimin e Arkitektit të Kryeqytetit.

Në një përgjigje me shkrim për Ekonomia Online, Kryeqyteti ka bërë të ditur se asnjë zyrtar komunal, përfshirë kryetarin Përparim Rama, nuk është kontaktuar e as intervistuar nga Prokuroria Speciale.

“Kryeqyteti nuk ka asnjë informatë apo komunikim zyrtar rreth fillimit të hetimeve për kontratën me Shërbimin e Arkitektit të Kryeqytetit. Asnjë zyrtar komunal nuk është kontaktuar e as intervistuar nga Prokuroria Speciale. As kryetari i Kryeqytetit nuk është ftuar për intervistim në asnjë cilësi për këtë kontratë, dhe për asnjë hetim tjetër për këtë çështje”, thuhet në përgjigjen e tyre.

Kryetari i Prishtinës, Përparim Rama, ka pritur të enjten në takim anëtarët e Bordit të Drejtorëve të Bankës Evropiane për Rindërtim dhe Zhvillim (BERZh), raporton EO.

Në këtë takim, mediat janë lejuar të marrin vetëm pamje, ndërsa konferencën për media e kanë anuluar me kërkesë të Bordit të BERZh-it.