ATV

Category: Lajme

  • OSBE lavdëron zhvillimin e procesit zgjedhor në Kosovë: U menaxhuan me profesionalizëm e përkushtim

    OSBE lavdëron zhvillimin e procesit zgjedhor në Kosovë: U menaxhuan me profesionalizëm e përkushtim

    Shefi i Misionit të OSBE-së në Kosovë, ambasadori Gerard McGurk, ka vlerësuar punën e Komisionit Qendror të Zgjedhjeve dhe të gjithë atyre që kanë qenë të përfshirë në organizimin e raundit të dytë të zgjedhjeve lokale.

    Në një deklaratë publike, McGurk ka përgëzuar kryetarin e KQZ-së, Kreshnik Radoniqi, për menaxhimin e suksesshëm të procesit zgjedhor të tetorit dhe nëntorit.

    “Ndërsa mbyllen qendrat e votimit për raundin e dytë të zgjedhjeve lokale, unë përgëzoj kryetarin Kreshnik Radoniqi, Komisionin Qendror të Zgjedhjeve dhe të gjithë ata që u përfshinë në menaxhimin dhe organizimin e procesit zgjedhor,” ka deklaruar McGurk.

    Ai ka theksuar se përkushtimi dhe profesionalizmi i institucioneve zgjedhore kanë forcuar demokracinë në vend.

    “Profesionalizmi dhe përkushtimi juaj kanë forcuar proceset demokratike në Kosovë. Urime të gjithë kryetarëve të rinj dhe të rizgjedhur — puna juaj me dhe për komunitetet tuaja fillon nesër. Me padurim pres t’ju takoj së shpejti”, tha McGruk.

  • Parashikimi i motit për sot dhe ditët në vijim

    Parashikimi i motit për sot dhe ditët në vijim

    Instituti Hidrometeorologjik i Kosovës ka bërë të ditur se kjo javë pritet të karakterizohet nga kushte të ndryshueshme meteorologjike.

    Në njoftimin e lëshuar thuhet se të hënën dhe të martën parashihen reshje shiu me intensitet të ndryshueshëm, që në disa zona mund të jenë më të theksuara.

    “Nga e mërkura, mëngjeset do të jenë më të ftohta dhe parashihet mundësi për paraqitje të mjegullës në orët e hershme të ditës, kryesisht në ultësira”, thuhet në njoftim.

    Në përgjithësi, gjatë javës pritet mot tipik vjeshtor, me periudha me diell, vranësira dhe reshje të përkohshme.

    Moti i plotë për pesë ditët e javës së ardhshme:

    E hënë
    Moti kryesisht i vranët dhe me reshje shiu.
    Temperaturat minimale: 5-8 °C
    Temperaturat maksimale: 10-13 °C
    Era: Kryesisht nga veriperëndimi, me shpejtësi 1-7 m/s

    E martë
    Moti i vranët dhe me intervale me diell. Vranësirat vende-vende parashihen të sjellin riga shiu.
    Temperaturat minimale: 4-8 °C
    Temperaturat maksimale: 10-13 °C
    Era: Nga veriperëndimi, me shpejtësi 1-6 m/s

    E mërkurë
    Moti me diell dhe vranësira të shpërndara.
    Temperaturat minimale: 0-3 °C
    Temperaturat maksimale: 9-12 °C
    Era: Kryesisht nga jugperëndimi, me shpejtësi 1-5 m/s

    E enjte
    Moti me diell dhe pjesërisht i vranët.
    Temperaturat minimale: -1 deri 2 °C
    Temperaturat maksimale: 9-13 °C
    Era: Nga juglindja, 1-4 m/s

    E premte
    Moti me diell dhe vranësira të shpërndara.
    Temperaturat minimale: -2 deri 0 °C
    Temperaturat maksimale: 10-13 °C
    Era: E lehtë deri mesatare nga drejtimi i jugperëndimit.

  • Vetëm në një nga 18 komunat u përmbys rezultati në balotazh, ja për kë bëhet fjalë

    Vetëm në një nga 18 komunat u përmbys rezultati në balotazh, ja për kë bëhet fjalë

    Vetëm në një nga 18 komunat u përmbys rezultati në balotazh në krahasim me rundin e parë. Bëhet fjalë për Obiliqin.

    Në rund të parë, Xhafer Gashi i LDK-së ishte i pari me 5859 vota apo 46.20% krahasuar me Halil Thaçin e LVV-së që kishte 5626 vota apo 44.37%.

    Por në balotazh, Thaçi mori 6441 vota apo 51.09%. E Gashi pati 6167 vota apo 48.91%.

    https://resultslocal2025r2.kqz-ks.org/results?electionType=1&municipality=15&votingStation=0&pollingClass=0

  • Ja çfarë fjalë i tha Çeku – Ramës për fitoren në Prishtinë

    Ja çfarë fjalë i tha Çeku – Ramës për fitoren në Prishtinë

    Kandidati i VV-së për kryetar të Prishtinës, Hajrulla Çeku humbi garën në Prishtinë në rundin e dytë të zgjedhjeve lokale, kundër kryetarit aktual Përparim Rama.

    Në reagimin e tij, Çeku uroi Ramën për fitoren dhe falënderoi qytetarët që e mbështetën dhe theksoi se fushata ka qenë një përvojë e vlefshme për të.

    “Të dashur qytetarë të Prishtinës, Kjo fushatë dhe takimet e mia me ju gjatë gjithë kësaj periudhe kanë qenë përvojë e jashtëzakonshme për mua. Ndjesinë e ngrohtë që ma keni dhuruar nuk do ta ndërroja me asgjë. Faleminderit nga zemra për çdo votë dhe për çdo përpjekje që keni bërë për ndryshimin që e besuam bashkë. Jemi shumë, dhe kjo më jep forcë e besim për të ardhmen e Prishtinës. Kjo garë tregoi se sa shumë njerëz e duan një Prishtinë më të mirë. E uroj z. Rama për fitoren dhe i uroj me zemër kryeqytetit tonë, Prishtinës, që përnjëmend të dalë nga kaosi në të cilin është futur.

    “Si Lëvizje VETËVENDOSJE!, do të sigurohemi që nga opozita në Kuvendin Komunal të Prishtinës t’u qëndrojmë afër qytetarëve dhe të përcjellim secilin hap që qeverisja e ardhshme do ta ndërmarrë, duke u siguruar që interesi i qytetarëve dhe i qytetit të mbrohet deri në fund. Faleminderit ekipit të jashtëzakonshëm të Lëvizjes VETËVENDOSJE!, aktivistëve, vullnetarëve, kandidatëve, shtabit dhe të gjithë bashkëpunëtorëve, për punën, përkushtimin dhe besimin e palëkundur gjatë gjithë kësaj fushate. Rrugëtimi ynë për një Prishtinë më të mirë vazhdon, me të njëjtin besim dhe dashuri për Prishtinën tonë”, përfundoi Çeku.

     

  • Cila parti do të udhëheqë në cilën komunë?

    Cila parti do të udhëheqë në cilën komunë?

    Sot është përmbyllur edhe raundi i dytë i zgjedhjeve lokale, i cili u zhvillua një muaj pas raundit të parë që u mbajt me 12 tetor.

    Tashmë, qytetarët e vendit kanë vendosur për udhëheqësit komunalë që do t’i kenë për katër vitet e ardhshme.

    Përderisa me 12 tetor gara përfundoi në disa komuna, rasti i njëjti s’ishte edhe në disa të tjera. Në fakt, për në raundin e dytë mbetën 18 komuna, qytetarët e të cilave iu drejtuan kutive të votimit edhe një herë.

    Vetëvendosja ka shtatë komuna të cilat do t’i udhëheqë, përfshirë këtu: Mitrovicën e Jugut, Obiliqin, Gjilanin, Fushë Kosovën, Podujevën, Shtimen e Kamenicën.

    Numër të njëjtë të komunave ka edhe Lidhja Demokratike e Kosovës, e cila do të udhëheqë në komuna si: Prishtina, Peja, Istogu, Vitia, Juniku, Dragash, Lipjan.

    Gjashtë komuna nën udhëheqjen e saj do t’i ketë Partia Demokratike e Kosovës: Vushtrria, Prizreni, Ferizaj, Hani i Elezit, Kaçaniku dhe Skenderaj.

    Në anën tjetër, më pak komuna ka Aleanca për Ardhmërinë e Kosovës, e cila do të udhëheq në komunat: Klinë, Gjakovë, Rahovec, Suharekë dhe Deçan.

    Në hartën komunale, ka edhe raste të tilla si NISMA ku do të udhëheqë vetëm në Malishevë.  KDTP në Mamushë.

    Kurse Drenasi, do të udhëhiqet nga Ramiz Lladrovci.

    Përveç këtyre, Lista Srpska nën udhëheqjen e saj do të ketë plotë 10 komuna.

    Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

    https://www.youtube.com/@ATVofficialchannel

  • Rama po fiton në kryeqytet – 85% e votave të numëruara

    Rama po fiton në kryeqytet – 85% e votave të numëruara

    Kandidati i LDK-së, Pëparim Rama vazhdon ta ruajë vendin e parë në rezultate kur janë nukëruar 85.82% e votave në kryeqytet.

    Ai ka 51,43% të votave aktualisht.

    Hajrulla Çeku, kandidati i LVV-së deri më tani ka 48,57%.

    Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

  • Numërohen shumica e votave, kështu qëndrojnë Faton Peci e Arian Tahiri në Mitrovicë

    Numërohen shumica e votave, kështu qëndrojnë Faton Peci e Arian Tahiri në Mitrovicë

    Faton Peci i Vetëvendosjes është duke prirë në garën me Arian Tahirin në Mitrovicën e Jugut.

    Nga 84,76% të votave të numëruara, Peci ka 53,27% apo 14,760 vota, ndërsa Tahiri ka 46,73% apo 12,949 vota.

    Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

  • Në Prizren: Shaqir Totaj 55.14%, Artan Abrashi 44.86 %

    Në Prizren: Shaqir Totaj 55.14%, Artan Abrashi 44.86 %

    Klan Kosova ka publikuar rezultatin e Exit Poll-it, i cili është realizuar nga PIPOS.

    Në bazë këtij rezultati, Komuna e Prizrenit është fituar nga Shaqir Totaj me 55.14 për qind, kurse Artan Abrashi i VV-së ka marrë 44.86 për qind.

    Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

  • Exit Poll i T7, Alban Hyseni i VV-së e fiton Gjilanin me 58%

    Exit Poll i T7, Alban Hyseni i VV-së e fiton Gjilanin me 58%

    Alban Hyseni i Vetëvendosjes fiton me 58% sipas Exit Pollit të T7 të kryer nga Albanian Post.

    Baton Haxhiu, autor i Exit Poll-it tha se forcat opozitare nuk arritën për asnjë pikë të lëkundin rezultatin në Gjilan.

    Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

     

  • UBO: Gjakovën e fiton Ardian Gjini me 58%

    UBO: Gjakovën e fiton Ardian Gjini me 58%

    Exitpolli i UBO i shfaqur në TV DUKAGJINI, 58% ka fituar Ardian Gjini i AAK-së, kundrejt 41.7% të Ardian Golës së VV-së.

    Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm: