Category: Lajme

Shtetet e Bashkuara dhe Bashkimi Evropian kërkuan një hetim të plotë mbi raportet e shkeljeve në zgjedhjet në Gjeorgji, ku presidenti kërkoi protesta të hënën pas votimit të diskutueshëm parlamentar.

Rezultatet, me pothuajse të gjitha zonat e numëruara, ishin një goditje për gjeorgjianët properëndimorë që kishin hedhur zgjedhjet si një zgjedhje midis një partie në pushtet që ka thelluar lidhjet me Rusinë dhe një opozitë që synon të përshpejtojë integrimin me Evropën, raporton Reuters, transmeton Klankosova.tv.

Presidentja Salome Zourabichvili u bëri thirrje njerëzve të dalin në rrugë për të protestuar kundër rezultateve të zgjedhjeve parlamentare të diskutueshme të së shtunës, të cilat komisioni zgjedhor tha se partia në pushtet i kishte fituar.

Partia qeverisëse Ëndrra Gjeorgjiane, kritike e së cilës është Zourabichvili kritik i, fitoi gati 54% të votave, tha komisioni, ndërsa partitë opozitare kundërshtuan rezultatin dhe vëzhguesit e votave raportuan shkelje të konsiderueshme, transmeton Klankosova.tv.

Të dielën, Sekretari amerikan i Shtetit, Antony Blinken tha se Shtetet e Bashkuara iu bashkuan thirrjeve të vëzhguesve për një hetim të plotë.

Më herët, Bashkimi Evropian i kërkoi Gjeorgjisë që të hetojë me shpejtësi dhe transparente parregullsitë e supozuara në votim.

Prania e manganit në liqenin e Badocit, është ende e lartë, rrjedhimisht uji s`mund të përdoret për pije dhe zierje. Qytetarët po furnizohen me ujë në mënyra të ndryshme. Furnizimi po bëhet edhe përmes autoboteve të siguruara nga Ujësjellësi i Prishtinës.

Prania e manganit në liqenin e Badocit, është ende e lartë. Deri në përmirësimin e vlerave, qytetarët po shfrytëzojnë alternativa të tjera për furnizim me ujë të pijshëm.

Njëra nga alternativat është përmes autoboteve të siguruara nga KRU Prishtina.

Edhe këtë të diel, në rrugët “Ndue Përlleshi” dhe “Shaqir Igrishta” kishte banorë që furnizoheshin përmes kësaj forme. Njëri nga ta ishte edhe Milazim Zogaj.

Përveç autoboteve, qytetarët thanë se edhe po e blejnë në markete ujin e pijshëm.

Zëdhënësja e Ujësjellësit Rajonal “Prishtina”, Arieta Mjeku, tha për RTK, përmes telefonit tse, sikur në ujin e patrajtuar dhe të trajtuar vazhdon të jetë e lartësasia e manganit. Në përgjigjen e Mjekut, thuhet se 0.08 mg për litër është sasia e manganit në sasinë e ujit të patrajtuar. Ndërsa tek uji i trajtuar, 0.03 mg për litër.

Qeveria e Kosovës nuk u ka kushtuar rëndësinë e duhur investimeve kapitale, thotë në një intervistë për KosovaPress, kryetari i Odës Ekonomike Amerikane në Kosovë, Arian Zeka.

Derisa thekson nevojën për investime të tilla si dhe avancim të infrastrukturës, Zeka thotë se rritja ekonomike e vendit është më e ulët se në vitin 2019.

“Norma e rritjes ekonomike realisht vijon të jetë më e ulët sesa ka qenë në vitin 2019, para pandemisë. Natyrisht, baza ekonomike e vendit ka shënuar rritje në këto vitet e fundit dhe rrjedhimisht i bie që një normë prej më pak se 4 për qind me të cilën besoj se do të mbyllim vitin 2024, në aspektin e gjithmbarshëm do të jetë më e madhe sesa e kemi pasur në vitin 2019, por norma e tillë, nëse flasim si përqindje vazhdon të jetë më e ulët se ajo që e kemi pasur në vitin 2019. Shtyllat kryesore në të cilat bazohet rritja ekonomike e vendit, nuk po vije në përdorim maksimal, këtu është fjala kryesisht për investimet kapitale të cilave kjo qeveri nuk u ka kushtuar rëndësinë e duhur”, thotë Zeka.

Ai konsideron se ritmi i investimeve kapitale është i ngadaltë, derisa thekson se në këtë drejtim duhet të ketë dinamikë më të madhe dhe po ashtu nisje të projekteve të reja.

“Është e pashmangshme, meqë edhe shihet edhe që ka pasur një përqendrim më të madh të qeverisë në realizimin e projekteve të parapara me vitin 2024. Por, megjithatë ritmi është goxha i ngadaltë dhe duhet të jetë një dinamikë shumë më e madhe dhe natyrisht nisje të projekteve të tjera. Vendi ka nevojë për avancimin e infrastrukturës së saj transportuese dhe ky këtu duhet të jetë fokusi i Qeverisë së Kosovës, dhe jo vetëm për të avancuar infrastrukturën rrugore dhe tjetër, por edhe për shkak të ndikimit ose efektit multiplikativ që investimet e tilla kapitale kanë gati të gjitha hallkat e zingjirët e ekonomisë së vendit”, thotë Zeka.

Ndër të tjera, Zeka thotë se përkrahja financiare që parashihet në kuadër të Planit të Rritjes, mund të kushtëzohet nga zbatimi i marrëveshjeve “duke përfshirë ato me Serbinë”.

Ditë më parë, Komisioni Evropian ka miratuar agjendat e reformave për vendet e Ballkanit Perëndimor – hap ky për të mundësuar pagesat e para nga Plani i Rritjes.

Për Ballkanin Perëndimor, Plani i Rritjes ka paraparë 6 miliardë euro prej të cilave Kosovës i takojnë mbi 800 milionë euro.

“Ajo që është fatkeqësi, është që megjithatë edhe përkrahja financiare që parashihet në kuadër të planit të ashtuquajtur të Planit të Rritjes, duket se do të kushtëzohet me zbatimin e disa prej zotimeve që Kosova ka marrë me nënshkrimin e marrëveshjeve të tilla [në kuadër të dialogut], në këtë rast marrëveshjes me Serbinë”, thotë Zeka.

Zeka flet edhe për marrëdhëniet e Kosovës me Shtetet e Bashkuara të cilat i quan të përkeqësuara pas veprimeve, siç thotë ai të njëanshme, të ekzekutivit kosovar.

Por, raportet e përkeqësuara sipas tij nuk kanë ndikuar në zhvillimin ekonomik meqë nuk ka ndonjë masë që e ndalon drejtpërdrejt përkrahjen financiare amerikane për Kosovën.

Megjithatë, ai vlerëson se për investitorët amerikanë është me rëndësi cilësia e marrëdhënieve të shtetit me një vend të cilin e synojnë për biznes.

“Investitorët amerikanë megjithatë dëshirojnë të shohin dhe të binden se cili është niveli i marrëdhënieve ndërmjet Qeverisë së Kosovës në këtë rast edhe Qeverisë së ShBA-ve, por megjithatë meqë nuk kemi ndonjë masë e cila ndalon drejtpërsëdrejti përkrahjen financiare të ShBA-ve, atëherë besoj se nuk mund të flasim edhe për ndonjë ndikim në aspektin e zhvillimit ekonomik…Në njërën anë nuk është sekret që cilësia e raporteve është përkeqësuar, dhe kjo është thënë shumë shpesh nga ana e përfaqësuesve të qeverisë amerikane, natyrisht edhe në paraqitjet e zëdhënësit të Departamentit Amerikan të Shtetit, që cilësia e raporteve nuk është ajo që ka qenë, kjo për shkak të veprimeve të njëanshme të Qeverisë së Republikës së Kosovës, e cila ka zgjedhur të mos koordinojë një pjesë të veprimeve të saj me aleatët e saj strategjik, por megjithatë nuk mund të vërtetohet ndoshta ky relacion me normën e zhvillimit ekonomik”, deklaron Zeka.

Qeveria e Kosovës është kritikuar edhe publikisht nga Shtetet e Bashkuara për veprime që ata i kanë konsideruar të njëanshme.

Autoritetet kosovare kanë ndërmarrë disa veprime në pjesën veriore të vendit të banuar me shumicë serbe – në mesin e tyre mbylljen e strukturave paralele serbe si dhe ndalimin e përdorimit të dinarit serb./kp

Një ngjarje tragjike ka tronditur të dielën Prishtinën, ku një person u ther për vdekje nga vëllai i tij.

Lidhur me këtë rast, kryeprokurori i Prokurorisë Themelore në Prishtinë, Zejnullah Gashi ka bërë të ditur se i dyshuari është me të meta psikike.

“Vëllai e ka therë me thikë vëllain. I dyshuari është me të meta psikike”, ka thënë Gashi per Telegrafin.

Ai ka shtuar se Prokurorja ka dalë në vendin e ngjarjes, dhe se aktualisht rasti ndodhet në fazën e hetimit.

Ndryshe mbrëmë policia bëri të ditur se deri tek rasti tragjik ka ardhur si pasojë e një mosmarrëveshje mes dy personave.

“Ekipi shëndetësore ka konstatuar se viktima nuk ka shenja jete”, tha Hoxha.

Ndërkaq personi që theri për vdekje vëllain, është duke u trajtuar në Qendrën Klinike Universitare të Kosovës (QKUK), pasi që i njëjti ka pësuar gjithashtu lëndime.

Raportuesja e Parlamentit Evropian për Kosovën Viola von Cramon duke komentuar zgjedhjet në Gjeorgji, ku partia në pushtet “Ëndrra gjeorgjiane” mori 55% të votave nga pothuajse 100% të votave të numëruara.

Ajo ka thënë se Orban nuk lejohet të veprojë në emër të shteteve të tjera anëtare të BE-së në Gjeorgji.

“A e ka bërë dikush diku të qartë këtë publikisht?”, ka shkruar ajo në X.

Viola von Cramon në reagimin e parë e ka quajtur “shaka” dhe “jashtë realitetit” deklaratën e shefit të BE-së Josep Borrell dhe Komisionit Evropian mbi zgjedhjet në Gjeorgji, ku partia në pushtet “Ëndrra gjeorgjiane” mori 55% të votave nga pothuajse 100% të votave të numëruara.

Von Cramon në një postim në X tha se deklarata e përbashkët e lëshuar sot për media nga shefi i BE-së dhe KE-ja, nuk ka të bëjë me realitetin dhe nuk është e dobishme për popullin e Gjeorgjisë.

Ajo ka akuzuar BE-në se me qëndrimin e tij se zgjedhjet kishin qenë mirë të organizuara, tradhton demokracinë, shtetin ligjor dhe besimin ndaj vetë Bashkimit Evropian.

“Ne nuk mund t’i njohim ato zgjedhje. Kjo duhet të ketë qenë fjalia e parë!”, shkruan raportuesja von Cramon.

Në deklaratën e përbashkët e Përfaqësuesit të Lartë Josep Borrell dhe Komisionit Evropian për zgjedhjet parlamentare në Gjeorgji thuhet se ato ishin të rregullta dhe mirë të organizuara.

“Sipas gjetjeve dhe konkluzioneve paraprake të Misionit Ndërkombëtar të Vëzhgimit të Zgjedhjeve të udhëhequr nga Zyra e OSBE-së për Institucionet Demokratike dhe të Drejtat e Njeriut (ODIHR), “dita e zgjedhjeve në përgjithësi ishte proceduralisht e mirorganizuar dhe e administruar në mënyrë të rregullt, por e karakterizuar nga një mjedis i tensionuar, me kompromise të shpeshta në fshehtësinë e votës dhe disa mospërputhje procedurale, si dhe raporte për frikësim dhe presion mbi votuesit që ndikuan negativisht në besimin e publikut në proces. Raportet për presion mbi votuesit, veçanërisht mbi punonjësit e sektorit publik, mbetën të përhapura gjatë fushatës. Kjo, së bashku me gjurmimin e gjerë të votuesve në ditën e zgjedhjeve, ngriti shqetësime në lidhje me aftësinë e disa votuesve për të votuar pa frikën e ndëshkimit,” thuhet në deklaratë.

Për më tepër, vëzhguesit e zgjedhjeve raportojnë një fushë loje të pabarabartë, një fushatë përçarëse në atmosferë të polarizuar dhe shqetësime të rëndësishme mbi ndikimin e ndryshimeve të fundit legjislative në këtë proces zgjedhor.

Në deklaratën e përbashkët i bëhet thirrje Komisionit Qendror të Zgjedhjeve të Gjeorgjisë dhe autoriteteve të tjera përkatëse që të përmbushin detyrën e tyre për të hetuar dhe gjykuar me shpejtësi, transparente dhe në mënyrë të pavarur parregullsitë zgjedhore dhe pretendimet për to.

Kandidati republikan për president të SHBA-së, Donald Trump ka mbajtur një tubim në kompleksin shumë-funksional “Madison Square Garden” të Nju Jorkut, një aktivitet i rëndësishëm në një shtet që për herë të fundit ka mbështetur një president republikan në 1984.

Kurse kundërshtarja e tij, nënpresidentja Kamala Harris ndodhet në Filadelfia, qyteti më i madh i Pensilvanisë dhe një bastion i demokratëve që ata duan ta fitojnë me patjetër.

Duke folur në Kishën e Dhembshurisë së Krishterë të dielën në mëngjes, Harris nuk e përmendi Trumpin me emër por tha se: “Në këtë moment ne përballemi me një pyetje reale: Në çfarë lloj vendi duam të jetojmë?”.

Në Manhatan të Nju Jorkut, Trump do të mbështesë kandidatët lokalë për kongresin.

Trump, një personazh i famshëm i Nju Jorkut për dekada, do të përdorë aktivitetin që mbahet në vendin ikonik, të njohur për ndeshjet e basketbollit të skuadrës së “Knicks-ve” dhe koncertet e Billy Joel, për të theksuar se pse republikanët duhet të fitojnë zgjedhjet.

Sondazhet tregojnë se Trump dhe Harris janë kokë më kokë në shtetet e fushëbetejës, pak më shumë se një javë deri në ditën e zgjedhjeve, më 5 nëntor.

Ndonëse brenda Kuvendit iu kanë mbetur 53 deputetë, nga Lëvizja Vetëvendosja këmbëngulin se akoma e kanë shumicën brenda Kuvendit, por që kohët e fundit thonë se kanë pasur problem me kuorumin për shkak të angazhimeve që deputetët kanë jashtë vendit.

Në listën prej 120 emrave, çdo i dyti kandidat i Lëvizjes Vetëvendosje është bërë deputet, statistikë e pa arritur në historinë e Kosovës.

Gati katër vjet pas, gjërat kanë ndryshuar. Drita Millaku, Eman Rrahmani, Visar Korenica, Doarsa Kica-Xhelili, Haki Abazi e Fatmir Humolli janë 6 deputetë të larguar, duke e lënë Vetëvendosjen me 53 deputetë në Kuvend.

Krahas largimeve janë shtuar edhe rastet kur kryeparlamentari Kojnufca i fton deputetët të shpërndahen me këtë fjali.

Megjithatë deputetë të partisë në qeverisje insistojnë se akoma e kanë shumicën në parlament, por duke llogaritur edhe në mbështetjen e deputetëve nga komunitetet.

Deputetja Fitore Pacolli thotë se kohëve të fundit problem kanë qenë angazhimet e deputetëve jashtë shtetit.

“Ne po bëjmë përpjekje që ditëve në vijim të mbajmë një mbledhje të Kuvendit ku do të kemi shumicën e deputetëve, të kalojmë të gjitha ligjet që i kemi në rend të ditës, dhe pastaj do të përgatitemi për ligjet e tjera”, ka thënë për Tv Dukagjinin Fitore Pacolli – deputete e Lëvizjes Vetëvendosje.

Me arsyetimin e Pacollit nuk pajtohet, Naim Jakaj, hulumtues i lartë në Institutin e Kosovës për Drejtësi.

“Po shihet që edhe kjo javë tashmë është me mungesë të seancës që ne besojmë për shkak të mungesës së votave, në seancë plenare nuk do të ketë një seancë të tillë”, ka thënë Naim Jakaj – hulumtues i lartë në IKD.

Çështje tjetër në të cilën Pacolli llogaritë në ndihëmn e të tjerëve është votimi i marrëveshjeve ndërkombëtare. Ajo thotë se llogarisin në vullnetin e opozitës e cila sipas saj duhet ta ndjekë shembullin e Vetëvendosjes sa ishte në opozitë.

“Është e turpshme të arrijmë një marrëveshje ndërkombëtare me një shtet evropian dhe pastaj të mos arrijmë ta kalojmë në Kuvend, për shkak të inateve që mbanë opozita, me neve”, ka thënë Fitore Pacolli – deputete e Lëvizjes Vetëvendosje.

Optimizmin, Pacolli e përforcon edhe për votimin e buxhetit për vitin 2024, i cili pret të votohet pa asnjë problem. E për këtë sfidë Jakaj, çelësin e suksesit thotë se e ka opozita në duar.

“Shumica parlamentare ka përdorur arrogancën në vitet e kaluara, në ndërkohë tashmë këtë vit do të jetë përballë një sfidë për të cilën besojmë që tashmë do të kërkojë edhe votën e opozitës, por për ta kërkuar votën e opozitës, një shumicë parlamentare e tillë siç është e Lëvizjes Vetëvendosje, që për pak numra nuk do të mund ta kalojë projektligjin, atëherë do të duhej që të dialogojë dhe të komunikojë e të negocioj në mënyrë transparente që një projektligj të kalojë me kushtëzimin që ndoshta opozitës t’i miratohet ndonjë projektligj tjetër”, ka thënë Naim Jakaj – hulumtues i lartë në IKD.

Sipas të dhënave të IKD-së, Qeveria e ka realizuar vetëm 29% të projektligjeve të planifikuar për këtë vit, nga 119 janë miratuar 35 projektligje.

Kryesia e Kuvendit të Kosovës sot do të mbajë mbledhjen e saj të radhës.

Në rendin e ditës do të jenë një varg pikash që do të diskutohen, përfshirë këtu edhe seanca plenare e cila ishte paraparë të mbahej më 24 maj, por që ishte shtyrë.

Po ashtu, aty do të diskutohet edhe për seancat e Jashtëzakonshme të datës 11, 14, 16 dhe 24 tetor, e gjithashtu do të diskutohet edhe për mbajtjen e seancës së radhës plenare.

Mbledhja pritet të fillojë nga ora 11:00.

Rendi i plotë i ditës:

I. Miratimi i procesverbalit të mbledhjes së mëparshme të Kryesisë së Kuvendit,

II. Seanca plenare e shtyrë nga data e paraparë që të mbahet më 24 maj 2024:

1. Shqyrtimi i Projekt-Rezolutës për tre vjet qeverisje.

III. Pikat e papërfunduara nga Seanca plenare, e mbajtur më 12, 26 shtator dhe 10 tetor 2024:

5. Votimi për emërimi i shtatë (7) anëtarëve të Këshillit të Kosovës për Trashëgimi Kulturore,
6. Votimi i Projektligjit nr.08/L-309 për ratifikimin e Marrëveshjes së financimit, për programin e parë për “Financimin e politikave zhvillimore për efektivitetin fiskal, konkurrueshmërinë dhe rritjen e gjelbër”, në mes të Republikës së Kosovës e përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim,
7. Votimi i Projektligjit nr.08/L-313 për ratifikimin e amendamentimit të Marrëveshjes për anëtarësimin e Republikës së Kosovës në Fondin Monetar Ndërkombëtar dhe organizatat e grupit të Bankës Botërore,
8. Votimi i Projektligjit nr.08/L-314 për ratifikimin e Marrëveshjes së kredisë mes të Republikës së Kosovës dhe Bankës Evropiane për Investime për Projektin Energjia diellore fotovoltaike në KEK – Porta Globale,
9. Votimi në lexim të dytë i Projektligjit nr.08/L-212 për shëndetin riprodhues dhe fertilizim të asistuar mjekësor,
10. Votimi në lexim të dytë i Projektligjit nr.08/L-294 për ndryshimin dhe plotësimin e Ligjit nr.08/L-197 për Zyrtarët Publikë,
11. Shqyrtimi i dytë i Projektligjit nr.08/L-287 për Këshillin e Sigurisë të Republikës së Kosovës,
12. Shqyrtimi i dytë i Projektligjit nr.08/L-275 për rrugët,
13. Shqyrtimi i dytë i Projektligjit nr.08/L-290 për ndryshimin dhe plotësimin e Ligjit nr.08/L-013 për të drejtat pronësore të shtetasve të huaj në Republikën e Kosovës,
14. Votimi në parim i Projektligjit nr.08/L-266 për gjendjen civile,
15. Votimi në parim i Projektligjit nr.08/L-300 për provimin e maturës shtetërore,
16. Shqyrtimi i parë i Projektligjit nr.08/L-306 për ndryshimin dhe plotësimin e Ligjit nr.05/L-132 për automjete,
17. Shqyrtimi i parë i Projektligjit nr.08/L-311 për menaxhimin e resurseve ujore,
18. Shqyrtimi i Programit Kombëtar për Integrim Evropian 2024-2028,
19. Votimi i Projekt-rezolutës për adresimin e gjetjeve të Raportit të Departamentit Amerikan të Shtetit-DASH,
20. Shqyrtimi i Projekt-Deklaratës për raportet e Republikës së Kosovës me Shtetet e Bashkuara të Amerikës,
21. Shqyrtimi i Projekt-rezolutës për adresimin e çështjes së emigrimit të qytetarëve nga Republika e Kosovës,
22. Shqyrtimi Projekt-Rezolutës për tërheqjen e tri (3) projektligjeve nga shqyrtimi në Kuvend,
23. Shqyrtimi i Projekt-Rezolutës për arratisjen e personave të dënuar – degradimi i institucioneve të sigurisë,
24. Shqyrtimi i Raportit me rekomandime për mbikëqyrjen e zbatimit të Ligjit nr.05/L-090 për sponsorizime në fushën e kulturës, rinisë dhe sportit, i ndryshuar dhe plotësuar me Ligjin nr.06/L-116,
25. Shqyrtimi i Propozim-rezolutës për vlerësimin e punës së Agjencisë për Informim dhe Privatësi për vitin 2022,
26. Shqyrtimi i Raportit të Performancës së ndërmarrjeve publike për vitin 2022,
27. Raportimi i Qeverisë së Republikës së Kosovës për progresin mbi zbatimin e Objektivave të Zhvillimit të Qëndrueshëm dhe reflektimin e Agjendës Transformuese të Kosovës në buxhet dhe politika qeveritare,
28. Themelimi i Komisionit Ad-Hoc për përzgjedhjen e kandidatëve për dy (2) anëtarë të Bordit të Radiotelevizionit të Kosovës, prej tyre, një nga komuniteti shqiptar dhe një nga komuniteti serb.

IV. Pika e papërfunduar nga Seanca e Jashtëzakonshme, e mbajtur më 11.10.2024

1. Votimi i Projekt-Rezolutës nga Debati Parlamentar për komunikimet e kryetares së Grupit Parlamentar të Lëvizjes Vetëvendosje Mimoza Kusari – Lila me Milan Radojiçiç.

V. Pika e papërfunduar nga Seanca e Jashtëzakonshme, e mbajtur më 14.10.2024

1. Votimi i Projekt-Rezolutës nga debati Parlamentar për mungesën e ushqimit në Ushtrinë e Republikës së Kosovës.

VI. Vazhdimi i Seancës së Jashtëzakonshme, të filluar më 16.10.2024

1. Debat Parlamentar për procesin e përllogaritjes së borxheve të kompanive ambalazhuese të ujit, si dhe mënyrën dhe bazën e shlyerjes së borxheve nga Ministria e Mjedisit, Planifikimit Hapësinor dhe Infrastrukturës.

VII. Pika e papërfunduar nga Seanca e Jashtëzakonshme, e mbajtur më 24.10.2024

1. Votimi i Projekt-Rezolutës nga debati parlamentar për skandalet dhe keq menaxhimi në Korporatën Energjetike të Kosovës.

VIII. Propozimi i rendit të ditës për Seancën plenare të radhës:

1. Miratimi i procesverbalit nga seanca e mëparshme,
2. Deklarimet jashtë rendit të ditës,
3. Pyetjet parlamentare,
4. Propozimi i Grupit Parlamentar të Lëvizjes Vetëvendosje për zëvendësimin e deputetëve në komisione parlamentare,
5. Zgjedhja e tre (3) drejtorëve të Bordit të Ndërmarrjes Publike Operatori i Sistemit, Transmisionit dhe Tregut,
6. Emërimi i anëtarit në Këshillin Shtetëror të Cilësisë të Agjencisë së Kosovës për Akreditim, nga radhët e studentëve,
7. Shqyrtimi i Projektligjit nr.08/L-317 për aderim në “Konventën për njohjen dhe ekzekutimin e vendimeve të huaja në çështje civile apo tregtare”,
8. Shqyrtimi i Projektligjit nr.08/L-318 për aderim në “Konventën për marrjen e provave jashtë vendit në çështje civile apo tregtare”,
9. Shqyrtimi i Projektligjit nr.08/L-319 për aderim në “Konventën për zgjedhjen e marrëveshjeve gjyqësore”,
10. Shqyrtimi i dytë i Projektligjit nr.08/L-288 për mbrojtjen e konsumatorit,
11. Shqyrtimi i dytë i Projektligjit nr.08/L-295 për kripto-asetet,
12. Shqyrtimi i dytë i Projektligjit nr.08/L-265 për regjistrin e pronarëve përfitues,
13. Shqyrtimi i parë i Projektligjit nr.08/L-312 për ndalimin e përdorimit të pijeve energjike për personat e moshës nën tetëmbëdhjetë (18) vjeç,
14. Shqyrtimi i parë i Projektligjit nr.08/L-315 për banim social dhe të përballueshëm,
15. Shqyrtimi i parë i Projektligjit nr.08/L-320 për sigurimin e detyrueshëm të kujdesit shëndetësor,
16. Shqyrtimi i parë i Projektligjit nr.08/L-322 për Byronë Shtetërore për Verifikimin dhe Konfiskimin e Pasurisë së Pajustifikueshme,
17. Shqyrtimi i parë i Projektligjit nr.08/L-316 për ndryshimin dhe plotësimin e Ligjit nr.08/L-036 për Dërgimin e Forcës së Sigurisë së Kosovës jashtë vendit,
18. Shqyrtimi i parë i Projektligjit nr.08/L-321 për ndryshimin dhe plotësimin e Ligjit nr.06/L-032 për Kontabilitet, Raportim Financiar dhe Auditim,
19. Shqyrtimi i raportit me rekomandime për mbikëqyrjen e zbatimit të Kodit nr.06/L-006 të Drejtësisë për të Mitur,
20. Shqyrtimi i raportit me rekomandime për mbikëqyrjen e zbatimit të Ligjit nr.05/L-049 për Administrimin e Pasurisë së Sekuestruar dhe të Konfiskuar, i ndryshuar dhe plotësuar me Ligjin nr.08/L-034,
21. Themelimi i Komisionit Ad-Hoc për përzgjedhjen e kandidatëve për tre (3) anëtarë të Bordit të Radiotelevizionit të Kosovës, nga komuniteti shqiptar,
22. Shqyrtimi i Propozimit të shtatë (7) deputetëve nga radhët e komuniteteve tjera që nuk janë shumicë, për shkarkimin e nënkryetarit të Kuvendit të Republikës së Kosovës, Bahrim Shabani,
23. Shqyrtimi i Raportit vjetor financiar të Buxhetit të Republikës së Kosovës, për vitin 2023,
24. Shqyrtimi i Raportit vjetor të Performancës së Zyrës Kombëtare të Auditimit për vitin 2023,
25. Shqyrtimi i Raportit vjetor të Fondit të Kursimeve Pensionale të Kosovës për vitin 2023,
26. Miratimi i buxhetit të Komisionit Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024, për periudhën kohore, prej 4 korrik 2024 deri në përfundim të mandatit të tij. IX. Shqyrtimi i propozimeve dhe i kërkesave.