Category: Lajme

Një fotografi e Jeffrey Epstein me princin e kurorës së Arabisë Saudite, Mohammed bin Salman ose MBS, është në publikimin e fundit të dosjes.

Në imazh, të dy burrat buzëqeshin, me krahun e MBS rreth shpatullës së Epstein, ndërsa qëndrojnë në një dhomë, shkruan Sky News.

Departamenti i Drejtësisë i SHBA-së e publikoi fotografinë pa asnjë kontekst – nuk është e qartë se ku ose kur është bërë, apo nga kush.

Gjithashtu, përmendja ose shfaqja në dosjet e Epstein nuk nënkupton ndonjë shkelje.

Raportohet se fotografia merr një rëndësi të veçantë sot, ndërsa Princi William fillon një vizitë zyrtare në Arabinë Saudite për të takuar MBS, pasi ka ngritur shqetësime në lidhje me Epstein dhe xhaxhain e tij, Andrew Mountbatten-Windsor.

William do ta kalojë ditën e parë të turneut të tij tre-ditor në vend me MBS.

Ai dhe gruaja e tij, Princesha e Uellsit, ndanë sot deklaratën e tyre të parë publike mbi dosjen Epstein.

Një person është arrestuar nga Policia e Kosovës nën dyshimin se po transportonte substanca narkotike, pasi gjatë kontrollit të veturës që ai drejtonte janë gjetur dhe sekuestruar rreth 7 kilogramë marihuanë.

Arrestimi është realizuar më 9 shkurt 2026 në pikën kufitare në Merdarë, nga zyrtarët e Drejtorisë për Hetimin e Trafikimit me Narkotikë, pas një plani të paraprirë hetimor. Veturë e ndaluar kishte targa të huaja dhe drejtohej nga një mashkull kosovar.

Sipas Policisë, substanca e dyshuar narkotike ishte e ndarë në disa paketime dhe vlera e saj në treg vlerësohet rreth 35 mijë euro.

Në koordinim me Prokurorinë Themelore në Prishtinë – Departamenti për Krime të Rënda, është realizuar edhe kontrolli i shtëpisë së të dyshuarit në Prizren, ku janë gjetur dhe sekuestruar prova të shumta materiale që ndërlidhen me rastin.

Tutje Policia njoftoi se me vendim të prokurorit, i dyshuari është dërguar në ndalim për 48 orë, ndërsa hetimet për këtë rast janë duke vazhduar.

Shefi i komunikimit i zyrës së kryeministrit britanik, Keir Starmer, Tim Allan, ka dhënë të hënën dorëheqjen nga posti i tij.

“Kam vendosur të jap dorëheqjen për të lejuar ndërtimin e një ekipi të ri…. I uroj kryeministrit dhe ekipit të tij çdo sukses”, ka thënë ai në njoftimin e dorëheqjes.

Vendimi i tij vjen një ditë pasi dorëheqjen e tij e dha edhe shefi i stafit të Starmerit, Morgan McSweeney.

Dorëheqjet vijnë pas publikimit të miliona dosjeve në lidhje me të dënuarin për abuzim seksual, Jeffrey Epstein, e të cilat kanë zbuluar se ish-ambasadori britanik në Washington, Peter Mandelson, kishte lidhje me financierin e ndjerë amerikan.

Në arsyetimin e dorëheqjes së tij të dielën, McSweeney ka thënë se vendimi i Starmerit për të emëruar Peter Mandelsonin ambasador në SHBA në vitin 2024 ishte gabim.

Starmer po përballet me atë që gjerësisht shihet si kriza më e madhe e 18 muajve të tij në pushtet, për shkak të vendimit për ta bërë Peter Mandelsonin ambasador të Britanisë në Uashington në vitin 2024, ndërsa një numër i vogël deputetësh nga radhët e tij po vënë hapur në pikëpyetje gjykimin dhe të ardhmen e tij.

KRU “Gjakova” ka njoftuar qytetarët se më 10 shkurt 2026 (e martë) do të ketë ndërprerje të përkohshme të furnizimit me ujë të pijshëm në disa fshatra të komunës së Gjakovës.

Fshatrat që do të preken nga ndërprerja janë Palabardhë, Dobrigjë, Novosellë e Ulët, Bitesh, Dujakë dhe Hereq.

Ndërprerja do të zgjasë nga ora 12:00 deri në 15:00 dhe është e nevojshme për shkak të dislokimit të një gypi kryesor të ujësjellësit në fshatin Palabardhë, që kërkon ndërhyrje dhe riparim të menjëhershëm për të siguruar furnizim të vazhdueshëm dhe cilësor me ujë.

KRU “Gjakova” apelon tek të gjithë qytetarët që të planifikojnë përdorimin e ujit gjatë kësaj periudhe dhe të kenë kujdes në menaxhimin e tij.

Kompania siguron se punimet do të kryhen me prioritet dhe se furnizimi me ujë do të rikthehet menjëherë pas përfundimit të riparimeve.

Për më tepër, KRU “Gjakova” falënderon qytetarët për mirëkuptimin dhe durimin dhe rikujton se ndërprerjet e tilla janë të domosdoshme për mirëmbajtjen dhe sigurinë e rrjetit të ujësjellësit.

Qytetarët do të informohen për çdo ndryshim të mundshëm të kohës së ndërprerjes përmes kanaleve zyrtare të komunikimit.

Ish-kryetari i Partisë Demokratike të Kosovës ka reaguar pasi Prokuroria e Gjykatës Speciale në Hagë kërkoi, 180 vjet bur për ish-krerët e Ushtrisë Çlirimtare të Kosovës, Hashim Thaçi, Kadri Veseli, Rexhep Selimi e Jakup Krasniqi.

Tashmë kur gjykimi po shkon drejt fundit, Krasniqi ka kërkuar drejtësi për të vërtetën dhe liri për çlirimtarët.

“Drejtësi për të vërtetën, liri për çlirimtarët, dinjitet për historinë e Kosovës. Historia nuk mund të rishkruhet.#UÇK”, ka shkruar Krasniqi.

Momente frike pati këtë mëngjes në autostradën Brindisi-Leçe 613, pranë kryqëzimit Tuturano, ku disa persona të armatosur të veshur si komando sulmuan një furgon të blinduar. Sipas raportimeve fillestare, pati një shkëmbim zjarri me karabinierët. Aktualisht nuk raportohet për të lënduar.

Dy persona, të dyshuar si anëtarë të bandës, u arrestuan nga oficerët e karabinierëve nga komanda provinciale e Leçes. Sipas raportimeve, të dy u gjetën në Salenton veriore, në provincën e Leçes, ku ushtria përqendroi menjëherë kërkimin e saj, shkruajnë mediat italiane.

Sipas burimeve, anëtarë të tjerë të komandos që hodhën në erë dy furgonët e blinduar janë të zhdukur siç u raportua fillimisht.

Bastisja filloi me zjarr ndaj një automjeti të rëndë, i cili u përdor për të bllokuar të dy korsitë dhe për të izoluar zonën. Në shkëmbimin e zjarrit gjatë ndjekjes midis banditëve dhe oficerëve të karabinierëve, një e shtënë e qëlluar nga të parët goditi një makinë karabinierësh nga një stacion në zonën e Brindisit.

Banditët përdorën eksplozivë për të shkatërruar automjetin e blinduar, i cili krijoi një re tymi. Më pas ata ikën në zonën e Squinzanos në provincën e Leçes. Ata mbanin veshur tuta të zeza dhe të bardha dhe të armatosur me pushkë. Pamjet video të regjistruara nga shoferë që kalonin tregojnë të paktën gjashtë persona që vepronin me fytyrat e mbuluara. Grabitja nuk u krye. Për t’u arratisur, kriminelët dyshohet se grabitën disa shoferë që kalonin. Banda dyshohet se përdori makina me drita që ndizen, duke i maskuar ato si automjete civile në shërbim të policisë. Autostrada shtetërore u mbyll në të dyja drejtimet nga km 8,300 deri në km 12,800 në San Pietro Vernotico (Brindisi). Ekipet e Anas dhe forcat e rendit janë në vendngjarje për të menaxhuar trafikun, sipas Anas, dhe për të rivendosur rrjedhën normale të trafikut sa më shpejt të jetë e mundur.

Faza përfundimtare në gjykimin ndaj krerëve të UÇK-së, që ka nisur sot në Hagë, ka marrë vëmendjen edhe të mediave ndërkombëtare.

Reuters raporton se prokurorët ndërkombëtarë për krime lufte kanë kërkuar dënim me 45 vjet burg për ish-presidentin e Kosovës, Hashim Thaçi, dhe tre të bashkëakuzarit, ish-komandantë të Ushtrisë Çlirimtare të Kosovës (UÇK).

Sipas raportit të Reuters, ata janë akuzohen për përndjekje, vrasje, torturë dhe zhdukje të detyruara gjatë dhe menjëherë pas konfliktit të vitit 1998–99, që çoi drejt pavarësisë së Kosovës nga Serbia.

Prokurorja Kimberly West i tha gjykatës në Dhomat e Specializuara në Hagë se të akuzuarit kryen krime kundër “personave që i potenconin si kundërshtarë” për të marrë kontrollin e Kosovës, duke përfshirë më shumë se 100 vdekje dhe keqtrajtime në kampet e UÇK-së.

Thaçi, i cili ka shërbyer si kryeministër, ministër i Jashtëm dhe president i Kosovës midis viteve 2008 dhe 2020, mohon të gjitha akuzat së bashku me të bashkëakuzarit.

Raporti i Reuters nënvizon se kjo gjykatë, e themeluar në Hagë me gjyqtarë dhe prokurorë ndërkombëtarë, është ngritur për të trajtuar krimet e dyshuara të luftës sipas ligjit të Kosovës, por ka sfiduar perceptimet e brendshme ku shumë e shohin UÇK-në si heroike e gjykatën si të njëanshme.

Qeveria e Kosovës e ka publikuar programin festimet shtetërore për shënimin e 18-vjetorit të Pavarësisë së Kosovës më 17 shkurt.

Në ora 07:00 do të bëhet ngritja e flamurit të Kosovës, për të vazhduar në ora 07:20 me mbledhjen solemne të Qeverisë së Kosovës.

Pas kësaj, në ora 07:30 është paraparë të bëhen nderime të Monumenti i të Pagjeturve, kurse në 07:35 homazhe te pllaka përkujtimore e fëmijëve të vrarë.

Në ora 08:00 sipas agjendës, janë paraparë edhe homazhe te varri i ish-presidentit Ibrahim Rugova, dhe homazhe te varri i veprimtarit Adem Demaçi.

Pastaj në 09:00, homazhe do të bëhen edhe në Kompleksin Memorial “Adem Jashari” në Prekaz, për tu kthyer më pas në ora 10:30 me seancën solemne të Kuvendit të Republikës së Kosovës.

Nderime do të bëhen edhe te monumenti heroinat në ora 11:25. Ndërsa në ora 11:30 do të bëhet parakalimi i trupave të FSK-së dhe Policisë së Kosovës.

Dhe në ora 17:30 do të bëhet pritje shtetërore nga Presidentja, kryetari i Kuvendit dhe kryeministri në detyrë.

Për ta përmbyllur këtë, në ora 20:00 do të mbahet edhe një koncert solemn i Filarmonisë së Kosovës.

Autoritetet njoftuan të hënën se hakeri që qëndronte pas njërës prej rrjedhjeve më të mëdha të të dhënave në historinë polake është kapur pas tetë vitesh kërkim.

Marcin Zagorski, zëdhënës i Byrosë Qendrore për Luftimin e Krimit Kibernetik, njoftoi se hakeri 29-vjeçar u arrestua më 30 janar, sipas transmetuesit TVP World.

“Burri është akuzuar dhe ka pranuar veprat penale”, tha Zagorski.

Hakeri, i akuzuar për marrjen dhe zbulimin e paligjshëm të të dhënave, ishte pas shkeljes së Morele.net, një treg i njohur elektronik online polak, në vitin 2018.

Duke prekur mbi 2 milionë njerëz, rrjedhja përfshinte emra, detaje kontakti, adresa dhe fjalëkalime të hashuara.

Hakeri mund të përballet me deri në dy vjet burg për veprën penale.

Kryetari i komunës së Drenasit, Ramiz Lladrovci, me rastin e paraqitjes së fjalëve përfundimtare në Hagë, ka deklaruar se “lirimi i heronjve tanë të luftës dhe paqes është i vetmi vendim i drejtë, andaj, i presim fitimtarë nga kjo betejë e fundit për Republikën e Kosovës dhe qytetarët e saj”.

“Lirimi i heronjve tanë të luftës dhe paqes është i vetmi vendim i drejtë, andaj, i presim fitimtarë nga kjo betejë e fundit për Republikën e Kosovës dhe qytetarët e saj!”, ka shkruar mes tjerash ai.

Postimi i Lladrovcit:

Në Hagë, ka filluar paraqitja e fjalëve përfundimtare të palëve, ky është edhe fundi i një gjyqi sa të padrejtë, aq të pabesueshëm, i cili është nisur dhe është bazuar në prova të marra nga shteti gjenocidal, me akuza të fabrikuara, me dëshmitarë të pabesueshëm dhe jokredibilë, përkundër luftës tonë të drejtë, në pajtim me normat ndërkombëtare, në bashkëpunim të ngushtë me NATO-n.

Hashimi, Kadriu, Jakupi, Rexha dhe të tjerët, janë sinonim i luftës tonë të drejtë, janë personifikim i të drejtës tonë për liri, janë drejtues dhe heronj tanë të luftës dhe paqes, strateg të shtetit dhe shtetësisë, prandaj, besoj fuqishëm se i vetmi vendim i drejtë është shpallja e pafajësisë së tyre.

Drejtësia në Hagë ndaj heronjve tanë të luftës dhe paqes është pjesë e pandashme nga themelet e shtetit tonë, e pandashme nga vlerat e aleancës tonë historike me NATO-n dhe SHBA-në dhe e drejta jonë për të qenë shtet demokratik, burim i paqes dhe sigurisë rajonale, brenda vlerave euro-atlantike.

Lirimi i heronjve tanë të luftës dhe paqes është i vetmi vendim i drejtë, andaj, i presim fitimtarë nga kjo betejë e fundit për Republikën e Kosovës dhe qytetarët e saj!