Category: Lajme

Përgatiti: Arian Hajdaraj

Më 19 korrik të vitit 1998, Elhami Tahiraga, u nis nga Rahoveci drejt Malishevës për ta dërguar një të afërm në spital.

Por, kjo e diel, ishte e fundit ditë kur u pa i gjallë, meqë Elhamiu nuk u kthye asnjëherë.

“Muaji korrik u kanë, 1998. E kanë plagosë njëfarë hoxhe të Rahovecit, dhe me shokun e tij e kanë qu në Malishevë me shëru, kur janë kthy, në hyrje të Rahovecit na kanë thanë që e kanë vra”, tha Naile Tahiraga, bashkëshortja e Elhami Tahiragës.

Familja e institucionet, nuk ndalën së kërkuari për të, por pa sukses, deri në vitin 2024, kur u gjetën mbetje mortore të cilat dhanë shpresë se mund të ishin të Ehamiut. Pasi u kryen analizat, kjo dilemë shua.

“Por, unë kam pas shpresë se mos është në burg, se mos kthehet. Por deri sot skena ditë gjë, kur kjo shoqata-komisioni, e kanë marrë gjakun e fëmijëve. të martën kemi marrë një lajm të mirë që e kemi gjet”, tha Tahiragës.

Tani, familjarët të cilët jetojnë jashtë Kosovës, presin që sa më shpejtë të kthehen, për ta kryer varrimin.

“Nana e vëllezërit e kishim vetëm një shpresë – ta gjejmë e ta varrosim, që të kemi ku ta qojmë një lule”, tha Suada Tahiraga – Gashi, vajza e Elhami Tahiragës.

Komisioni qeveritar për të pagjetur, së fundmi arriti t’i identifikojë edhe disa mbetje mortore të personave që ishin vrarë në masakrën e Kralanit.

Presidentja e Kosovës, Vjosa Osmani, ka pritur sot në takim zyrtar Presidentin e Letonisë, Edgars Rinkēvičs, i cili ka ardhur për vizitë në Kosovë. Pas takimit, dy presidentët kanë dalë në një konferencë të përbashkët për media.

Presidenti i Letonisë e ka falënderuar Osmanin për mikpritjen, si dhe ka thënë se është shumë e rëndësishme që sot ka ardhur ta vizitojë Kosovën.

Ai ka shprehur mbështetjen e Letonisë për intergrimin e Kosovës në KiE.

“Letonia e mbështet plotësisht integrimin e Kosovës në organizatat ndërkombëtare, e keni mbështetjen tonë të plotë për anëtarësimin në Këshillin e Evropës, gjithmonë ju kemi mbështetur dhe besojmë që ky anëtarësim mund ta hap rrugën edhe për organizatat tjera ndërkombëtare. E përsëris mbështetjen e plotë të Letonisë për procesin e Integrimit Evropian të Kosovës”, ka potencuar Rinkēvičs.

Ai po ashtu ka thënë se duhet të normalizohen raportet Kosovë – Serbi.

“Qëndrimi i vendit tim është që Bashkimi Evropian duhet t’i heqë masat ndaj Kosovës. Ne po ashtu mbështesim normalizimin e plotë të marrëdhënieve mes Beogradit dhe Prishtinës, vazhdimin e dialogut sepse besojmë që kjo do të jetë një mënyrë e mirë për ta përmirësuar stabilitetin dhe sigurinë në rajon, në një afat më të gjatë”, ka theksuar presidenti i Letonisë.

Mes tjerash, ai ka thënë se Letonia është e gatshme të ofrojë ekspertizën e tyre në Kosovë sa i përket sektorit gjyqësor, administratës publike dhe sektorëve tjera.

Presidentja e Kosovës, Vjosa Osmani, ka dalë në një konferencë të përbashkët për media, me presidentin e Letonisë, Edgars Rinkēvičs, pas takimit të tyre në Presidencë.

Osmani gjatë kësaj konference theksoi rëndësinë e marrëdhënieve të ngushta mes Kosovës dhe Letonisë, kështu duke e cilësuar këtë vizitë si dëshmi të partneritetit të fort mes dy shteteve.

Ajo ka thënë se Letonia është partnere e fuqishme e Kosovës sot, dhe se ajo e kupton më se miri pozicionin tonë pasi që edhe ajo si Kosova, ka një të kaluar të dhimbshme dhe kufizohet me shtete fqinje agresore.

‘‘Sot kam kënaqësinë të ju uroj mirëseardhje në emër të qytetarëve të Kosovës. Në vendin tonë vlerësoheni si një mik i çmuar i Kosovës. Vizita juaj sot në Prishtinë, është dëshmi e marrëdhënieve të ngushta dhe të shkëlqyeshme mes Kosovës dhe Letonisë. Letonia sot është partnere e fuqishme e Kosovës, ju keni përkrahur edhe anëtarësimin e Kosovës në organizata ndërkombëtare. Sot dua të shpreh falënderimet tona të sinqerta”, tha Osmani.

Në fjalimin e saj, ajo ka theksuar se të dy shtetet kanë një të kaluar të dhimbshme dhe të vështirë dhe ndajnë kufij me shtete fqinje agresorë, por janë të përkushtuar për vlerat euroatlantike.

“Letonia e kupton më se miri pozicionin e Kosovës, duke qenë se të dy vendet tona kanë një të kaluar të dhimbshme dhe shumë të vështirë, dhe kufizohemi me shtete fqinje agresore. Si Letonia ashtu edhe Kosova jemi të përkushtuar thellë për vlerat euroatlantike. Kosova vërtetë ka nevojë për kampionë sikurse ju. E ardhmja e Kosovës në BE nuk është jetike vetëm për ne si Kosovë, por mbetet parakusht edhe për një Evorpë të lirë të plotë dhe në paqe’’, ka thënë ajo mes tjerash.

Kryetarja e Kuvendit të Shqipërisë, Elisa Spiropali, sot mori pjesë në Konferencën e Kryetarëve të Parlamenteve të vendeve anëtare të Këshillit të Europës, e cila zhvillohet në datat 20-21 mars në Strasburg.

Gjatë fjalimit të saj Spiropali theksoi rëndësinë e forcimit të demokracisë në Shqipëri dhe përparimin e vendit drejt integrimit në Bashkimin Europian.

Ajo theksoi se Shqipëria ka bërë përparime të mëdha në procesin e integrimit me Bashkimin Europian. Sipas kryeparlamentares, Shqipëria është lider në nxitjen e bashkëpunimit rajonal dhe integrimin europian të vendeve të rajonit.

Gjatë fjalimit të saj, Spiropali u ndal edhe te Kosova, ku nënvizoi se Këshilli i Europës nuk është i plotë me mungesën e shtetit më të ri të Europës. Kryetarja e Kuvendit kërkoi që Kosova të pranohet në Këshillin e Europës.

Fjalimi i plotë i saj:

Demokracia nuk dobësohet brenda natës, dhe as nuk mbetet e fortë pa përpjekje. Nëpër Evropë tablotë politike po ndryshojnë, besimi tek institucionet po testohet dhe forcat e jashtme kërkojnë të manipulojnë opinionin publik.

Rradhë herë ndodh që këto ndryshime të njohtohen qartësisht; ato shpalosen gradualisht, duke riformatuar normat, duke ndikuar tek qeverisja dhe duke sfiduar themelet ku ne mbështetemi.

Shqipëria e ka përjetuar në vetë të parë sa e brishtë dhe njëkohësisht sa e fortë mund të jetë demokracia.

30 vite më parë, kur Shqipëria u pranua anëtare e Këshillit të Europës, pas një izolimi absolut, demokracia për shqiptarët ishte ende vetëm një ideal, sundimi i ligjit sapo kishte nisur të zëvendësonte partinë-shtet dhe partinë-ligj, dhe të drejtat e njeriut, sidomos ato politike, fetare e të pronës kishin filluar të shndërroheshin në një aspiratë për qytetarët.

Shqipëria, 30 vjet pas anëtarësimit në Këshillin e Evropës, ka arritur para portave të Bashkimit Europian, me arritje thelbësore e të prekshme në tre shtyllat krysore të organizatës të madhe europiane.

Vendimi i Asamblesë Parlamentare i prillit 2024 për të nxjerrë Shqipërinë nga procedura e monitorimit të plotë, është një konfirmim i arritjeve tona.
Objektivi strategjik kombëtar i Shqipërisë për anëtarësimin në Bashkimin Europian brenda vitit 2030 dhe përfundimin e negociatave teknike brenda vitit 2027 ka gjetur një mbështetje të plotë nga Bashkimi Europian.

Vendimi i Parlamentit Europian për hapjen në Shqipëri të Zyrës Rajonale për Ballkanin Perëndimor është një rikonfirmim i faktit se Shqipëria është jo vetëm vendi kandidat me vizionin më të qartë, shpejtësinë më të lartë dhe vendosmërinë më të madhe drejt familjes europiane, por është edhe një qendër dhe lider në nxitjen e bashkëpunimit rajonal dhe integrimin europian të vendeve të rajonit.

Progresi i Shqipërisë drejt Bashkimin Europian është edhe rezultat i bashkëpunimit të ngushtë dhe njohjes nga Këshilli i Europës të arritjeve tona, sidomos në pavarësinë e degëve të qeverisjes, reformën e thellë dhe gjithëpërfshirëse në drejtësi, luftën kundër korrupsionit dhe krimit të organizuar, mbrojtjen e pakicave dhe të të drejatve të njeriut, lirinë e medias etj.

Kuvendi i Shqipërisë mbetet i palëkundur në lidershipin, garantimin e legjitimitetit demokratik dhe gjithëpërfshirjen e procesit të integrimit europian, në avancimin dhe thellimin e refomave, mbështetjen e institucioneve të drejtësisë dhe të pavarësisë së tyre dhe mbrojtjen e vlerave dhe konsolidimin e institucioneve demokratike.

“Audit si Elon Musk” Berisha: Do bëjmë një reformë të sistemit të drejtësisë me ndihmën e Komisionit të Venecias e aleatëve
Ajo demokraci që dështon të mbajë balancën institucionale, rrezikon të humbasë aftësinë për ti shërbyer popullit të vet.

Kur parlamentet luftojnë për të ushtruar kontrollin, kur kontrollet dhe balancat nisin të dobësohen, qeverisja largohet nga qëllimi i saj thelbësor.

Roli i organeve legjislative qëndron shumë përtej miratimit të ligjeve; roli i tyre qëndron tek aftësia e tyre për të bërë pyetje, për të sfiduar dhe për të bërë qeveritë që të jenë llogaridhënëse.

Në Shqipëri janë ndërmarrë hapa për të forcuar mbikqyrjen parlamentare, duke garantuar që institucionet të punojnë me njëri tjetrin, dhe jo kundra njëri tjetrit.

Kuvendi ka ngritur kohët e fundit dy komisione të posaçme: Komisionin për thellimin e luftës kundër korrupsionit dhe përshpejtimin e ritmeve të anëtarësimit në Bashkimin Europian dhe Komisionin për mbrojtjen e demokracisë nga dezinformimi dhe ndërhyrjet e huaja në procesin demokratik.

Megjithatë, institucionet të vetme nuk mund ta mbështesin demokracinë. Ligjet mund të drejtojnë shoqëritë, por besimi i publikut përcakton legjitimitetin e tyre. Shqipëria është përpjekur që vendim-marrjen ta afrojë tek njerëzit, duke hapur kanale të reja për angazhim dhe duke ushqyer një kulturë politike që nxit pjesëmarrjen përtej cikleve zgjedhore.
Një sistem që dëgjon ka shumë më tepër mundësi të zgjasë. Angazhimi publik varet jo vetëm nga aksesi, por nga ndërgjegjësimi.

Individët pa aftësinë për ta vlerësuar informacionin në mënyrë kritike bëhen më vulnerabël ndaj manipulimit, dhe debati publik humbet mbështetjen e tij tek diskursi i arsyetuar.

Shqipëria ka zgjeruar përpjekjet për edukim të medias, jo si një nismë akademike, por si një përgjigje praktike ndaj një bote ku keqinformimi mund të shtrembërojë realitetin.

Këshilli i Europës nuk është i plotë me mungesën e shtetit më të ri të Europës, Kosovës. Vështirë të gjendet një shtet tjetër që pas 26 vitesh liri dhe 17 vitesh pavarësi të ketë ndërtuar një demokraci vibrante si Kosova.

Prandaj pranimi i Kosovës në Këshillin e Europës, i cili ka mbështetjen e Asamblesë Parlamentare, është kërkesa më e rëndësishme e Kryetares së Parlamentit të Shqipërisë ndaj kësaj Konference.

Demokracitë në vendet tona nuk mund të lulëzojnë në mënyrë të qëndrueshme ndërkohë që sulmohen liria, sovraniteti dhe integriteti i kombeve.

Prandaj mbështetja jonë e palëkundur për Ukrainën kundër agresionit të Rusisë nuk është vetëm një kontribut për paqen e sigurinë, por edhe për mbrojtjen e vlerave dhe sistemin demokratik në vendet tona.

Ju uroj vazhdim të sukseshëm të diskutimeve në këtë Konferencë të rëndësishme.

Ju faleminderit për vëmendjen!

59 viktimat e tragjedisë në Koçan u dërguan në banesën e fundit këtë të enjte.

Të paktën 59 njerëz vdiqën dhe 155 të tjerë u lënduan si pasojë e shpërthimit të zjarrit në një klub nate në Koçan, në orët e para të 16 marsit.

Trupat e të vdekurve do të varrosen në pjesë të ndryshme të vendit, përfshirë Koçanin, Shtipin, Shkupin, Strumicën dhe fshatin Obleshevë.

Qeveria e Maqedonisë së Veriut urdhëroi institucionet shtetërore dhe këshilloi qeveritë lokale dhe punëdhënësit e sektorit privat t’i lirojnë të gjithë të punësuarit në territorin e Koçanit nga detyrat e punës për ditën e varrimit.

Kreu i Kishës Ortodokse Maqedonase – Kryepeshkopata e Ohrit (KMK-OA), kryepeshkopi Stefan, ka bërë thirrje për unitet dhe lutje pas tragjedisë së tmerrshme në Koçan.

Qeveria maqedonase ka shpallur shtatë ditë zie për këtë tragjedi, ku shumica e viktimave ishin të rinj.

Autoritetet kanë premtuar hetim të shpejtë dhe të plotë, si dhe kanë arrestuar 23 dyshuar deri tani, 11 prej të cilëve ndodhen në paraburgim.

Autoritetet kanë zbuluar se klubi operonte në mënyrë të paligjshme, nuk kishte dokumente të vlefshme për punë, nuk dispononte leje për përdorimin e piroteknikës dhe nuk kishte nënshkruar kontratë me grupin muzikor.

Ndër shkeljet e konstatuara është edhe lejimi i të miturve në klub.

Rreth 500 njerëz ndodheshin në klubin e natës kur zjarri shpërtheu teksa bendi ADN po performonte.

Ndërkohë, të gjithë të lënduarit në zjarrin e Koçanit po mjekohen në vend dhe në qendrat e specializuara mjekësore jashtë vendit.

Ministria e Shëndetësisë e Maqedonisë së Veriut njoftoi të mërkurën se 64 pacientë janë duke u mjekuar në institucionet publike shëndetësore në vend, dhe janë në gjendje relativisht të qëndrueshme, ndërsa 13 të tjerë janë duke u mjekuar në objektet shëndetësore private dhe 101 pacientë po mjekohen jashtë vendit.

Kryeministri kroat, Andrej Plenkoviç, po merr pjesë në seancën e Këshillit Evropian në Bruksel, i cili fillimisht u përgjigj para mediave lidhur me aleancën ndërmjet Kroacisë, Shqipërisë dhe Kosovës, si dhe për deklaratën e presidentit serb, Aleksandar Vuçiq.

“Shpresoj se dikush do të marrë pesë minuta për të lexuar tekstin e marrëveshjes ndërmjet Kroacisë, Shqipërisë dhe Kosovës”, tha Plenkoviç, duke shtuar se këto janë “marrëveshje të zakonshme” dhe se Kroacia nuk ka pasur qëllim armiqësor.

“Ne ishim në gjendje të krijonim një dokument që ndihmon përpjekjet e tyre për reforma. Ai nuk është i një natyre armiqësore. Unë e kuptoj që duhet kërkuar një armik më tej, por kjo nuk është e natyrës armiqësore. Kroacia nuk ka nevojë t’i kërkojë leje askujt për këtë, as Serbisë dhe as NATO-s”, tha Plenkoviç nga Brukseli.

Ministri serb i Mbrojtjes, Bratislav Gasiç, e quajti nismën “provokative”, ndërsa autoritetet në Beograd njoftuan se Serbia ishte gati të konsideronte bashkëpunimin në mirëbesim me Kroacinë dhe Shqipërinë.

Ministria e Punëve të Jashtme të Serbisë tha se “kjo iniciativë e cila po zbatohet pa Serbinë, por me Prishtinën, paraqet një provokim të hapur dhe një shpërfillje të madhe të realitetit në terren”.

Autoritetet serbe shtuan se presin një përgjigje urgjente nga Zagrebi dhe Tirana për synimet reale dhe qëllimet përfundimtare të kësaj “loje të rrezikshme ushtarako-sigurie”, duke theksuar se Serbia nuk do të lejojë asnjë veprim të njëanshëm që mund të kërcënojë integritetin e tyre territorial, sigurinë e qytetarëve të tyre dhe paqen në rajon.

Vuçiq më vonë deklaroi se nënshkrimi i kësaj marrëveshjeje ishte shkelje e të ashtuquajturës marrëveshje nënrajonale për kontrollin e armëve nga viti 1996 dhe se Kroacia dhe Shqipëria sigurisht që nuk e informuan NATO-n për gjithçka.

Plenkoviç për Ballkanin në Ballkanin jugperëndimor njoftoi se do të përdorte seancën e Këshillit Evropian për të tërhequr vëmendjen për situatën aktuale në rajon.

“Ne duhet të monitorojmë stabilitetin e BeH dhe situatën në Serbi. Është koha të përqendrojmë një pjesë të vëmendjes sonë në një zonë që është provuar të jetë e djegshme vitet e fundit.

Raportohet se Njësiti i Krimeve Ekonomike është duke kryer bastisje në Ministrinë e Bujqësisë të udhëhequr nga Faton Peci.

Bëhet e ditur se kjo bastisje ka filluar në mesditën e së enjtes, derisa deri më tani nuk ka informacion të detajuar në lidhje me shkaqet e hetimit.

Nga kjo ministri, janë parë duke dalë zyrtarë policorë, të cilët kanë pasur në duar dokumente.

EO raporton se ky njësit ka bastisur Zyrën e prokurorimit në këtë ministri.