ATV

Category: Lajme

  • Osmani flet për një mandat të dytë të presidentes – a do të rikandidojë?

    Osmani flet për një mandat të dytë të presidentes – a do të rikandidojë?

    Presidentja e Kosovës, Vjosa Osmani është pyetur nëse do të synojë një mandat të dytë në krye të shtetit, ndërsa mandati i saj aktual po i afrohet fundit.

    Në lidhje me këtë Osmani dha një përgjigje ironike duke thënë: “Sa po vendosi që të marrë një pushim, po çohen disa gazetarë, po më sulmojnë e po më bindin mos mu ndal”.

    Ndryshe, Osmani përfundon mandatin e saj të parë në pranverën e vitit të ardhshëm dhe ende nuk ka dhënë një konfirmim zyrtar për kandidimin e mundshëm, por deklarata e saj konsiderohet si një sinjal i qartë për ambiciet politike në të ardhmen.

    LEXONI EDHE:

    “Do të vdisni së shpejti”, Osmani: Dhjetëra kërcënime me jetë ndaj meje dhe vajzave të mia, drejtësia nuk ndërmori asnjë masë

  • Përmbytje “të tmerrshme” në Bali të Indonezisë, të paktën 14 persona të vdekur

    Përmbytje “të tmerrshme” në Bali të Indonezisë, të paktën 14 persona të vdekur

    Të paktën 14 persona në Bali të Indonezisë kanë humbur jetën si pasojë e përmbytjeve, që zyrtarët i kanë cilësuar si më të këqijat në një dekadë në ishull.

    Shirat e rrëmbyeshëm shkaktuan përmbytje të rënda në shumicën e ishullit, duke bërë që lumenjtë të dalin nga shtrati. Shirat tashmë kanë pushuar dhe nivelet e ujit po ulen, por ekipet e shpëtimit ende po kërkojnë për të mbijetuar.

    Dy persona janë të zhdukur në Denpasar, ku ndodhën tetë nga vdekjet.

    Që nga e martja, qindra banorë janë evakuuar pasi shtëpitë e tyre u përmbytën. Rrugët kryesore janë bllokuar nga rrëshqitjet e dheut dhe të paktën dy ura janë dëmtuar.

    “Banorët ishin të shokuar. Përmbytjet ishin shumë të këqija,” tha një banore e Balit, Tasha, për BBC News Indonesia. “Mendoja se Bali kishte sistem të mirë kullimi.”

    Qeveria provinciale ka shpallur gjendje emergjente për një javë.

    Presidenti Prabowo Subianto shprehu ngushëllimet e tij të thella për përmbytjet në një deklaratë të mërkurën.

    Ai kishte udhëzuar të gjitha agjencitë relevante që të veprojnë “shpejt” dhe theksoi nevojën për “ndihmë të targetuar”, sipas sekretarit të kabinetit.

  • Edi Rama zgjedh Niko Peleshin për kryetar të Kuvendit në Shqipëri

    Edi Rama zgjedh Niko Peleshin për kryetar të Kuvendit në Shqipëri

    Kryeministri i Shqipërisë, Edi Rama, ka propozuar Niko Peleshin për pozitën e kryetarit të ri të Kuvendit.

    Rama deklaroi se si një individ me eksperiencë shumëvjeçare në shumë institucione dhe me prirje ndaj risive teknologjike, Peleshi është personi i duhur për të qenë në krye të Kuvendit.

    Ndërsa, Taulant Balla do të marrë sërish drejtimin e grupit parlamentar socialist, duke lënë kështu detyrën e Ministrit të Shtetit për Marrëdhënie me Parlamentin.

  • Fëmijët nën 15 vjeç jashtë rrjeteve sociale? Franca e propozon si ligj

    Fëmijët nën 15 vjeç jashtë rrjeteve sociale? Franca e propozon si ligj

    Një raport i Parlamentit të Francës për rrjetin social, TikTok, ka rekomanduar të enjten ndalimin e rrjeteve sociale për fëmijët nën moshën 15-vjeçare dhe vendosjen e një “orari policor digjital” për të rinjtë e moshës 15 deri në 18-vjeçare, në përpjekje për ta frenuar ndikimin negativ mbi shëndetin e tyre.

    “Një ndalim i tillë do të dërgonte një mesazh si për fëmijët, ashtu edhe për prindërit, se rrjetet sociale nuk janë të padëmshme para moshës 15-vjeçare”, tha për AFP Laure Miller, raportuese e komisionit parlamentar hetimor.

    Komisioni, i ngritur në mars, ka intervistuar familje viktimash, menaxherë të platformave sociale dhe influencerë për të analizuar algoritmin e TikTok-ut, një aplikacion jashtëzakonisht i popullarizuar mes të rinjve, i cili “kopjohet nga rrjete të tjera sociale”, sipas Millerit.

    Ai u krijua pas proceseve ligjore kundër TikTok-ut në Francë në fund të vitit 2024, pas një padie nga shtatë familje që akuzuan platformën se ekspozon fëmijët ndaj përmbajtjeve që mund t’i nxisin drejt vetëvrasjes.

    “Është e vështirë për ne prindërit ta kontrollojmë këtë gjë”, tha për AFP Geraldine, 52-vjeçare, dhe një nga paditëset që kërkoi të mbetej anonime.

    Ajo humbi vajzën e saj Penelope, 18-vjeçare, në shkurt të vitit 2024, e cila kreu vetëvrasje. Më pas, ajo zbuloi se vajza kishte publikuar dhe shikuar në TikTok video me përmbajtje që nxisnin vetëlëndim.

    TikTok pretendon se siguria e të rinjve është prioriteti kryesor i kompanisë.

    Raporti paralajmëron se, nëse brenda tri vjetësh rrjetet sociale nuk përmbushin detyrimet ligjore, sidomos ato të përcaktuara në Rregulloren Evropiane për Shërbimet Digjitale (DSA), mund të shkohet deri në ndalimin e përdorimit për personat nën 18-vjeçarë.

    Disa vende të BE-së, përfshirë Francën, Spanjën dhe Greqinë, kohët e fundit i kanë bërë thirrje Brukselit për rregullim më të rreptë të platformave online për fëmijët, për shkak të shqetësimeve mbi varësinë, bullizmin digjital dhe përhapjen e gjuhës së urrejtjes.

    Menaxherët e TikTok-ut, i cili është pronë e kompanisë kineze ByteDance, theksuan se sistemi i vëzhgimit i bazuar në inteligjencën artificiale ka mundësuar heqjen e 98 për qind të përmbajtjeve që shkelin rregullat e përdorimit në Francë vitin e kaluar.

    Megjithatë, sipas komisionit, përmbajtjet e dëmshme vazhdojnë të qarkullojnë, duke shkaktuar, ndër të tjera, humbje të vëmendjes, çrregullime të gjumit dhe probleme me vetëvlerësimin.

    Për të rinjtë e moshës 15 deri në 18-vjeçare, raporti propozon një “orë policore digjitale”, sipas së cilës rrjetet sociale do të bëheshin të paqasshme nga ora 22:00 deri në orën 08:00./REL

  • Begaj përkujton sulmin terrorist të 11 shtatorit në ShBA: Të vendosur kundër çdo forme terrorizmi dhe dhune

    Begaj përkujton sulmin terrorist të 11 shtatorit në ShBA: Të vendosur kundër çdo forme terrorizmi dhe dhune

    Teksa Amerika dhe bota shënojnë përvjetorin e 24-t të sulmeve terroriste të 11 shtatorit, presidenti i Shqipërisë, Bajram Begaj, ka rikonfirmuar solidaritetin e vendit të tij me Shtetet e Bashkuara.

    “Sot, me dhimbje të thellë, përkujtojmë viktimat e sulmeve terroriste të 11 shtatorit 2001 mbi qytetin e New Yorkut. Shqipëria riafirmon qëndrimin e saj të vendosur kundër çdo forme terrorizmi dhe dhune, kudo në botë, dhe shpreh solidaritetin e saj të plotë me familjet e viktimave, popullin dhe institucionet e Shteteve të Bashkuara.”, shkroi Begaj në rrjetet sociale.

    Ai theksoi se Shqipëria do të qëndrojë gjithmonë pranë SHBA-së si partner strategjik dhe aleat i besueshëm në mbrojtje të paqes dhe sigurisë ndërkombëtare.

  • Aktakuzë për spiunazh ndaj kosovarit të ISIS-it: Bashkëpunoi me BIA’n, paguhej 700 Euro

    Aktakuzë për spiunazh ndaj kosovarit të ISIS-it: Bashkëpunoi me BIA’n, paguhej 700 Euro

    Prokuroria Speciale e Kosovës ka ngritur aktakuzë ndaj Hysri Selimit, i dyshuar për veprën penale “Spiunazh”.

    Ai akuzohet se nga nëntori i vitit 2009, e deri në momentin e arrestimit më 06.05.25, ka bashkëpunuar me Agjencinë e Inteligjencës dhe Sigurisë së Republikës së Serbisë e njohur si BIA.

    Sipas aktakuzës, Hysri Selimi më 22.11.2015 kishte udhëtuar në Siri, duke ju bashkuar organizatës terroriste “ISIS” dhe pas kthimit në Kosovë dhe vuajtjes së dënimit për pjesëmarrje në organizata terroriste, kishte vazhduar të spiunonte për BIA-n.

    Sipas njoftimit të Prokurorisë Speciale, ekziston dyshimi i bazuar mirë se Hysri Selimi kishte dërguar informacione tek zyrtarët e BIA-së, në lidhje me numrin e pjesëmarrjes së shqiptarëve në “ISIS”, organizimin e tyre dhe në cilat pjesë të Sirisë operonin ata. Ndërsa, pas kthimit në Kosovë, dhe vuajtjes së burgut për pjesëmarrje në organizata terroriste, i njëjti kishte vazhduar të takohej në Serbi me zyrtarët e BIA-së, më konkretisht me Drejtorin për Luftimin e Terrorizmit I.B., dhe të përcjell informata tjera të rëndësishme.

    Sipas aktakuzës, si shpërblim për këto informacione, zyrtarët e BIA-së e paguanin Selimin deri në 700 euro në muaj.

    Prokuroria Speciale i ka propozuar Gjykatës vazhdimin e masës së paraburgimit, dhe pas shqyrtimit gjyqësor, i pandehuri të shpallet fajtor për veprat penale që i vihen në barrë dhe ndaj tij të shqiptohet dënim konform ligjeve në fuqi.

  • “Do të vdisni së shpejti”, Osmani: Dhjetëra kërcënime me jetë ndaj meje dhe vajzave të mia, drejtësia nuk ndërmori asnjë masë

    “Do të vdisni së shpejti”, Osmani: Dhjetëra kërcënime me jetë ndaj meje dhe vajzave të mia, drejtësia nuk ndërmori asnjë masë

    Presidentja e Kosovës, Vjosa Osmani, ka thirrur gazetarët në Presidencë dhe po mban një konferencë për media, ku ka folur për kërcënimet e vazhdueshme që ka marrë ndaj vetes dhe familjes së saj.

    “Dje janë publikuar një sërë shpifjesh. Është pengesa më e madhe përcjellja nga mbrojtja e afërt. Vajzat e mia e urrejnë atë përcjellje, ua pengojnë fëmijërinë normale, ua pengojnë lojën normale, ato nuk duan asgjë tjetër thjeshtë të luajnë e të mësojnë e të rriten sikur bashkëmoshatarët e tyre. Rregullat e sigurisë as nuk i kam shpik unë, as nuk i kam sjell unë, ato kanë qenë të njëjta edhe për presidentë paraprakë, edhe për presidentët e ardhshëm. Me Ligj përcaktohet që presidentja dhe familja kanë mbrojtje të afërt dhe kanë nivelin e rrezikshmërisë të lartë. Nuk besoj që asnjë prind do të donte që të merrte kërcënime të vazhdueshme me plumb në ballë për veten ose fëmijët e vet, unë i marrë ato vazhdimisht. Nuk besoj që ka prind që do të donte që vajzat e veta të kërcënohen me dhunim. Nuk ka prind që do të donte t’i izolonte nga loja, ne detyrohemi ta bëjmë një gjë të tillë sepse ka dhjetëra kërcënime me jetë. Ka një kërcënim që ka ardhur nga serbët ku është postuar fotografia ime dhe e vajza të mia, ku thuhet “do të vdisni së shpejti”. Publikohen fotot e snajperit të drejtuar nga vetura ime, përkundër dhjetëra kërcënimeve me jetë, është hera e vetme në historinë e institucioneve që drejtësia nuk ka ndërmarrë asnjë masë, zero. Duhet të pyesni në favor të kujt shkon që një president i shtetit kushdo qoftë, mos ta ketë trajtimin e barabartë në sistemin e drejtësisë.”, ka thënë Osmani.

  • Udhëheqësit e vendit përkujtojnë viktimat e 11 shtatorit në ShBA

    Udhëheqësit e vendit përkujtojnë viktimat e 11 shtatorit në ShBA

    Me rastin e 24 vjetorit të sulmeve terroriste të 11 Shtatorit 2001, krerët më të lartë të institucioneve të Kosovës kanë bërë homazhe në nderim të afro 3 mijë viktimave që humbën jetën në atë ngjarje tragjike, e cila la gjurmë të pashlyeshme në historinë e Shteteve të Bashkuara të Amerikës dhe në mbarë botën.

    Osmani tha se nderojnë heroizmin e treguar ndaj atyre që u përgjigjën ndaj sulmit të 11 shtatorit.

    “Sot bëmë homazhe për të përkujtuar të gjithë viktimat se sulmit terroristë të 11 shtatorit, si dhe për të nderuar heroizmin e treguar nga të gjithë ata që u përgjigjën ndaj këtij sulmi duke rrezikuar edhe jetën e vet për të shpëtuar jetën e të tjerëve. Në atë ditë bota u nda në dysh, në ata që thellësisht besojnë në vlerat e lirisë, vlerat e humanizmit dhe qëndrojnë bashkërisht në mbrojtje të këtyre vlerave dhe në luftim të terrorizmit dhe pjesa tjetër ishin ata që besojnë në terrorizëm dhe shfrytëzojnë dashakeqësinë e terrorizmit për të shkaktuar dhimbje tek të tjerët”, ka thënë Osmani.

    Edhe kryetari i Kuvendit të Kosovës, Dimal Basha tha se 11 shtatori ka qenë një sulm ndaj vlerave të lirisë.

    “Populli ynë gjendet krahë popullit amerikan. Gati 3 mijë viktima qytetarë amerikan që humbën jetën, e tre prej tyre edhe shqiptarë”, tha Basha.

    Kryeministri i vendit, Albin Kurti tha se: “Sikurse edhe çdo vit tjetër më 11 shtator bëjmë homazhe dhe vendosim lule të freskëta te këtu tek përkujtimorja në oborrin e përbashkët të Qeverisë dhe i Kuvendit, që i dedikohet viktimave të sulmit terroristë të 11 shtatorit”.

    Ndryshe, ngjarja e 11 Shtatorit mbetet një prej momenteve më të dhimbshme në historinë moderne, që ndryshoi përgjithmonë mënyrën se si bota e sheh sigurinë dhe luftën kundër terrorizmit. /Telegrafi/

  • Të paktën 35 të vdekur dhe mbi 130 të plagosur nga sulmi izraelit në Jemen

    Të paktën 35 të vdekur dhe mbi 130 të plagosur nga sulmi izraelit në Jemen

    Të paktën 35 persona kanë humbur jetën dhe më shumë se 130 janë plagosur pas një sulmi ajror izraelit ndaj houthive në kryeqytetin e Jemenit, Sanaa, të mërkurën.

    Sulmi vjen vetëm disa ditë pas një sulmi të kryer nga rebelët Houthi, të cilët përdorën një dron për të goditur një aeroport në Izrael. Shumica e viktimave u regjistruan në Sanaa, ku u goditën një seli ushtarake dhe një stacion karburanti, sipas ministrisë së shëndetësisë së Jemenit.

    Presidentja e Komisionit Evropian, Ursula von der Leyen, ka deklaruar se do të kërkojë sanksione dhe një pezullim të pjesshëm tregtar kundër Izraelit për shkak të situatës në Rripin e Gazës. Ky veprim shkon paralelisht me izolimin global të Izraelit pas sulmit të tij në Katar, ku synonte udhëheqësit e Hamasit.

    Sipas Al-Masirah, një kanal lajmesh satelitor i kontrolluar nga houthitë, sulmi ka goditur një ndërtesë të selisë ushtarake në qendër të Sanaa-s, duke dëmtuar edhe shtëpitë fqinje.

    Izraeli ka intensifikuar sulmet ajrore si përgjigje ndaj raketave dhe dronëve të dërguar nga houthitë në territorin izraelit. Rebelët e mbështetur nga Irani thonë se po mbështesin Hamasin dhe palestinezët në Rripin e Gazës. Të dielën, houthitë dërguan një dron që arriti të thyejë mbrojtjen ajrore të Izraelit dhe përfundoi në një aeroport jugor

  • Kryeministri i Katarit kërkon përgjegjësi nga Netanyahu pas sulmit në Doha: Vrau çdo shpresë për pengjet

    Kryeministri i Katarit kërkon përgjegjësi nga Netanyahu pas sulmit në Doha: Vrau çdo shpresë për pengjet

    Kryeministri i Katarit, Mohammed bin Abdulrahman Al-Thani, ka kërkuar që homologu i tij izraelit, Benjamin Netanyahu, të nxirret para drejtësisë, pas sulmit të Izraelit ndaj udhëheqësve të Hamasit në Doha, i cili sipas tij “vrau shpresat” për lirimin e pengjeve në Gaza.

    Al-Thani shtoi se Katari po “rivlerëson gjithçka” lidhur me rolin e tij si ndërmjetës në bisedimet e dështuara deri më tani, të cilat synojnë një armëpushim në konfliktin e shkaktuar nga sulmi i Hamasit më 7 tetor 2023.

    Të martën, forcat ajrore izraelite shënjestruan udhëheqësit e Hamasit që takoheshin në një kompleks në Doha, kryeqytetin e një aleati të SHBA-së që organizon rregullisht bisedime.

    “Mendoj se ajo që bëri Netanyahu ishte vrau çdo shpresë për pengjet,” tha Al-Thani për CNN, duke shtuar se Netanyahu “duhet të nxirret para drejtësisë.”

    Sulmi gjithashtu shkaktoi kritika të rralla nga presidenti i SHBA-së, Donald Trump, një aleat i ngushtë i Izraelit, i cili tha se ishte “shumë i pakënaqur” dhe e përshkroi veprimin si të pamatur.

    Nga ana e tij, Netanyahu paralajmëroi autoritetet e Katarit: “U them Katarit dhe të gjitha kombeve që strehojnë terroristë: ose duhet t’i dëboni ose t’i çoni para drejtësisë. Sepse nëse nuk e bëni, ne do t’i bëjmë.”