Zjarrfikësit grekë janë përballur me një vatër zjarri që ka prekur shtëpitë afër qytezës detare të Palaia Fokaias, 40 kilometra në jug të Athinës. Autoritetet kanë lëshuar urdhër për evakuimin e banorëve në katër vendbanimeve aty pranë.
Të ndihmuar nga tetë avionë, pesë helikopterë, 90 zjarrfikës u dislokuan në zonën Palaia Foakaia në tentim për të shuar zjarrin që u përhap me shpejtësi për shkak të erërave të fuqishme, duke djegur shtëpi, transmeton Radio Evropa e Lirë.
Ende është e paqartë sesa shtëpi janë djegur në këtë zonë. Televizioni grek shfaqi një helikopter duke hedhur ujë, teksa shtëllunga të mëdha tymi shiheshin në mbarë zonën.
Greqia sot po përballet me temperatura të larta që kanë arritur deri në 38 gradë Celsius.
Në vitet e fundit, Greqia e ka ndierë ndikimin ekonomik dhe mjedisor pas shpërthimeve të shpeshta të vatrave të zjarrit dhe vërshimeve. Sipas shkencëtarëve, këto ngjarje janë shpeshtuar për shkak të ndryshimeve klimatike.
Greqia ka shpenzuar qindra miliona euro për të kompensuar qytetarët dhe fermerët për dëmet e shkaktuara nga ngjarjet që lidhen me motin ekstrem. Shteti po ashtu ka blerë pajisje të reja për zjarrfikësit në mënyrë që të përballen me zjarret, shuarja e të cilave bëhet më e vështirë për shkak të temperaturave të larta gjatë verës.
Greqia e ka rritur numrin e zjarrfikësve në një rekord prej 18.000 këtë vit, teksa pret që të përballet me një sezon të vështirë zjarresh./REL
Instituti Kombëtar i Shëndetësisë Publike të Kosovës (IKShPK) ka publikuar të enjten një seri rekomandimesh për qytetarët, lidhur me ruajtjen e sigurisë së ushqimit gjatë ditëve me temperatura të larta.
Në njoftimin e publikuar, IKShPK thekson rëndësinë e ruajtjes dhe përgatitjes së duhur të ushqimeve për të parandaluar rritjen e baktereve, shmangur helmimet ushqimore dhe ruajtur vlerat ushqyese të produkteve.
“Gjatë temperaturave të larta, kujdesi për ushqimin që konsumojmë nuk është vetëm zakon i mirë, por domosdoshmëri për shëndetin dhe mirëqenien tuaj,” thuhet në postimin e institutit.
IKShPK rikujton se ruajtja e freskisë së ushqimit ndihmon në zgjatjen e afatit të përdorimit dhe mbrojtjen nga sëmundjet e shkaktuara nga ushqimi i kontaminuar.
Prokuroria Speciale e Republikës së Kosovës ka konfirmuar se ndaj ambasadorit Martin Berishaj janë duke u zhvilluar hetime për tri vepra penale të natyrës financiare, përfshirë “Shpëlarje e parave”, “Shmangie nga tatimi” dhe “Mos raportimi apo raportimi i rremë i pasurisë, i të ardhurave, i dhuratave, i dobisë tjetër materiale ose i detyrimeve financiare”.
Zëdhënësja e Prokurorisë Speciale, Arbnora Luta, ka bërë të ditur se Berishaj është intervistuar të enjten nga hetuesit e kësaj prokurorie si pjesë e procedurës hetimore që është në zhvillim.
“Referuar kërkesës suaj, mund të konfirmojmë se z. Martin Berishaj është intervistuar të enjten nga Prokuroria Speciale, në kuadër të hetimeve që janë duke u zhvilluar ndaj tij lidhur me veprat penale ‘Shpëlarje e parave’, ‘Shmangie nga tatimi’ dhe ‘Mos raportimi apo raportimi i rremë i pasurisë, i të ardhurave, i dhuratave, i dobisë tjetër materiale ose i detyrimeve financiare’,” tha Luta.
Kosova ka shënuar rënie për tri pozita në Indeksin Global të Paqes për vitin 2025, duke u renditur në vendin e 63-të nga 163 shtete të vlerësuara nga Instituti për Ekonomi dhe Paqe.
Ky indeks vlerëson nivelin e sigurisë, konfliktit dhe stabilitetit social në çdo shtet, duke analizuar indikatorë si krimet e dhunshme, shpenzimet ushtarake dhe konfliktet e brendshme e të jashtme.
Në rajon, Shqipëria renditet e 52-ta, Maqedonia e Veriut e 51-ta, Mali i Zi i 34-ti, Bosnja dhe Hercegovina e 59-ta, ndërsa Serbia pozicionohet një vend pas Kosovës.
Islanda mban vendin e parë si shteti më i paqësor në botë, ndërsa Afganistani renditet i fundit.
Kryeministri në detyrë Albin Kurti u ka bërë thirrje qytetarëve ta vizitojnë ekspozitën “The Kosovo War Photographs”, e cila është hapur në qendrën “Barabar” të Hotelit Grand.
Ekspozita përmbledh rreth 70 fotografi të luftës, të realizuara nga foto-reporteri Wade Goddard.
Në një postim në Facebook, Kurti tha se këto fotografi janë një përjetim i thellë dhe i dhimbshëm, që shërbejnë si kujtesë e gjallë përmes syrit të një dëshmitari. Ai theksoi se imazhet pasqyrojnë vuajtjet, dhimbjen dhe të vërtetën e luftës, duke përfaqësuar një kapitull thelbësor të historisë së Kosovës.
Sipas Kurtit, ekspozita nuk është vetëm një kujtim, por edhe një thirrje për drejtësi për viktimat e gjenocidit dhe spastrimit etnik të kryer nga regjimi serb në pranverën e vitit 1999.
Në dhjetëvjeçarin e fundit, remitencat kanë bërë ndryshime thelbësore në jetën e familjeve kosovare. Për shumë familje, dërgesat e të ardhurave nga diaspora janë bërë një “oksigjen ekonomik”, duke garantuar sigurim bazë si ushqim, arsimi dhe shëndetësia. Megjithatë, ky fenomen ka edhe anët e errëta – si vulgarizimi i varfërisë, varësia nga burime jashtë vendit dhe vonesat në zhvillimin e brendshëm të ekonomisë.
Remitancat janë një nga burimet më të zakonshme të të ardhurave në vendet me nivele të larta emigrimi. Sipas Bankës Botërore1 , në vitin 2019, rreth 529 miliardë dollarë u dërguan në vendet me të ardhura të ulëta dhe të mesme. Ky numër pritet të rritet në të ardhmen. Remitancat gjithashtu mund të kenë efekte të rëndësishme në ekonominë e vendit pranues. Duke pasur parasysh që remitancat janë praktikisht një pjesë e të ardhurave të dikujt, ndikimi dhe rëndësia e tyre ekonomike është shpesh e dyshtë. Ato ndikojnë në statusin nanciar të buxhetit personal të një individi dhe statusin nanciar të pranuesit dhe familjes së tij. Gjithashtu ato ndikojnë edhe në -uksin ekonomik të vendit marrës përmes investimeve, aktivitetit ekonomik dhe konsumit.
Mbështetja nanciare për buxhetin e ekonomisë familjare të individit zakonisht mundëson aftësi më të madhe nanciare, pra rrit konsumin dhe redukton varfërinë duke rritur të ardhurat e popullsisë. Në të njëjtën kohë, remitancat ndikojnë në zhvillimin ekonomik të vendit marrës: pasi ato përdoren praktikisht për investime dhe prokurime (p.sh. lëndët e para për punëtori, blerja ose rinovimi i pasurive të patundshme, investime të tjera). Ato gjithashtu ndikojnë në rritjen e përgjithshme të prodhimit, tregtisë, tregut të punës, pasuritë e paluajtshme dhe segmentet e tjera të ekonomisë vendore.
Remitancat janë shumë të rëndësishme për Kosovën dhe diasporën e saj, si në aspektin monetar ashtu edhe në atë kulturor. Në Kosovë, shuma e remitancave të pranuara përmes kanaleve të rregulluara në vitin 2019 ishte 1.24 miliardë dollarë ose 15.6% e PBB-së, sipas Bankës Botërore2 . Shuma totale supozohet të jetë edhe më e madhe pasi shumica e remitancave transferohen përmes kanaleve të parregulluara (dërgesat personalisht, përmes ndërmjetësve si drejtuesit e autobusëve, etj.).
Nga pikëpamja kulturore, remitancat shpesh konsiderohen simbol i dashurisë dhe përkushtimit të një emigranti për familjen e tij/saj, dhe në shumë raste edhe për familjen e tij/saj të gjerë. Emigranti ndjen një detyrim moral për të dërguar para në shtëpi, pavarësisht nga nevoja. Në mënyrë të ngjashme, përtuesit presin dërgesa nga anëtarët e familjes së tyre të ngushtë ose të afërmit jashtë vendit. Si rezultat, pjesëtarët e diasporës kosovare dërgojnë para në shtëpi për sa kohë që ata jetojnë jashtë, në shumë raste edhe në kohezgjatje prej 40 vitesh , brez pas brezi.
Pothuajse çdo familje kosovare ka disa të afërm jashtë vendit duke pasur parasysh historinë sociopolitike të vendit dhe pothuajse çdo familje merr mbështetje nanciare nga jashtëPër më tepër, në shumë raste, emigrantët vendosin të mbajnë dhe menaxhojnë nancat e tyre në Kosovë si një mënyrë për të mbajtur lidhje me vendin e tyre të lindjes ose për të pasur një mundësi të hapur për t’u kthyer në Kosovë në të ardhmen.
Ndonjëherë, anëtarët e familjes në Kosovë menaxhojnë -nancat e të afërmve të tyre jashtë vendit së bashku me pasuritë e tyre, si shtëpitë ose bizneset.
Pavarësisht nga vendi i banimit, lidhja me familjet në shtëpi mbetet e fortë ndër breza dhe emigrantët vijnë për vizitë të paktën një herë në vit. Përderisa Zvicra, Gjermania dhe Mbretëria e Bashkuar përbëjnë pjesën më të madhe të -uksit të remitancave në vend, shumë qytetarë kosovarë kanë emigruar në vendet fqinje si Sllovenia, Bosnja dhe Hercegovina dhe Serbia.
Kryetarja e Kuvendit të Serbisë, Ana Bërnabiq, ka thënë të enjten se autoritetet do të vazhdojnë t’i arrestojnë ata që “përgatisin vepra kundër rendit kushtetues dhe sigurisë së Serbisë”, në prag të protestës antiqeveritare të thirrur për të shtunën.
Një ditë më parë, policia serbe i arrestoi gjashtë njerëz për gjoja planifikimin e “ndryshimit të Qeverisë në mënyrë të dhunshme” në një protestë që studentët e kanë paralajmëruar për 28 qershor në Beograd, transmeton Radio Evropa e Lirë.
“Aksioni për arrestimin dhe identifikimin e këtyre organizatave terroriste do të vazhdojë patjetër. Presidenti i Serbisë do të vazhdojë takimet me shërbimet e sigurisë dhe policinë e lartë me qëllim ruajtjen e rendit kushtetues dhe parandalimin e gjakderdhjes që ata planifikuan në Vidovdan”, tha Bërnabiq për televizionin Pink.
Zyra e Prokurorit të Lartë Publik njoftoi se të dyshuarit u pajtuan të mos ktheheshin në shtëpi derisa të “vrisnin ose shkatërronin” përfaqësuesit e institucioneve shtetërore, dhe se ata njoftuan përdorimin e armëve të zjarrit dhe përgatitën “një sulm ndaj oficerëve të policisë me qëllim çarmatosjen e tyre”.
Bërnabiq “përgëzoi” mediat që morën pjesë në krijimin e një emisioni special të transmetuar më 25 qershor në disa kanale televizive proqeveritare, i cili paraqiti materiale rreth planeve të supozuara për protesta dhe bllokada në Serbi gjatë shtatë muajve të fundit.
Kryetari i Partisë Progresive Serbe në pushtet, Millosh Vuçeviq, tha gjithashtu se beson që arrestimet nuk kanë mbaruar dhe vlerësoi se shërbimet e sigurisë duhet të identifikojnë “të gjithë” ata që, sipas tij, po planifikojnë ta marrin pushtetin me dhunë.
Vuçeviq i tha Pinkut se këto arrestime “konfirmojnë më së miri se shteti është konsoliduar pas përpjekjes për revolucionin me ngjyra”.
Më 23 qershor, policia arrestoi gjithashtu Stefan Tomiq, një student në Fakultetin e Fizikës në Beograd, nën dyshimin për “thirrje për një ndryshim të dhunshëm të rendit kushtetues”.
Arrestimi i tij u dënua nga studentët në bllokadë, profesorët dhe qytetarët që u mblodhën në protestë më 26 qershor para Pallatit të Drejtësisë në Beograd, ku Tomiq pritet të merret në pyetje.
Që nga fillimi i protestave të mëdha në Serbi, policia ka arrestuar vazhdimisht studentë, profesorë dhe demonstrues – disa prej tyre nën dyshimin për përpjekje për të përmbysur me dhunë rendin kushtetues.
Një nga kërkesat e studentëve në bllokadë është që të pezullohen procedurat penale kundër të gjithëve, me vlerësimin se ata u arrestuan në kundërshtim me ligjin dhe se ky është një rast presioni dhe frikësimi nga autoritetet.
Studentët filluan bllokadat e fakulteteve dhe protestat në fund të nëntorit 2024, duke kërkuar përgjegjësi nga autoritetet për vdekjen e 16 njerëzve në shembjen e një strehe betoni në stacionin e trenit të Novi Sadit më 1 nëntor./REL
Prokuroria Speciale ka dorëzuar një aktakuzë në Gjykatën Themelore në Prishtinë kundër të pandehurit G.S. për veprën penale “shpëlarje e parasë”, sipas nenit 56, paragrafi 1 të Ligjit për Parandalimin e Pastrimit të Parave dhe Luftimin e Financimit të Terrorizmit.
Sipas aktakuzës, G.S. akuzohet se gjatë periudhës 2019-2023, duke qenë i vetëdijshëm se shuma prej 898,937.84 euro ka buruar nga veprimtaria kriminale, ai e ka pranuar dhe menaxhuar këtë pasuri me qëllim që ta fshehë apo maskojë natyrën, burimin, disponimin, lëvizjen dhe pronësinë e saj. Kjo është realizuar përmes kontratave fiktive dhe në bashkëkryerje me persona të tjerë të dyshuar jashtë territorit të Republikës së Kosovës.
Përveç të pandehurit, në aktakuzë është përfshirë edhe personi juridik “G.S. I.S.”, pasi Prokuroria Speciale dyshon se ky biznes është themeluar dhe përdorur nga i pandehuri për të qarkulluar mjetet dhe maskuar produktet e aktivitetit kriminal.
Pjesë e aktakuzës është edhe prona që është objekt i pastrimit të parave, përfshirë pesë parcela tokësore me vlerë rreth 355,800 euro, të cilat janë sekuestruar nga Gjykata me kërkesë të Prokurorisë Speciale. Po ashtu, është propozuar që prona të konfiskohet pas përfundimit të procesit gjyqësor.
Prokuroria Speciale ka propozuar që ndaj personit juridik të shqiptohet dënim me gjobë dhe sanksion penal “Pushimi i personit juridik”, ndërsa ndaj të pandehurit të shqiptohet dënim plotësues “Ndalimi i ushtrimit të veprimtarisë” për llojin dhe veprimtarinë që ka ushtruar si person përgjegjës i personit juridik të përmendur.
Kryeministri në detyrë, Albin Kurti, e mirëpriti lajmin për arritjen e një marrëveshjeje në mes të Ukrainës dhe Këshillit të Evropës për themelimin e një Tribunali Special për Krimin e Agresionit.
Kurti ka thënë se ky është një moment historik dhe se Kosova e mirëpret këtë hap të madh përpara për drejtësinë ndërkombëtare.
“Këshilli i Evropës dërgon një mesazh të qartë: sundimi i ligjit do të mbizotërojë mbi agresionin. Nuk mund të ketë pandëshkueshmëri”, shkroi Kurti.
Komisioni Qendror i Zgjedhjeve ka hapur procesin e aplikimit për certifikimin e subjekteve politike për Zgjedhjet Lokale 2025.
Zëdhënësi i KQZ-së, Valmir Elezi, tha se subjektet politike mund të aplikojnë deri më 13 gusht.
“Duke filluar nga dita e sotme, 26 qershor dhe deri më 13 gusht 2025, subjektet politike mund të aplikojnë në Komisionin Qendror të Zgjedhjeve për t’u certifikuar për pjesëmarrje në Zgjedhjet Lokale, të cilat do të mbahen më 12 tetor 2025. Gjithashtu, gjatë kësaj periudhe subjektet politike (partitë politike, koalicionet, nismat qytetare dhe kandidatët e pavarur) duhet të dorëzojnë edhe listën me emrat e kandidatëve për Kryetarë të Komunave dhe për Kuvende Komunale”, deklaroi ai.
“Po ashtu, është në vullnetin e subjekteve politike që të zgjedhin nëse në një komunë të caktuar do të garojnë vetëm në zgjedhje për Kryetar Komune ose për Kuvend Komunal apo për të dyja së bashku. Me qëllim të lehtësimit të aplikimit, ky proces do të mundësohet online, përmes platformës elektronike”, potencoi ai.
Ndryshe, Zgjedhjet Lokale të vitit 2025 do të mbahen më 12 tetor dhe do të përcaktojnë përbërjen e re të Kuvendeve Komunale si dhe Kryetarët e rinj të Komunave në të gjithë vendin.
