Category: Lajme

Diego Jota ka ndërruar jetë në orët e para të ditës së sotme në Spanjë.

Sipas autoriteteve spanjolle, aksidenti ndodhi rreth orës 00:30 pas mesnate në autostradën A-52, pranë komunës Cernadilla në provincën e Zamorës. Dyshja po udhëtonte me një makinë luksoze Lamborghini kur ndodhi fatkeqësia.

Hetimet paraprake sugjerojnë se një gomë e pasme shpërtheu gjatë një përpjekjeje për tejkalim, duke bërë që makina të dalë nga rruga dhe më pas të përfshihet nga flakët.

Vdekja e yllit të Liverpoolit dhe vëllait të tij ka tronditur të gjithë, derisa kanë ardhur shumë reagime nga futbollistë, klube dhe klube futbolli.

Ylli kosovar, Xherdan Shaqiri e ka pasur shok skuadre Diogo Jotan pasi të dy kishin luajtur te Liverpooli.

Shaqiri ka reaguar në rrjetet sociale për vdekjen e Jotas, një futbollistë që gjilanasi ka qenë shumë i lidhur sa ishte te Liverpooli.

“Prehu në paqe vëlla”, ka shkruar Shaqiri.

Kryetari i PDK-së Memli Krasniqi paralajmëroi se sot PDK-ja do të dorëzojë rast të ri në Gjykatën Kushtetuese.

“Pasi kanë ndodhur edhe tri shkelje kushtetuese radhazi, sot PDK-ka do të dorëzojë në Gjykatën Kushtetuese një rast të ri, për të cilin shpresojmë që do të trajtohet me urgjencë, meqenëse i kemi vetëm edhe 23 ditë për konstituimin e Kuvendit.Janë 23 ditë që i kanë mbetur Albin Kurtit që të tërhiqet nga pengmarrja e shtetit dhe ta ndryshojë propozimin e tij dh të kthehet në normalitetin e rrjedhjes së seancës”, tha Krasniqi.

Presidentja e vendit, Vjosa Osmani, ka pritur sot në takim edhe kryetaren e partisë Socijaldemokratska Unija, Duda Balje.

Takimet janë duke u zhvilluar në kuadër të përpjekjeve për tejkalimin e ngërçit politik që ka bllokuar konstituimin e Kuvendit të ri të Kosovës, si dhe për të krijuar hapësirë për dialog politik mes subjekteve parlamentare.

Ministria e Punëve të Brendshme e Kosovës do të lansojë sot fushatën ndërgjegjësuese kundër të shtënave festive, në kuadër të përpjekjeve për rritjen e sigurisë publike dhe parandalimin e përdorimit të armëve në mënyrë të paligjshme dhe të rrezikshme gjatë festimeve.

Në këtë ngjarje do të marrin pjesë zëvendësministri i Punëve të Brendshme dhe Kryesuesi i Komisionit për Armë të Vogla dhe të Lehta, z. Blerim Gashani, Ambasadori i Suedisë në Kosovë, z. Jonas Westerlund, përfaqësuesi i Zyrës së Bashkimit Evropian në Kosovë, z. Peter Valleste, Përfaqësuesi i Përhershëm i UNDP në Kosovë, z. Nuno Queiros, si dhe Drejtori i Departamentit të Rendit Publik në Policinë e Kosovës, z. Arbnesh Ajvazi.

Po ashtu, në konferencë do të jenë të pranishëm edhe përfaqësues nga Prokuroria e Shtetit, Këshilli Gjyqësor dhe institucione të tjera relevante.

Fushata synon të sensibilizojë qytetarët për pasojat ligjore dhe rrezikun që sjellin të shtënat festive, veçanërisht gjatë sezonit të dasmave dhe festave, duke kontribuar kështu në krijimin e një ambienti më të sigurt për të gjithë qytetarët.

Sindikata e Bashkuar e Arsimit ka paralajmëruar se viti i ri shkollor mund të nisë me greva të përgjithshme.

Përmes një komunikate për media bëhet e ditur se SBAShK-u ka analizuar situatën aktuale politike, nga ku ka kritikuar qasjen e partisë fituese të zgjedhjeve.

Kjo sindikatë ka theksuar se për shkak të mosformimit të institucioneve po lihen anash interesat e punëtorëve të sektorit publik e privat.

“Në vend të trajtimit serioz të kërkesave të grupeve të punësuar, përfshirë edhe ato të punëtorëve të arsimit, kjo parti po i jep më shumë rëndësi çështjeve të emërimeve sesa zgjidhjes së problemeve që prekin drejtpërdrejt jetën e qytetarëve. Si pasojë, është krijuar një boshllëk institucional, ku nuk ka se kujt t’i adresohen kërkesat e punëtorëve arsimor”, thuhet në njoftim.

Bëhet e ditur se SBASHK-u ka intensifikuar komunikimin me udhëheqësit sindikalë nëpër komunat e vendit, nga çerdhet, shkollat fillore e të mesme, deri te universitetet, dhe unanimisht është vendosur që të nisin përgatitjet për mbajtjen e një Kongresi të jashtëzakonshëm.

“Ky Kongres do të ketë karakter vendimmarrës për veprime të mëtejshme sindikale. Në të do të shqyrtohet dhe vendoset qartë nëse muaji shtator do të shënojë fillimin e vitit të ri shkollor, apo do të jetë fillimi i veprimeve sindikale, duke mos përjashtuar grevën e përgjithshme në tërë sistemin arsimor të Kosovës. SBASHK-u mbetet i përkushtuar për të mbrojtur të drejtat dhe dinjitetin e çdo punëtori të Arsimit dhe i bën thirrje institucioneve përgjegjëse që të veprojnë me përgjegjësi, të hapin rrugë dialogut dhe të japin zgjidhje konkrete për kërkesat e punëtorëve arsimorë”, thuhet në njoftim.

Kreu i Lidhjes Demokratike të Kosovës, Lumir Abdixhiku, është deklaruar pas takimit me presidenten Vjosa Osmani.

Ai u shpreh se presim që zgjidhja të bëhet nëpërmjet insistimit për shumicë politike.

“Tashmë e dini dhe pozicionin tonë të Lidhjes Demokratike të Kosovës rreth çështjes aktuale të konstituimit të institucioneve të Republikës. Ne kemi një aktgjykim të Gjykatës Kushtetuese që është shumë i qartë sa i përketë mënyrës së votimit, por mbi të gjitha është i qartë sa i përketë thelbit të problemit”.

“Thelbi i problemit është se i takon partisë së parë, grupit më të madh parlamentar, deputetit Kurti si prijës i këtij grupi që të propozojë, por njëkohësisht edhe të krijojë shumicën parlamentare dhe në këtë vijë ne presim që zgjidhja të bëhet nëpërmjet insistimit për shumicë politike e më pas për respektim të domosdoshëm të procedurave kushtetuese që tashmë janë edhe rregulla ligjore”, u shpreh ai.

Kryeministri i Izraelit, Benjamin Netanyahu, nuk do të dëshmojë javën e ardhshme në procesin gjyqësor penal kundër tij, për shkak të një vizite zyrtare në Shtetet e Bashkuara. Shtyrja e dëshmisë u kërkua nga ekipi i tij mbrojtës dhe u miratua nga prokuroria, e cila aktualisht ndodhet në fazën e marrjes në pyetje të kryeministrit.

Megjithatë, prokuroria kërkoi shtimin e ditëve të gjyqit për të kompensuar vonesën, duke pasur parasysh se gjykatat izraelite do të hyjnë në pushim veror nga 21 korriku deri më 5 shtator. Sipas vendimit të mëparshëm të gjykatës, Netanyahu do të dëshmonte më 21 dhe 22 korrik, por këto data tani janë në pikëpyetje, raporton Euronews.al.

Netanyahu pritet të udhëtojë të dielën drejt Uashingtonit dhe të kthehet në fund të javës. Gjatë vizitës, ai ka të planifikuar takime me një sërë zyrtarësh të lartë amerikanë, përfshirë Presidentin Donald Trump, Zëvendëspresidentin JD Vance, Sekretarin e Shtetit, Këshilltarin për Sigurinë Kombëtare Marco Rubio, si dhe të dërguarin për Lindjen e Mesme, Steve Witkoff, Sekretarin e Mbrojtjes Pete Hegseth, dhe përfaqësues të Senatit dhe Kongresit amerikan.

Netanyahu po përballet me akuza për korrupsion, mashtrim dhe abuzim me besimin publik, në një proces gjyqësor që ka zgjatur disa vite dhe që ka dominuar skenën politike izraelite.