Category: Lajme

Presidentja e Republikës së Kosovës, Vjosa Osmani, ka ushtruar sot të drejtën e saj të votës në zgjedhjet lokale (në raundin e dytë), që po mbahen në 18 komuna të Kosovës

Ajo ka votuar në Prishtinë dhe pas votimit i ftoi qytetarët që të dalin në numër sa më të madh dhe ta shfrytëzojnë këtë të drejtë demokratike.

“Shpresoj që secili prej qytetarëve të dalë e të votojë. Kosova ka demokracinë më të fortë elektorale në rajon, e kjo është për shkak të pjesëmarrjes së qytetarëve dhe proceseve të rregullta…”, tha Osmani

Procesi i votimit po zhvillohet në mënyrë të qetë dhe pa incidente të raportuara deri më tani, ndërsa Komisioni Qendror i Zgjedhjeve ka bërë thirrje për respektim të rregullave dhe procedurave zgjedhore.

Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

Sot, në Komisionin Qendror të Zgjedhjeve (KQZ), është pritur në takim ambasadori britanik në Kosovë, Jonathan Hargreaves.

Fillimisht, kryesuesi i KQZ-së, Kreshnik Radoniqi, e priti ambasadorin në zyrën e tij, ndërsa më pas ai vizitoi ambientet e punës të KQZ-së dhe dhomën operative.

“Radoniqi e falënderoi ambasadorin Hargreaves për mbështetjen e vazhdueshme që Qeveria e Mbretërisë së Bashkuar i ka dhënë KQZ-së, veçanërisht në zhvillimin e softuerit të ri për transmetimin e rezultateve dhe statistikave nga vendvotimet, si dhe për përmirësimin e proceseve që zhvillohen në Qendrën e Kontrollit dhe në Qendrën e Numërimit dhe Rezultateve”, thuhet në njoftimin e KQZ-së.

Ky është postimi i plotë nga KQZ:

https://www.facebook.com/kqzkosova/posts/1224997469658668?ref=embed_post

Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

Në ditën e zgjedhjeve për kryetar të komunës së Prishtinës, kandidati nga radhët e Lidhjes Demokratike të Kosovës (LDK), Përparim Rama, e ka ushtruar të drejtën e tij të votës.

Pas hedhjes së votës, ai ftoi qytetarët të dalin e të votojnë.

“…Këto zgjedhje janë shumë të rëndësishme, këto zgjedhje nuk e definojnë vetëm të ardhmen e kryeqytetit por të gjithë vendit…”, deklaroi Rama

Vlen ta potencojmë se në komunën e Prishtinës është duke u zhvilluar raundi i dytë i zgjedhjeve lokale për kryetar komune, ku përballen përfaqësuesit kryesorë të dy partive më të mëdha. Nga ana e Lidhjes Demokratike e Kosovës (LDK) kandidon Përparim Rama, ndërsa nga Lëvizja Vetëvendosje (LVV) në garë është kandidati Hajrulla Çeku.

Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

Kryetari i Partisë Demokratike të Kosovës (PDK), Memli Krasniqi, ka votuar.

Ai u bëri thirrje qytetarëve që të dalin dhe ta ushtrojnë të drejtën e tyre të votës.

Vlen ta theksojmë se Krasniqi u pyet se a është për ndryshim në Prishtinë apo për vazhdim të qeverisjes.

“…Ndonjëherë zgjedhja e parë nuk është, mirëpo është heshtje e nuk mund të flas…”, theksoi ai.

Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

Kryetari i Lidhjes Demokratike të Kosovës, Lumir Abdixhiku, ka votuar.

Ai ka thënë se zgjedhjet janë festë.

“…Sot në Kosovë, zgjedhjet trajtohen e janë festë… Siç ka ditur populli i Kosovës të sillet në procese zgjedhore, kështu vendoset fati i komunave tona. Jam i lumtur për nivelin demokratik që e tregojmë…”, tha ai.

Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

Njohësi i çështjeve ekonomike Safet Gërxhaliu ka reaguar ashpër ndaj praktikave të shitjes së votës, duke theksuar se veprimet e tilla dëmtojnë jo vetëm të ardhmen e individit, por edhe të gjithë vendit dhe demokracisë.

“Dikush që e shet votën e vet dhe e ngulfat ardhmërinë për 30 euro nuk ia don të mirën këtij vendi dhe demokracisë,” ka thënë ai, duke shtuar se blerja dhe shitja e votës janë kërcënime serioze për procesin demokratik dhe zhvillimin ekonomik të vendit.

Komentet e tij vijnë në një kohë kur qytetarët dhe institucionet janë duke u përpjekur të rrisin ndërgjegjësimin mbi rëndësinë e votës së lirë dhe të përgjegjshme.

Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

Një incident ka ndodhur sot në një nga vendvotimet e qytetit të Gjakovës, ku një qytetare që dëshironte të votojë me asistencë nuk u lejua të ushtronte të drejtën e saj.

Sipas informatave, qytetarja nuk ka pasur me vete letrën e mjekut, dokument i nevojshëm për të votuar me asistencë, dhe ka pasur ndërhyrje nga ana e policisë gjatë përpjekjes për të marrë pjesë në procesin zgjedhor.

Si pasojë, qytetarja ka refuzuar të kryejë votimin.

“…Një qytetare dëshiron të votojë me asistencë por nuk po i lejohet, nuk e ka letrën e mjekut, ka ndërhyrje te policisë, qytetarja tani refuzon të votojë…”, ky ishte reagimi nga ekipi i ATV-së në terren, në qytetin e Gjakovës.

Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

Njohësi i çështjeve ekonomike, Safet Gërxhaliu ka dhënë një vlerësim lidhur me ndikimin e zgjedhjeve të njëpasnjëshme dhe stabilitetin ekonomik në vend.

Sipas tij, edhe ekonomitë më të forta, jo vetëm në Ballkan por edhe në Evropë, nuk mund të përballojnë komoditetin e të eksperimentuarit me shtetin përmes proceseve të shpeshta zgjedhore.

“Edhe ekonomitë më stabile jo vetëm në Ballkan, por edhe në Evropë, nuk e kanë këtë luks dhe këtë komoditet që të eksperimentohet me shtet (përmes zgjedhjeve të njëpasnjëshme)”, deklaroi ai për ATV-në, duke nënvizuar nevojën për qeverisje të qëndrueshme dhe planifikim ekonomik afatgjatë.

Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm: