Më 27 qershor të vitit 1980, diplomon e para femër në akademinë e policisë së shtetit në Nju Xhersi.
Gjatë vjeshtës së vitit 1979, Policia e Shtetit Nju Xhersi nisi një program eksperimental për të rekrutuar, zgjedhur, dhe trajnuar si police një klasë vetëm me femra.
Në qershor të vitit 1980, gjithë klasa prej 30 studentesh policie u diplomua.
Me siguri së paku njëherë në jetë keni bërë pyetje se në të vërtetë sa mund të ruhet një shishe verë në frigorifer
Qoftë shishja e hapur, apo e mbyllur, përgjigjja është e shkurtër: Jo shumë gjatë.
Keni miq në shtëpi? Apo po hapni vetë një shishe për qejf? Cilido qoftë rasti, nëse pas darkës në shishe ngelet ende verë, është mirë të dini si ta ruani dhe deri në sa ditë më pas mund ta pini, transmeton Telegrafi.
Ja afatet:
Vera e gazuar: Nga 1 në 3 ditë në frigorifer me një tapë që ndalon bulëzat ose lugë.
Vera e bardhë e lehtë ose rose: Nga 5 në 7 ditë, në frigorifer me tapë.
Vera e bardhë: Nga 3 në 5 ditë, në frigorifer me tapë.
Vera e kuqe: Nga 3 në 5 ditë. Në një vend të freskët, të errët, me tapë.
/Telegrafi/
Piercing në tragus është një piercing i bërë në zgjatimin e kërcit të vogël të pranishëm në aurikul që shërben për të mbrojtur kanalin e veshti nga agjentët e jashtëm. Janë shumë në modë piercing në këtë zonë të veshit: zgjedhja e një bizhuterie të vogël do të ketë një efekt të bukur, si me flokë të shkurtër, ashtu edhe me flokë të gjata.
Piercing në tragus është unisex: i pëlqyer nga djemtë dhe vajzat, ai përshtatet mirë me vathët e të gjitha formave. Nëse keni vendosur të bëni një tatuazh në tragus, më poshtë janë disa faktorë që duhet t’i merrni në konsideratë:
Rreziqet e piercingut në tragus
Gjëja e parë që duhet të bëni është të zgjidhni një profesionist. Është shumë e rëndësishme që vrima të hapet me dorë: tragusi është një zonë kërcore dhe përdorimi i pistoletës shpuese do të kishte një ndikim të dhunshëm.
Infeksionet
Si çdo piercing edhe ky mund të rrezikohet nga infeksionet: është e nevojshme të mbështeteni në duart e profesionistëve që përdorin mjete të sterilizuara dhe pas hapjes së vrimës duhet të keni kujdes me disa rregulla themelore të pastrimit.
Mos e prekni me duart të pista dhe lajini gjithmonë ato para se të pastroni tragusin: është mira ta dezinfektoni atë të paktën dy herë në ditë. Pas dezinfektimit lajeni me një sapun neutral dhe thajeni mirë për të shmangur ndonjë infeksion.
Në rast se vëreni ënjtje, keni ethe apo simptoma të tjera, vizitohuni tek mjeku për t’u siguruar që nuk keni ndonjë infeksion.
Sa dhemb piercing në tragus?
Kjo është një pyetje që nuk mund t’i japësh përgjigje në mënyrë absolute, duke marrë parasysh që dhimbja e shpimit të tragusit është personale: dikush percepton dhimbje të forta, dikush ndjen pak dhimbje. Sipas një klasifikimi të përgjitshëm, piercing që dhembin më shumë janë ato në organet gjenitale dhe ‘bridge’, dmth ato përmes hundës dhe syve.
Materiale të mira
Sido që të jetë tipologjia e vathit që do të vendosni, materialet që preferohen veçanërisht në javët e para janë ari dhe argjendi; janë hipoalergjike dhe të sigurta kundër infeksioneve. Shmangni ato që përmbanë nikel pasi mund të shkaktojnë reaksione alergjike.
Legjenda urbane rreth shpimit të tragusit
Disa nga legjendat thonë se piercing në tragus është përgjegjës për dhimbje koke të forta, dëmtim të dëgjimit, verbëri dhe madje paralizë të fytyrës. Para se të besoni ato që lexoni në internet, gjithmonë pyesni një profesionist i cili do t’ju japë indikacione të sakta.
Deformimi i tragusit
Kjo mund të ndodhë nëse shpimi nuk kryhet në mënyrën e duhur: Tragusi mund të ndryshojë formën e tij, por megjithatë veshi nuk dëmtohet.
Aktorja Mary Pickford më 24 qershor 1916 bëhet ylli i parë femër që nënshkroi kontratë milion dollarësh në Hollywood.
Lindur në Toronto, Kanada më 1892, e pagëzuar si Gladys Mary Smith, ajo u bë aktore, regjisore dhe skenariste e njohur me emrin ‘e dashura e Amerikës’ në periudhën e filmit pa zë.
Vdiq më 1979, në Santa Monika, Kaliforni.
Kryeqyteti Indonezisë Xhakarta është një nga vendbanimet më të vjetra njerëzore në botë dhe strehon më shumë se 10 milionë njerëz.
Ai është gjithashtu nga një vendet e populluara më dendësisht në botë por sipas zyrtarëve është ‘duke u zhytur në tokë’ prej paqëndrueshmërisë së tokës kënetore.
Prandaj ata kishin sugjeruar të ndërtonin një kryeqytet të ri për vendin, duke e zhvendosur atë në Nusantara, metropoli i ri rreth 1000 km në veri të Xhakarta, shkruan rrjeti britanik Metro.co.uk
Plani për zhvendosjen e kryeqytetit në Nusantara ishte pjesë e investimit rreth 32 miliardë dollarë nga qeveria indoneziane, për vendndodhjen e re në xhunglën e Kalimantan në ishullin tropikal të Borneo.
Tre të katërtat e ishullit janë pjesë e territorit indonezian dhe pjesa tjetër është e ndarë mes Malajzisë e Brunei, shtuan Metro.
Presidenti indonezian Joko Widodo, njoftoi planin në 2017 dhe e ratifikoi dy vjet më vonë por kritikët thanë se është tepër i nxituar jashtë kontaktit me realitetin.
Qendra e re Nusantara pritet të shtrihet në më shumë se 1000 km katrorë dhe është e rrethuar me kodra e pyje, si dhe bregdet natyral.
Ndërtimi i tij ka nisur prej vitit 2022, me hapjen e rrugëve.
Arkitektët thonë se kërkojnë të kombinojnë infrastrukturën moderne me ambjentin natyror por ekspertët kanë ngritur kritika për shkatërrimin e ambjentit natyral me kullat të larta e teknologji valësh elektromagnetike.
Megjithëse plani për Nusantara është ambicioz dhe zyrtarët po kërkojnë investitorë të huaj, nuk ka siguri për vazhdimin e tij prej kostove te larta dhe pasojave shkatërrimtare për komunitetet indigjene të vendit.
Shumë vendas janë urdhëruar të largohen nga shtëpitë e tyre dhe peshkatarët po nxiten të largohen nga bregdeti.
Yati, anëtar i komunitetit indigjen Balik tha më herët për rrjetin The Guardian: “Kjo na bën te ndjehemi larg vendit tonë dhe familjeve tona”. /tch
105-vjeçarja Virginia Hislop ka përfunduar studimet e saj të masterit në Shkollën e Edukimit në Universitetin e Stanfordit në SHBA.
Hislop fillimisht nisi shkollimin e saj në vitin 1940, por për shkak të Luftës së Dytë Botërore, mori një pushim të gjatë, ndërsa bashkëshorti i saj u rekrutua në ushtri.
“Unë e kam bërë këtë punë për vite dhe është mirë të më njohin me këtë diplomë,” tha Hislop në diplomimin e saj, shkruan ABC News.
Ajo ka shërbyer si anëtare e Bordin e Drejtorëve në Shkollën Yakima, duke qenë një nga themelueset e këtij institucioni.
Në Shtetet e Bashkuara të Amerikës, nuk është e rrallë që individët të mbarojnë studimet në moshë të shtyrë.
Në stinën e verës kur temperaturat rriten, telefoni i mençur mund të rrezikohet nga nxehtësia. Kjo mund të ndikojë që telefoni të ngadalësojë punën dhe të bllokohet, sidomos nëse e keni përdorur për një periudhë të gjatë.
Por, ekzistojnë disa hapa që mund të merren me qëllim që telefoni të qëndrojë në temperaturë optimale dhe bateria e tij të mos dëmtohet.
Këshillat në vijim janë rekomanduar nga roboti virtual, ChatGPT:
Mbajeni larg rrezeve të diellit:
Përpiquni ta mbani telefonin larg rrezeve të drejtpërdrejta të diellit, pas dielli mund ta tejnxeh telefonin dhe bateria të digjet. Ekziston edhe rreziku që ekrani i telefonit të nxehet dhe të pëlcasë.
Rekomandohet që telefoni të mos mbushet shpesh pasi bateria rrezikon ta dëmtojë sistemin operativ. Kur temperaturat janë të larta tentoni të shmangni mbushjen e shpeshtë, pasi kjo mund të çojë edhe në nxehjen e baterisë.
Përdorni shtresën për telefon
Nëse keni një mbulesë (case) për telefon që mundëson mbrojtjen e telefonit nga nxehja e tepërt, përdoreni dhe shpëtojeni pajisjen nga temperatura.
Nëse vini re se telefoni tuaj po reagon ndryshe në temperatura të larta, si zvogëlimi i performancës, ndalojeni rregullisht punën e tij. Kjo do të bëjë që temperatura të ulet dhe mund ta ktheni në punë sapo ta vëreni se është “qetësuar”.
Është shumë e rëndësishme që telefonit t’ia pastroni portat dhe hapësirat anash, duke përdorur fshesë të vogël apo pajisje specifike për pastrim të pajisjeve teknologjike. Mbyllja e hapësirave mund të pengojë qarkullimin e ajrit dhe të shtojë nxehjen e pajisjes.
Nëpërmjet këtyre rekomandimeve ju mund ta ruani telefonin nga dëmtimet që mund të shkaktohen nga temperaturat e larta.
Çdo person i punësuar ndihet i stresuar herë pas here. Niveli i stresit që e përjetojmë varet nga ajo se çfarë profesioni dhe pozite kemi.
Sipas një raporti të vitit 2017 nga Shoqata Amerikane Psikologjike, sasia e stresit që e ndjejmë është rritur për herë të parë në një dekadë.
Siç duket, shkaktarët kryesorë për këtë janë çështjet e parasë dhe karrierës.
Sidoqoftë, më poshtë i keni rezultatet e një anketimi të kryer nga ‘Careercast’, ku janë zbuluar punët më stresuese në botë!Taksist
Ballafaqimi me pasagjerë të dehur e të çmendur dhe me trafik të ngarkuar, e bën punën e taksistit të renditet e 10’ta në listën e punëve më stresuese në botë.
Niveli i stresit sipas pikëve të anketimit: 48.11.
Ekzekutiv i lartë në korporatë
Çfarë mund t’ju stresojë nëse jeni në pozitat më të larta të një korporate dhe të keni rrogë të mahnitshme? Epo, gjithçka! Në mënyrë që organizata të funksionojë mirë, ekzekutivi duhet të punojë orë të gjata, të merr vendime të cilat ndikojnë në organizatën dhe punëtorët, e gjithashtu duhet të qëndrojnë të informuar me konkurrentët.
Niveli i stresit: 48.71.
Ekzekutiv i marrëdhënieve me publikun
Ekzekutivët e PR-it janë përgjegjës për reputacionin e klientëve për të cilët punojnë. Ata duhet të jenë të gatshëm të punojnë orë të gjata, në çfarëdo periudhe të ditës. E gjithashtu, siç e dimë edhe vet, puna me figurat publike dhe yjet e ndryshme, si dhe menaxhimi i aferave të tyre nuk është aspak gjë e lehtë.
Niveli i stresit: 49.44.
Moderator lajmesh
Dalja para kamerës dhe paraqitja në publik janë që të dyja stresuese, ndërkaq moderatorët e lajmeve duhet t’i bëjnë që të dyja këto çdo ditë. Moderatorët e lajmeve duhet të jenë të gatshëm të dalin para kamerës tërë ditën, gjithashtu të ballafaqohen me njerëz shumë të fuqishëm.
Niveli i stresit: 49.83.
Gazetar-reporter
Gazetarët reporterë shpeshherë punojnë në zona të rrezikshme me orë të tëra, dhe jo rrallëherë kanë paga të ulëta.
Niveli i stresit: 49.90.
Koordinator ngjarjesh
Koordinatorët e ngjarjeve punësohen vetëm për ngjarje të cilat janë të rëndësishme për klientët e tyre, që do të thotë se çdo gjë që e bëjnë duhet të jetë e përsosur. Qoftë nëse është fjala për një takim të korporatave apo një dasmë, klientët gjithmonë duan që çdo gjë të jetë e përkyer. Për të mbijetuar në këtë industri, është e domosdoshme të keni aftësi të mira të krijimit të lidhjeve dhe të jeni të mirë në zgjidhjen e problemeve.
Niveli i stresit: 51.15.
Polic
Policët kanë shumë gjëra me të cilat ballafaqohen. Orare të ndryshme të punës, protesta, ballafaqimi me kriminelë, etj.
Niveli i stresit: 51.97.
Pilot
Të qenit përgjegjës për sigurinë e qindra pasagjerëve dhe orët e gjata të fluturimeve, kombinuar me mot të keq, normalisht se është gjë stresuese.
Niveli i stresit: 61.07.
Zjarrfikës
Nuk e mohon kush se profesioni i zjarrfikësit është tejet stresues. Zjarrfikësit çdo ditë e rrezikojnë jetën e tyre për t’i shpëtuar ato të të tjerëve.
Niveli i stresit: 72.43.
Ushtarak
Përderisa shërbimi në ushtri është çështje e krenarisë, qëndrimi i gjatë larg shtëpisë dhe familjes normalisht se është gjë stresuese. Kjo është edhe më stresuese për ushtarët që gjinden në zona lufte, ku i shikojnë miqtë dhe kolegët duke u plagosur apo duke e humbur jetën.
Niveli i stresit: 72.47.
Punë tjetër stresuese është edhe të jesh President i Shteteve të Bashkuara të Amerikës.
Ndonjëherë punët më stresuese në botë mund të jenë ato që nuk na merr mendja.
Me ardhjen e pranverës ndryshojnë shumë gjëra në botën e modës.
Pos ndryshimit të veshjeve kemi ndryshim edhe të aksesorëve, tek këto hyjnë edhe syzet.
Shumë shtëpi të modës për këtë vit kanë dizajnuar modele të ndryshme të syzeve të cilat kanë filluar të pëlqehen.
Sipas Live About, këtë sezon duhet të përdorni syze të cilat kanë formën e syve të maces, apo edhe syze me formë të rrumbullakët.
Këtu më poshtë keni fotografitë të modeleve të syzeve të kësaj pranvere:
Semafori i njohur botërisht nuk ka përjetuar një ridizajnim të rëndësishëm në pothuajse 100 vjet, që kur William Pott, një oficer policie i Detroitit, krijoi semaforin e parë me tre seksione në Shtetet e Bashkuara në vitin 1921.
Por tani, thonë ekspertët, me rritjen e numrit të “makinave pa shofer” do të thotë se nevojitet një grup i ri udhëzimesh sigurie për të siguruar që ato të ndërveprojnë saktë me sinjalet e trafikut, shkruajnë mediat e huaja.
Semaforët në mbarë botën zakonisht përdorin dritat e kuqe, të verdhë dhe jeshile për t’u sinjalizuar shoferëve nëse duhet të ndalojnë, të vazhdojnë ose të përgatiten për të vazhduar ose ndaluar në kryqëzime dhe vendkalime këmbësore.
Ali Hajbabaie, një profesor inxhinierie në Universitetin Shtetëror të Karolinës së Veriut (NCSU), po udhëheq një ekip për të hartuar një sistem trafiku që merr në konsideratë se si makinat pa shofer reagojnë ndaj sinjaleve të trafikut.
Andaj, Hajbabaie propozon shtimin e një drite tjetër – ndoshta një të bardhë.
Ndryshe, sipas “2022 Global Traffic Scorecard” nga INRIX, një kompani që krijon produkte dhe shërbime që lidhen me industrinë e transportit dhe automjetet autonome, kostoja e kombinuar për ekonominë gjatë bllokimit të rrugëve në Mbretërinë e Bashkuar, Gjermani dhe SHBA ishte 2.2 miliardë dollarë.
Dhe semaforët japin një kontribut të rëndësishëm në uljen e kësaj kostoje.
Kur u shpik semafori?
Semafori i parë në botë u instalua në Sheshin e Parlamentit në Londër, Mbretëri e Bashkuar, më 10 dhjetor 1868.
Bllokimi në rritje i karrocave me kuaj në atë kryqëzim specifik po e bënte atë gjithnjë e më të rrezikshëm për këmbësorët në zonë.
Por fatkeqësisht, dizajni i parë i semaforit pati një fillim të vështirë.
Një rrjedhje gazi nga tubi i furnizimit për dritat nën të shkaktoi një shpërthim në mekanizmin e semaforit, duke plagosur policin që e drejtonte atë.
Duke u konsideruar si një rrezik sigurie, semafori u hoq shpejt dhe semaforët u ndaluan fare për 60 vitet e ardhshme.
Ata u kthyen përfundimisht në rrugët britanike në vitin 1929, pas shpikjes së vitit 1921 të sistemit të sinjalizimit me tri drita në Detroit.
Ndërkohë semaforët e parë me energji elektrike u shpikën në vitin 1923 nga shpikësi afrikano-amerikan, Garrett Morgan.
Ai përfundimisht ia shiti dizajnin e tij General Electric për 40,000 dollarë.
Pse semaforët janë me drita me ngjyrë të kuqe, të verdhë dhe jeshil?
Sistemi i parë me ngjyra i përdorur në sistemet e sinjaleve të trafikut u bazua në sistemin e dritave të lundrimit të përdorur në anijet në det.
Dhe drita e verdhë e përdorur në semaforët modernë nuk u prezantua deri në vitin 1921 kur shpikësi William Potts solli semaforin me tri ngjyra në Detroit.
Kjo risi shtoi një dritë të verdhë “kujdes” në sinjalet ekzistuese të kuqe dhe jeshile – duke u sinjalizuar shoferëve se dritat do të ndryshonin dhe duke i paralajmëruar ata të ngadalësojnë shpejtësinë.
A na duhet një ngjyrë e katërt tani?
Njerëzit dhe makinat autonome përdorin grupe të ndryshme sinjalesh vizuale kur bëhet fjalë për interpretimin e sistemeve të ndriçimit.
Prandaj, një dritë e katërt – me shumë mundësi e bardhë – do të shtohej për përfitimin e makinave vetë-drejtuese.
Drita e bardhë do të interpretohej nga një makinë e drejtuar vetë si një udhëzim për të “vazhduar përpara nëse nuk udhëzohet ndryshe”.
Hajbabaie, profesori i NCSU, shpjegoi: “Nëse drita e bardhë është aktive, thjesht ndiqni automjetin para jush”, raporton telegrafi.
Kujtojmë se megjithëse ekzistojnë lloje të ndryshme të teknologjisë së sinjaleve të trafikut, shumica e sistemeve të trafikut ndahen në dy kategori: sinjalet e trafikut që funksionojnë sipas një orari fiks; dhe sinjalet e trafikut të cilat mund të rregullojnë kohën bazuar në vëllimin e trafikut.