Deputetët e Kuvendit të Kosovës po vazhdojnë të jenë nën masën e përkohshme të Gjykatës Kushtetuese, duke mos pasur të drejtë të ndërmarrin asnjë veprim apo vendim drejt konstituimit të institucioneve të dala nga zgjedhjet e mbajtura më shumë se gjysmë viti më parë.
Kushtetuesja këtë të martë publikoi vendimin pas ankesës së Listës Serbe lidhur me votimin ndaras të kandidatëve për nënkryetarë të Kuvendit të Kosovës nga radhët e pakicave.
Sipas këtij vendimi, Kuvendi ende mbetet i pakonstituuar dhe se seanca konstituive e nisur më 15 prill duhet të përfundojë brenda 12 ditëve nga hyrja në fuqi e aktgjykimit të 30 shtatorit.
Megjithatë, aktgjykimi i plotë ende nuk është publikuar në faqen e Kushtetueses, andaj vazhdon të mbetet në fuqi masa e përkohshme e vendosur më 5 shtator.
Sot do të bëhet inaugurimi i rrugës ndërkufitare Kosovë-Shqipëri, konkretisht mes fshatrave Gorozhup të Kosovës e Pogaj të Shqipërisë.
Ministria e Infrastrukturës thotë se ky projekt është rezultat i marrëveshjeve ndërmjet Kosovës dhe Shqipërisë, me qëllim të forcimit të lidhjeve infrastrukturore dhe zhvillimit rajonal.
Në këtë ceremoni pritet të jenë të pranishëm zyrtarë shtetëror, kryeministri në detyrë, Albin Kurti, ushtruesi i detyrës së ministrit në detyrë të Ministrisë së Mjedisit, Planifikimit Hapësinor dhe Infrastrukturës, Hysen Durmishi, ambasadori i Shqipërisë në Kosovë, Petrit Malaj e kryetari i Bashkisë së Hasit, Miftar Dauti.
Ditë më parë, Durmishi derisa kishte ndarë pamje nga punimet në këtë rrugë ndërkufitare,kishte shkruar. “Ne ndërtojmë ura që na bashkojnë dhe i kalojmë kufinjtë të cilët na kanë ndarë padrejtësisht”.
Sot parashikohet mot kryesisht i vranët deri në pjesën e parë të ditës, ku gjatë orëve të para të 24-orëshit dhe në orët e mëngjesit, pritet të ketë reshje të izoluara shiu e bore.
Gjatë pasditës pritet gradualisht vranësirat të tërhiqen.
Era do të fryjë drejtimesh të ndryshme, me shpejtësi prej 10-32 km/h, njofton MeteoKosova.
Temperaturat do të shënojnë ngritje, me minimale që do të lëvizin prej 1 deri në 4°C, ndërsa ato maksimale prej 7 deri në 12°C.
Arabia Saudite ka përfunduar një arritje të jashtëzakonshme inxhinierike me ndërtimin e rrugës më të gjatë të drejtë në botë. Duke u shtrirë 240 kilometra pa asnjë kthesë, kjo rrugë përshkon drejtpërdrejt shkretëtirën, duke lidhur rajone të largëta me efikasitet të paprecedentë. Shoferët mund të udhëtojnë distanca të gjata pa kthesa, duke përjetuar një eksperiencë unike dhe të pandërprerë në rrugë.
Rruga nuk është thjesht për vijën e drejtë – ajo përfaqëson planifikim të kujdesshëm dhe zhvillim modern të infrastrukturës. E ndërtuar me precizion, ajo i reziston kushteve ekstreme të shkretëtirës, nga nxehtësia përvëluese te rërat që zhvendosen. Materialet e avancuara dhe teknikat inxhinierike sigurojnë qëndrueshmëri dhe siguri, duke e bërë atë një model të ndërtimit të rrugëve në shkretëtirë në shkallë të madhe.
Për udhëtarët, rruga ofron një perspektivë të jashtëzakonshme. Horizonti i shkretëtirës shtrihet pafundësisht, duke dhënë një ndjesi hapësire të gjerë që rrallë përjetohet në autostradat tradicionale. Edhe transporti dhe logjistika në distanca të gjata përfitojnë, pasi rruga e drejtë shkurton kohën e udhëtimit, përmirëson kursimin e karburantit dhe rrit lidhjen mes qyteteve dhe zonave industriale.
Ekspertët theksojnë se ky projekt pasqyron angazhimin e Arabisë Saudite për zgjerimin e rrjetit rrugor dhe mbështetjen e rritjes ekonomike. Duke lidhur zona më parë të izoluara, ai nxit tregtinë, turizmin dhe zhvillimin, ndërsa njëkohësisht dëshmon aftësinë e vendit për të realizuar projekte ambicioze infrastrukturore në mjedise sfiduese.
Rruga ka zgjuar interes edhe te entuziastët e inxhinierisë dhe aventurierët. Drejtësia dhe gjatësia e saj e jashtëzakonshme e bëjnë një destinacion për rekorde në drejtim automjetesh, sfida në biçikleta me distanca të gjata dhe eksplorim të shkretëtirës. Përveç përfitimeve praktike, ajo paraqet edhe një imazh ikonik të arritjes njerëzore përballë natyrës së pafund.
Rruga e re e drejtë e Arabisë Saudite nuk është thjesht një kalim nga pika A në pikën B – ajo është një dëshmi e precizionit, qëndrueshmërisë dhe vizionit, duke prerë shkretëtirën me qartësi dhe guxim që pak rrugë në botë mund ta rivalizojnë.
Kandidatja e NISMËS Social Demokrate për kryetare të Prizrenit, Albulena Balaj Halimaj, ironzioi me kryetarin aktual të komunës, Shaqir Totaj.
Referuar vendimit të Totajt për të mos debatuar me kundërkandidatë, për shkak të numrit të madhë të kandidatëve, Halimaj tha se kryetari aktual po kërkon që të tjerët të tërhiqen dhe ai të “garojë me veten”
“Jo nuk jemi shumë kandidat për Prizrenin, sepse Prizreni i ka specifikat e veta, por me e dëgju Totajn do të duhej ta linim vetëm atë, ne të tjerët të tërhiqemi”, tha ajo.
Kandidati i Aleancës për Ardhmërinë e Kosovës për kryetar të Prizrenit, Besnik Krasniqi, ka kritikuar kryetarin aktual të komunës, Shaqir Totaj, për shmangie debati me kundërkandidatë.
Ai nuk e komentoi arsyetimin e Shaqir Totajt të PDK-së për numër të madhë të kandidatëve, por e garantoi se në Prizren do të ketë balotazh.
“Unë gjithë opinoinin publik dhe juve mund tu sigurojë që balotazh do të ketë, sepse kësaj rradhe aleanca në Prizren është ndryshe, është për t’u ballafaquar me zotrin Totaj”, tha Krasniqi.
Në Prizren garojnë tetë kandidat për kryetar komune.
Kandidati për kryetar të Prishtinës, Uran Ismaili, në një intervistë për emisionin “Libero” në ATV, ka folur si rrallëherë më parë për jetën e tij personale; fëmijërinë, shkollimin, familjen dhe karrierën politike. Ai ndau edhe një periudhë të vështirë të jetës, kur në moshën 14-vjeçare humbi nënën, ngjarje që sipas tij sado e dhimbshme, e afroi edhe më shumë me babanë dhe katër motrat e tij.
“Nëna gjithmonë më priste në ballkon kur kthehesha nga shkolla fillore,” tregoi Ismaili, duke përmendur një kujtim të ngrohtë që i ka mbetur gjithmonë në mendje. Ai tregoi se humbja e saj në moshë të re e detyroi që të bëhej më i përgjegjshëm, sidomos pasi babai i tij ishte në moshë më të vjetër dhe familja e tij kishte nevojë për mbështetje. Për këtë arsye, ai tregoi se filloi të punonte që nga mosha 15-vjeçare dhe, pas moshës 18-vjeçare, ka mbajtur mbante më shumë se një punë njëkohësisht për të ndihmuar familjen.
Sipas tij, kjo periudhë e formoi dhe i dha ndjenjën e përgjegjësisë, duke e shtyrë të jetë më i vendosur në jetë dhe në angazhimet e tij.
Hamasi ka thënë se pranon të lirojë pengjet izraelite, të vdekur dhe të gjallë, sipas planit të paqes të Donald Trump për Gazën.
Grupi tha gjithashtu se dëshiron të angazhohet në negociata për të diskutuar detaje të mëtejshme, duke përfshirë dorëzimin e “administrimit të enklavës një organi palestinez autokratësh të pavarur”, shkruan skynews.
Bëhet e ditur se presidenti amerikan Donald Trump kishte vendosur një afat të ri deri të dielën për t’iu përgjigjur propozimeve të tij, të mbështetura nga kombet arabe, përcjell Telegrafi.
Korniza prej 20 pikash e Donald Trump, për t’i dhënë fund luftës – e cila është pranuar tashmë nga Izraeli – përcakton që Hamasi të çarmatoset dhe të mos ketë asnjë rol në të ardhmen në qeverisjen e Gazës.
Ndryshe, besohet se grupi i armatosur ende mban 48 pengje në territorin palestinez, vetëm 20 prej të cilëve mendohet se janë gjallë.
Por, edhe me garancinë e Trumpit se Izraeli do t’i përmbahej kushteve, brenda grupit ekziston një mungesë besimi se Izraeli nuk do të rifillonte operacionet e tij ushtarake pasi të kishte marrë pengjet.
Kjo pasi Izraeli u përpoq të vriste udhëheqjen e Hamasit në Doha në një sulm ajror muajin e kaluar.
Kanë kaluar katër muaj që kur zjarri përfshiu ketë ndërtesë banimi në lagjen Emshir të Prishtinës.
Nga ajo ditë deri të premten në këtë hapësirë nuk është ndërhyrë për riparim.
Si pasojë e kësaj familja e cila jetonte këtu është detyruar të dalë e të banojë me qira.
Shpresat për riparim pronari Luan Durmishi, i kishte tek komuna, meqë kryetari i Prishtinës, kishte premtuar mbështetje.
“Jemi në fazën e pikës 0 pa ndihmë të komunës pa ndihmë të qeverisë dhe po presim është kosto jashtëzakonisht e madhe dhe pa u rregullu kulmi asgjë nuk mundet mu be brenda, tha Durmishi”.
Prandaj, Durmishi po kërkon që institucionet të veprojnë më shpejt.
“I beje thirrje komunës i bëjë thirrje qeverisë qe sa më shpejt të bëjë një zgjidhje, tha Durmishi”.
Mosriparimi në kohë tash po u nxjerr telashe edhe banorëve të kësaj ndërtese.
Reshjet e dy ditëve të fundit kanë depërtuar në banesat e tjera.
“Pas reshjeve të shiut dhe borës shiu po depërton në të gjitha dhomat pjesët e korridorit, as një ankese në organet e komunës së Prishtinës nuk ka rezultu pozitivisht dhe ne po futemi në sezonin e dimrit ku priten reshje shiu e dëbore, tha Restelica”.
Vlerësimi teknik dhe harmonizimi institucional janë disa prej arsyeve që Komuna e Prishtinës i dha, kur u pyet rreth mosintervenimit në këtë ndërtesë.
“Në koordinim me ndërmarrjen publike banesore, jemi duke shqyrtuar zgjidhjen më të shpejtë dhe të qëndrueshme, që së paku të bëhet izolimi i hapësirave të dëmtuara dhe të largohen rrjedhjet e ujit, me qëllim që të parandalohet përkeqësimi i mëtejmë i gjendjes dhe rreziku për sigurinë e qytetarëve, procesi ka kërkuar kohë për shkak të nevojës për vlerësim teknik dhe harmonizim institucional.”
Zjarri në natën e 26 qershorit kishte filluar në një nga banesat e kësaj ndërtese dhe më pas ishte përhapur edhe tek pjesët tjera të banesave.
Në këto 21 ditë fushate elektorale për zgjedhjet e 12 tetorit, është vërejtuar mungesë e theksuar e pjesëmarrjes në përballje publike të kandidatëve për kryetarë komune, veçanërisht të atyre që aktualisht mbajnë postin e kryetarit.
Njohësit vlerësojnë se kjo sjellje tregon se në Kosovë nuk ka kulturë të mirëfilltë politike.
Analisti politik Lavdim Hamiti, madje beson se bazuar në të kaluarën, kjo do t’iu kthehet kundër në ditën e votimit.
“Ka qenë rasti i Isa Mustafës, i cili pati një deklaratë të famshme ‘e mund Shpend Ahmetin me duar në xhepa’. Por kjo iu hakmor në zgjedhje dhe e humbi Prishtinën. Kështu besoj se do të ndodhë edhe me shumicën e kryetarëve që po refuzojnë të dalin dhe të ballafaqohen me kundër kandidatet,” tha Hamiti.
Hamiti shtoi se disa prej tyre kanë bërë kalkulime se do të shkojnë në balotazh dhe ballafaqimin me një kundërkandidat do ta kenë më të lehtë në raundin e dytë.
Për Mentor Buzhalën shmangin po e bëjnë kandidatë të cilët besojnë se janë në avantazh.
“Së pari, ata besojnë se janë në avantazh dhe nuk duan të rrezikojnë ndonjë gafë apo pyetje të papërshtatshme që mund t’i përballen nga moderatori. Një shembull praktik është që, kur pas dy ballafaqimeve në mediat tona kandidatët vendosin të mos shfaqen duke llogaritur se çdo debat i ri ua shton rrezikun për faktin që të mos humbasin asgjë, sesa të fitojnë diçka të vogël,” deklaroi Buzhala.
Sipas Buzhalës kjo sjellje nuk do të mbetet pa pasoja, meqë shumë votues do ta interpretojnë si frikë nga përballja dhe mungesë llogaridhënie.
Në zgjedhjet lokale, për kryetarë të komunave garojnë 206 kandidatë, ndërkaq për anëtar të Kuvendeve Komunale më shumë se 5,400.
