Profesori në Kolegjin AAB, Xhavit Rexhaj, në emisionin CONTEXT në ATV, ka ngritur shqetësime për ndikimin e votimit të 10 kandidatëve në lista zgjedhore, duke e konsideruar këtë proces si një rrezik për manipulime brenda partiake.
Sipas Rexhajt, procesi i mbrojtjes së votës dhe numërimit bëhet shumë më i ndërlikuar, duke rritur mundësinë e manipulimeve në qendrat e votimit.
“Kjo e rrit mundësinë shumëfish për manipulime brenda partiake, brenda llojit. Domethënë, bëjnë pak komisionerët, edhe t’i tutë unë të mitë’, sepse do të ketë shumë vota”, tha Rexhaj.
Ai gjithashtu shprehu shqetësim për vështirësitë që do të hasin votuesit në zgjedhjen e 10 emrave nga listat zgjedhore, duke përmendur problemet e mëparshme me procesin e numërimit.
“Unë me pesë vota kam pasë problem me i gjetë pesë emra në listën me njëqind e dhjetë emra. Tash me dhjetë emra… njerëzit që nuk kanë formim politik, arsimor apo tjetër do ta kenë shumë të vështirë,” u shpreh Rexhaj.
Deklaratën e plotë të Xhavit Rexhajt në CONTEXT e gjeni në videon më poshtë:
Ish-deputeti Ibrahim Gashi, në emisionin CONTEXT në ATV, tha se votimi i 10 kandidatëve në lista zgjedhore mund të sjellë ndryshime të rëndësishme cilësore në përbërjen e partive politike në Parlament.
Sipas tij, kjo qasje krijon hapësirë për përfshirjen e emrave të rinj që mund të ndryshojnë strukturën cilësore të partive.
“Votimi i dhjetë kandidatëve jep mundësi më shumë, domethënë me fut edhe emra të rinj në atë të dhjetëshin që e përzgjedhin votuesit për ta votu dhe në këtë kombinim mund të ketë ndryshime kualitative në përbërjen e partisë dhe të ulëseve që ajo merr në Parlament”, tha Gashi.
Ai komentoi gjithashtu përfshirjen e kryetarëve të komunave në lista zgjedhore, duke e konsideruar si një taktikë të partive për të tërhequr më shumë vota.
“Kjo është taktikë e partive me tërheq më shumë vota në ato komuna ku ata kanë fitu një herë si emra të përveçëm. Nëse kanë punu mirë, kjo mund t’ju përkthehet në vota dhe e rrit numrin total të votave të partisë,” u shpreh ai.
Deklaratën e plotë të Ibrahim Gashit në CONTEXT e gjeni në videon më poshtë:
Presidenti i SHBA-së Donald Trump deklaroi sot në Forumin Ekonomik Botëror në Davos se dëshiron të takohet së shpejti me homologun e tij rus Vladimir Putin për të siguruar fundin e luftës gati trevjeçare në Ukrainë.
Në prag të fitores së tij në zgjedhjet e 5 nëntorit, Trump deklaroi dhjetëra herë se do të arrinte një marrëveshje midis Ukrainës dhe Rusisë në ditën e tij të parë në detyrë, nëse jo më parë. Këshilltarët e tij tani pranojnë se do të duhen muaj për të zgjidhur luftën.
“Unë me të vërtetë do të doja të takohesha me presidentin Putin së shpejti për t’i dhënë fund asaj lufte. Miliona jetë po humbasin, kjo është një masakër,” tha Trump përmes një lidhjeje video në Davos.
Trump tha gjithashtu se përpjekjet e SHBA për të siguruar një zgjidhje paqeje ishin duke u zhvilluar, por ai nuk dha detaje.
Presidenti amerikan kërcënoi dje Rusinë me sanksione të reja nëse nuk bën një marrëveshje me Ukrainën.
“Nëse nuk arrijmë një marrëveshje, shpejt, nuk do të kem zgjidhje tjetër veçse të rris taksat, tarifat dhe sanksionet për gjithçka që Rusia mund t’i shesë Shteteve të Bashkuara, si dhe vendeve të tjera që bashkohen”, tha Trump.
Moska u përgjigj se ishte e gatshme për dialog, por me respekt të ndërsjellë.
Orendi, goma veturash, mbetje ushqimesh, e mbeturina të tjera ka gjithandej në tokë por jo aq në kontejnerë.
Gjendja me mbeturina në Fushë Kosovë ka marrë përmasa shqetësuese derisa hidhen edhe në afërsi të komunës apo edhe shkollave.
Nga kompania “Pastrimi” përgjegjëse për grumbullimin e mbeturinave edhe në Fushë Kosovë thonë se ato largohen dy deri në tre herë në javë pikërisht në Bresje.
‘’Kompania “Pastrimi”, Njësia Operuese në Fushë Kosovë, shërbimin e largimit të mbeturinave në këtë rrugë e kryen së paku dy herë brenda javës. Bëjmë thirrje gjithë qytetarëve që mbeturinat t’i hedhin në kontejnerë e jo nëpër tokë’’, thuhet në përgjigjen nga Kompania Tajonale e Mbeturinave “Pastrimi”.
Por, hiç më mirë punët me mbeturina nuk janë as te ‘’Shkolla e Re’’.
“200-300 fëmijë janë këtu në shkollë, çdo ditë, që vi me marr mbesën këto mbeturina janë këtu, kurrë nuk e gjen pastër. I kisha bë apel Komunës pak me pesë kujdes këtu të fëmija”, thotë një qytetar.
Njëkohësisht as Komuna e Fushë Kosovës nuk merr përgjegjësi për grumbullimin e mbeturinave. Ardit Sekiraqa, drejtor i shërbimeve publike tha se ekipet vazhdimisht janë në terren.
“Ekipet tona të Komunës vazhdimisht bëjnë pastrimin dhe largimin e deponive ilegale të mbeturinave të cilat krijohen afër pikave grumbulluese të mbeturinave apo në pjesë të ndryshme të qytetit”, tha Sekiraqa.
Komuna e Leposaviqit s’ia tha punës në projekte infrastrukturore gjatë tërë vitit të kaluar.
Për një vit, komuna më veriore e vendit shpenzoi vetëm 1 për qind të buxhetit për investime kapitale. Kësisoj nga 2.6 milionë sa kishin në dispozicion për projekte të tilla, Komuna shpenzoi vetëm 26 mijë euro.
Deri vonë, pjesën operacionale e të prokurimit për komunën e Leposaviqit, e mbulonte Podujeva.
Por, siç kupton ATV-ja, të dy komunat kanë shkëputur bashkëpunimin, pas disa mosmarrëveshjeve, që lidheshin pikërisht më pjesën administrative.
Derisa komuna e Leposaviqit është në përpjekje për një marrëveshje të re, monitorues të qeverisjes lokale thonë se bartja e përgjegjësive tek dikush tjetër, ndodh për shkak të mungesës së kuadrove brenda institucionit.
“Duhet ta kemi parasysh që akoma nuk mund të flasim për konsolidim të plotë të resurseve ekzekutive të pushtetit. Pra kemi të bëjmë me një pushtet i cili është duke u konsoliduar e për rrjedhojë ka shumë vështirësi dhe ka shumë paqartësi në ekzekutimin e projekteve. Mirëpo kjo ka ardhur në mungesë të resurseve profesionale që i ka kjo komunë”, tha Bekim Salihu nga Instituti Gap.
Nga shuma e shfrytëzuar prej 26 mije euro, mbi 16 mijë, u përdorën për rregullimin e lumit Bistrica, ani pse kjo përbën vetëm 7 për qind të shumës totale prej 250 mijë euro, që ishin paraparë për këtë projekt.
Ndërkaq mbi 9 mijë të tjera, ishin zotuar për renovimin e shtëpisë së shëndetit në fshatin Vraqevë.
Në një prezantim në Davos të Zvicrës, duke folur për ato që i vlerësoi të arritura në raport me rritjen e punësimit, kryeministri Albin Kurti tha se në Kosovë janë dy mijë punëtorë nga Azia e largët, kryesisht nga Filipinet dhe Bangladeshi.
Referuar normës së varfërisë prej 19.2%, sipas Bankës Botërore, profesori Shkumbin Misini vlerësoi se ka shpërputhje në statistikat e paraqitur nga kryeministri dhe realitetit.
“Është kontroverse të thuhet që ne po importojmë nga vende të ndryshme të botës njerëz për punësim, e në anën tjetër e ke shkallën e papunësisë shumë të lartë. Dhe, shumë zhgënjyese është kur vetëm 37% e atyre që janë të aftë për punë, janë të punësuar”, tha Misini.
Edhe për numrin e punëtorëve nga jashtë profesori tha se nuk ka të dhëna të
sakta, meqë sipas tij, Kosova është kryesisht vend-tranzit.
“Na shumica e bizneseve që i kam dëgjua, kanë thënë që ka raste që i kemi mbajtë, një jave, një muaj, tre muaj, ua kemi bërë leje-qëndrimet, ua kemi paguar banesat, u kemi dhënë paga paraprake dhe janë larguar pa njoftim”, tha Misini.
Në Dhomën e Tregtisë dhe Industrisë thanë se shifra e dhënë nga kryeministri është risi, ndërsa në mesin e arsyeve përmenden ikjen e punëtorëve vendorë.
“Pjesa e sektorit të hotelerisë dhe ndërtimtarisë vazhdojnë të ndjejnë krizën për punëtorë, sepse siç e kemi pa është hapja e madhe e tregut në Evropë, sidomos në pjesën e Gjermanisë… dhe normalisht fuqia financiare atje është shumëfish më e madhe sesa e bizneseve në Kosovë”, tha Kushtrim Ahmeti, koordinator nga Dhoma e Tregtisë dhe Industrisë.
Si problem tjetër kyç në këtë kontekst, Kushtrim Ahmeti përmendi mungesën e punëtorëve të kualifikuar dhe mungesën e politikave orientuese e ndërlidhëse.
“Në mungesë të funksionimit siç duhet të shkollave profesionale dhe ndërlidhjes së tyre me sektorin privat, atëherë kjo ka shkaktuar mungesë të madhe të punëtorëve profesional, dhe normalisht kur biznesi nuk gjen punëtorë brenda vendit, duhet të kërkojë të bëjë zgjidhje edhe jashtë vendit, në mënyrë që të vazhdojë të ekzistojë si biznes”, tha Ahmeti.
Sipas publikimit të fundit të Agjencisë së Statistikave, shkalla e jo-aktivitetit në tregun e punës është 59%, ndërsa numri të papunëve afër 52 mijë.
Oda e infermierëve, Mamive dhe Profesionistëve të tjerë shëndetësor kremtoi një dekadë pune.
Me rastin e 10 vjetorit të themelimit u theksua se infermierët mbesin grupi më i rëndësishëm i punëtorëve shëndetësor duke kontribuar në ngritjen e cilësisë dhe humanizmit.
‘’Sot infermieria kosovare ka kremtim të dhjetë vjetorit të themelimit të odës se infermierëve, mamive dhe profesionistëve të tjerë shëndetësor. Janë dhjetë vite sakrificë mund angazhime për të arritur deri këtu. Covidi ishte një virus I panjohur për Kosovën por edhe për gjithë botën përveq që luftuam me një virus të panjohur ne si komunitet ishum me pak të përgatitur duke shpresuar se gjëra të tilla most ë ndodhin asnjëherë. Edhe pse profesionistët shëndetësor jashtëzakonisht mirë ja kanë dalë’’, tha kryetarja e Odës së Infermierëve, Shukrije Gori.
Në anën tjetër, Ministri i Shëndetësisë, Arben Vitia, deklaroi se është duke u punuar për përmirësimin e kushteve të punës, mbrojtjes së të drejtave të infermierëve e të tjera.
“Ne e dimë se rritja dhe avancimi I sektorit shëndetësor janë të lidhura ngusht me përkrahjen dhe zhvillimin e fuqishëm të profesionistëve të shëndetësisë e në veqanti të infermierëve. Bashkë jemi të përkushtuar të investojme me shumë në edukimin e trajnimit të infermierëve të krijojnë mundësi për avancimin e tyre professional dhe të sigurojmë kushte me të mira. SHSKUK ka ndarë për këtë 1 milionë euro ku përfshihen edhe infermierët”, tha Vitia.
Në këtë ngjarje u shfaq edhe një dokumentar i cili fliste për rrugëtimin 10 vjeçar të Odës së Infermierëve.
Por, tash hallin e ka si t’i bartë në katin e 8, pasi që rrymë nuk ka dhe ashensori nuk punon.
Me këtë problem, për më shumë se një muaj po përballet i moshuari Sami Ymeri nga Ferizaj.
“Në katin e tetë shumë lartë nuk po dimë se t’ia bëjmë, gruaja më prej asaj dite su dal hiç prej banesës”, tha Sami Ymeri, qytetar.
Dikujt tjetër ndërprerjet e shpeshta të energjisë, ia dogjën pajisjet shtëpiake.
Mirëpo, gjeneratorët, që janë bërë pjesë e përditshmërisë së ferizajasve, pritet të mos kumbojnë më.
Furnizim të rregullt me energji elektrike, u premtoi qytetarëve, ministrja e Ekonomisë, Artane Rizvanolli, e cila të enjten inauguroi nënstacionin Ferizaj 3.
Nënstacioni i ri, pritet të furnizojë me rrymë mbi 12 mijë konsumatorë.
Fillet e ndërtimit të nënstacionit datojnë nga 2021-ta. Në janar të atij viti, ishte vendosur gurthemeli për ndërtimin e nënstacionit, me qëllim përfundimin në fund të vitit 2023.
Fajin për dështimin në jetësimin e projektit brenda aftit, kryeshefi i KOSTT-it Evetar Zeqiri, ua hodhi problemeve me shpronësime dhe motit të ligë.
Duke e konsideruar tejet të nevojshëm, kritika për vonesat, pati i pari i Ferizajt, Agim Aliu.
Kostoja e nënstacionit Ferizaj 3, kap vlerën prej afro 8 milionë euro, së bashku me linjën 3.31 kilometra.
Kështu e përmbylli të enjten raportimin e punës për vitin 2024 të Departamentit Special të Gjykatës së Apelit, gjyqtarja Afërdita Bytyqi.
Bytyqi, që e udhëheq këtë Departament ka kërkuar shtimin e numrit të gjyqtarëve, ku me avancimin e dy prej tyre në Supreme, nga shkurti do të mbesin vetëm tre.
Me numër të pamjaftueshëm të gjyqtarëve, po ballafaqohet edhe Departamenti Special i Gjykatës së Prishtinës. Aty aktualisht punojnë 9 gjyqtarë, 6 bashkëpunëtorë profesionalë dhe 7 zyrtarë ligjorë.
Me ligjin për gjykatat secili gjyqtar duhet të ketë të paktën një bashkëpunëtor. Këto departamente trajtojnë rastet penale më të rënda dhe komplekse në tërë territorin e vendit.
Kryesuesi i Këshillit Gjyqësor në mbledhjen e së enjtes tha se sfidat e këtyre departamenteve do të adresohen me rregulloren e re, që pritet të finalizohet në muajin shkurt.
Megjithatë, juristët konsiderojnë se për të rritur efikasitetin e trajtimit të këtyre rasteve, është më se e nevojshme që departamentet të shndërrohen në Gjykatë Speciale.
Ndonëse në numër të vogël të gjyqtarëve, Departamenti Special gjatë vitit të shkuar ka përfunduar 79 lëndë, nga 70 sa ishte synuar.
136 mijë e 500 euro është vlera totale e 27 gjobave që Paneli Zgjedhor për Ankesa dhe Parashtresa i ka shqiptuar ndaj subjekteve politike, gjatë 12 ditëve të para të fushatës zgjedhore.
Vetëm të mërkurën, Lëvizja Vetëvendosje u gjobit 6 mijë euro në dy vendime të ndara, Koalicioni për Familjen me 4500 euro, ndërsa Partia Liberale Egjiptiane, me 1 mijë euro.
Gjobat kanë të bëjnë kryesisht me përdorimin e gjuhës apo vendosjen e materialeve të fushatës në vende të ndaluara.
Vullnet Bugaqku nga Instituti i Kosovës për Demokraci, tregon se Lidhja Demokratike e Kosovës prin me gjoba në këtë periudhë.
“Prin Lidhja Demokratike e Kosovës me 45,000 euro gjobë. Shkelje të tjera gjithashtu përfshijnë vendosjen e posterëve në hapësira publike në kundërshtim me ligjin në fuqi”, tha Bugaqku.
Ndërsa analisti Shemsi Jashari vlerëson se këto gjoba janë të arsyeshme, ndërsa thotë se politikanët duhet pasur kujdes që të mos nxisin përçarje mes qytetarëve.
“Zgjedhjet janë të lira, qytetarët janë të lirë të zgjedhin… deri ne fund”, tha Jashari.
Gjobat që janë shqiptuar kanë të bëjnë edhe me veprime gjatë tubimeve elektorale, por edhe për gjuhën e përdorur në emisione televizive. /atvlive.tv
