Category: Lajme

Presidenti rus Vladimir Putin ka ftuar Ukrainën të marrë pjesë në “bisedime të drejtpërdrejta” më 15 maj, vetëm disa orë pas kërkesave të liderëve evropianë për një armëpushim 30-ditor, shkruan Gazeta Sinjali.

Në një fjalim të rrallë televiziv nga Kremlini, Putin theksoi se Rusia ishte e gatshme për “negociata serioze”, me synimin për të arritur një paqe të qëndrueshme dhe të fortë.

Më 13 maj, kryeministri i Mbretërisë së Bashkuar, Sir Keir Starmer, së bashku me homologët e tij nga Franca, Gjermania dhe Polonia, udhëtuan për në Kiev për të shtuar presion mbi Rusinë që të pajtohej për një armëpushim pa kushte, që do të fillonte nga e hëna.

Pas kërkesave, zëdhënësi i Kremlinit, Dmitry Peskov, deklaroi se Moska do të “mendojë mirë këtë” por paralajmëroi se “përpjekja për të na bërë presion është mjaft e padobishme.”

Gjykata Themelore në Prishtinë ka aprovuar kërkesën e Prokurorisë Themelore në Prishtinë dhe ka caktuar masën e paraburgimit ndaj të pandehurit Bajram Kiqmari, në kohëzgjatje prej një muaji, për shkak të dyshimit të bazuar se ka kryer veprat penale” Përdorimi i armës apo mjetit të rrezikshëm”,” Zjarrvënia” dhe veprën penale “Armëmbajtje pa leje”.

Cak i shpërthimit ka qenë automjeti i ushtruesit të detyrës së drejtorit të Qendrës Klinike Universitare të Kosovës, Osman Hajdari.

Në njoftimin e lëshuar për media thuhet se gjyqtari i procedurës paraprake, pas seancës dëgjimore vlerësoj se janë përmbushur kushtet ligjore për caktimin e masës së paraburgimit për të pandehurin B.K., pasi ekziston dyshimi i bazuar se i njëjti ka kryer veprën penale të lartëpërmednura.

“Gjykata konstatoj se në këtë fazë të procedurës ekzistojnë rrethana që tregojnë se ekziston rreziku i ikjes së tij, ku përdorimi i eksplozivit në një zonë me qarkullim të madh të njerëzve, përbën rrezik të lartë për jetën e njerëzve dhe sigurinë publike, mund të nxitet motivi tek i pandehuri për tu arratisur nëse lihet në liri”.

“Gjykata vlerësoj se nga natyra dhe mënyra e kryerjes së veprave penale, rezulton se i pandehuri B.K. ka vepruar në mënyrë të planifikuar, të qëllimshme dhe me motiv financiar, gjë që e bënë të dukshëm rrezikun e përsëritjes së veprave penale. Veprime të tilla, të vënies së eksplozivit në veturën e personit tjetër, në zona me qarkullim të dendur të njerëzve, pa motive personale vetëm me motive të pagesës, e bëjnë të pandehurin B.K. potencialisht të rrezikshëm për sigurinë e përgjithshme dhe për përsëritjen e këtyre veprave penale apo veprave penale më të rënda, andaj caktimi i masës së paraburgimit është masë e domosdoshme në këtë rast penal dhe se çdo masë tjetër do të ishte e pamjaftueshme, për zbatimin e suksesshëm të procedurës penale”, thuhet në njoftim.

Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë.

Çdo vit, mbi 1.2 milionë njerëz humbin jetën në aksidente rrugore, ndërsa 50 milionë të tjerë plagosen. Viktimat më të shumta janë të rinj, mes moshës 5 deri në 29 vjeç. Gati gjysma e tyre janë këmbësorë dhe çiklistë.

Në Javën Globale të Sigurisë Rrugore, Organizata Botërore e Shëndetësisë (OBSH) bën thirrje për masa urgjente për ta bërë ecjen dhe çiklizmin më të sigurtë. Ekspertët theksojnë se ecja dhe çiklizmi jo vetëm që parandalojnë aksidentet dhe përmirësojnë shëndetin, por ndihmojnë gjithashtu në uljen e emetimeve të karbonit, ndotjes së ajrit dhe zhurmës, duke krijuar qytete më të pastra dhe më të jetueshme.

Raporti nxjerr në pah se në shumë qytete, megjithëse 35–45% e udhëtimeve janë brenda 2–5 km, ato vazhdojnë të kryhen me makina, duke rënduar ndjeshëm mjedisin, ndërsa vetëm 0.2% e rrugëve në botë kanë korsi biçikletash.

OBSH kërkon që vendimmarrësit të investojnë në trotuare, korsitë e biçikletave dhe kufizimin e shpejtësisë, për të shkurtuar viktimat dhe për të ndërtuar qytete më të sigurta për të gjithë.

Kryetari i Vetëvendosjes dhe kryeministri në detyrë, Albin Kurti ka komentuar edhe rënien e Kosovës në Indeksin e Lirisë së Shtypit. Kurti tha se është shqetësuese, por theksoi se, sipas tij, përgjegjësia nuk qëndron te qeveria, por te vetë mediat.

Kurti foli për herë të parë pas publikimit të raportit të organizatës “Reporterët pa Kufij”, sipas të cilit Kosova ka shënuar rënie në Indeksin e Lirisë së Shtypit për vitin 2025, duke u renditur në vendin e 99-të.

“Rënia në indeks është një kontradiktë me realitetin që jetojmë – dhe këtë kontradiktë duhet ta përmirësojnë vetë mediat”, u shpreh Kurti të shtunën gjatë mbledhjes së Këshillit të Përgjithshëm të Lëvizjes Vetëvendosje.

“Në Kosovë, mediat janë të lira. Rënia e tyre nuk është pasojë e kontrollit nga qeveria, por e ndikimit të pronarëve dhe mungesës së profesionalizmit. Ne e konsiderojmë median si një pasuri të shoqërisë, por edhe vetë media duhet ta trajtojë profesionin si një detyrë”, deklaroi Kurti.

Ai shtoi se, ndryshe nga qeveritë e kaluara, qeveria e tij nuk ka asnjë pronar mediash në radhët e saj, duke theksuar se raportet e pushtetit me mediat janë të distancuara dhe profesionale.

Presidenti amerikan, Donald Trump, ka njoftuar përmes rrjeteve sociale se India dhe Pakistani kanë arritur një marrëveshje për vendosjen e një “armëpushimi të plotë dhe të menjëhershëm”, duke i dhënë fund përshkallëzimit të tensioneve që kishin krijuar shqetësim në arenën ndërkombëtare.

Sipas liderit amerikan, marrëveshja është rezultat i një nate të gjatë bisedimesh intensive, të zhvilluara nën ndërmjetësimin e Shteteve të Bashkuara të Amerikës. Ai theksoi se ky është një hap i rëndësishëm drejt stabilitetit në rajon dhe një dëshmi e fuqisë së diplomacisë ndërkombëtare.

Trump gjithashtu shprehu vlerësimin për udhëheqësit e të dy vendeve, duke i përgëzuar për vendosmërinë e tyre për të shmangur përshkallëzimin e mëtejshëm të konfliktit dhe për të zgjedhur rrugën e dialogut dhe paqes.

“India dhe Pakistani treguan arsye të përbashkët dhe një nivel të lartë inteligjence diplomatike,” shkroi ai në platformën Truth Social.

Kreu i LVV-së, Albin Kurti, foli për konsitutimin e Kuvendit, që ka mbetur duke u zvarritur tash disa ditë në Këshillin e Përgjithshëm të partisë.

Ai tha se Kuvendi nuk themelohet nga fituesi, pa marrë parasysh a është absolut apo relativ, duke shtuar se Kuvendi themelohet nga të gjithë.

Kurti ka përmendur në Këshillin e Përgjithshëm të partisë edhe ftesën për koalicion për kryetarin e LDK-së, Lumir Abdixhikun.

Kurti ka thënë se LDK kishte bërë koalicion me LVV në vitin 2020 dhe tashmë pas reformave do të duhej ta kishte më të lehtë, por sipas Kurtit s’po duket ashtu, mbase sipas tij, LDK ndoshta ka preferenca të tjera.

Kreu i VV-së ka thënë se LVV do qeveri normale, jo të përkohshme, tranzitore, teknike apo të opozitës. Sipas Kurtit eksperimentet s’i bëjnë nderë e as dobi askujt.

“Shkrova edhe një letër për koalicion LVV-LDK por u refuzua edhe më ashpër. LDK në vitin 2020 bëri koalicion me ne, tani pas reformave do të duhej të ishte edhe më e lehtë, por s’po ngjanë ashtu. Ndoshta rruga e re ka preferenca të tjera. Ne duam qeveri normale, jo të përkohshme, tranzitore, teknike apo qeveri të opozitës. Opozita është opozitë sepse s’është qeveri. Qeveria e opozitës s’është e mundur. Duam qeveri normale. Eksperimentet s’na bëjnë as nder e as dobi”, ka thënë Kurti.