Category: Lajme

Dhoma e Tregtisë dhe Industrisë Kosovë ka thirrur konferencë për media.

Konferenca do të mbahet para objektit të Qeverisë së Kosovës në Sheshin ‘Skënderbeu’ me fillim nga ora 12:00, teksa arsyeja nuk është bërë e ditur.

Dje Zyra e Rregullatorit të Energjisë ka paralajmëruar bizneset që aktualisht janë duke u furnizuar me rrymë nga KEK si Furnizues i Mundësisë së Fundit, që nëse nuk lidhin kontrata me furnizues afatgjatë të licencuar do të mbesin pa rrymë pas 30 korrikut.

ZRRE iu ka bërë thirrje të gjithë konsumatorëve të prekur që pa vonesë të kontaktojnë një furnizues të licencuar dhe të nënshkruajnë marrëveshje komerciale për furnizim me energji elektrike.

Dhoma e Tregtisë disa herë ka kaluar anulim të vendimit të ZRRE-së për kalim të bizneseve në treg të hapur energjetik.

Bizneset rrezikojnë të mbesin pa rrymë pas 30 korrikut, ZRrE-ja u bën thirrje që të lidhin kontratat me furnizues të licencuar

Presidenti i Këshillit Evropian, Antonio Costa, ka deklaruar se Bashkimi Evropian po e ndjek me kujdes trajtimin e pakicave kombëtare nga autoritetet serbe, veçanërisht atë të shqiptarëve në Luginën e Preshevës.

Në një letër dërguar deputetit Shaip Kamberi, Costa thekson se të drejtat e pakicave do të jenë pjesë e rëndësishme e angazhimeve që Serbia duhet të përmbushë në kuadër të anëtarësimit në Bashkimin Evropian.

Ai ka kërkuar që Serbia të harmonizojë kornizën ligjore për pakicat me standardet ndërkombëtare dhe evropiane.

Këto deklarata, Kamberi i ka cilësuar si një hap drejt ndërkombëtarizimit të çështjes së shqiptarëve në Serbi.

Ministri në detyrë i Mbrojtjes, Ejup Maqedonci, ka paralajmëruar blerje të reja nga kompania turke “Baykar”, e njohur për dronët “Bayraktar” që Kosova i bleu në vitin 2023.

Gjatë vizitës në Turqi, Maqedonci u takua me udhëheqësin e Sekretariatit të Industrisë së Mbrojtjes Kombëtare, Haluk Görgün, me të cilin diskutoi për zgjerimin e bashkëpunimit mes dy vendeve.

Në këtë vizitë, Maqedoni ishte edhe në Panairin e Industrisë së Mbrojtjes, të cilin e cilësoi si një mundësi për të parë risitë që ndihmojnë në rritjen e kapaciteteve ushtarake të FSK-së.

Zyra e Rregullatorit të Energjisë ka paralajmëruar bizneset që po furnizohen përkohësisht nga Korporata Energjetike e Kosovës si Furnizues i Mundësisë së Fundit, se pas 30 korrikut do të mbesin pa rrymë nëse nuk lidhin kontratë me furnizues të licencuar.

Ky institucion ka bërë thirrje që të gjithë konsumatorët e prekur të veprojnë pa vonesë, duke theksuar se mosveprimi brenda afatit do të sjellë ndërprerje automatike të furnizimit me energji elektrike.

ZRrE-ja ka sqaruar se ky proces është në përputhje me ligjin dhe se edhe vendimet gjyqësore e kanë konfirmuar ligjshmërinë e këtij tranzicioni në tregun e liberalizuar të energjisë.

Në përpjekjen e 52-të dhe të fundit për konstituimin e Kuvendit të Kosovës para skadimit të afatit kushtetues, pritet që ambasadorë të vendeve të huaja në Kosovë të jenë të pranishëm.

Ambasada Gjermane ka njoftuar se ambasadori Jorn Rohde, bashkë me përfaqësues të tjerë ndërkombëtarë, do të marrin pjesë në seancën e Kuvendit që do të mbahet nesër,

“Duke qenë se nesër është mundësia e fundit për të konstituuar Kuvendin para afatit të Gjykatës Kushtetuese, ambasadori Rohde, së bashku me kolegë të tjerë ndërkombëtarë, planifikon të marrë pjesë në seancën në parlament,” thuhet në njoftimin e ambasadës.

Më 26 korrik skadon afati 30-ditor i përcaktuar nga Gjykata Kushtetuese për konstituimin e Kuvendit. Presidentja Vjosa Osmani ka dorëzuar një kërkesë për të sqaruar pasojat juridike në rast se Kuvendi nuk konstituohet deri në këtë afat, duke theksuar se “kompromisi nuk po shihet askund”.

Seanca pritet të nis në ora 11:00.

Inspektorati Sanitar i Ministrisë së Shëndetësisë e ka mbyllur përkohësisht pishinën publike të Gërmisë në Prishtinë, pasi Instituti Kombëtar i Shëndetësisë Publike të Kosovës (IKSHPK) ka bërë të ditur të enjten se rezultatet e mostrave laboratorike që janë marrë prej aty, kanë treguar se nuk janë plotësuar standardet për ujin.

Menaxhimin e kësaj pishine e ka ndërmarrja publike “Sport Marketing”, ndërsa IKSHPK-ja kryen kontrolle të cilësisë së ujit, në kuadër të mandatit që ka për mbrojtjen e shëndetit publik.

Kryetari i Prishtinës, Përparim Rama, ka thënë për mediat lokale në Kosovë se është në kontakt me kompaninë për menaxhimin e pishinës.

“E di që po merren me këtë çështje dhe më kanë lajmëruar që brenda këtyre ditëve edhe kjo çështje do të zgjidhet”.

I pyetur nëse do të merren masa ndaj kompanisë menaxhuese, Rama ka thënë se do të analizohet se “çfarë vendime janë marrë, dhe ku janë marrë”.

“Do të ketë masa pas këtyre informatave që do t’i kemi”.

Sipas Organizatës Botërore të Shëndetësisë, ekzistojnë një mori sëmundjesh që mund të shpërthejnë si pasojë e mosplotësimit të standardeve nëpër pishina, përfshirë sëmundjet e frymëmarrjes dhe ato gastrointestinale, transmeton Radio Evropa e Lirë.

Në mesin e shqetësimeve tjera përfshihen irritimi i syve dhe lëkurës, dhe infeksione të ndryshme që manifestohen me diarre.

Ky lajm vjen teksa qytetarët e Prishtinës janë në kërkim të hapësirave për freskim, teksa temperaturat arrijnë deri në 38 gradë Celsius.

IKSHPK-ja ka thënë se ka marrë mostra të reja më 23 korrik dhe se rezultatet e tyre do të dalin të premten.

Pishina e Gërmisë është hapur këtë vit më 8 korrik.

Uji i pishinës së Gërmisë nuk plotëson standardet – IKShPK konstaton devijime mikrobiologjike, të premten dalin rezultatet tjera