Category: KURIOZITETE

Lindsay Slater, një 31 vjeçare nga Mansfield Nottingham i Britanisë së Madhe, pretendon se zbuloi se i fejuari dhe partneri i saj prej 12 vitesh, 36 vjeç, kishte fjetur me dikë tjetër.

Ajo pretendoi se pasi u përball me të, partneri i saj u largua nga shtëpia e familjes dhe ajo u përball me anulimin e dasmës së tyre të ardhshme, e cila i kushtoi 35 mijë euro. Megjithatë, në një përpjekje për të mos u mposhtur, ajo vendosi ta kthejë ditën e tyre të madhe në një festë, të cilën ajo e quajti një “festim i lirisë”.

Lindsay u dërgoi mesazhe të ftuarve të tyre të ditës për të dhënë lajmin dhe postoi një status në Facebook për të informuar mysafirët e saj për mbrëmjen.

Rreth 60 deri në 70 të ftuar erdhën në pritje e cila përbëhej nga ushqimi ulur, fjalime dhe një festë e drejtuar nga një DJ dhe lojtarë bongo.

Madje Lindsay u nis në muajin e saj të mjaltit më 20 gusht në një vendpushim në Greqi, me shoqen e saj.

Ndërsa ajo nuk ishte ende gati për të vazhduar më tej, Lindsay tha se dasma e saj e bëri atë të ndihej më e fortë.

‘Nuk e dija se si do të mbijetoja, isha e shqetësuar, ishte tepër vonë për t’i kthyer planet e dasmës. Të gjitha ato para ishin shpenzuar. Por ishte një pjesë e madhe e imja që mendonte “Unë jam i lirë”, është fillimi i një epoke më të mirë. Jam e lumtur që e bëra, më pëlqeu shumë dita”, tha ajo.

Lindsay dhe ish-i i saj u fejuan në fillim të vitit 2020 pasi ishin së bashku vazhdimisht që nga viti 2012.

Ajo thotë se dyshja kishin ‘ngritjet dhe uljet’ e tyre si çift, por ishin të emocionuar për ditën e tyre të dasmës.

Pas katër vitesh planifikim dhe 35,000 euro të shpenzuara për ceremoninë, ushqimin, fotografin dhe festën, data u caktua të shtunën, 17 gusht.

Por përpara dasmës, Lindsay pretendon se partneri i saj rrëfeu se kishte tradhtuar kur u përball me të.

Ish-partneri i Lindsay nuk pranoi të komentonte, por pranoi se e kishte tradhëtuar./Dailymail/

Mjeku i Ushtrisë Amerikane, James Carroll, më 27 gusht të vitit 1900, në Havanë të Kubës, lejoi një mushkonjë të infektuar të ushqehej me gjakun e tij, në përpjekje për të izoluar bartësin e transmetimit të etheve të verdha.

Carroll u sëmur rëndë nga ethet e verdha, duke ndihmuar kështu kolegun e tij, patologun e ushtrisë Walter Reed, të provojë se janë mushkonjat ato që transmetojnë sëmundjen shpesh herë vdekjeprurëse të etheve të verdha.

Para këtij zbulimi, epidemitë e etheve të verdha ishin diçka e zakonshme në Jugun Amerikan dhe rajone të tjera tropikale dhe subtropikale në gjithë botën.

Teoria e transmetimit të sëmundjes nga mushkonjat, e zhvilluar nga Walter Reed dhe anëtarët e grupit të tij, James Carroll, mjeku kuban, C.J. Finlay dhe Sekretari amerikan i Shëndetësisë, W.C. Gorgas, u hapën rrugën përpjekjeve të para për zhdukjen e mushkonjave dhe masave higjeno-sanitare, për të kontrolluar sëmundjen në Kubë.

Gjysmë shekulli më vonë, më 1951 mikrobiologu amerikan, Max Theiler, u nderua me Çmimin Nobel për Mjekësinë, për studimet e tij mbi ethet e verdha dhe më së fundi për zhvillimin e një vaksine kundër kësaj sëmundjeje tek njerëzit.

Njerëzit kanë paguar për të përdorur tualetin për gati 2,000 vjet dhe ndërsa sot kemi tualete publike falas, ato janë akoma të ndryshme nga ato të rregulltat që jemi në shtëpi.

Ato kanë një detaj të veçantë që na tërheq vëmendjen – dyer që nuk arrijnë dyshemenë dhe besoni që ka disa arsye për këtë.

Këto janë disa nga arsyet:

1. Ju mund të shihni nëse dikush ka nevojë për ndihmë mjekësore.
2. Mund të shihni nëse është i lirë.
3. Ndihmon për të hequr qafe erën e keqe brenda.
4. Dyert e plota janë më të shtrenjta.
5. Ndihmon për të ndaluar njerëzit nga sjellja e keqe.
6. Mund të dilni nëse brava është bllokuar.
7. Mund t’i kërkoni dikujt letër higjienike nëse nuk e keni.
8. Njerëzit kalojnë më pak kohë në banjë dhe radha lëviz më shpejt.
9. E bën më të lehtë për kujdestarët të pastrojnë dyshemenë.
10. Në rast të prishjes së tubit, uji nuk do të grumbullohet.

Dita Botërore e Miqësisë, pavarësisht se festohet në ditë të ndryshme në vende të ndryshme, zyrtarisht festimi i saj daton më 30 korrik.

Kjo është një ditë ku më së shumti duhet të falënderohet miqtë që keni pranë, të vlerësoni ata dhe të shprehni se sa me fat jeni që i keni.

30 korriku u zgjodh si datë nga OKB. Më 30 korrik 1958 u propozua Dita Botërore e Miqësisë.

Fillimisht kjo ditë u përdor për qëllime biznesi, për ato industri të prodhimit të kartolinave, me qëllim shitjen e tyre, por avancimi i shkencës, zhvillimi i teknologjisë që ka sjell një mbipopullim të rrjeteve sociale nuk lë më nevojën e përdorimit të kartolinave.

Pavarësisht se atëherë komercializmi nisi ta hidhte poshtë këtë ditë, duke e cilësuar si “mashtrim marketingu”, kartolinat apo lulet vazhdojnë të mbeten një traditë popullore.

Ish-presidenti amerikan, Dwight Eisenhower, më 29 korrik 1958, nënshkroi ligjin për krijimin e Agjencisë Amerikane të Hapësirës, NASA.

Kjo agjenci e re civile zëvendësonte Komisionin Këshillimor Kombëtar të Aeronautikës, që ishte krijuar 47 vjet më parë.

NASA do të merrej me programet amerikane të hapësirës, një pjesë e madhe e të cilave drejtoheshin nga Departamenti i Mbrojtjes.

Shumë shpejt NASA filloi planifikimin e një projekti për dërgimin e një misioni vajtje-ardhje me njerëz në hënë.

Presidenti Eisenhower nënshkroi ligjin për krijimin e NASA-s tetë muaj pasi bota mësoi se Bashkimi Sovjetik kishte lansuar satelitin e tij Sputnik 1.

Janë cilësi të ndryshme që do t’i gjeni gjithmonë tek njerëzit me sy kafe.

Thonë se sytë janë pasqyra e shpirtit. Shiko me kujdes sytë e personit që ke afër dhe përpiqu të shikosh në thellësi të syve të tij për të kuptuar nga ç’emocione dhe ndjenja përshkruhet në këto momente. Sytë e njeriut mund të jenë të ngrohtë dhe me dritë, apo të ftohtë dhe të përhumbur, ndaj ne nuk mund ta kuptojmë gjithmonë se çfarë ka brenda tyre.

Çdo njeri që ka sy të ndritshëm është i bekuar, ashtu si disa njerëz që kanë ngjyrë të rrallë në sy, përmes së cilës fshehin mjaft tipare të karakterit. Ngjyrat e ndryshme të syve kanë tërhequr gjithmonë njerëzimin, madje edhe shkencën për të zbuluar kohë pas kohe se pas saj (ngjyrës) fshihen cilësi të pafundme personaliteti, transmeton “Living”.

Por çfarë mund të tregojë më shumë për jetën e një personi ngjyra e syve? Për pjesën më të madhe të njerëzve në botë, që kanë ngjyrë kafe të syve, tani kërkohet pak vëmendje. Kur themi kafe, të gjithë kemi parasysh atë dritën midis kafes së ëmbël dhe kafes jo shumë të errët. Njerëzit me sy ngjyrë kafe janë tërheqës dhe të sigurt. Është një ngjyrë e fortë dhe e çmuar edhe për shkak se është ngjyra e Tokës. Si e tillë, karakterizohet nga thjeshtësia, kreativiteti dhe pozitivizmi. Janë cilësi që do t’i gjeni gjithmonë tek njerëzit me sy kafe.

Janë të pavarur, të sjellshëm, të kujdesshëm dhe kanë shumë dëshirë të kenë miq të rinj.

Janë gjithmonë në përpjekje për të zbuluar gjëra të reja në jetë.

Por janë edhe praktikë, kur është fjala për kujdesin ndaj njerëzve.

Janë të përgjegjshëm, krenarë e kokëfortë për gjërat që duan.

Kanë tendencë ta tregojnë dashurinë për njerëzit që kanë rreth vetes.

Janë zakonisht njerëz të lumtur dhe e konsiderojnë veten me fat, sepse e ndjejnë veten pranë natyrës, shijojnë gjithçka të krijuar nga ajo.

Edhe pse kanë një vetëbesim të theksuar dhe janë të vendosur, ndonjëherë mund ta shohin të vështirë të kuptohen nga njerëzit.

Nuk e përshfaqin plotësisht veten, sepse u mungon besimi i plotë tek të tjerët. Dashurojnë shumë dhe janë besnikë të palëkundur.

Nëse doni të keni një marrëdhënie të sigurt dhe të gjatë, kaloni nga rruga e atyre që kanë sy kafe.

Koncertet dhe festivalet si Glastonbury vlejnë deri në 900 milionë funte (rreth 1.067 miliardë euro) për ekonominë e gjerë perëndimore, duke krijuar dy milionë vizita në zonë.

Organizata e arteve Umbrella UK Music tha se industria punësoi pothuajse nëntë mijë njerëz për të punuar në koncerte në Perëndim në vitin 2023.

Numri i përgjithshëm i turistëve të muzikës që ndiqnin ngjarjet e muzikës live në të gjithë Mbretërinë e Bashkuar në 2023 ishte 19.2 milion – një rritje prej 33% në vitin 2022 kur shifra ishte 14.4 milion.

Por pavarësisht rritjes së turizmit muzikor, ngjarjet e pavarura dhe vendet e muzikës bazë thonë se janë ende në vështirësi.

Glastonbury është një nga festivalet më të mëdha, më të famshme të muzikës në botë.

Rreth 200,000 njerëz morën pjesë në 2023 dhe rregullatori i transmetimit Ofcom raporton se rreth 210,000 njerëz morën pjesë në vitin 2024.

UK Music, një organizatë britanike që përfaqëson industrinë e muzikës në Mbretërinë e Bashkuar, tha se turizmi muzikor është një pjesë në rritje e industrisë muzikore.

Organizata shtoi se jugperëndimi ka parë një rritje prej 86% në turizmin muzikor, duke u rritur nga një milion në 2022 në dy milion në 2023./BBC

A ju ndodh shpesh që kur ju bie zilja e zgjimit, ju e fikni atë, ktheheni nga ana tjetër dhe vazhdoni të flini? Nëse po, nuk keni faj. Nuk jemi të programuar për të filluar të punojmë para orës 10:00 të mëngjesit.

Të nisësh punën pas orës 10:00 të mëngjesit? Për momentin është utopi, por në të ardhmen duhet të jetë realitet për të rritur produktivitetin dhe mirëqenien. Këtë e bën të ditur një studim i fundit i kryer nga profesori Paul Kelley, kërkues i asociuar i Universitetit të Oksfordit, në Institutin e Neuroshkencës, në lidhje me ritmet kikardianë dhe gjumin.

Thirrja e tij është e rëndësishme dhe provokuese. Shkollat dhe shumë kompani duhet ta spostojnë orarin e fillimit të punës, për të respektuar dhe për të punuar sipas ritmeve biologjike të studentëve dhe të punonjësve.

“Kjo është një çështje e privimit të gjumit, kur jemi të detyruar të ngrihemi sipas një alarmi të caktuar dhe jo natyrshëm – shpjegon Kelley në një intervistë për ‘The Guardian’. Humbja e orëve të gjumit ka pasoja edhe tek shëndeti – kërkime të ndryshme tregojnë se privimi nga gjumi lidhet më diabetin, depresionin, obezitetin dhe një sistem imunitar më të dobët.

Në studimin e tij, ai konstatoi që për fëmijët rreth 10 vjeç, ora biologjike ishte rreth 6:30 të mëngjesit, për adoleshentët rreth 16 vjeç, ora biologjike është rreth 8:00 të mëngjesit, ndërkohë për 18-vjeçarët, të cilët mund t’i mendoni si gjumashë dhe dembelë, në të vërtetë ora e zgjimit biologjik është rreth 9:00 të mëngjesit. Është e lehtë të kuptosh se si orari i fillimit të shkollës funksionon për fëmijët rreth 10 vjeç, por jo për adoleshentët 16 dhe 18 vjeç. Për adoleshentët apo të rriturit do të kishte më shumë kuptim për ta nisur ditën e shkollës në 10:00 ose mbase edhe më vonë.

“Zilja na orën 7:00 për adoleshentët, nënvizon Kelley, është ekuivalente me fillimin e shkollës në orën 4:30 për një mësues 50 vjeç”.

Atyre që mbështesin tezën se do të mjaftonte që të shkonit të flisnit më herët në mbrëmje, për t’u ngritur të çlodhur dhe të ripërtërirë ditën tjetër në orën 7:00, Kelley u përgjigjet se nuk është kaq e thjeshtë.

“Ritmi natyral i trupit kontrollohet nga një lloj drite e veçantë”.

Kelley thotë që dita jonë e punës duhet të jetë me fleksibël, duke respektuar ritmet tona natyrore. Duke e përshkruar humbjen mesatare të orëve të gjumit për çdo natë sipas moshave të ndryshme, profesor Kelley shpjegon se “mes moshës 14- 24 vjeç, kjo korrespondon më shumë se dy orë. Për persona të moshës mes 24 dhe 35 vjeç, është rreth një orë e gjysmë”.

Bie menjëherë në sy se orari 9:00-17:00 nuk do t’i këshillohej pjesës më të madhe të njerëzve dhe është vendosur nga drejtues mbi 50 veç. Një zgjidhje do të ishin oraret alternative. Me fjalë të tjera ata që janë më shumë se 50 vjeç do të duhej ta fillonin punën në orën 8:00 të mëngjesit, ata nën moshën 35 vjeç në orën 10:00, ndërsa studentët dhe ata që punojnë dhe studiojnë në të njëjtën kohë, të mund të paraqiteshin në punë në orën 11:00?

Kelley mendon se oraret e sinkronizuara mund të kenë “më shumë pasoja pozitive, do të sillnin më shumë produktivitet por edhe humor të mirë tek njerëzit. Po ashtu, duke iu referuar pasojave te shëndeti do të kishim më pak njerëz të sëmurë dhe më shumë punonjës të lumtur dhe produktivë”.

Duke e zgjeruar perspektivën, me shumë gjasa do të kishte më pak aksidente në rrugë dhe drejtuesit e mjeteve do të ishin më të kujdesshëm, dhe mbi të gjitha do të reduktohej trafiku në orët e pikut. Me fjalë të tjera, një mënyrë më e mirë për të nisur ditën e punës “që do t’u shkonte për shtat të gjithëve, veçanërisht familjeve”.

Shalqiri është fruti i preferuar për shumicën e njerëzve gjatë stinës së verës.

Të dish se si të zgjedhësh një shalqi të ëmbël është një aftësi dhe ndonjëherë sado që mundohemi ta zgjedhim më të mirin, nuk rezulton ashtu nga brenda.

Megjithatë, ekzistojnë metoda të shumta që do t’ju ndihmojnë një shalqi të ëmbël dhe të shijshëm.

Shmangni atë ndjenjë pendimi duke zbatuar këto këshilla për të zgjedhur një shalqi të pjekur plotësisht.

Ja cilat shenja duhet të shikoni kur shkoni të blini shalqi në dyqan

Analizoni anën e zverdhur të shalqirit

Një nga treguesit më të rëndësishëm të cilësisë së një shalqiri është ngjyra e anës së zverdhur, ajo njolla e madhe që duket si pa ngjyrë.

Një njollë e verdhë kremoze afër ngjyrës portokalli tregon një shalqi me plot shije.

Nëse njolla është e bardhë ose ka një të verdhë të hapur sinjalizon që shalqiri është pa shije, kështu që mund të dëshironi të zgjidhni një tjetër.

Analizoni vijat e shalqirit

Ngjyrat e shalqirit tuaj ndihmojnë në përcaktimin e shijes së këtij fruti.

Zgjidhni një shalqir që ngjyrat e tij janë tejet të forta dhe të qarta.

Vijat jeshile duhet të jenë jeshile të errëta the të thella, derisa vijat e zbehta duhet të jenë të verdha kremoze të hapur.

Goditeni lehtas me duar

Ndonëse të tjerët mund t’ju hedhin një vështrim të çuditshëm, nëse goditni shalqirin tuaj, kjo metodë mund t’ju ndihmojë ta zgjidhni më të mirin.

Nëse pas goditjes dëgjoni një tingull të thellë dhe ju duket i zbrazët, fruti ka më shumë ujë dhe ka të ngjarë të jetë i pjekur.

Nëse pas goditjes dëgjoni tingull me zë të lartë dhe të dendur, mund të nënkuptojë se lëvorja është shumë e trashë dhe fruti nuk është pjekur plotësisht.

Analizoni njollat

Nëse vëreni disa vija gri-kafe që duket si linja rrufesh apo venash, janë tregues të shkëlqyer të një shalqini shumë të ëmbël. Këto pika tregojnë se ku ka dalë sheqeri nga frutat, kështu që inspektoni të gjitha anët e shalqirit tuaj.

Zgjidhni shalqirin më të rëndë për nga madhësia

Kur blini shalqi, mateni edhe peshën. Një shalqi i mirë ndihet më i rëndë se sa duket, sepse sa më i dendur të jetë, aq më e lartë është përmbajtja e ujit dhe kështu është edhe më i ëmbël.

Zgjidhni një shalqi më rrumbullak

Kërkoni një shalqi që është më i rrumbullakët dhe në formë më të barabartë, në krahasim me atë që duket në formë ovale.

Shalqiri i rrumbullakët është më i ëmbël.

Aviatori amerikan Wiley Post më 22 korrik 1933, përmbushi fluturimin e parë vetëm rreth botës.

Fluturimi në avionin me një motor mbuloi një itinerar prej 25 mijë kilometrash dhe zgjati 7 ditë, 18 orë dhe 45 minuta.

Historiani i aeronautikës Robert van der Linden, thotë se gjatësia e fluturimit të Post nuk ishte e vetmja arritje

“Më e rëndësishmja, të paktën e parë nga këndvështrimi ynë, ishte aftësia e tij për të përdorur aparaturat në avion, veçanërisht, drejtuesin automatik, si dhe pajisjen radiofonike për orientim, e cila e ndihmonte shumë në drejtimin e avionit. Pa dyshim, përdorimi i drejtuesit automatik ia lehtësonte së tepërmi punën gjatë fluturimit”.

Wiley Post humbi jetën në një përplasje avioni pranë Barrow, Alaska, më 15 gusht 1935.