Category: Lajme

Një incident i përcjellur me armë të ftohtë ka ndodhur pasditen e djeshme në Ferizaj, ku për pasojë një person ka mbetur i plagosur, raporton Gazeta Sinjali.

Sipas informacioneve të para, personi që u lëndua nga sulmi me thikë, ka pranuar edhe ndihmë mjekësore.

Në vendin e ngjarjes kanë dalë njësitet policore dhe kanë ndërmarrë veprimet e nevojshme për të siguruar prezencën e të dyshuarit.

Rasti është cilësuar si “Lëndim i rëndë trupor”, ndërkaq hetimet për zbardhjen e rrethanave të ngjarjes tashmë kanë filluar.

Kryeministri në detyrë Albin Kurti ka udhëtuar sot për në Munih të Gjermanisë për të marrë pjesë në konferencën treditore të sigurisë, forumi kryesor në botë për debatimin e politikave ndërkombëtare të sigurisë dhe nismat diplomatike për të adresuar shqetësimet më të ngutshme të sigurisë në botë.

Konferenca e 61-të e Sigurisë në Munih do të mbahet nga 14 deri më 16 shkurt në hotel “Bayerischer Hof” dhe do të ofrojë edhe një herë një platformë të pashembullt për debate të nivelit të lartë mbi sfidat kryesore të politikës së jashtme dhe të sigurisë të kohës sonë.

Në konferencë marrin pjesë 450 personalitete botërore, përfshirë liderë të shteteve, ministra, organizatave ndërkombëtare dhe joqeveritare, përfaqësues të rangut të lartë të industrisë, medias, akademisë dhe shoqërisë civile.

Në Munih ndodhet edhe ministri në detyrë i Punëve të Brendshme Xhelal Sveçla, i cili sot mori pjesë në ministerialin e katërt, me temën mbi financimin e terrorizmit si kërcënim global i sigurisë.

Konferenca e Sigurisë së Munihut ka rrënjë transatlantike dhe evropiane, por aktivitetet e saj pasqyrojnë gjithashtu një botë të globalizuar dhe gjithashtu tërheq vëmendjen ndaj çështjeve që mund të mos jenë ende në krye të agjendës së komunitetit të sigurisë.

Anëtari i PDK-së, Artan Behrami, në emisionin CONTEXT në ATV, hodhi dyshime se shtyrja dhe vonesat në procesin e numërimit janë pjesë e një taktike të pushtetit për të shpallur zgjedhje të reja dhe për të shmangur presionin ndërkombëtar.

Sipas Behramit, kjo situatë po shërben për dy qëllime kryesore: për të arritur rezultatin e dëshiruar dhe për të fituar kohë përballë trysnisë ndërkombëtare.

“Arsyeja e parë është që duhet t’i dalë profecia për 500 mijë vota. Dhe e dyta është për t’i ikur presionit ndërkombëtar, pra për ta çuar vendin në zgjedhje diku nga qershori dhe për të humbur një vit kohë. Ata që e përcjellin politikën, e kanë parë se zhvillimet globale do të përfshijnë edhe Kosovën herët a vonë,” tha Behrami.

Ai tha se vonesat e krijuara po dëmtojnë procesin e numërimit dhe po bëjnë të pamundur punën e komisionerëve dhe vëzhguesve.

“Komisionerët dhe vëzhguesit nuk mund të qëndrojnë dy-tre javë duke bërë të njëjtën punë. Sot futen në sistem 500 vota, bie sistemi dhe ato fshihen, pastaj duhet të rifillojnë nga e para. Kjo është një luftë nervash që i shërben këtij pushteti, vetëm sepse numrat nuk i kanë dalë ashtu siç kanë pretenduar”, u shpreh Behrami.

Deklaratën e plotë të Artan Behramit në CONTEXT, e gjeni në videon më poshtë:

Anëtari i AAK-së, Arton Demhasaj, në emisionin CONTEXT në ATV, ngriti dyshime mbi tenderin për softuerin e KQZ-së, duke thënë se ai u fitua nga një kompani e lidhur drejtpërdrejt me pushtetin dhe dështimi i tij nuk është rastësi.

Sipas tij, dy pronarët e kompanisë fituese të tenderit kanë lidhje të drejtpërdrejta me qeverinë, njëri si zëvendësministër dhe tjetri si këshilltar i kryeministrit.

“Tenderin për softuerin e ka fituar një kompani, pronarët e së cilës janë të lidhur me partinë në pushtet. Njëri ka një pozicion zëvendësministri, tjetri është këshilltari i kryeministrit. Dhe si ka mundësi që ky softuer, që ata vetë e kanë sjellë, po dështon? Pastaj dalin dhe thonë ‘na sulmoi Kina’, një miliard njerëz na sulmuan! Pse ka nevojë një miliard njerëz për të sulmuar një KQZ?”, tha Demhasaj.

Ai tha se softueri i KQZ-së u bllokua pikërisht në momentin kur Vetëvendosja kishte rezultatet më të larta, duke e cilësuar këtë si tentativë për të ndërtuar një narrativë manipuluese.

“Softueri i KQZ-së është bllokuar pikërisht kur dolën disa rezultate dhe Vetëvendosja kishte 57% të votave. Aty u ndal gjithçka, për të krijuar një narrativë që ky ishte rezultati real, por na sulmuan dhe na i morën votat”, u shpreh Demhasaj.

Deklaratën e plotë të Arton Demhasajt në CONTEXT, e gjeni në videon më poshtë:

Anëtari i AAK-së, Arton Demhasaj, në emisionin CONTEXT në ATV, tha se për herë të parë në 25 vite, zgjedhjet në Kosovë po përcillen me paqartësi të mëdha, duke ngritur dyshime për mbi 30 mijë vota të cilat mospërputhjen me rezultatin e KQZ-së.

Sipas tij, Kosova ka qenë shembull në organizimin e zgjedhjeve në rajon, por këtë herë procesi është i mbushur me dyshime.

“Nëse për diçka në Kosovë kemi ndërtuar standard dhe ju kemi dhënë shembull krejt vendeve të rajonit, ka qenë pikërisht organizimi i zgjedhjeve. Dhe çka po flasim tash, njëzet e pesë vjet më vonë, kemi organizuar zgjedhje që, hala pas një jave nga mbajtja e tyre, nuk kemi një rezultat final për partitë politike e lëre më për kandidatë”, tha Demhasaj.

Ai përmendi një mospërputhje të madhe në shifrat zyrtare të votave në faqen e KQZ-së.

“Hala në faqen e KQZ-së figuron se në këto zgjedhje kanë votuar 799,954 qytetarë. Në anën tjetër, kur i mbledh votat e partive politike, del që janë 833,000. Domethënë, kah erdhën këto mbi 33 mijë vota? Ku figurojnë këto?”, tha Demhasaj.

Deklaratën e plotë të Arton Demhasajt në CONTEXT, e gjeni në videon më poshtë:

Anëtari i PDK-së, Artan Behrami, në emisionin CONTEXT në ATV, tha se Ministria e Brendshme po kontrollon rrjetin dhe sistemin e internetit të KQZ-së, duke ndikuar në vonesat e procesit zgjedhor.

Sipas Behramit, këto vonesa janë të qëllimshme dhe të orkestruara nga struktura politike të afërta me pushtetin.

“Të gjitha vonesat që janë krijuar, unë mendoj që janë vonesa të qëllimshme, të udhëhequra nga parapolitika dhe nga ato sobat e Dejana Mihajlit, të ekzekutuara nga Ministria e Brendshme, e cila e kontrollon krejt serverin dhe sistemin e internetit. Nuk është kompania, por është Ministria e Brendshme që e kontrollon, pra zoti Sveçla e kontrollon atë”, tha Behrami.

Ai tha se këto vonesat favorizojnë një lider politik që nuk është i kënaqur me rezultatin e zgjedhjeve.

“Këto vonesa i konvenojnë një lideri i cili nuk është duke e pëlqyer rezultatin, sepse profecia e tij për 500 mijë vota nuk i ka dalë dhe tash duhet me e rrotullu krejt Kosovën, me çu
zgjedhjet edhe njëqind herë, derisa t’i dalë profecia e tij për pesëqind mijë vota”, u shpreh Behrami.

Deklaratën e plotë të Artan Behramit në CONTEXT, e gjeni në videon më poshtë:

Përgatiti: Arian Hajdaraj

Jusuf Shujak, me ngulm insiston se nuk kishte gisht në krimet e luftës.

Por, Prokurori Special është i bindur se i njëjti ka kryer veprën penale “krime lufte kundër popullsisë civile”, në Gjakovë, pikërisht me datën 10 maj 1999, derisa ishte pjesë e forcave paramilitare serbe.

“Në rrugën bajram curri në Gjakovë, pjesëtarë të forcave paramilitare serbe, ku bënte pjesë edhe I pandehuri, të uniformuar dhe të armatosur, kanë hyrë në shtëpinë e Muhamet Dylës, KU ISHIN dukë qëndruar Mujamet Dyla, dukagjin Dyla, bashkëshortja e tij, një fëmijë dhe dy të zhvendosur”, tha prokurori special, Kastriot Mema.

Të njëjtit, sipas aktakuzës, edhe u vranë me pretendimin se ishin pjesë e UÇK-së.

“Fillimisht I urdhëruan të dalin në oborr, sapo dolën, një polic serb I ndalon Cene Hajdaraj dhe Isa lokaj, dhe ua kishte kërkuar letërnjoftimet. Dhe një pjesëtar u kishte thënë se jeni UCK, dhe shtënë me armë, dhe I vret që të dy”, tha më tej Mema.

Përballë kësaj akuze, Shijak, nuk ndjehet fajtor.

“Jam i pafajshëm. Nuk e di për çfarë rasti bëhet fjalë”, deklaroi i akuzuari.

Me këtë deklarim, gjykimi ndaj tij edhe filloi, pasi ditë më parë kishte dështuar në mungesë të shkresave të lëndës.

Jusuf Shujak ishte arrestuar në prill të vitit 2024, në fshatin Banjskë, vend në të cilin punonte si postier. I njëjti, aso kohe dyshohej se kishte lidhje të afërta me Milan Radojicicin.

Më shumë detaje i gjeni në Edicionin Qendror të lajmeve në videon më poshtë: