Category: Lajme

Kryeministri i Kosovës, Albin Kurti iu ka bërë thirrje sërish mërgimtarëve që të regjistrohen për votim në zgjedhjet e 9 shkurtit.

Ai tha se afati për regjistrim është deri më 26 dhjetor, andaj siç theksoi është e domosdoshme që diaspora të regjistrohet për votim.

Kurti në mbledhjen e qeverisë të mërkurën foli edhe për heqjen e regjimit të vizave për Bosnje e Hercegovinën.

“Kanë mbetur më pak se dy javë nga heqja e vizave për qytetarët e Bosnje e Hercegovinës. Kjo do të lidhë qytetarët dhe do të nxitë bashkëpunimin”, tha ai./KP

Zjarri që ndodhi në një fabrikë të mishit në Obiliq, përveç dëmeve materiale në këtë kompani, gjatë intervenimit një zjarrfikës ka pësuar lëndime.

Sipas zëvendës komandantit të Brigadës së Zjarrfikësve, Abdusamed Shkodra, zjarrfikësi ka marrë trajtim mjekësor. Ai për KosovaPress ka dhënë edhe detaj tjera sa i përket zjarrit në këtë fabrikë.

“Gjatë intervenimit në fabrikën “Apetiti Gropu”, një punëtor i joni, Burim Halili është lënduar ku ka marr lëndime të lehta i cili është dërguar në urgjencë ku ka marrë tretman mjekësor. Ai tani për momentin është në shtëpi. Sa i përket shkaktarit të zjarrit ne nuk i bëjmë hulumtimet e shkaktarit, ende është herët te dihet, duhet të dal në terren inspektori i cili bën vlerësime të shkaktimit të zjarrit dhe mund të vijnë në konstatim se çka ka qenë shkaktari”, thotë Shkodra për KosovaPress.

Policia e Kosovës nuk ka dhënë detaje për dëmet që janë shkaktuar nga ky zjarr në këtë fabrikë.

“Sot rreth orës 05:30, kemi pranuar informatën për një incident zjarri në një fabrikë në fshatin Babimovc. Në vendngjarje janë zjarrfikësit dhe policia të cilët po merren me rastin ku janë shkaktuar vetëm dëme materiale. Për detaje të tjera njoftoheni me kohë”, thotë zëdhënësja e Policisë së Kosovës për Rajonin e Prishtinës, Flora Ahemti për KosovaPress.

Ekipi i KosovaPress raportoi se në vendin e ngjarjes zjarri është ndal dhe njësia hetuese është duke u marr me rastin ku janë shkaktuar vetëm dëme materiale.

Një punëtorë i kësaj fabrike i ka thënë KosovaPress se dyshohet që shkaktar i zjarrit është rryma.

Ani se nuk është prononcuar pronari i fabrikës, mësohet se djegia ka përfshirë pjesë të depos dhe fabrikës, por jo edhe thertores.

Prapa sulmit në kanalin e Ibër-Lepencit qëndron Millan Radoiçiq i mbështetur nga Serbia. Kështu tha kryetarja e Komisionit për Mbikëqyrjen e Agjencisë së Kosovës për Inteligjencë, Ganimete Musliu, teksa tregoi se çfarë u tha nga drejtori i AKI-së, Petrit Ajeti gjatë raportimit.

“Diskutuam për të gjitha çështjet të cilat kanë të bëjnë me sigurinë e vendit. Gjendja e sigurisë në Kosovë është stabile me provokime të mundshme nga Serbia. Folëm për sulmin në kanalin e Ibër Lepencit dhe për çështje tjera. Në bazë të asaj se çfarë u tha nga drejtori i AKI-së, prapa sulmit qëndron Radoiçiq i mbështetur nga shteti serb”, tha Musliu.

Në Komisionin për Mbikëqyrjen e AKI-së ka raportuar me dyer të mbyllura drejtori Petrit Ajeti.

Një ditë pasi familjarët e kanë denoncuar të zhdukur, policia e Kukësit ka gjetur të mbytur në kanalin e hidrocentralit të Orgjostit një 26-vjeçare.

“Më datë 17.12.2024, në kanalin e hidrocentralit të Orgjostit, në fshatin Orgjost, është gjetur e pajetë shtetasja M. O., 26 vjeçe, banuese në fshatin Kosharisht.

Pasditen e datës 16.12.2024, në Komisariatin e Policisë Kukës, familjarët e kësaj shtetaseje kanë bërë kallëzim për largimin e saj nga banesa dhe humbjen e kontakteve me të”, thuhet në njoftimin e Policisë së Shqipërisë.

Gjatë këqyrjes nga eksperti mjekoligjor, në trupin e vajzës nuk janë konstatuar shenja dhune apo dëmtime të tjera. Nga veprimet hetimore të deritashme dyshohet se kjo shtetase është vetëmbytur.

Policia e Kosovës ka njoftuar se ka arrestuar disa persona dhe ka sekuestruar armë zjarri e sasi të konsiderueshme municioni, në dy lokacione të ndara mbrëmjen e së martës në Prishtinë.

Sipas njoftimit, një automjet në “Rrugen B” kishte tentuar t’i shmangej ndalimit policor por Policia e kishte arritur atë dhe aty kishte gjetur dy armë zjarri.

“Në rastin e dytë, pas informacioneve të siguruara në rrugë operative se një i dyshuar posedonte armë, policia me shpejtësi ndërmori një operacion në një lokal në rrugën ‘Kadri Zeka’ në lagjen Kalabria në Prishtinë, me ç’ rast arriti të ndalojë të dyshuarin dhe të sekuestroj një armë zjarri”, thuhet në njoftim.

Lidhur me këto raste, Policia e Kosovës ka iniciuar një hetim në drejtim të veprave penale “Mbajtja në pronësi kontroll ose posedim të pa autorizuar të armës”.

Tre të dyshuarit janë dërguar në qendrën e mbajtjes prej 48 orësh.

Ministria e Ekonomisë ka lansuar të mërkurën ankandin e parë të erës prej 100 MW në Kosovë.

Kryeministri i Kosovës, Albin Kurti tha se këtë vit “jashtëzakonisht të suksesshëm për sektorin e energjisë po e përmbyllim edhe me një sukses – hapjen e Ankandit parë të erës prej 100 MW në Kosovë”.

“Ekonomia jonë po rritet me ritmin më të shpejtë në rajon. Kemi rritje të burto produktit vendor me 6.36 mesatarisht në tri vitet e fundit. Kemi dyfishim të eksporteve dhe dyfishim të investimeve të huaja direkte. Sipas këtij parimi jemi siguruar që qytetarët janë pjesë e politikave tona. Sulmi në Ibër-Lepenc na bëri me dije se sa është e rëndësishme që ne të forcohemi edhe në kuptim energjetik. Kosova ka potencial të madh natyror për energji të ripërtritshme, energji të ripërtritshme të diellit. Deri vitin 2031 jemi zotuar që të arrijmë 1600 MGW nga burimet e ripërtitshme të energjisë”, tha ai.

Ministrja e Ekonomisë, Artane Rizvanolli tha se ky projekt është i rëndësishëm për gjenerimin dhe ekonomin e vendit.

Zëvendësambasadori i Gjermanisë, Matthias Conrad tha se ky është një hap i madh për të krijuar një të ardhme miqësore dhe se ankandi me 100 MW është me sasi domethënëse të prodhimit të energjisë së pastër.

Sipas tij, kjo tregon se Kosova është e gatshme të kalojë nga prodhimi i energjisë së papastër ne të pastër dhe se “ky është drejtim i duhur dhe përgëzoj Kosovën, qëllimi i Kosovës është 35% e energjisë se pastër deri në vitin 2031”./KP

Policia e Kosovës ka njoftuar se një person është dërguar në QKUK për trajtim mjekësor pasi që i njëjtë derisa ka qenë në rrugë është goditur nga një veturë.

Rasti sipas policisë ka ndodhur në rrugën C në Prishtinë, derisa vetura në lëvizje thuhet se është larguar nga vendi i ngjarjes në drejtim të panjohur.

“Viktima mashkull kosovar është dërguar në QKUK për trajtim mjekësor pasi që i njëjti derisa ka qenë në rrugë është goditur nga një veturë në lëvizje e cila është larguar nga vendi i ngjarjes në drejtim të panjohur, lidhur me rastin janë ndërmarrë veprimet policore për procedurat e mëtejme hetimore”, thuhet në njoftim.

Sindikata e Policisë së Kosovës, ka reaguar me rastin e rëndë që ka ndodhur në Pejë, ku një person ka tentuar ta vrasë një polic, duke u munduar ta godas me veturë dhe duke shtënë me armë në drejtim të tij.

Sindikata e PK-së ka theksuar se ky akt s’është sulm vetëm ndaj vetëm këtij polici porse është sulm ndaj institucioneve të Kosovës.

“Sindikata e Policisë së Kosovës shpreh indinjatën dhe shqetësimin e thellë për incidentin e rëndë ku një veturë me targa vendore ka tentuar ta godasë një zyrtar policor në detyrë. Zyrtari policor, për fat të mirë, ka arritur t’i shmanget goditjes nga kjo veturë, ndërkohë që i dyshuari, gjatë lëvizjes, ka shtënë me armë zjarri nga dritarja e automjetit. Falë reagimit të shpejtë dhe profesional të Policisë së Kosovës, i dyshuari është arrestuar dhe aktualisht po përballet me procedurat ligjore. Ky akt kriminal dhe i papranueshëm nuk përbën vetëm një sulm ndaj zyrtarit policor, por një sulm të drejtpërdrejtë ndaj institucioneve të Republikës së Kosovës, rendit dhe sigurisë publike”, thuhet në reagim

Sindikata i bën thirrje organeve të drejtësisë që të veprojnë me vendosmëri, duke siguruar që autori i këtij akti të përballet me dënimin maksimal që parashikon ligji.

“Sulmet ndaj zyrtarëve policorë nuk duhet të tolerohen dhe duhet të trajtohen me prioritet për të dërguar një mesazh të qartë se ligji dhe rendi janë të pacenueshëm. Zyrtarët policorë janë shtylla e sigurisë së qytetarëve dhe mbrojtjes së institucioneve të shtetit.Policia e Kosovës është në shërbim të qytetarëve dhe Republikës së Kosovës, dhe çdo akt dhune ndaj saj duhet të dënohet fuqishëm nga të gjithë. Sindikata qëndron e palëkundur në përkrahje të çdo anëtari të Policisë së Kosovës dhe do të vazhdojë të kërkojë drejtësi dhe siguri maksimale për zyrtarët tanë”, theksohet po ashtu në reagim.

Policia e Kosovës ka njoftuar se ka arrestuar disa persona dhe ka sekuestruar armë zjarri e sasi të konsiderueshme municioni, në dy lokacione të ndara mbrëmjen e së martës në Prishtinë.

Sipas njoftimit, një automjet në “Rrugën B” kishte tentuar t’i shmangej ndalimit policor por Policia e kishte arritur atë dhe aty kishte gjetur dy armë zjarri.

“Në rastin e dytë, pas informacioneve të siguruara në rrugë operative se një i dyshuar posedonte armë, policia me shpejtësi ndërmori një operacion në një lokal në rrugën ‘Kadri Zeka’ në lagjen Kalabria në Prishtinë, me ç’ rast arriti të ndalojë të dyshuarin dhe të sekuestroj një armë zjarri”, thuhet në njoftim.

Lidhur me këto raste, Policia e Kosovës ka iniciuar një hetim në drejtim të veprave penale “Mbajtja në pronësi kontroll ose posedim të pa autorizuar të armës”.

Tre të dyshuarit janë dërguar në qendrën e mbajtjes prej 48 orësh.