Category: Lajme

Viti i ri shkollor filloi si çdo vit me një shtator në të gjitha shkollat e Kosovës. Por jo të gjithë nxënësit u kthyen në bankat e shkollës. Shkollave të Kosovës i munguan hiq më pak se 629 nxënës. Ata nuk i braktisën vetëm bankat shkollore, por dhe Kosovën.

Sipas të dhënave të Ministrisë së Arsimit Shkencës dhe Teknologjisë 629 nxënës, kanë braktisur shkollat dha ja larguar nga Kosova gjatë vitit shkollor 2024/25.

Sipas të dhënave zyrtare, nga ky numër i nxënësve të larguar 350 janë djem, ndërsa 279 vajza.

Fenomeni i largimit të nxënësve nuk është shpërndarë njëtrajtësisht në të gjitha komunat. Komunat me numrin më të madh të fëmijëve që kanë ndërprerë shkollimin janë Gjakova me 89 nxënës, Malisheva me 84, Gjilani me 74, Prizreni me 66 dhe Suhareka me 61.

Në qytetin e Pejës 46 nxënës e kanë braktisur shkollën, pasuar nga Lipjani nga i cili janë larguar 34 nxënës.

Rahovecin e kanë braktisur 27 nxënës, ndërkaq Istogun 20. E nga Deçani dhe Podujeva janë larguar nga shkolla 19 nxënës.

Megjithëse kryeqyteti Prishtina e ka numrin më të madh të banorëve, vazhdon të ketë numër të vogël të nxënësve që kanë braktisur shkollat, krahasuar me komunat tjera. Në Prishtinë vetëm 9 nxënës e kanë braktisur shkollën gjatë një viti dhe janë larguar nga Kosova.

Më shumë se dy milionë persona janë evakuuar në Pakistan pas përmbytjeve të mëdha që kanë goditur vendin.

Sipas të dhënave të publikuara sot në mëngjes, që nga fundi i qershorit, mbi 900 persona kanë humbur jetën si pasojë e vërshimeve.

Pjesa lindore e Pakistanit është më e goditura, ku vetëm aty janë evakuuar dy milionë banorë. Ndërkohë, 150 mijë të tjerë janë zhvendosur nga një rajon tjetër i përmbytur, dhe autoritetet paralajmërojnë se ky numër mund të rritet.

Shkak për përmbytjet janë shirat e dendur si pasojë e ndryshimeve klimatike, por edhe mungesa e investimeve në mbrojtje. Situata mbetet kritike pasi reshjet pritet të vazhdojnë edhe në ditët në vijim.

Policia e Kosovës në Vushtrri ka trajtuar dy raste të ndara të dhunës fizike gjatë ditës së enjte, ku incidentet kanë përfshirë sulme ndaj disa personave.

Në rastin e parë, të raportuar në mëngjes rreth orës 10:00, një grua ka kërkuar ndihmë pasi ishte sulmuar fizikisht nga një i dyshuar. Më vonë, në mbrëmje rreth orës 19:00, është regjistruar një tjetër incident ku një burrë dyshohet se ka sulmuar dy persona, një burrë dhe një grua.

Lidhur me rastin e parë, viktima ka pranuar trajtimin e nevojshëm mjekësor, ndërsa i dyshuari është larguar nga vendi i ngjarjes dhe mbetet ende në kërkim policor.

Ndërkohë, autori i sulmit të dytë është arrestuar dhe pas intervistimit, me urdhër të prokurorit kujdestar, është dërguar në qendrën e mbajtjes.

Një rast i vdekjes së dyshimtë është regjistruar të enjten në komunën e Kllokotit, ku një burrë është gjetur pa shenja jete. Rrethanat në të cilat ka ndodhur ngjarja mbeten ende të paqarta.

Sipas njoftimit të Policisë, në vendin e ngjarjes ka dalë ekipi mjekësor nga Qendra Kryesore e Mjekësisë Familjare në Viti, ku mjekët kujdestarë kanë konstatuar vdekjen e viktimës në vendin ku është gjetur.

Në konsultim me prokurorin përgjegjës, trupi i pajetë i viktimës është dërguar në Institutin e Mjekësisë Ligjore për obduksion, ndërsa hetimet për zbardhjen e plotë të rastit janë në vazhdim.

Një kontingjent i ri i Forcave të Armatosura të Shqipërisë është nisur drejt Kosovës për t’iu bashkuar misionit paqeruajtës të KFOR-it. Lajmin e bëri të ditur Ministri i Mbrojtjes i

Shqipërisë, Pirro Vengu, mëngjesin e sotëm.
Përmes një postimi në Facebook, Vengu ka publikuar fotografi të ushtarëve gjatë nisjes së tyre.

Ai deklaroi se djemtë dhe vajzat e Shqipërisë që do shërbejnë në Kosovë, çdo ditë e mbajnë lart flamurin dhe vlerat kombëtare në shërbim të paqes dhe sigurisë.

Ky angazhim rikonfirmon rolin aktiv të Shqipërisë në kuadër të aleancës së NATO-s për ruajtjen e paqes dhe sigurisë në rajon.

Janë publikuar fotografi të tjera të personit që dyshohet për rastin e vrasjes së Charlie Kirk, bashkëthemelues i Turning Point USA dhe aleat i presidentit amerikan Donald Trump.

Një ditë më parë, FBI shfaqi dy fotografi të personit të dyshuar, për të cilin besohet se veproi i vetëm, raporton BBC.

Autoritetet kanë kërkuar ndihmën e publikut për identifikimin e tij.

Sipas informacioneve të fundit, guvernatori i Utah, Spencer Cox, ka bërë të ditur se deri më tani janë paraqitur mbi 7,000 pista dhe informacione nga qytetarët.

Me urdhër të Prokurorisë Speciale, hetuesit nga Drejtoria për Hetimin e Krimeve të Luftës, të premten kanë arrestuar personin me inicialet R.D, nën dyshimin për kryerjen e veprës penale “Krim lufte kundër popullatës civile”.

Sipas një njoftimi për media bëhet e ditur se R.D., është ndaluar nën dyshimin për krime lufte kundër popullsisë civile, të kryera gjatë periudhës së luftës në Kosovë.

“Prokuroria Speciale, në bashkëpunim me Policinë e Kosovës, përkatësisht hetuesit nga Sektori për Hetimin e Krimeve të Luftës, është duke ndërmarrë dhe do të ndërmarrë të gjitha veprimet e nevojshme hetimore, në përputhje me Kodin e Procedurës Penale dhe legjislacionin në fuqi. Prokuroria Speciale dhe Policia e Kosovës mbeten të përkushtuara në hetimin dhe ndjekjen penale të kryerësve të këtyre veprave penale”, thuhet në njoftim.