Category: Lajme

Grupi i tifozëve të Kosovës në futboll, “Dardanët” kanë reaguar ashpër pas zyrtarizimit të kandidaturës së përbashkët ndërmjet Shqipërisë dhe Serbisë për organizimin e Kampionatit Evropian të futbollit për grupmoshat U21 në vitin 2024.

Në reagimin e tyre, ndër të tjera ta kanë thënë se “po shkelet me dy këmbë mbi gjakun dhe plagët e freskëta të shqiptarëve të kësaj treve dardane”.

Ky është reagimi i plotë i “Dardanëve” pa ndërhyrje:

Dikush ka vendosur qe ta normalizoje bashkepunimin me te ashtuquajturet serbe dhe te ashtuquajturen serbi si kurrgje hiç duke shkelur me dy kembe mbi emocionet, gjakun dhe plaget e fresketa te shqiptareve te kesaj treve dardane. Pak dite pasi kujtuam si popull renien ne detyre te heroit Afrim Bunjaku dhe hyrjen terroriste, barbare e kriminale te çetnikeve te furnizuar me municion armesh nga vendi fqinj hegjemonist, na vjen lajmi zyrtar se nga Tirana paskan vendosur te bashkepunojne me serbine per bashkorganizim te Euro 2027 per grupmoshen U-21. Bashkepunojne me federaten e atyre qe nuk e shqipton asnje denim kur çdo jave klubet serbe shfaqin banderola shoviniste me flamurin e Kosoves te mbuluar me ngjyra te serbise apo kur tifozet e klubeve te beogradit behen nxites e motivues per rikthim te ushtrise serbe ne Kosove, gje qe me pas u perpoq te ndodhe me nje grup terrorist derisa mori pergjigjen e burrave dhe grave heroike te Republikes, te cilet u treguan se pragun e shtepise e mbrojme ne çdo pellembe te tij. Shqiptaret e Kosoves nuk kane nevoje per poshterim moral dhe emocional, por ndihme dhe perkrahje. Ngjarja edhe do te organizohet, por turpi do te jetoje perjete dhe nuk do te falet. Kosova nuk do ta fale. Jo ne emrin tone!

Është shënuar Dita Ndërkombëtare e Turizmit.

Kryetari i Unionit të Turizmit, Baki Hoti, tha se Kosova është shndërruar në destinacion turistik.

Ai tha se në gjashtë muajt e parë të vitit 2024 ka pasur prej 24 për qind të turistëve ndërkombëtarë.

Sipas tij, ky ritëm pritet të vazhdojë edhe në pjesën e mbetur të vitit.

Mbështetje turizmit në Kosovë i dhanë edhe zëvendëskryeministrja, Emilja Rexhepi dhe kryetari i komunës së Prishtinës, Përparim Rama.

Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri ka thënë se vendimet që i marrin personat zyrtarë që janë me pozitë ushtrues detyre mund të kontestohen nga institucionet juridike dhe të konsiderohen antiligjore, sipas Ligjit Për Zyrtarët Publik

Në një konferencë për media, Tahiri ka theksuar se urgjentisht duhet interpretim nga ministria e linjës, pra Ministria e Punëve të Brendshme (MPB), përndryshe, sipas tij shteti bie në bllokadë.

Sipas tij, kohëzgjatjen e funksionit e kufizon ligji, rrjedhimisht nuk ekziston mundësia që me akt nënligjor, siç është vendimi për zgjatje mandati, përtej atij që është shprehimisht i përcaktuar në ligj.

Andaj, sipas deputetit Tahiri të gjitha vendimet që nënshkruhen nga ushtruesit e detyrës të cilët janë në funksion mbi një vit, mund të konsiderohen në kundërshtim me ligjin dhe mund të mos prodhojnë asnjë efekt juridik ndaj palëve.

“Çka duhet të din sot qytetari i Kosovës, se kjo Qeveri për një kohë të gjatë vazhdon ta udhëheq shtetin me ushtrues detyrës. Të tri institucionet kryesore të vendit, Kuvendi, Presidenca, Kryeministria udhëhiqet me ushtrues detyrës. Kur themi në qeveri, pesë dikateret kryesore të ekonomisë janë me ushtrues të detyrës, në kryeministri është ushtrues i detyrës sekretari. Në Ministri të Financave kemi ushtrues të detyrës. Po ashtu në Ministrinë e Ekonomisë kemi ushtrues të detyrës, në Ministri të Infrastrukturës, kemi ushtrues të detyrës dhe në ministri të Ambientit kemi ushtrues të detyrës. Pra, të gjitha institucionet që kanë të bëjnë me ekonominë, me financat, udhëhiqen me ushtrues të detyrës. Ajo që mund të them është zgjatja e funksionit është e kufizuar me këtë ligj dhe rrjedhimisht nuk ekziston mundësia që me një akt ligjor siç është vendimi të zgjatet mandatit për tej atij i cili është përcaktuar me ligj”, tha ai.

Tahiri shtoi se kjo praktikë e kësaj qeverie në këtë mandat tre vjet e gjysmë është duke shkatërruar shërbimin civil, duke politizuar dhe duke bërë dëm të madh në administratën shtetërore.

“Unë nuk kam asgjë kundër emrave të përvitshëm që janë nëpër ministri, të cilët bartin funksione të ushtruesit të detyrës. Por, kjo praktikë në këtë mandat tre vjet e gjysmë është duke shkatërruar shërbimin civil, duke partizuar, duke politizuar dhe duke bërë dëm skajshmërisht të madh në administratën shtetërore dhe duke e vënë në pikëpyetje ligjshmërinë e akteve që nënshkruhen nga këta ushtrues detyre”, theksoi ai.

Sipas tij, ka kërkuar që deri të hënën ministria e linjës, në këtë rast MPB-ja duhet ta jap një opinion ligjor që shtetit të mos bllokohet dhe të mos mbesin pa paga 80 mijë shërbyes civil të administratës së shtetit. /kp

Në kuadër të Javës së Nivelit të Lartë të sesionit të 79-të të Asamblesë së Përgjithshme të Organizatës së Kombeve të Bashkuara në Nju-Jork, zëvendësministrja e Punëve të Jashtme dhe Diasporës së Kosovës, znj. Liza Gashi, u takua me zëvendësministrin e Punëve të Jashtme të Hondurasit, z. Gerardo Torres Zelaya. Në këtë takim, ku u diskutua për thellimin e bashkëpunimit dypalësh, nënshkruan një memorandum mirëkuptimi ndërmjet akademive diplomatike.

Ky memorandum shënon një hap të rëndësishëm drejt forcimit të marrëdhënieve dypalëshe dhe përfaqëson një veprim konkret në fuqizimin e marrëdhënieve ndërshtetërore, duke krijuar mundësi të reja për shkëmbimin e praktikave më të mira në fushën e trajnimit diplomatik dhe të bashkëpunimit bilateral. Të dy zëvendësministrat u shprehën se ky bashkëpunim do t’i forcojë edhe më tej lidhjet ndërmjet Kosovës dhe Hondurasit.

Gjithashtu, u diskutua për fuqizimin e bashkëpunimit në fushën e diasporës, tregtisë dhe investimeve, me fokus të veçantë në fushat e interesit të ndërsjellë. Zëvendësministrja Gashi theksoi përkushtimin e Republikës së Kosovës për intensifikimin e mëtejshëm të marrëdhënieve dypalëshe.

Sot në Pejë, Prokuroria Themelore ka sekuestruar mbi një ton drogë.

Lajmin e ka bërë të ditur zëdhënësi i kësaj prokurorie, Shkodran Nikçi i cili tha se vlera e drogës është rreth 5 milionë euro dhe është ndër aksionet më të mëdha antidrogë nga paslufta.

Kongresi i katërt Klinik i Kolegjit të Kirurgëve të Kosovës ka vazhduar punimet në ditën e dytë. Pjesëmarrësit këtë Kongres po e konsiderojnë si një dritare të rëndësishme për shkëmbimin e përvojave dhe praktikave më bashkëkohore në fushën kirurgjikale.

Në Kongresin e katërt Klinik të organizuar nga Kolegji i Kirurgëve të Kosovës po marrim pjesë rreth 500 pjesëmarrës nga Kosova dhe vendet e rajonit.

Kirurgu nga Spitali i Përgjithshëm në Pejë, Bekim Ramaj konsideron se kongreset si ky i Kolegjit të Kirurgeve të Kosovës që prek sferat ndërkombëtare ndihmon në edukimin e vazhdueshëm profesional të profesionistëve shëndetësor.

“Këto kongrese janë shumë të rëndësishme sepse na bashkojnë me interesat globale në nivel në nivel ndërkombëtarë na ndihmon në edukimin profesional të vazhdueshëm për të përcjell trendin e kohës botërore për kirurgji, risitë e reja që ndodhin në kirurgjinë moderne”, theksoi ai.

Për rëndësinë e Kongresit të katërt Klinik foli edhe Havushe Ramadani e cila është kirurge plastike pranë Klinikës së Kirurgjisë Plastike në Qendrën Klinike Universitare të Kosovës.

“Ky organizim është shumë më rëndësi për gjithë sferën e mjekësisë, në veçanti për profesionistët shëndetësor që merren me trajtimin e plagëve ….janë të rëndësishme sepse ne si profesionistë në vazhdimësi mbajmë trajnime si brenda dhe jashtë Kosovës kjo është shumë e rëndësishme për profesionistët shëndetësor lë që të jenë në rrjedha”, theksoi Ramadani.

Nga Suhareka për të marr përvojat ndërkombëtare e vendore kishte ardhur edhe otorinolaringologu Nasip Fetiu.

Ai vlerëson se duhet të merren edhe teknikat e mjekësisë në botë dhe mos të izolohen vetëm në teknikat vendore.

“Ndihmojnë mjaftë shumë në ripërtrirjen e dijeve sidomos në marrjen e informacioneve të reja që vijnë sidomos kur ka ekspertë të huaj si në këtë Kongres, informacionet e reja që i marrim dhe nëpër këto kongrese është më rëndësi komunikimi, përvojat e njëri tjetrit. Mos të izolohemi vetëm teknikat tona, por të marrim edhe informacione tjera mjekësia po ec në botë dhe e vetmja mundësi me përcjell është kjo”, tha ai.

Kongresi i katërt Klinik i Kolegjit të Kirurgëve të Kosovës ka një program shkencor që paraqet përparime më të mëdha shkencore.

Ligjërata në këtë Kongres po mbahen nga 50 ligjërues ndërkombëtarë dhe mbi 65 vendor e rajonal.

Kongresi i katërt Klinik i Kolegjit të Kirurgëve të Kosovës ka nisur dje, ndërsa do të vazhdoj deri më 29 shtator./kp

Policia e Kosovës ka njoftuar se nga patrullat policore në Gjilan është parandaluar një rast i kontrabandës me mallra (duhan).

Sipas policisë janë gjetur dhe konfiskuar 680 paketime me peshë 340 kilogram duhan i përpunuar.

“Me urdhër të prokurorit kompetentë, malli së bashku me automjetin dërgohen në Terminlain Doganor Dheu i Bardhë”, thuhet në njoftim.

Zëvendësdrejtori i Policisë së Kosovës për rajonin e veriut, Veton Elshani ka thënë se vendosja e pengesave mbi Urën në Bërnjak do të ndikojë në masë të madhe parandalimin e kontrabandimit të mallrave.

Ai ka thënë se kjo pik kalimi edhe pse jo zyrtare ka qenë e ndjeshme dhe një nga vendet ku është bërë kontrabandimi me mallra.

Elshani tha se kjo nuk do të paraqesë problem për lëvizjen e qytetarëve me vetura të vogla, duke paralajmëruar se do të ketë bllokim edhe të rrugëve tjera që shfrytëzohen për kontrabandë.

“Janë në mesin e mbi 60 rrugëve ilegale që janë përdorë për kalimin e kontrabandës mallrave. Mbi 25 rrugë i kemi blloku, kështu që do të vazhdojmë punën tonë në kuadër të veprimit sipas ligjit e që në atë zonë kemi të bëjmë më shumë me kontrabandë me mallra. Nuk do të paraqes vështirësi për qytetarët që të lëvizin me vetura të vogla pasi nuk është pikë kalim zyrat por konsiderojmë në mas të madhe në parandalimin e veprave penale që kanë të bëjnë me kontrabandimin e mallrave”, tha Elshani.

Pas viteve ’90, Italia dhe Greqia ishin streha e emigrantëve shqiptarë që u larguan në kërkim të një pune dhe jete më të mirë. Pas disa vitesh, të ikurit u integruan gradualisht.

Në vitin 2008, Italia dha 63 mijë leje qëndrimi për herë të parë për shtetasit shqiptarë, ndërsa Greqia, 30 mijë. Nga shtetet e tjera, numri i lejeve ishte minimal, p.sh. Franca dha atë vit 404 dhe Gjermania, 461.

Pas periudhës 2008-2009, lejet e qëndrimit dhënë nga këto dy shtete ranë, duke reflektuar frenimin e emigracionit. Por, vala e re e emigracionit që ka përfshirë vendin pas vitit 2016 po tregon një gjeografi shumë më të zgjeruar.

Ndërsa Italia vijon të ruajë kryesimin, me rreth 30 mijë leje në vit, për herë të parë që nga viti 2020, Gjermania ka kaluar si shteti i dytë për nga numri i lejeve që jep për shtetasit shqiptarë. Në 2022, ky shtet dha nivelin më të lartë të lejeve prej gati 16 mijë, ndërsa në 2023, rreth 15 mijë leje.

Greqia në 2023 dha 12.6 mijë leje. Kroacia renditet në vend të katërt (1800), e ndjekur nga Belgjika (1240) dhe Malta me rreth 1200.

Gjermania, Kroacia dhe Malta, destinacione punësimi

Ndërsa në Greqi dhe Itali, arsyeja kryesore e lejeve mbetet ajo familjare, Gjermania, Kroacia dhe Malta po rezultojnë tërheqëse për punësim.

Në 2023, Gjermania dha gati 5 mijë leje qëndrimi për herë të parë për shtetasit shqiptarë (nga 14.8 mijë leje gjithsej). Mjekë, infermierë, specialistët të IT-së apo dhe të tjerë po lënë vendet e tyre të punës në Shqipëri dhe po emigrojnë me kontrata të rregullta në Gjermani. Ky i fundit ka dhënë 10 mijë leje qëndrimi për arsye punësimi në vetëm 2 vjet (2022-2023).

Dy destinacione të tjera që po rezultojë tërheqëse për punonjësit shqiptarët janë Kroacia dhe Malta. Që nga viti 2019, Kroacia jep mesatarisht rreth 2 mijë leje të reja qëndrimi për arsye punësimi për shtetasit shqiptarë. Burimet nga tregu pohojnë se ata punojnë kryesisht në ndërtim, për shkak të pagave të mira, apo dhe në turizëm në sezon.

Malta është shteti tjetër që po tërheq shqiptarë për të punuar, kryesisht në ndërtim dhe turizëm. Në 2022 Malta dha mbi 1800 leje, ndërsa në 2023 numri i tyre ra në gati një mijë.

Pothuajse të gjitha lejet që jepen nga Kroacia dhe Malta janë për arsye punësimi.

Vala e re e emigracionit rriti sërish lejet e qëndrimit

Në vitin 2023 u dhanë rreth 75 mijë leje qëndrimi për shtetasit shqiptarë nga vendet e BE-së. Një vit më parë ishin dhënë 79.2 mijë leje qëndrimi për herë të parë, sipas Eurostat.

Këto janë nivelet më të larta që nga 2010-a, duke treguar për një përshpejtim të ritmeve të emigracionit pas pandemisë.

Në 2022-2023 janë dhënë gjithsej 154 mijë leje qëndrimi për herë të parë. Duke qenë se një pjesë e madhe e të ikurve janë me kontrata pune, sidomos në shtete si Gjermania, dhënia e lejeve është më e shpejtë sesa dikur, kur shtetasit shqiptarë hynin në vendet e BE-së pa dokumente.

Që nga viti 2008, kur Eurostat raporton të dhënat kanë marrë leje qëndrimi për herë të parë rreth 920 mijë shtetas shqiptarë./Monitor