ATV

Category: Lajme

  • Arrestohet një 30-vjeçar në Gjakovë, i dyshuar për shpërndarje të substancave narkotike

    Arrestohet një 30-vjeçar në Gjakovë, i dyshuar për shpërndarje të substancave narkotike

    Policia e Kosovës ka arrestuar një 30-vjeçar në Gjakovë, i dyshuar për shpërndarje të substancave narkotike. Ai është ndaluar në rrugën “Anton Çetta”.

    Gjatë kontrollit, policia i ka gjetur 4 qese me marihuanë, ndërsa pas bastisjes në lokacionin e tij, janë sekuestruar edhe 19 qese me marihuanë dhe 8 qese me kokainë, me peshë të përgjithshme rreth 25 gramë.

    Sipas vlerësimeve, lënda narkotike kap vlerën tregu prej 600 eurosh dhe ishte e destinuar për shitje.

    I dyshuari është ndaluar për 48 orë dhe ndaj tij është iniciuar rasti për veprën penale “Blerje, posedim, shpërndarje dhe shitje të paautorizuar të narkotikëve”.

  • U dënua për dhunë në familje, nuk u paraqit për vuajtje të dënimit, arrestohet në Prishtinë 37-vjeçari i shpallur në kërkim

    U dënua për dhunë në familje, nuk u paraqit për vuajtje të dënimit, arrestohet në Prishtinë 37-vjeçari i shpallur në kërkim

    Policia e Kosovës ka arrestuar një 37-vjeçar të dënuar për veprën penale “Dhunë në familje”, i cili nuk ishte paraqitur për vuajtjen e dënimit me burg.

    I dënuari me inicialet B.I. u kap mbrëmjen e së hënës në rrugën “Ali Vitia” në Prishtinë, në bazë të një urdhërese të gjykatës për vuajtje dënimi prej 30 ditësh.

    Ai nuk kishte respektuar vendimin gjyqësor për paraqitje vullnetare.

    Pas arrestimit, i dënuari është shoqëruar në Qendrën e Paraburgimit në Prishtinë.

    Masa është marrë në kuadër të Planit të Veprimit për zbatimin e urdhëresave gjyqësore.

  • Vdes një grua nga Restelica e Dragashit, rasti po hetohet si “vdekje e dyshimtë”

    Vdes një grua nga Restelica e Dragashit, rasti po hetohet si “vdekje e dyshimtë”

    Një grua 53-vjeçare nga fshati Restelicë i Dragashit ka ndërruar jetë në rrethana të paqarta.

    Ajo është dërguar me autoambulancë në Qendrën Kryesore të Mjekësisë Familjare në Dragash, ku është konstatuar se kishte ardhur pa shenja jete.

    Rastin e ka konfirmuar Policia, ndërsa hetues rajonalë dhe njësitë e Forenzikës kanë dalë në vendin e ngjarjes për të mbledhur prova. Viktima është identifikuar me inicialet U.H..

    Prokurori i rastit ka urdhëruar trupi i pajetë të dërgohet në Institutin e Mjekësisë Ligjore për obduksion, ndërsa rasti të trajtohet si “Vdekje e dyshimtë”.

  • Kosova pranon kontingjent nga ShBA, forcohen kapacitete mbrojtëse me mjete të reja ushtarake

    Kosova pranon kontingjent nga ShBA, forcohen kapacitete mbrojtëse me mjete të reja ushtarake

    Kosova ka pranuar një pjesë të kontingjentit të automjeteve të blinduara, të prodhuara nga Shtetet e Bashkuara të Amerikës. Lajmi është konfirmuar nga Ministria e Mbrojtjes përmes zëdhënëses Liridona Gashi.

    Automjetet janë blerë në kuadër të një programi të veçantë të blerjeve shtet më shtet, sipas marrëveshjes bilaterale me Shtetet e Bashkuara të Amerikës. Sipas Ministrisë, pritet që në të ardhmen të pranohet edhe një sasi tjetër e mjeteve të tilla.

    Autoritetet kanë paralajmëruar se detajet e plota do të bëhen publike pas përfundimit të procesit të furnizimit.

    Sipas Ministrisë, ky bashkëpunim forcon më tej kapacitetet mbrojtëse të vendit.

     

  • Vetëaksident në autostradën “Ibrahim Rugova”, një i vdekur dhe një i lënduar

    Vetëaksident në autostradën “Ibrahim Rugova”, një i vdekur dhe një i lënduar

    Një person e humbi jetën si pasojë e një vetaksidenti në autostradën “Ibrahim Rugova”.

    Lajmin e konfirmoi zëdhënësi i policisë Daut Hoxha.

    Ai tha se si pasojë e këtij aksidenti, lëndime pësoi edhe një person tjetër, i cili është dërguar në trajtim mjekësor.

    “Është shkaktuar një vetaksident trafiku, ku si pasojë e humbjes se kontrollit mbi drejtimin e një kamionete ka humbur jetën drejtuesi i saj mashkull kosovar. Po ashtu lëndime trupore ka pësuar edhe pasagjeri i cili është dërguar në trajtim mjekësor. Me vendim të prokurorit trupi i pajetë është dërguar në obduksion. Ekipet relevante janë marr me rastin. Policia apelon për vigjilencë me të madhe nga të gjithë shoferët gjatë drejtimit te automjeteve dhe respektim të shenjave në rrugët e vendit”, tha Hoxha.

  • Gjirokastra feston 20 vite në UNESCO, Rama: Pasuri e përjetshme e shpirtit

    Gjirokastra feston 20 vite në UNESCO, Rama: Pasuri e përjetshme e shpirtit

    Kryeministri Edi Rama ka ndarë këtë mëngjes një mesazh urimi për Gjirokastrën, e cila sot feston 20-vjetorin e shpalljes si Pasuri Botërore nga UNESCO.

    Përmes një statusi në Facebook, Rama shprehu vlerësimin e tij për qytetin historik, duke e cilësuar atë si “pasuri të përjetshme të shpirtit”.

    Statusi i plotë:

    “MIRËMËNGJES 😊
    Dhe nga Gjirokastra që kremton 20-vjetorin si pasuri botërore në UNESCO dhe përjetësisht pasuri e shpirtit, ju uroj ditë të mbarë,” shkroi Rama, duke e shoqëruar postimin me një video nga qyteti.

  • Agjencia e Kosovës për Akreditim pranohet anëtare me të drejta të plota në EQAR

    Agjencia e Kosovës për Akreditim pranohet anëtare me të drejta të plota në EQAR

    Agjencia e Kosovës për Akreditim (AKA) është pranuar si anëtare me të drejta të plota në Regjistrin Evropian për Sigurimin e Cilësisë në Arsimin e Lartë (EQAR), duke shënuar një nga arritjet më të rëndësishme për arsimin e lartë në vend. Lajmi është konfirmuar përmes një letre zyrtare nga presidenti i EQAR-it, Stéphane Lauwick, drejtuar drejtorit të AKA-së, Naim Gashi.

    Sipas një letre zyrtare, Lauwick thekson se aplikimi i AKA për anëtarësim në EQAR është aprovuar dhe se ky status do të vlejë deri më 31 dhjetor 2029.

    “Ju lutem pranoni urimet e mia për aplikimin tuaj të suksesshëm dhe përgëzimet e mia të përzemërta për punën tuaj në emër të të gjithë anëtarëve të Komitetit të Regjistrit”, thuhet në letrën zyrtare të presidentit të EQAR-it, Stéphane Lauwick.

    Drejtori i AKA-së, Naim Gashi, këtë pranim e cilësoi si arritjen më të madhe të tij profesionale dhe një nga arritjet më të mëdha për arsimin e lartë në Kosovë.

    Në një video-mesazh të publikuar në faqen zyrtare të Agjencisë, ai deklaroi se ky është rezultati i një procesi të gjatë dhe një pune të përkushtuar që nisi në vitin 2020, me synimin për ta vendosur arsimin e lartë të Kosovës në nivelin evropian të cilësisë.

    “Diplomat e studentëve tanë tashmë janë më të besueshme në Evropë dhe më tej. Ata do të kenë më shumë mundësi për mobilitet, bursa dhe bashkëpunim akademik ndërkombëtar. Institucionet tona të arsimit të lartë do të kenë qasje të plotë në programet e Bashkimit Evropian”, ka deklaruar Gashi në këtë video-mesazh.

    Për këtë arritje historike për arsimin e lartë në Kosovë, Gashi shprehu mirënjohje të veçantë për të gjithë ata që kontribuan në këtë proces të gjatë dhe të suksesshëm.

    Ai falënderoi Bordin e Agjencisë, stafin profesional ministren e arsimit, qeverinë, kuvendin, shoqërinë civile, donatorët dhe partnerët ndërkombëtarë, me veçanti homologët nga Kroacia, Austria dhe Gjermania.

    EQAR është organizata më e rëndësishme evropiane që njeh agjencitë e sigurimit të cilësisë në arsimin e lartë, të cilat përmbushin standardet e Bashkimit Evropian.

  • Parashikimi i motit për sot

    Parashikimi i motit për sot

    Mbi vendin tonë sot do të mbajë mot me diell dhe vranësira të shpërndara.

    Sipas parashikimit të Institutit Hidrometeorologjik të Kosovës, temperaturat minimale do të lëvizin ndërmjet 14 e 17 gradë Celsius, derisa ato maksimalet nga 28 e deri në 32 gradë Celsius.

    “Do të fryjë erë nga veriperëndimi, me shpejtësi 1–8 m/s”, thuhet në njoftimin e IHMK-së.

  • Kuvendi për herë të 47-të tenton konstituimin e legjislaturës së nëntë

    Kuvendi për herë të 47-të tenton konstituimin e legjislaturës së nëntë

    Deputetët e zgjedhur të Kuvendit të Kosovës do të mblidhen për herë të 47-të në një përpjekje tjetër për ta konstituuar legjislaturën e nëntë, të dalë nga zgjedhjet parlamentare të mbajtura më 9 shkurt.

    Seanca fillon në orën 11:00.

    Të dielën ka dështuar edhe përpjekja e 46-të për konstituimin e legjislaturës së nëntë të Kuvendit të Kosovës.

    Kryesuesi i seancës, Avni Dehari ka kërkuar nga subjektet politike që nuk kanë propozuar emër për anëtarë të Komisionit për Votim të Fshehtë për zgjedhjen e kryeparlamentarit që ta bëjnë një gjë të tillë, por si zakonisht ata kanë refuzuar.

    Në vend të propozimit, ata në foltore kanë kërkuar nga kryesuesi që t’i kthehet pikës së rendit të ditës, por fjalimet e tyre janë ndërperë nga regjia me kërkesë të kryesuesit, pasi në seancën konstituive nuk lejohet debati.

    Në votimin e Komisionit për Votim të Fshehtë nga 85 deputetë të pranishëm, për votuan 43 deputetë, derisa nuk pati as vota kundër e as abstenim, pasi pjesa tjetër e deputetëve si zakonisht deri më tash, nuk morën pjesë në votim.

    Procesi i konstituimit po vazhdon të mbetet i bllokuar në pikën kyçe të zgjedhjes së kryetarit të Kuvendit, çka ka pamundësuar vazhdimin e rregullt të punës së këtij institucioni për më shumë se katër muaj.

    Ky ngërç politik ka ndikuar drejtpërdrejt në paralizimin e punës së institucionit legjislativ, ndërsa qytetarët dhe shoqëria civile kanë shprehur shqetësim për mungesën e vullnetit politik për të gjetur zgjidhje.

  • LDK – Dora që tund djepin

    LDK – Dora që tund djepin

    Nga Rexhep Hasani

    Duke pas parasysh raportin e forcave politike si rezultat i zgjedhjeve të fundit, Kushtetutën dhe sistemin tonë zgjedhor (shif Opinionin tim të botuar më 12.07.2025 në Bota Sot), është e qartë si loti se dora që tund djepin (ang. king maker) është LDK, siç ishte dikur kur nuk kishte fitues apsolut të zgjedhjeve, LSI (partia e Ilir Metës në Shqipëri). Prandaj, nëse LDK-ja vendos përfundimisht të mbetet në opozitë, mendoj se zgjedhjet e sërishme janë të paevitueshme. Kjo për arsye se propozimi i tyre për qeveri të unitetit, me arsye, mbeti pa mbështetje, sepse njësoj siç insistohet pa të drejtë nga PDK dhe AAK të ndërrohet kandidatja legjitime dhe legale, mandati i të cilës nuk është kontestuar nga askush (shif Letrën time të botuar në këtë gazetë më 26 qershor 2025) për kryetar të Kuvendit, njëjtë nuk mund të kalojë as propozimi i LDK për qeveri të unitetit, që Kryetari i VV-së të mos jetë kryeministër, sepse këtë e kanë përcaktuar me votë votuesit.

    Pra, situata është e qartë si loti, ose siç thuhet mbreti është lakuriq, se me refuzimin e LDK-së për të bërë koalicion me VV-në dhe mosmbështetjen e propozimit të LDK-së për qeveri të unitetit, pashmangshëm shkohet në zgjedhje të sërishme, që do të mund ishte përsëritje edhe e një tentimi të pasuksesshëm, siç ka ndodhur në të kaluarën e afërt në Bullgari. Kujtoj se këtë luks nuk e a ka Republika e Kosovës dhe nuk e meriton populli i saj, kështu që zgjidhje e arsyeshme në këtë moment kohor konsideroj se nuk është përsëritja e zgjedhjeve, por ulja në tavolinën e dialogut dhe gjetja e një zgjidhjeje të qëndrueshme për themelimin e institucioneve. Prandaj, duke qenë se raporti i forcave politike, si rezultat i numrit të mandateve të fituara, ia ka përcaktuar një rol të tillë të LDK-së, ajo ia ka borxh popullit të Kosovës si dhe elektoratit dhe anëtarëve të saj, të rishqyrtojë vendimet paraprake të saj, duke marrë përsipër përgjegjësinë që i takon, sepse me këtë rezultat të zgjedhjeve nuk ka fitues apsolut por vetëm fitues relativ.

    Pra, për konstituimin e Kuvendit kanë përgjegjësi të gjitha partitë parlamentare, kështu që është e moralshme që deputetët të cilët nuk marrin pjesë në votim, të mos heqin dorë nga të ardhurat që i fitojnë pa i merituar. Pas një stërzgjatje të tillë të konstituimit të Kuvendit, që pa asnjë arsye shkoi deri në apsurd, mendoj se duhet shqyrtuar seriozisht zëvendësimi i tyre me deputetë që pasojnë në listat e tyre të kandidimit. Siç duket qenia njerëzore shpesh është e prirur që gjërat t’i sjelli deri në apsurd, për të vërejtur se duhet të fillojë të sillet racionalisht.

    Deputet të nderuar, konsideroheni të zgjedhur të popullit, kështu që si përfaqësues legjitim dhe legal nuk ju takon të silleni iracionalisht. Uluni sot, më 13.07. 2025, dhe votoni konstituimin e Kuvendit.