Category: Lajme

Pas përfundimit të takimit konsultativ me përfaqësuesit e partive politike, kryesuesi i seancës konstituive, Avni Dehari, është kthyer në sallën e Kuvendit të Kosovës, raporton ATV.

Kthimi i tij po duket si një sinjal se seanca mund të rifillojë brenda pak minutash, në përpjekje për të gjetur një zgjidhje rreth mosvotimit të raportit për verifikimin e mandateve të deputetëve, i cili dështoi të martën. /atvlive.tv

Të gjitha zhvillimet i ndiqni LIVE në ATV dhe në platformën tonë në YouTube.

Gazetari i ATV-së, Arian Hajdaraj, në një lidhje të drejtpërdrejtë për Studio e Hapur në ATV, nga salla e Kuvendit të Kosovës, tregoi detajet e fundit për atmosferën që pasoi takimin konsultativ të thirrur nga kryesuesi Avni Dehari, për të diskutuar mbi rrjedhën e mëtejme të seancës konstituive.

Ai tha se pjesëmarrja e deputetëve në sallë mbetet e pjesshme, me shumë ulëse që vijojnë të jenë bosh edhe pas kthimit të disa prej përfaqësuesve që morën pjesë në takim.

“Në sallën e Kuvendit vazhdon të ketë mungesë të deputetëve, të cilët fillimisht ishin 118 në fillim të seancës. Tash për tash, ulëset janë gjysmë të mbushura, veçanërisht në radhët e Lëvizjes Vetëvendosje dhe LDK-së. Deputetët ende po qëndrojnë në biseda jashtë sallës, përfshirë edhe Armend Zemajn, i cili po bashkëbisedon me kolegët nga PDK-ja”, raportoi Hajdaraj.

Ai shtoi se masat për ruajtjen e privatësisë së komunikimeve janë shtuar, me deputetë që tashmë kanë mbuluar ekranet e telefonëve me xhama mbrojtës për të shmangur publikimin e përmbajtjeve.

“Disa prej deputetëve janë kthyer në sallë, si Përparim Gruda, Hykmete Bajrami dhe Time Kadrijaj. Ndërkohë, mungon Albulena Haxhiu dhe vetë kryesuesi Dehari, megjithatë sapo e pamë që ai sapo hyri në sallë, dhe mbetet të shihet nëse seanca do të rifillojë brenda pak minutave”, përfundoi Hajdaraj.

Më shumë detaje i gjeni në videon më poshtë:

Deputetja e LDK-së, Hykmete Bajrami, në një deklarim për gazetarët në hollin e Kuvendit të Kosovës, tha se përfaqësuesit e Lidhjes Demokratike kanë lëshuar takimin e thirrur nga Avni Dehari, duke e cilësuar atë të paautorizuar, raporton ATV.

Ajo tha se Dehari nuk ka mandat të thërrasë përfaqësuesit e partive politike për konsultime lidhur me rrjedhën e seancës konstituive.

“Nuk diskutuam asgjë, sepse kryesuesi i seancës konstituive, Dehari, nuk ka të drejtë të thërrasë përfaqësuesit e partive politike për çfarëdo konsultimi. Thjesht jep një raport, ai është kryesues i seancës konstituive dhe këto janë çështje procedurale. Ne e thamë se ai nuk ka një mandat të tillë për të vazhduar me konsultime të tilla, dhe dolëm nga takimi”, deklaroi Bajrami. /atvlive.tv

Më shumë detaje i gjeni në videon më poshtë:

Po vazhdon seanca konstituive e Kuvendit të Kosovës, e cila u ndërpre dy ditë më parë për shkak të moskalimit të raportit të Komisionit për verifikimin e mandateve.

Të gjitha detajet dhe zhvillimet drejtpërdrejt nga Kuvendi i Kosovës mund t’i ndiqni LIVE në transmetimin e ATV-së edhe në platformën e YouTube-s në videon më poshtë:

Deputetja e Lëvizjes Vetëvendosje, Albulena Haxhiu, para gazetarëve në hollin e Kuvendit të Kosovës, deklaroi se të gjithë ministrat dhe kryeministri Kurti kanë dorëzuar dorëheqjet e tyre përpara seancës konstituive, ashtu siç kërkohet me ligj dhe Kushtetutë.

Ajo tha se nuk e ka për detyrë të dorëzojë dorëheqje tek ndonjë deputet, por tek eprori institucional.

“Unë nuk e kam obligim që dorëheqjen me ia dërgu një deputeti. Unë e kam obligim dorëheqjen me ia dorëzu kryeministrit të Republikës së Kosovës, eprorit tim. Këtë e kemi bërë. Secili nga ne ia ka dorëzuar dorëheqjen, edhe kryeministri Kurti e ka dhënë dorëheqjen. Po ashtu, kemi njoftuar Kuvendin dhe kryetarin Konjufca”, deklaroi Haxhiu.

Sipas saj, edhe pse raporti për verifikimin e mandateve ishte përgatitur, ai nuk kaloi në seancë për shkak të mungesës së votave nga opozita, duke mbajtur peng nisjen e legjislaturës së re.

“Raporti nuk ka kaluar, mandatet nuk janë verifikuar. Pritëm të riformohet Komisioni për Verifikim, por opozita s’e pranoi. Ata insistojnë për dorëheqje, që ne e kemi bërë – edhe formalisht, ashtu siç kërkohet”, shtoi Haxhiu.

Më shumë detaje i gjeni në videon më poshtë:

Deputetja e Lidhjes Demokratike të Kosovës, Hykmete Bajrami, ka thënës e Avni Dehari, s’ka mandat që të zhvillojë konsullta me përfaqësuesit e partive politike, ashtu siç ai i ftoi më herët partitë.

Bajrami ka thënë se kjo ka qenë arsyeja pse dolën prej takimit.

‘‘Zotri Dehari nuk ka të drejtë të thërras përfaqësuesit e partive politike për çfarë do konsulte, thjeshtë është një raport, ai është si kryesues i seancës konstituive dhe janë çështje krejt procedurale , do të thotë këtë ne e thamë , ai nuk ka mandat të tillë të zhvillojë konsulta të tilla dhe dolëm prej takimit’’, ka thënë Bajrami.

Profesori Fadil Maloku, në Studio e Hapur në ATV, tha se vonesat në vazhdimin e seancës konstituive dhe mungesa e dakordësisë mes pozitës dhe opozitës po çojnë drejt një faze të rrezikshme të bllokimit institucional.

Sipas tij, zhvillimet e fundit po tregojnë mungesë vullneti nga të dyja palët për ta përmbyllur një proces që është teknik dhe formal.

“Unë mendoj që kjo faza, skenari i pezullimit nga seanca e kaluar, siç po e shoh, po na fut domosdoshmërisht në atë fazën apo skenarin e tretë, i cili mund të na çojë kah bllokimi,” tha Maloku.

Ai shtoi se opozita dhe pozita nuk po japin sinjale të qarta se dëshirojnë ta zhbllokojnë situatën.

“Fakti është që po vërehet se të dy palët – edhe opozita edhe Qeveria – nuk janë të interesuara në njëfarë mënyre me shpejtu procedurën formale, që është teknike,” u shpreh ai.

Më shumë detaje i gjeni në videon më poshtë:

Profesori universitar Fadil Maloku, në emisionin Studio e Hapur në ATV, tha se Avni Dehari si kryesues i seancës konstituive po përballet me sfidë të qartë për shkak të mungesës së përvojës institucionale në situata të ndërlikuara.

Ai tha se Dehari është i papërvojë në këtë detyrë, por tha se përgjegjësia duhet të binte edhe mbi stafin që e këshillon.

“Po patjetër jam shumë i bindur, por ky e ka edhe një handikap, nuk ka përvojë. Po mua po më çudit se i ka dy këshilltare, dy asistentë juriste dhe ata unë mendoj të paktën do të duhej t’ia shkruanin dhe t’ia hapnin të mbështjellë një material pa gabime,” deklaroi Maloku.

Sipas tij, janë partitë politike që duhet të bien dakord dhe ta procedojnë Komisionin për Verifikim në përputhje me rregullat e Kuvendit.

“Ato janë përfaqësues të grupeve parlamentare, dihet – LDK-ja, PDK-ja, AAK-ja ndoshta ende nuk e ka, por tri partitë politike, grupet parlamentare ulen, vendosin edhe e sjellin një vendim, sepse Komisioni Verifikues duhet të shkojë sipas procedurave që i ka paraparë Parlamenti,” shtoi ai.

Më shumë detaje i gjeni në videon më poshtë: