Category: Lajme

Kryeministri Edi Rama ka reaguar përmes një postimi në rrjetet sociale, ku ka ironizuar kërkesat për dorëheqjen e tij.

Në një status të gjatë të shoqëruar me tone sarkastike dhe simbolikë të drejtpërdrejtë, Rama i është përgjigjur një mesazhi anonim që i kërkonte largimin nga detyra, duke e kthyer reagimin në një “manifest” të dorëheqjes.

Në postimin e tij, kreu i qeverisë rendit një sërë arritjesh të qeverisjes, duke përmendur zhvillimet në infrastrukturë, turizëm, ekonomi, arsim dhe shëndetësi, si dhe hapjen e negociatave me Bashkimin Europian.

Postimi i plotë:

MIRËMËNGJES

dhe me kërkesën e mëposhtme për dorëheqje nga një numër i panjohur, të cilën e mirëkuptoj plotësisht duke e pranuar përulësisht, ju uroj një ditë të qetë

()ë!

Është ndoshta fjala më e konsumuar në lëmin virtual, ndaj po ta risjell edhe unë si ‘Millennials’ me shpresën që “Gen Z” nuk do më denigrojë me komente.

Para se të vijoj po ju them, (me lehtësinë e një barre që nuk e kam mbi supe, bashkë me +800K vota) se qeverisjen e mundon më së shumti fodullëku dhe shkenca e gjithologjisë, por kjo meriton një hapësirë më të zgjeruar filozofike për diskutim.

Tani lexomë (nëse mundeni dhe natyrisht nëse doni).

Dorëhiqu për transformimet e zonave urbane dhe rurale.

Dorëhiqu për aeroportet!

Dorëhiqu për turizmin që shënon shifra rekord!

Dorëhiqu për negociatat që u hapen!

Dorëhiqu për konferencën e tetë ndërqeveritare.

Dorëhiqu për kthimin në shina të ekonomisë!

Dorëhiqu që sot keni rritur pagat në thuajse të gjithë sektorët e ekonomisë.

Dorëhiqu sepse sot protestohet paqësisht dhe në dritaren tënde nuk ka snajper!

Dorëhiqu për transformimet në arsimin, shëndetësi, infrastrukturë dhe jo vetëm.

Realiteti është bezdisës për ata që jetojnë me nostalgjinë e krizës së përhershme.

Dorëhiqu, sepse e ktheve Shqipërinë në një vend që sot respektohet ndërkombëtarisht.

Ose mendoje kështu: Dorëhiqu…në 2030!

Nuk do të na duhesh atëherë, por do të kujtojmë me siguri.

Komuna e Mitrovicës së Jugut ka njoftuar qytetarët për zbatimin e një kodi të veshjes gjatë vizitave në objektin komunal.

Njoftimi është vendosur në hyrje të ndërtesës komunale nga Drejtoria e Administratës së Përgjithshme, ku qytetarët informohen paraprakisht për rregullat që duhet të respektohen gjatë hyrjes në institucion.

Sipas udhëzimit të publikuar, kodi i veshjes parasheh që vizitorët të paraqiten me veshje të përshtatshme për ambientet zyrtare. Në njoftim janë paraqitur edhe ilustrime që shpjegojnë format e veshjeve që nuk konsiderohen të përshtatshme për hyrje në objektin komunal.

Komuna ka bërë thirrje për mirëkuptim dhe respektim të këtyre rregullave, duke theksuar se ato synojnë të ruajnë seriozitetin dhe standardet institucionale gjatë ofrimit të shërbimeve për qytetarët.

“Ju lutemi të respektoni kodin e veshjes dhe dinjitetin e institucionit”, thuhet në njoftimin e publikuar nga komuna.

Deri në fillim të qershorit 2026, në listën e zezë amerikane ishin vendosur 131 individë dhe subjekte nga gjashtë shtete të Ballkanit Perëndimor.

Numri më i madh i sanksioneve lidhet me Serbinë (49), pasuar nga Kosova (29), Bosnje e Hercegovina (26), Maqedonia e Veriut (12), Shqipëria (8) dhe Mali i Zi (7).

Vendimet për sanksione i merr Zyra për Kontrollin e Pasurive të Huaja, shkurt OFAC, e cila vepron në kuadër të Departamentit amerikan të Thesarit.

Në listën e zezë të OFAC-ut nga Kosova gjenden 14 entitete:

1. FERMA IZVORI B.I.

Lokacioni: Izvore

Programi: GLOMAG (Global Magnitsky)

Veprimtaria: Kultivimi i frutave arrore dhe bërthamore.

Pronarin Sinisha Nedeljkoviq, OFAC-u e ka identifikuar si pjesë të një grupi të organizuar kriminal transnacional dhe e ka vendosur në listën e individëve të sanksionuar. Kompanitë dhe rrjetet e tij lidhen me korrupsion dhe tregti të paligjshme, përfshirë kontrabandën mes Kosovës dhe Serbisë. Ai është i lidhur me Zvonko Veselinoviqin.

Zvonko Veselinoviq në publik njihet si biznesmen nga veriu i Kosovës dhe ish-partner biznesi i Milan Radoiçiqit, organizatorit të sulmit të armatosur ndaj Policisë së Kosovës në Banjskë.

*OFAC-u e ka identifikuar Zvonko Veselinoviqin si udhëheqës të një grupi të organizuar kriminal dhe si një nga figurat më famëkeqe korruptive në veri të Kosovës.

Data e vendosjes së sanksioneve: 8 dhjetor 2021.

P.P. SHTËPIA TREGTARE METAL B.I.

Lokacija: Zveçan

Programi: GLOMAG (Global Magnitsky)

Veprimtaria: Tregti me shumicë e makinerive dhe pajisjeve të tjera.

Kompania është e lidhur me të sanksionuarin Sinisha Nedeljkoviq.

Data e vendosjes së sanksioneve: 8 dhjetor 2021.

3. SHTËPIA TREGTARE METAL SH.P.K.

Lokacioni: Zveçan

Programi: GLOMAG (Global Magnitsky)

Veprimtaria: Tregti me mallra të konsumit të gjerë për ndërtimtari dhe amvisëri.

Kompania është e lidhur me të sanksionuarin Sinisha Nedeljkoviq.

Data e vendosjes së sanksioneve: 8 dhjetor 2021.

4. SINISHA NEDELKOVIQ B.I., P.T.P. METAL

Lokacioni: Zveçan

Lokacioni: Zveçan

Veprimtaria: Tregti dhe tregti me shumicë e pajisjeve.

Data e vendosjes së sanksioneve: 8 dhjetor 2021.

Kompania është e lidhur me të sanksionuarin Sinisha Nedeljkoviq.

5. SINISHA NEDELKOVIQ I.B.

Lokacioni: Zveçan

Programi: GLOMAG (Global Magnitsky)

Veprimtaria: Tregti me shumicë e makinerive dhe pajisjeve.

Kompania është e lidhur me të sanksionuarin Siniša Nedeljkoviq.

Data e vendosjes së sanksioneve: 8 dhjetor 2021.

6. FERARI, NDËRMARRJE PËR SHËRBIME DHE TREGTI ME AUTOMJETE TË PËRDORURA, SH.A.

Lokacioni: Mitrovica

Programi: GLOMAG (Global Magnitsky)

Veprimtaria: Blerje, shitje dhe ndërmjetësim në tregtinë e automjeteve të përdorura dhe të reja.

Kompania është e lidhur me Zvonko Veselinoviqin. OFAC-u e ka identifikuar Veselinoviqin si udhëheqës të një grupi të organizuar kriminal. Sipas Departamentit amerikan të Thesarit, grupi i tij është i përfshirë në skema të ryshfetit në shkallë të gjerë dhe në trafikim të paligjshëm të mallrave, parave, narkotikëve dhe armëve ndërmjet Kosovës dhe Serbisë.

Data e vendosjes së sanksioneve: 8 dhjetor 2021.

7. PRIZMA B.I.

Lokacioni: Mitrovica

Program: GLOMAG (Global Magnitsky)

Veprimtaria: Ndërtimi i objekteve të tjera të infrastrukturës.

Sipas të dhënave të Agjencisë për Regjistrimin e Bizneseve në Kosovë (ARBK), kompania është kaluar zyrtarisht në status pasiv më 9 qershor 2022, vetëm disa muaj pas vendosjes së sanksioneve amerikane.

Kompania është e lidhur me të sanksionuarin Zvonko Veselinoviq.

Data e vendosjes së sanksioneve: 8 dhjetor 2021.

8. ZHARKO VESELINOVIQ B.I., S.T.R. KRISTAL

Lokacija: Mitrovicë e Veriut

Program: GLOMAG (Global Magnitsky)

Veprimtaria: Formësimi dhe përpunimi i xhamit të rrafshët.

Sipas bazës së të dhënave të ARBK-së, kompania është zyrtarisht në status pasiv që nga 9 qershori 2022. Ndryshimi i statusit në pasiv ndodhi rreth gjashtë muaj pasi OFAC-u vendosi sanksione ndaj pronarit dhe vetë kompanisë.

OFAC-i e ka identifikuar Zharko Veselinoviqin si një nga udhëheqësit e grupit të organizuar kriminal të Zvonko Veselinoviqit, vëllait të tij, i cili është thellësisht i përfshirë në tregti të paligjshme dhe kontrabandë.

SHBA-ja, në raportin e saj, ndër të tjera, përmend një aktakuzë në bazën e të dhënave të Kosovës, e cila i lidh anëtarët e këtij grupi me rastin e vrasjes së politikanit serb Oliver Ivanoviq më 2018. Ivanoviq u vra me gjashtë plumba pas shpine, para zyrave të partisë së tij në Mitrovicë të Veriut.

Data e vendosjes së sanksioneve: 8 dhjetor 2021.

9. RAD D.O.O.

Lokacioni: Zveçan

Programi: GLOMAG (Global Magnitsky)

Veprimtaria: Ndërtimtari, ndërtim i objekteve të larta dhe i objekteve infrastrukturore.

Pronari i kompanisë, Radulle Steviq, dhe vetë kompania kanë bashkëpunuar me politikanë dhe pushtetarë lokalë për të siguruar monopol në projektet ndërtimore në veri të Kosovës përmes prokurimeve publike të manipuluara. OFAC-u e ka identifikuar kompaninë si pjesë kyçe të grupit të organizuar kriminal të të sanksionuarit Zvonko Veselinoviq.

Data e vendosjes së sanksioneve: 8 dhjetor 202

10. RADULE STEVIC B.I., P.T.P. RAD

Lokacioni: Zveçan

Programi: GLOMAG (Global Magnitsky)

Veprimtaria: Ndërtimtari.

Pavarësisht sanksioneve amerikane, kompania, përmes degës së regjistruar në Serbi, vazhdoi të lidhte kontrata për punë infrastrukturore në komunat me shumicë serbe në Kosovë.

Kompania është e lidhur me të sanksionuarin Radule Steviq.

Data e vendosjes së sanksioneve: 8 dhjetor 2021.

11. RADOVAN RADIC B.I., P.P. EU RR GRADNJA

Lokacioni: Zupç

Programi: GLOMAG (Global Magnitsky)

Veprimtaria: Građevinarstvo

OFAC e ka identifikuar pronarin e kompanisë, Radovan Radiq, si anëtar të një grupi të organizuar kriminal dhe transnacional, në krye të të cilit është Zvonko Veselinoviqi.

Data e sanksionimit: 8 dhjetor 2021.

12. P.P. BABUDOVAC B.I.

Lokacioni: Jasenovik

Program: GLOMAG (Global Magnitsky)

Veprimtaria: Shitje me shumicë e ushqimit, pijeve dhe duhanit.

OFAC e ka identifikuar kompaninë si në pronësi ose nën kontrollin e Milan Radisavleviqit, i cili është përcaktuar si anëtar i një grupi të organizuar kriminal dhe transnacional, i drejtuar nga Zvonko Veselinoviqi në veri të Kosovës.

Data e sanksionimit: 8 dhjetor 2021.

13. N.P.T.T. DONA-SHELL

Lokacioni: Pejë

Programi: SDNTK (Značajni trgovci narkoticima)

Veprimtaria: Transport dhe logjistikë.

Lidhje me organizatën kriminale të sanksionuar të Naser Kelmendit. Përmes llogarive bankare dhe transaksioneve të kësaj kompanie janë financuar operacionet e familjes Kelmendi. Kompania është e lidhur drejtpërdrejt me Besnik Kelmendin (djalin e Naser Kelmendit), i cili është cilësuar si një nga operativët kryesorë në rrjet dhe ka qenë subjekt i hetimeve të gjera ndërkombëtare financiare dhe policore për dyshime se ka shërbyer si mbulesë për pastrim parash të fituara nga aktivitete kriminale.

Data e sanksionimit: 24 mars 2015.

14. RINGJALLJA E SHOQATËS SË TRASHËGIMISË ISLAME, dega në Kosovë

Statusi: E mbyllur dhe e sanksionuar.

Lokacioni: Prishtinë

*Organizata kishte degë në Bosnje e Hercegovinë dhe në Shqipëri.

Programi: Specially Designated Global Terrorist (SDGT) / Terrorist global i veçuar posaçërisht.

Veprimtaria: Organizatë humanitare.

Data e sanksionimit: 13 qershor 2008

Instituti Hidrometeorologjik i Kosovës ka njoftuar se në Kosovë, gjatë pesë ditëve të ardhshme, pritet të ketë rritje graduale të temperaturave.

Sipas këtij instituti, temperaturat pritet të kenë rritje në të gjithë territorin e Kosovës.

“Sipas parashikimeve të IHMK-së, nga data 25–29 qershor 2026, temperaturat do të jenë në rritje graduale në të gjithë territorin e Kosovës.”, thuhet në njoftimin e IHMK-së.

Ky institut ka njoftuar edhe për rajonin që pritet të ketë nivelin më të lartë të të nxehtit.

“Rajoni i Dukagjinit pritet të regjistrojë valë të nxehti të nivelit 2, ndërsa pjesa tjetër e vendit kryesisht nivelin 1.”, thuhet tutje.

Gjithashtu, IHMK-ja ka bërë thirrje për qytetarët që të kenë kujdes nga ekspozimi i zgjatur në diell, duke kërkuar nga ta që të qëndrojnë të hidratuar dhe që të ndjekin rekomandimet e IKSHPK-së.

Ndryshe, shtete të ndryshme të Evropës ka ditë që janë përfshirë nga një mot ekstrem, me temperature të larta, me ç’rast janë shkaktuar edhe viktima.

Kryetari i Lidhjes Demokratike të Kosovës, Lumir Abdixhiku, ka bërë të ditur se nuk e ka në plan të japë dorëheqje nga pozita e tij si kryetar i partisë.

Në emisionin “Rubikon” të Klan Kosovës, ai u ka drejtuar një mesazh të qartë të gjithë atyre që kanë kërkuar largimin e tij nga drejtimi i partisë.

“Jo, more çfarë, as që vjen në shprehje, mos t’i fërkojnë as duart”, ka deklaruar Abdixhiku, raporton Klankosova.tv.

Ai theksoi se do të vazhdojë të mbetet në krye të LDK-së për sa kohë që ka shumicën brenda partisë.

“Deri sa të ekzistojë shumica, unë jam kryetari i LDK-së”, u shpreh ai.

Kryetari i Komunës së Gjilanit, Alban Hyseni, ka reaguar pas incidentit të sotëm në të cilin ekipi i RTV Dukagjini është penguar dhe sulmuar fizikisht gjatë ushtrimit të detyrës së tyre në Gjilan.

Hyseni ka thënë se Komuna e Gjilanit distancohet plotësisht dhe e dënon ashpër ngjarjen.

“Komuna e Gjilanit distancohet plotësisht dhe dënon ashpër incidentin e sotëm, ku u pengua dhe u shty fizikisht ekipi i TV Dukagjini gjatë kryerjes së detyrës së tyre zyrtare”, ka shkruar ai në Facebook.

Ai ka sqaruar se personi i përfshirë në incident nuk është zyrtar komunal, duke hedhur poshtë çdo lidhje institucionale me ngjarjen.

“Sqarojmë se personi i përfshirë në këtë incident nuk është zyrtar komunal”, ka deklaruar Hyseni.

Në reagimin e tij, kryetari i Gjilanit ka kritikuar edhe përpjekjet për politizim të rastit nga subjektet politike.

“Ne distancohemi plotësisht nga tendencat e ulëta të uzurpatorëve të pronës publike, konkretisht LDK dhe PDK, për ta politizuar këtë ngjarje. Sulmet e tyre propaganduese shpërfaqin vetëm dëshpërimin e tyre politik”, ka shtuar ai.

Në fund, Hyseni ka shprehur mbështetje për gazetarët dhe punën e tyre profesionale.

“Ekipit të TV Dukagjini dhe të gjithë komunitetit të gazetarëve u shprehim mbështetjen tonë të plotë në realizimin e detyrave të tyre profesionale”, ka përfunduar ai.

Pas dy tërmeteve të fuqishme që goditën Venezuelën, në disa zona të vendit janë raportuar plaçkitje masive të dyqaneve dhe bizneseve, ndërsa autoritetet po përpiqen të rivendosin rendin dhe sigurinë.

Sipas raportimeve të mediave lokale, kaosi i krijuar pas katastrofës natyrore është shfrytëzuar nga grupe personash për të grabitur mallra dhe produkte nga objektet tregtare.

Tërmetet me magnitudë 7.2 dhe 7.5 goditën vendin brenda pak sekondash nga njëri-tjetri, duke shkaktuar dëme të mëdha në ndërtesa, infrastrukturë dhe rrjetet e transportit. Sipas autoriteteve, të paktën 32 persona kanë humbur jetën dhe mbi 700 të tjerë janë plagosur.

Pamjet e publikuara në rrjetet sociale tregojnë njerëz që hyjnë në dyqane të dëmtuara nga tërmeti dhe largohen me produkte ushqimore, pajisje elektronike dhe mallra të tjera. Në disa qytete janë raportuar përleshje mes grabitësve dhe forcave të sigurisë.

VIDEO | Cientos de personas saquean comercios dañados por los terremotos que sacudieron el miércoles el estado venezolano de La Guaira. pic.twitter.com/NfoDPd9gzj

— EFE Noticias (@EFEnoticias) June 25, 2026

Gjendja më e rëndë raportohet në zonat pranë kryeqytetit, ku shumë ndërtesa janë shembur ose kanë pësuar dëmtime serioze. Shërbimet e emergjencës vazhdojnë kërkimet për persona të bllokuar nën rrënoja, ndërsa ekipet e shpëtimit po punojnë në kushte të vështira.

Qeveria ka shpallur gjendje të jashtëzakonshme dhe ka angazhuar forca shtesë policore dhe ushtarake për të parandaluar përshkallëzimin e situatës. Autoritetet u kanë bërë thirrje qytetarëve të ruajnë qetësinë dhe të mos përfshihen në akte grabitjeje apo dhune.

Mbi 25 mijë persona raportohen të zhdukur pas tërmeteve shkatërruese në Venezuelë

Ndërkohë, aeroporti ndërkombëtar pranë Karakasit është mbyllur përkohësisht për shkak të dëmtimeve në infrastrukturë, duke vështirësuar dërgimin e ndihmave dhe lëvizjen e qytetarëve.

Ekspertët paralajmërojnë se situata humanitare mund të përkeqësohet nëse pasgoditjet vazhdojnë dhe nëse furnizimet me ushqime, ujë dhe energji elektrike mbeten të kufizuara në zonat e prekura.

Kryetari i Prishtinës, Përparim Rama, ka publikuar një dokument duke pretenduar se Dejona Mihali ka refuzuar pranimin e padisë së ngritur ndaj saj.

Rama ka reaguar duke ngritur pyetje mbi, siç tha ai, mospranimin e dokumentit gjyqësor.

“Pse? A nuk i njeh institucionet e Republikës së Kosovës? A nuk i njeh ligjet dhe të drejtat që i garanton shteti ynë?”, ka shkruar Rama.

Ai ka komentuar edhe deklaratat e fundit të Mihajlit, e cila kishte akuzuar atë për “prishje të LDK-së”.

“Apo ka qenë e zanun duke e mbrojtë LDK-në?”, ka shtuar ai.

Në fund, Rama ka vijuar me një koment kritik ndaj saj, duke thënë: “Ditën që Dejona Aleksander Mihajli del në mbrojtje të LDK-së, LDK-ja duhet me e kqyrë veten seriozisht në pasqyrë”, ka përfunduar ai.

Kryetari i LDK-së, Lumir Abdixhiku i ftuar në emisionin “Rubikon” në Klan Kosova komentoi rezultatin e zgjedhjeve parlamentare të 7 qershorit dhe krijimin e institucioneve të reja të vendit.

Abdixhiku tha se problemi nuk qëndron te formimi i Qeverisë së Kosovës, por te zgjedhja e presidentit të ri të vendit.

“Ne mund të kemi një qeverisje më të dobët, por problemi nuk ka qenë asnjëherë të qeverisja. Problemi ka qenë te zgjedhja e presidentit dhe në thelb ka qenë te mungesa e vullnetit për marrëveshje politike mes partive. Nuk kishim marrëveshje politike herën e kaluar, i pari nuk donte marrëveshje politike me askënd, meqenëse nuk donte me askënd ne për shkak të 60 ditëshit si afat kushtetues me të cilin duhet të shkojmë në zgjedhje nuk arritëm t’i krijojmë këto institucione. Sot e njëjta gjë qëndron, në parim asgjë nuk ka ndryshuar sa i përket stabilitetit presidencial. Mund të kesh një qeveri jostabile, por nuk mund të kesh stabilitet institucional nëse nuk arrin ta zgjedhësh presidentin dhe presidenti zgjedhet vetëm me marrëveshje politike”, tha ai.

Tutje, ai tha se partitë politike së pari duhet të flasin për marrëveshje politike për zgjedhjen e presidentit të ri të vendit, pasi sipas tij në skenarin tjetër Kosova do të shkojë sërish në zgjedhje.

“Fillimisht janë një rend i gjërë i gjërave që duhet të diskutohen në skenën aktuale politike. E para duhet të diskutohen parimet se si po e shohim këtë natyrë të institucioneve. Para se të flasim për pozita duhet të flasim për parime… Partitë mes vete duhet të takohen dhe ato parti duhet të japin pozicionet e veta, LDK e ka parimin e qartë se do stabilitet. Kushdo që i kërkon zgjedhjet e reja është i çmendur, nuk ia do të mirën Republikës së Kosovës. Pra, partitë politike duhet të kërkojnë stabilitetin institucional si vlerë bazike. E dyta duhet të flasim për marrëveshje të gjerë politike, pra të nisim nga e para, nga rëndësia, nga pesha, nga presidenti të nisim, jo nga Kuvendi, Qeveria e pastaj të flasim për presidentin. Nëse ndodh ndryshe kemi zgjedhje të reja, kaq e thjeshtë është”, shtoi ai.