Category: Lajme

Qendra Kombëtare e Menaxhimit Kufitar ka njoftuar se nuk ka kolona dhe pritje të gjata në pikë-kalimet kufitare

QKMK në përditësimin e orës 07:12 njofton se në të gjitha pikë-kalimet kufitare pritjet në hyrje dhe dalje të Kosovës janë nga 3 deri në 5 minuta.

Më poshtë gjendja në të gjitha pikëkalimet kufitare:

Sot parashikohet të mbajë mot me vranësira të shpeshta dhe intervale me diell gjatë ditës, ndërsa kryesisht në zonat malore pritet të ketë reshje të izoluara shiu.

Era do të fryjë nga veriu dhe verilindja, e cila herë pas here pritet të jetë e fuqishme, me shpejtësi prej 17-40 km/h, njofton MeteoKosova.

Temperaturat minimale do të lëvizin prej 14 deri në 17°C, ndërsa ato maksimale prej 23 deri në 27°C.

Një tërmet me magnitudë 8.8 ballë ka goditur Gadishullin Kamchatka në Lindjen e Largët të Rusisë, duke shkaktuar një cunam deri në katër metra lartësi, dëme në ndërtesa dhe paralajmërime masive për evakuim përgjatë bregdetit të Oqeanit Paqësor.

Sipas autoriteteve ruse, disa persona janë lënduar në rajonin e goditur. Banorëve të pjesës lindore të Japonisë – zonë që përjetoi cunamin shkatërrues të vitit 2011 – iu është kërkuar të evakuohen menjëherë.

“Tërmeti i sotëm ishte serioz dhe më i forti në dhjetë vitet e fundit”, deklaroi guvernatori i Kamchatkës në Telegram. Ministri Rajonal i Situatave të Emergjencave, Sergei Lebedev, konfirmoi se pas tërmetit u regjistrua një cunami prej 3 deri në 4 metrash, duke bërë thirrje që “të gjithë të largohen nga bregu”.

Instituti Amerikan i Sizmologjisë raportoi se tërmeti ndodhi në një thellësi prej 19.3 km, rreth 125 km nga Petropavlovsk, një qytet me rreth 165 mijë banorë.

Në Japoni, mbi 1.9 milion njerëz janë urdhëruar të evakuohen, ndërsa Agjencia Meteorologjike ka paralajmëruar për valë cunami deri në 3 metra. Paralajmërimet shtrihen nga Hokkaido në veri deri në prefekturën Wakayama në jug, duke mbuluar qindra kilometra përgjatë bregdetit të Paqësorit.

Në SHBA, autoritetet në Hawaii dhe Kaliforni kanë lëshuar paralajmërime për banorët që të qëndrojnë larg plazheve dhe zonave të ulëta. Ekspertët amerikanë theksojnë se nuk pritet ndonjë dëm i madh në territorin e SHBA-ve, ndërsa guvernatori i Hawaii-t u ka kërkuar qytetarëve të ruajnë qetësinë.

Shefi i Agjencisë së Menaxhimit të Emergjencave (AME), Genc Metaj ka deklaruar se menjëherë pas marrjes së informacionit për rastin e mërgimtarit 33-vjeçar, i cili dyshohet se është hedhur nga ura në liqenin e Ujmanit, janë angazhuar të gjitha ekipet për kërkim dhe shpëtim.

Ai shtoi se AME, si organ koordinues në situata emergjente ka ndërmarrë të gjitha veprimet e nevojshme.

Megjithatë, siç tha ai për shkak të kapaciteteve të kufizuara, deri tani nuk është arritur të gjendet trupi i pajetë.

“Agjencia e Menaxhimit Emergjent me të marr vesh me Policinë menjëherë i ka angazhuar ekipet e AME-së, njësitet e zjarrfikësve… policia ka qenë non stop. I kemi angazhuar Shoqatën e Kosovës për kërkim, shpëtim. Gjithashtu kanë qenë të angazhuar dhe klubi i zhytjes ‘Trepça’. Agjencia si koordinuese e veprimeve në rastet emergjente i ka marrë të gjitha masat, mirëpo me kapacitetet aktuale të cilat i kemi pasur nuk kemi arrit me pas një sukses për me arrit me gjet trupin e personit të humbur dhe me këtë arsye me veprime ndërinstitucionale i kemi marrë të gjitha veprimet dhe kemi kërkuar angazhimin e FSK-së, të cilët sot kanë ardhë dhe janë duke e kryer punën e vet në liqen”, ka thënë Metaj, duke shtuar se të hënën kanë bërë kërkesë për ndërhyrjen e FSK-së.

Ndërkohë, zëvendësdrejtori i Policisë për rajonin e Mitrovicës së veriut, Veton Elshani, konfirmoi se Policia e Kosovës është e përfshirë në operacion dhe po ofron asistencën e nevojshme.

“Policia është këtu për të asistuar, ndërsa udhëheqja e operacionit i takon AME-së. Me ardhjen e FSK-së, presim që të paktën trupi të gjendet, në mënyrë që të zbutet sadopak dhimbja e familjes që ka humbur një anëtar të saj”, u shpreh Elshani.

Ndryshe, sot në orët e mëngjesit erdhën në ndihmë njësitet e specializuara të FSK-së, ndërsa që nga dita e diela kanë qenë të angazhuara njësite të Policisë së Kosovës, ekipet e kërkim-shpëtimit si dhe zhytës profesionistë, të cilët po punojnë pa ndërprerë për lokalizimin e trupit, por deri tani, përpjekjet nuk kanë dhënë rezultat.

“Skenari më i keq i urisë po ndodh aktualisht në Rripin e Gazës”, tha autoriteti kryesor ndërkombëtar për kriza ushqimore më 29 korrik, duke parashikuar “vdekje të shumta” nëse nuk merren masa të menjëhershme.

Ky paralajmërim, që ende nuk përbën shpallje zyrtare të urisë, vjen pas reagimeve të shumta pas publikimit të imazheve të fëmijëve të kequshqyer dhe raportimeve për dhjetëra vdekje të lidhura me urinë pas gati 22 muajsh luftë.

Presioni ndërkombëtar e shtyu Izraelin që gjatë fundjavës të shpallë disa masa, përfshirë ndalesa të përditshme në luftime për shkaqe humanitare në disa pjesë të Gazës dhe hedhjen nga ajri të pakove me ndihma. Megjithatë, Kombet e Bashkuara dhe palestinezët në Gazë thonë se situata ka ndryshuar pak, teksa turmat e dëshpëruara të palestinezëve vazhdojnë të dynden drejt kamionëve me ndihma para se ato të arrijnë në destinacionet e parapara.

Klasifikimi i Integruar i Sigurisë Ushqimore (IPC) paralajmëroi se Gaza që dy vjet është buzë urisë, por zhvillimet e fundit kanë “përshkallëzuar në mënyrë dramatike” situatën.

Shpallja zyrtare e urisë, që është e rrallë, kërkon të dhëna që nuk mund të merren në Gazë për shkak të pengimit të qasjes në këtë territor.

Por, ekspertët e pavarur thonë se nuk kanë nevojë për një shpallje formale për të kuptuar atë që po shohin në Gaza.

“Ashtu si një mjek familjar mund ta diagnostikojë shpesh një pacient me të cilin është i njohur bazuar në simptomat e dukshme, pa pasur nevojë të dërgojë mostra në laborator dhe të presë rezultatet, po ashtu mund t’i interpretojmë simptomat e Gazës. Kjo është uri e vërtetë”, tha për Associated Press Alex de Waal, autor i librit “Uria Masive: Historia dhe e Ardhmja e Saj” dhe drejtor ekzekutiv i Fondacionit për Paqe Botërore.

Teksa situata humanitare në Gazë është rënduar, Ministria e Shëndetësisë në territorin palestinez njoftoi më 29 korrik se numri i viktimave që nga nisja e luftës më 2023 ka shkuar në mbi 60.000.

Lufta në Gazë ka nisur më 7 tetor 2023, kur radikalët e Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian – sulmuan jugun e Izraelit, duke vrarë afër 1.200 persona dhe duke rrëmbyer afër 250 të tjerë. Afër 50 persona besohet se ende mbahen në Gazë, ndërsa të tjerët janë liruar në marrëveshjet paraprake të armëpushimit.

Sipas autoriteteve kompetente, 5 persona kanë vdekur nga virusi i Nilit Perëndimor në Itali këtë vit.

Në rajonin e Kampanias, pikërisht në Napoli, dje vdiq një burrë 80-vjeçar me sëmundje të rënda. Pak kohë më parë, u njoftua gjithashtu se në fund të javës së kaluar, një burrë 74-vjeçar që vuante nga problemet me veshkat dhe ishte infektuar me virusin, humbi jetën, gjithashtu në një spital të Napolit.

Javën e kaluar, tre persona të tjerë vdiqën nga ndërlikimet e shkaktuara nga virusi në zonën më të gjerë të Latinës (e cila ndodhet 78 kilometra në jug të Romës) dhe në qytetin e Novarës, pranë Torinos.

Mjekët italianë theksojnë se në shumicën e rasteve, kushdo që është i infektuar me virusin (i cili transmetohet nga mushkonjat) mbetet asimptomatik ose kapërcen simptomat e ngjashme me gripin brenda pak ditësh, pa pasur nevojë të shtrohet në spital. Megjithatë, tek të moshuarit me sëmundje themelore dhe sistem imunitar të dobësuar, ekziston një shans më i madh për probleme më serioze, duke filluar me ndërlikime serioze në sistemin neurologjik.

Krahasuar me vitin e kaluar, numri i përgjithshëm i rasteve deri më tani nuk është rritur. Ajo që ka ndryshuar është regjistrimi i përqindjes më të madhe të rasteve (deri më tani janë 28) në rajonin e Latinës, ku ka fusha të gjera me zona bujqësore dhe, deri një shekull më parë, malaria ishte veçanërisht e përhapur.

Zëvendësdrejtori i Policisë së Kosovës për rajonin e veriut, Veton Elshani, ka thënë se ka qenë kërkesë e tyre që FSK-ja të shkojë në Ujman me misionin për të asistuar përmes zhytësve të saj për gjetjen e trupit.

“Procedura është e tillë që ne fillimisht vijmë në vend të ngjarjes, zakonisht ne qëllojmë të parët këtu pas qytetarëve dhe policët kanë qenë këtu në këtë parking kur ka ndodhë rasti. Ne i kemi kërkuar zhytësit që të vijnë, Agjencinë për Menaxhim të Emergjencave, mandej nëpërmjet hierarkisë sonë komanduese, nëpërmjet Drejtorisë së Përgjithshme të Policisë ne kërkojmë asistencë për zhytës”.

“Pastaj, Drejtoria e Përgjithshme e Policisë kërkon nga FSK-ja asistencën për zhytës. Kështu që ka qenë kërkesë e PK-së që me ardhë këta njerëz këtu. Këta siç po i shihni tash janë këtu”, tha Elshani.

Elshani tha se derisa FSK shkoi në veri bashkë me KFOR-in – ku për qëllime ushtarake nuk i lejohet sipas një marrëveshje me NATO’n që e ka Kosova – “nënkuptohet vetvetiu që kanë ardhur me lejen e tyre”.

Elshani konfirmoi që Policia ka barkat e tyre që ndodhen aty me pajisjet adekuate dhe ndodhen bashkë me zhytësit dhe tash edhe me FSK-në.

“Ne kemi kërkuar gjatë gjithë kohës, por s’ishim të suksesshëm për gjetjen e tij. Shpresojmë që të paktën tash bashkë me FSK-në të gjejmë trupin në mënyrë që familjarëve t’iu largohet të paktën gjysma e dhimbjes”, u shpreh Elshani në prononcimin e tij.

Prokuroria Themelore në Prizren ka njoftuar se ka ngritur aktakuzë ndaj B.K. dhe E.Sh. nën dyshimin se në bashkëkryerje kanë kryer veprën penale “Keqpërdorim i pozitës apo autoritetit zyrtar” dhe ndaj D.S. dhe personit juridik “S.C.O” Sh.P.K. për “Keqpërdorim dhe mashtrim në prokurim publik”.

“Prokuroria Themelore në Prizren, Departamenti i Krimeve të Rënda, ka ngritur aktakuzë kundër të pandehurve B.K., dhe E.Sh., për shkak të dyshimit të bazuar mirë se të njëjtit në bashkëkryerje kanë kryer veprën penale “Keqpërdorimi i pozitës apo autoritetit zyrtar” nga neni 414, par.2 lidhur me par.1 e lidhur me nenin 31 të KPRK-së, dhe kundër D.S., dhe personit juridik “S.C.O” Sh.P.K., për shkak të dyshimit të bazuar mirë se kanë kryer veprën penale “Keqpërdorimi dhe mashtrimi në prokurim publik” nga neni 415 par.3 lidhur me par.2 të Kodit Penal të Republikës së Kosovës (KPRK)”, thuhet në njoftimin e Prokurorisë Themelore të Prizrenit.

Sipas aktakuzës “prej datës 13.07.2022 e deri me datën 12.12.2022 në Suharekë, në bashkëkryerje, duke vepruar në cilësinë e personave zyrtar dhe atë, i pandehuri B.K., – Zyrtar i lartë për Menaxhimin e Projekteve në Komunën e Suharekës, i caktuar si Menaxher i Projektit të prokurimit me titullin e kontratës ‘’ Ndërtimi i rrugëve lokale Lot 8-lot5 Nëntori i dytë, ‘’Xhemajl Morina’’, Mehmet Bytyqi segment në Reshtan’’ si dhe i pandehuri E.Sh., i caktuar si Mbikëqyrës i Drejtpërdrejtë i Menaxherit të kontratës në projektin e njëjtë, duke shfrytëzuar detyrën dhe autoritetin zyrtar me qëllim të përfitimit të çfarëdo dobie për vete apo personin tjetër, me dashje i tejkalojnë kompetencat e tyre të përcaktuara me ligj dhe veprojnë në kundërshtim me Ligjin për prokurimin publik dhe Rregulloren për prokurimin publik, ku nga provat e siguruara rezulton se të hollat në vlerë prej 24.945.32 euro janë paguar për operatorin ekonomik, e që në realitet rrugët nuk janë shtruar ashtu siç ishte paraparë në kontratë. Të pandehurit, përpilojnë raporte fiktive dhe të rrejshme, dhe nënshkruajnë raportin e pranimit teknik duke konstatuar se kinse punimet janë realizuar sipas kontratës, edhe pse ka pasur ndryshime në mes të sasisë së kontraktuar dhe asaj të realizuar duke përfshirë materialin e planifikuar, gjatësinë dhe gjerësinë e rrugëve e pikërisht gjendja reale e vlerës së punimeve të kryera është më e vogël se vlera e punimeve të parapara në këtë kontratë edhe atë në punët paraprake, ku në përgjithësi vlera e punimeve të realizuara është 13,272.66 euro më pak se vlera e paraparë në kontratë, e që në realitet këto punime më vonë realizohen me kontratën e datës 22.11.2022 me titull “Ndërtimi i rrugëve lokale Nëntori i dytë, ‘’Xhemajl Morina’’, Mehmet Bytyqi segment, etj në Reshtan – faza e dytë’’, e si pasojë Komunës së Suharekës i kanë shkaktuar dëm material në vlerë prej 13,272.66 €uro”.
“Me këto veprime në cilësi të bashkëkryerësve të njëjtit kanë kryer veprën penale “Keqpërdorimi i pozitës apo autoritetit zyrtar” të KPRK-së.”

Ndërsa, i pandehuri D.S., si person përgjegjës në personin juridik prej datës 13.07.2022 e deri me datën 12.12.2022 në Suharekë, dhe në fshatin Reshtan, duke vepruar në cilësi të bashkëpronarit dhe si përfaqësues i autorizuar –Drejtor i kompanisë “S.C.O.” Sh.P.K, dhe i pandehuri personi juridik “S.C.O” Sh.P.K., me dashje shkelin procedurat dhe rregullat e prokurimit publik dhe nuk zbatojnë detyrimet që dalin nga kontrata e prokurimit publik, me qëllim të përfitimit për vete, duke i shkaktuar dëm buxhetor Komunës së Suharekës.

“I pandehuri D.S., në bashkëveprim me personat zyrtar të Komunës së Suharekës e pikërisht me menaxherin e kontratës B.K., përpilojnë procesverbale, situacione fiktive si dhe raporte fiktive për kryerjen e punëve përmes kompanisë së tij, kështu që i pandehuri D.S., me datë 15.08.2022 lëshon faturën me numër 16 e cila është dorëzuar në Komunën e Suharekës me datën 13.09.2022 në vlerë prej 15,000.00 euro dhe faturën me numër 35 të datës 06.12.2022 të pranuar në Komunën e Suharekës me datën 20.12.2022 në vlerë prej 9,945.32 euro për realizim të punëve, duke vazhduar bashkëpunimin me zyrtarët komunal të lartëcekur përpilojnë raportin e pranimit teknik kinse janë realizuar punimet sipas kontratës, përderisa gjendja në teren ka qenë e parealizuar, e cila vërtetohet nga ekspertiza e fushës së ndërtimtarisë. Me këto veprime i pandehuri ka përfituar dobi pasurore të kundërligjshme duke i shkaktuar dëm material Komunës së Suharekës në vlerë prej 13,272.66 euro.”

“Me këto veprime të njëjtit, kanë kryer veprën penale “Keqpërdorimi dhe mashtrimi në prokurim publik” të KPRK-së.”

Prokurori i çështjes me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur për veprat penale për të cilat akuzohen të shpallen fajtorë dhe të dënohen sipas ligjit.