Category: Lajme

Exitpolli i UBO i shfaqur në TV DUKAGJINI, 54% Perparim Rama, kundrejt 45.9 Hajrullah Çekut.

Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

Në ditën e zgjedhjeve, gazetari Robert Bojaj zhvilloi një intervistë të shkurtër në Mitrovicë me këngëtarin Blero Muharremi, i cili sapo kishte ushtruar të drejtën e tij qytetare në Prishtinë (jo në Mitrovicë).

“Sapo e kemi kryer obligimin qytetar në Prishtinë…”, u shpreh Blero me buzëqeshje, duke treguar se edhe artistët janë pjesë aktive e proceseve demokratike.

Për ta bërë bisedën më relaksuese, Bojaj e pyeti me humor se kur planifikon të martohet – një pyetje që shpesh ngjall kuriozitet te fansat e tij, përgjigjja e Bleros ishte si gjithmonë “Kur t’është kismet…”, tha ai për ATV-në.

Gjithashtu u pyet edhe nëse e ka shikuar intervistën e ish-gruas së tij Afrona Dikës në LIBERO (ku ajo e ka konfirmuar për herë të parë fejesën e saj me partnerin e saj të ri), por nuk pati përgjigje konkrete në këtë aspekt!

Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

KQZ proceson shumicën e vendvotimeve: 26.77 % dalja në zgjedhje deri në orën 17:00

Rreth 26%, apo 176,563 qytetarë kanë votuar deri në 17:00, sipas të dhënave më të fundit nga Komisioni Qendror i Zgjedhjeve.

Saktësisht 352,413 qytetarë kanë votuar në mbarë vendin, sipas përllogaritjeve të KQZ-së, që ka procesuar 92,08% e vendovotimeve, apo 1,499 nga 1,628 vendvotime sa janë në komunat ku votohet sot.

Këto të dhëna u përditësuan më së fundi në 17:14 dhe përfshijnë vetëm votimet e rregullta dhe nuk përfshijnë votimet me kusht apo me postë.

Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

Në Prishtinë kanë votuar 27,37% deri në orën 15:00. Gjithsej 60,874 votues kanë shfrytëzuar të drejtën e tyre në kryeqytet, sipas të dhënave të Komisionit Qendror të Zgjedhjeve.

Në Mitrovicën e Jugut, pjesëmarrja në zgjedhje mbetet me përqindje pothuajse të njëjtë si në kryeqytet. Deri në 15:00 atje kanë votuar 27,31%.

Në Gjilan, 22,51% ishte dalja deri në 15:00.

Më pak dalje në zgjedhje ka pasur në komunat në kahun tjetër të vendit. Në Prizren deri në 15:00 kanë votuar 16,44%, në Gjakovë 17,24%, ndërsa në Pejë 18,64%.

Mamusha mbetet komuna që ndër ato në të cilat po votohet sot, ka shënuar pjesëmarrjen më të madhe në votim deri në orën 15:00. Në komunën e vogël në veri të Prizrenit kanë votuar 56,71%.

Rahoveci, komuna në jug-perëndim të vendit, është ajo që sipas të dhënave të fundit, ka shënuar daljen më të ulët në zgjedhje deri në 15:00. Atje kanë votuar 15,91% e qytetarëve.

Për ta ndjekur numrin e pjesëmarrësve në votime, në kohë reale, ky është linku nga KQZ: https://resultslocal2025r2.kqz-ks.org/turnout?

Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

Komisioni Qendror i Zgjedhjeve (KQZ) në konferencën e mbajtur në orën 15:00, ka treguar të dhënat për pjesëmarrjen në zgjedhjet e sotme që po mbahen për kryetarë komunash, në raundin e dytë.

Nga KQZ, është bërë e ditur se deri në orën 15:00, kanë votuar 20.78 për qind e qytetarëve.

Për ta ndjekur numrin e pjesëmarrësve në votime, në kohë reale, ky është linku nga KQZ: https://resultslocal2025r2.kqz-ks.org/turnout?

Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

Sot është duke u zhvilluar balotazhi i zgjedhjeve lokale, ku qytetarët do të zgjedhin liderët e komunave, për katër vitet e ardhshme.

Për këtë ka reaguar, shefi i EULEX’it, Giovanni Barbano. Ky i fundit ka thënë se EULEX është në terren duke monitoruar situatën e sigurisë.

Nga Barbano është theksuar se kjo po bëhet në bashkëpunim me Policinë e Kosovës, si dhe me KFOR’in.

“Ndërsa Kosova po zhvillon raundin e dytë të zgjedhjeve për kryetarë komunash, patrullat mobile të Njësive të Policisë së Formuar dhe të Policisë së Formuar Rezervë të EULEX janë në terren, duke monitoruar situatën e sigurisë në bashkëpunim me Policinë e Kosovës dhe KFOR, në mënyrë që çdo qytetar me të drejtë vote të mund ta ushtrojë lirshëm dhe paqësisht të drejtën e tij për të votuar’’, është thënë nga Barbano.

Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

Drejtoresha e “Down Syndrome Kosova”, Sebahate Hajdini- Beqiri, ka reaguar për pengimin gjatë procesit të votimit që po iu bëhet personave të prekur me këtë sindrom.

Ajo ka bërë me dije se sot personave me aftësi të kufizuara nuk po u lejohet votimi.

Në profilin e saj në “Facebook”, Hajdini-Beqiri ka treguar një rast konkret që personave të tillë u është mohuar e drejta e votimit.

“Sot, GENCIT ju mohua e drejta e votimit, megjithëse GENCI ka votuar në zgjedhjet nacionale të 9 shkurtit 2024 dhe në zgjedhjet lokale të 12 tetorit 2025. Sipas Kushtetutës dhe ligjeve të tjera në fuqi, Genci ka të drejtën dhe mundësinë për të votuar, sepse ai ka zotësi veprimi. Sot, ne ora 11:40 në qendrën e votimit në Ulpianë, në shkollën “Hasan Prishtina,” ku Genci ka votuar në tetor, udhëzuesi zyrtar për votuesit me asistencë, i hartuar në nëntor 2025, ia ndaloi atij këtë të drejtë. “Profesionist” të KQZ A jeni tëvetëdijshëm që asnjë dokument zyrtar nuk mund të hartohet në kundërshtim me Kushtetutën dhe ligjet që janë në fuqi… Genci, më fal që u zhgënjeve sot. Kjo është Kosova jonë, ku dikush mund të bëjë një dokument dhe, brenda një dite, të mohojë një të drejtë të tillë.”, ka shkruar ajo.

Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm:

Prokuroria Themelore në Prishtinë ka njoftuar se, në komunën e Fushë Kosovës, dy persona janë ndaluar me vendim të Prokurorit të Shtetit për shkak të dyshimit për kryerjen e veprës penale “Dhënia dhe marrja e ryshfetit në lidhje me votimin”, sipas nenit 212 të Kodit Penal të Republikës së Kosovës.

Sipas njoftimit, gjatë hetimeve të kryera, është sekuestruar një telefon, i cili do të përdoret si provë në procedurën e mëtejshme hetimore.

Veprimet e deritanishme janë ndërmarrë në përputhje me dispozitat ligjore, ndërsa Prokuroria ka bërë të ditur se do të vazhdojë me të gjitha masat dhe veprimet e nevojshme për ndriçimin e plotë të rastit.

Për t’u informuar në kohë reale për zgjedhjet lokale në 18 komunat e Kosovës, klikoni në linkun e mëposhtëm: