Category: Lajme

Kosova sot do të përjetojë një ditë tipike pranverore, me mot kryesisht me diell dhe temperatura të larta për këtë periudhë të vitit. Gjatë pasdites parashikohen kalime të lehta vranësirash, por pa reshje. Erërat do të fryjnë nga drejtimi i jugut dhe jugperëndimit, duke u fuqizuar gradualisht. Temperaturat maksimale do të lëvizin ndërmjet 16 dhe 19 gradë Celsius.

Edhe në Shqipëri pritet të mbajë mot me diell, shoqëruar me vranësira të shpërndara, por pa reshje. Më shumë orë dielli do të ketë në Maqedoninë e Veriut dhe Luginën e Preshevës, ndërsa në Mal të Zi moti do të jetë më i vranët, megjithatë reshje nuk priten në asnjë rajon.

E premtja do të vijojë me mot të ngrohtë e me diell, ndërsa vranësirat pritet të shtohen në jug të Shqipërisë, ku lokalisht mund të ketë reshje të lehta shiu në mbrëmje. Në pjesën tjetër të rajonit moti do të mbetet kryesisht i thatë dhe me periudha të gjata me diell.

Fundjava do të na gjejë me shumë diellosje, pak vranësira lokale dhe rritje të mëtejshme të temperaturave, duke bërë që tetori të përfundojë në mënyrë të pazakontë të ngrohtë.

Një ngjarje e rëndë ka tronditur Prizrenin, ku një 34-vjeçar humbi jetën pas një aksidenti gjatë punimeve në një ndërtesë në lagjen “Bajram Curri”, punime që ishin ndaluar më parë nga Inspektorati i Punës për shkelje të rënda të sigurisë.

Për këtë rast ka reaguar Inspektorati i Punës, duke shprehur ngushëllimet më të sinqerta për familjen e punëtorit.

Inspektorati i Punës, ka bërë me dije se gjatë inspektimit të fundit, për shkak të shkeljeve të rënda të dispozitave për siguri dhe shëndet në punë, ishte marrë vendim për ndalimin e përkohshëm të punimeve dhe ishte shqiptuar gjobë ndaj subjektit.

Reagimi i Inspektoratit të Punës:

NJOFTIM PËR OPINIONIN PUBLIK
Rreth rastit tragjik të ndodhur në vendin e punës
Inspektorati Qendror i Punës me keqardhje të thellë njofton opinionin publik se sot ka ndodhur një aksident i rëndë në vendin e punës në një subjekt afarist me veprimtari në fushën e ndërtimit në rajonin e Prizrenit, ku si pasojë e rrëzimit nga një lartësi, një punëtor ka pësuar lëndime të rënda trupore, të cilat përkundër përpjekjeve mjekësore, kanë rezultuar fatale pas dërgimit të tij në QKUK.
Inspektorati Qendror i Punës shpreh ngushëllimet më të sinqerta dhe të thella për familjen e punëtorit të ndjerë, duke ndarë dhimbjen me ta për humbjen e jetës së njeriut të tyre të dashur.
Pas daljes në vendin e ngjarjes dhe shqyrtimit të rrethanave, është konstatuar se subjekti në fjalë kishte qenë më herët objekt i inspektimeve nga Inspektorati i Punës, në kuadër të aksioneve të ndërmarra në sektorin e ndërtimit në rajonin e Prizrenit.
Gjatë inspektimit të fundit, për shkak të shkeljeve të rënda të dispozitave për siguri dhe shëndet në punë, ishte marrë vendim për ndalimin e përkohshëm të punimeve dhe ishte shqiptuar gjobë ndaj subjektit.
Megjithatë, pavarësisht këtij vendimi ligjor, subjekti nuk e kishte respektuar ndalimin dhe kishte vazhduar punimet në kundërshtim me urdhrin e inspektoratit, për çka i ishte shqiptuar edhe një gjobë tjetër.
Ky rast tregon edhe njëherë rëndësinë e respektimit të vendimeve të Inspektoratit të Punës dhe të standardeve ligjore për siguri në punë, të cilat kanë për qëllim mbrojtjen e jetës dhe shëndetit të punëtorëve.
Inspektorati Qendror i Punës është duke ndërmarrë të gjitha veprimet ligjore për ndriçimin e plotë të rastit, si dhe do të bashkëpunojë ngushtë me organet kompetente të hetuesisë për përgjegjësitë ligjore të subjektit.

Inspektorati Qendror i Punës
Prishtinë, më 29 tetor 2025

Republika Arabe e Sirisë njeh tani zyrtarisht pavarësinë e Kosovës. Presidentja Vjosa Osmani e konfirmoi këtë sot nga Riad, duke falënderuar edhe mbështetjen e Princit të Kurorës Saudite, Muhammed bin Salman Al Saud.

Osmani tha se marrëveshja u arrit sot në kryeqytetin saudit, duke falënderuar presidentin sirian, Ahmed al Sharaa, për vendimin e njohjes dhe për mbështetjen ndaj popullit të Kosovës.

“Me mbështetjen e Lartësisë së tij Mbretërore, Princit të Kurorës së Arabisë Saudite, sot në Riad arritëm marrëveshjen nëpërmjet së cilës Republika Arabe e Sirisë njeh Republikën e Kosovës. Falënderoj Presidentin Al Sharaa për vendimin për njohje të Kosovës si dhe për mbështetjen e tij për popullin tonë,” deklaroi Osmani.

Ajo gjithashtu theksoi se populli i Kosovës dhe ai i Sirisë kanë kaluar nëpër sakrifica të mëdha për liri, duke e cilësuar këtë njohje si njohje të sakrificës dhe sovranitetit shtetëror.

“Populli i Kosovës dhe ai i Sirisë kanë vuajtur e sakrifikuar shumë për ta arritur lirinë. Prandaj kjo njohje e ndërsjellë sot nuk është vetëm e sovranitetit shtetëror, por edhe njohje e sakrificës së shumë brezave për të jetuar të lirë,” shtoi ajo.

VIDEO

Siria ka njohur zyrtarisht pavarësinë e Republikës së Kosovës. Lajmin e ka bërë të ditur Presidentja e Kosovës, Vjosa Osmani, përmes një njoftimi zyrtar, duke theksuar se marrëveshja për njohje është arritur sot në Riad, me mbështetjen e Lartësisë së tij Mbretërore, Princit të Kurorës së Arabisë Saudite, Muhammed bin Salman Al Saud.

Presidentja Osmani ka shprehur mirënjohje ndaj Presidentit sirian, Al Sharaa, për vendimin për njohje dhe për mbështetjen e dhënë ndaj popullit të Kosovës.

“Populli i Kosovës dhe ai i Sirisë kanë vuajtur e sakrifikuar shumë për ta arritur lirinë. Prandaj kjo njohje e ndërsjellë sot nuk është vetëm e sovranitetit shtetëror, por edhe njohje e sakrificës së shumë brezave për të jetuar të lirë,” ka deklaruar Osmani.

Ajo ka falënderuar gjithashtu Princin e Kurorës së Arabisë Saudite për rolin e tij vendimtar në realizimin e këtij akti historik ndërmjet dy shteteve.

Me këtë vendim, numri i shteteve që e kanë njohur pavarësinë e Kosovës arrin në 120.

“Republika jonë po ecë përpara dhe nuk ka asgjë që mund ta ndalë,” ka shtuar Presidentja Osmani.

Tani Kosova njihet nga 120 shtete. Republika jonë po ecë përpara dhe asgjë nuk mund ta ndalë!

Paneli Zgjedhor për Ankesa dhe Parashtresa (PZAP) ka rrëzuar si të pasafatshme ankesën e Lëvizjes Vetëvendosje (LVV) ndaj Komisionit Qendror të Zgjedhjeve (KQZ), që kishte të bënte me rezultatet përfundimtare të zgjedhjeve lokale të 12 tetorit 2025 në komunën e Hanit të Elezit.

LVV pretendonte se në këtë komunë kishte ndodhur manipulim me vota përmes procesit të votimit me asistencë, duke theksuar se 665 nga gjithsej 5,015 vota të vlefshme (13.26%) ishin bërë me ndihmë, një numër që sipas tyre tejkalon shumë realitetin e personave me probleme shikimi.

Partia e kryeministrit Albin Kurti kërkonte anulim të pjesshëm të vendimit të KQZ-së, rivotim të plotë në Han të Elezit dhe dërgimin e rastit në prokurori.

Por, KQZ kishte deklaruar se procesi i votimit ishte zhvilluar në përputhje me ligjin, pa asnjë raportim për parregullsi ditën e zgjedhjeve.

Pas shqyrtimit të ankesës, PZAP vendosi ta hedhë atë si të pasafatshme, duke konfirmuar rezultatin përfundimtar të KQZ-së për zgjedhjet në Han të Elezit.

Një përballje e tensionuar politike në prag të balotazhit në Vushtrri ka përfunduar me një kallëzim në polici.

Kryetari aktual i komunës nga radhët e PDK-së, Ferit Idrizi, e ka denoncuar për kërcënim kundërkandidatin e tij nga Vetëvendosje, Sylejman Mehollin, me të cilin do të përballet më 9 nëntor në raundin e dytë të zgjedhjeve lokale.

Sipas Idrizit, incidenti ka ndodhur pas xhirimit të një debati televiziv të moderuar nga gazetarja Jeta Xharra në Prishtinë.

Ngjarja ka alarmuar Policinë e Kosovës, e cila ka konfirmuar se është duke hetuar rastin.

Zëdhënësi i Policisë për Prishtinë, Enis Pllana, ka deklaruar: Sot rreth orës 17:30 është pranuar informata për një Kanosje në rrugën Xhorxh Bush në Prishtinë. Me të marrë informatën policia, ka arritur në vendin e ngjarjes. Aktualisht policia po vazhdon punën për zbardhjen e rrethanave dhe motiveve që karakterizojnë ngjarjen, tha Pllana.

Dy ministra të Qeverisë në detyrë dolën sot në veri të Mitrovicës për të shënuar nisjen e punimeve për ndërtimin e aneksit dhe renovimin e objektit për nevoja të Administratës Tatimore të Kosovës.

Ministri i Financave në detyrë, Hekuran Murati tha se puna në këtë objekt do të zgjasë 5 muaj dhe më pas do të jetë e qasshme për qytetarët.

Ndërsa, drejtori i ATK-së, Mentor Hyseni dhe ministri në detyrë i Pushtetit Lokal folën për nevojën e këtij objekti në këtë pjesë.

Ky projekt pritet të kushtojë rreth 500 mijë euro.

Ripërdorimi i kavanozëve dhe enëve nuk është vetëm praktik, por edhe miqësor ndaj mjedisit dhe ekonomik.

Megjithatë, nëse mbetet një mbetje ngjitëse, kavanozët duken të çrregullt dhe madje mund të thithin aroma të pakëndshme. Kjo është arsyeja pse ia vlen të dini disa truke të thjeshta.

Nëse ju pëlqen që gjithçka të jetë e rregullt dhe në vendin e vet në kuzhinë, sigurohuni që të provoni disa nga këto truke.

Truku me ujë të nxehtë me detergjent

Zgjidhja më e thjeshtë është të mbushni një lavaman ose enë me ujë të nxehtë, të shtoni detergjent për larjen e enëve dhe t’i lini kavanozat në ujë për 30 deri në 60 minuta.

Pasi ngjitësja të lirohet, thjesht hiqeni atë dhe fërkoni çdo ngjitës të mbetur nëse është e nevojshme. Ky truk është ideal për ngjitëset e letrës.

Truku me tharëse flokësh ose me ujë të nxehtë

Nëse nuk mund ta hiqni lehtë ngjitësen, provoni trukun me tharësen e flokëve. Ndizni tharësen e flokëve për rreth 30 deri në 60 sekonda, derisa ngjitësi të zbutet, pastaj hiqeni ngadalë. Megjithatë, është e rëndësishme të mbani mend që ta mbani gotën me një leckë për të shmangur djegien.

Metoda me alkool ose uthull për mbetjet e ngjitësit

Kur hiqet një letër ngjitëse, zakonisht ajo lë një shtresë ngjitëse. Alkooli ose uthulla e bardhë mund të ndihmojnë. Lagni një leckë, shtypeni atë në zonën ngjitëse për disa minuta, pastaj fshijeni ose fërkoni butësisht. Mund të përdorni edhe aceton për këtë truk.

Metoda me sodë buke dhe pastë vaji

Për ngjitës veçanërisht kokëfortë, përzieni sodën e bukës me pak vaj perimesh. Aplikoni pastën në shenjat e ngjitësit, lëreni për 10 deri në 15 minuta, pastaj fërkojeni me një sfungjer.

Këshilla shtesë

Mos përdorni sfungjerë çeliku pasi mund të gërvishtin xhamin dhe mos i vendosni kavanozët e ftohtë direkt në ujë të nxehtë, pasi mund të çahen. Nëse planifikoni ta përdorni kavanozin për ushqim, sigurohuni që t’i shpëlani plotësisht detergjentët dhe kimikatet e tjera.

Shtetet e Bashkuara i kanë hequr nga lista e sanksioneve ish-liderin e serbëve të Bosnjës, Millorad Dodikun, si dhe anëtaren e Presidencës së Bosnjës, Zhelka Cvijanoviq, njoftoi Departamenti i Thesarit të mërkurën.

Përveç tyre, nga lista e zezë janë hequr dhe anëtarët e familjes së Dodikut, kompanitë e tyre dhe bashkëpunëtorët e ngushtë.

Dodik, presidenti i Aleancës së Social Demokratëve të Pavarur, ishte sanksionuar dy herë për shkak shkeljes së Marrëveshjes së Dejtonit për Paqe.