ATV

Author: K.B.

  • Komisioni për Legjislacion miraton ndryshimet kushtetuese për presidentin

    Komisioni për Legjislacion miraton ndryshimet kushtetuese për presidentin

    Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë Kundër Korrupsionit në mbledhjen e sotme ka miratuar ndryshimet kushtetuese të propozuara nga presidentja Vjosa Osmani për çështjen e zgjedhjes së presidentit direkt nga populli.

    Këto ndryshime do të shqyrtohen në seancë plenare. Ndryshimet u miratuan me 6 vota pro. Dy deputetët e Partisë Demokratike të Kosovës votuan kundër.

    Votimit i parapriu një përplasje e deputetëve të pushtetit me ata të opozitës.

    Kryetari i këtij komisioni, Përparim Gruda, e cilësoi rrëshqitje drejt autoritarizmit “ngutinë” për votimin e këtyre ndryshimeve. Ndërkaq, deputetët e Lëvizjes Vetëvendosje u shprehën se nuk ka rëndësi fakti që këto ndryshime janë që gati 15 vjet në sirtar, por po propozohen në ditën e fundit të afatit për të zgjedhur presidentin e ri.

    Me këto ndryshime të propozuara, presidenti i shtetit duhet të zgjidhet me votë direkt nga populli. Ato kanë qenë në sirtar që nga viti 2011, kur Gjykata Kushtetuese pati dhënë vendim duke rrëzuar disa propozime e duke miratuar të tjerat.

    Nuk është bërë e qartë se kur do të ftohet seanca për t’i shqyrtuar këto ndryshime kushtetuese. Çdo ndryshim kushtetues kërkon miratimin e dy të tretave të të gjithë deputetëve të Kuvendit, përfshirë dy të tretat e të gjithë deputetëve nga komunitetet.

    Ndryshe, Presidentja Vjosa Osmani ka proceduar në Kuvend amendamentet kushtetuese për zgjedhje të drejtpërdrejta të Presidentit/es, të cilat ishin hartuar nga Komisioni për amendamentimin e Kushtetutës në vitin 2011.

    Ajo ka thënë se tash e tutje “le të flasë populli”.

    “Duke parë dështimet e njëpasnjëshme në zgjedhjen e Presidentes/it, sapo kam proceduar në Kuvend amendamentet kushtetuese për zgjedhje të drejtpërdrejta të Presidentit/es, të cilat ishin hartuar nga Komisioni për amendamentimin e Kushtetutës në vitin 2011. I ftoj të gjitha partitë politike që të votojnë këto amendamente kushtetuese. Tash e tutje, le të flasë populli!”, ka shkruar Osmani.

  • Amendamentet kushtetuese për zgjedhjen direkte të Presidentit- Cakolli flet për procedurat

    Amendamentet kushtetuese për zgjedhjen direkte të Presidentit- Cakolli flet për procedurat

    Eugen Cakolli, nga Instituti Demokratik i Kosovës, e sheh të vështirë dhe të papërshtatshme mundësinë e ndryshimeve kushtetuese për zgjedhjen e presidentit.

    Ai ka shpjeguar procedurën e cila duhet të ndiqet që amendamentet të hyjnë në fuqi, duke theksuar se për miratimin e tyre duhet aprovimi i shumicës së dyfishtë:

    Amendamentet kushtetueses sa i përket mënyrës së zgjedhjes së presidentit janë dorëzuar në Gjykatë Kushtetuese në maj të viti 2012.

    Për këto amendamente, që janë 11 sosh, gjykata pati dhënë vlerësimin e saj në korrik të viti, prej tyre gjykata pati rrëzuar 8 prej neneve duke i lënë të tjerat në fuqi.

    Kjo nënkupton që procedura që kërkon përfshirjen e Gjykatës Kushtetuese e që është më e gjata tashmë është përmbyllur.

    Në këtë rast, sipas rregullores të Kuvendit, nevojitet që komisioni për legjislacion t’ia paraqesë brenda një jave rekomandimet për amendamentet seancës plenare.

    Seanca plenare tashmë mund të thirret kurdo meqenëse është konsumuar afati javor që kur gjykata ka dhënë vlerësimin e sa.

    Amendamentet votohen veç e veç në mënyrë të hapur dhe hyjnë në fuqi menjëherë pas momentit në votimit në Kuvend.

    Sidoqoftë, në rastin e tanishëm, duhet të sillet në Kuvend edhe një ligj i ri që rregullon çështjen e zgjedhjes së presidentit. E ky i fundit, për tu miratuar do të merrte kohë deri në dy apo tre muaj, përveç nëse ka shmangie nga afatet për të cilat nevojiten 2/3 të votave të deputetëve të pranishëm.

    Në terma praktik, kjo situatë dhe skadimi i afatit e bënë jashtëzakonisht të vështirë e po aq edhe të papërshtatshme mundësinë e ndryshimeve kushtetuese dhe zgjedhjes së drejtpërdrejt të presidentit në rast të dështimit të zgjedhjes së presidentit aktual nga Kuvendi.

  • Juristi Fetahu për nismën e Osmanit: Amendamentet janë shpallur kundërkushtetuese, kjo është tallje

    Juristi Fetahu për nismën e Osmanit: Amendamentet janë shpallur kundërkushtetuese, kjo është tallje

    Juristi Faton Fetahu, ka reaguar pasi që presidentja Vjosa Osmani ka proceduar në Kuvend amendamentet kushtetuese për zgjedhje të drejtpërdrejta të Presidentit/es, për të cilat tha se ishin hartuar nga Komisioni për amendamentimin e Kushtetutës në vitin 2011.

    Fetahu në deklarimin e tij për Gazetën Express, ka vlerësuar si të ‘’papërgjegjshme dhe juridikisht absurde’’, nismën e Osmanit për procedim dhe votimin e ‘’amendamenteve që janë shpallur në kundërshtim me Kushtetutën’’.

    ‘’Nisma për procedimin dhe votimin e amendamenteve që janë shpallur në kundërshtim me Kushtetutën është e papërgjegjshme dhe juridikisht absurde. Në aktgjykimin KO29/12 dhe KO48/12, Gjykata Kushtetuese e Republikës së Kosovës ka konstatuar qartë se Amendamenti 3, që ndryshon nenin 86 për zgjedhjen e Presidentit, konkretisht paragrafi 3 që kufizon kandidimin vetëm për subjektet që kanë kaluar pragun zgjedhor, është në kundërshtim me Kapitullin II të Kushtetutës’’, ka thënë ai.

    Tutje, Fetahu, ka shtruar pyetjen se si ‘’mund të propozohet për votim një amendament që nuk e ka kaluar testin kushtetues?’’, duke shtuar se, ‘’kjo është mungesë elementare njohje të Kushtetutës’’.

    ‘’Si mund të propozohet për votim një amendament që nuk ka kaluar testin kushtetues? Për një juriste dhe asistente në fakultet, kjo është një mungesë elementare njohjeje të Kushtetutës dhe procedurës kushtetuese – më shumë se gabim, kjo është tallje me rendin kushtetues’’, ka thënë ai.

  • Sunny Hill Festival 2026 po vjen, biletat Believers tani janë në shitje!

    Sunny Hill Festival 2026 po vjen, biletat Believers tani janë në shitje!

    Sot nis zyrtarisht kapitulli i ri për Sunny Hill Festival 2026. Me daljen në shitje të biletave Believers, festivali hap fazën e parë për edicionin e vitit 2026, duke ftuar fansat më besnikë të bëhen të parët që sigurojnë vendin e tyre në një nga festivalet më të përfolura të Evropës për tre vjet rresht.

    Believers janë tradicionalisht grupi i parë i biletave dhe ofrojnë çmimin më të ulët për gjithë edicionin e festivalit me qasje në të gjitha skenat, duke shpërblyer ata që besojnë në përvojën e Sunny Hill përpara se të zbulohet lineup-i i artistëve. Programi i plotë i këtij edicioni do të publikohet pasi të përfundojë kjo fazë e biletave – një moment që çdo vit shndërrohet në një nga zbulimet më të shumëpritura të verës dhe festivaleve në gjithë Evropën Juglindore dhe përtej.

    Pas një edicioni rekord vitin e kaluar, Sunny Hill Festival hyn në vitin 2026 me plane edhe më të mëdha. Në vitin 2025 festivali mirëpriti pjesëmarrës nga mbi 60 vende të botës, duke gjeneruar rreth 22 milionë euro ndikim direkt ekonomik për Kosovën dhe duke çuar kapacitetet e akomodimit në vend në gati 99% të rezervuara gjatë ditëve të festivalit.

    Rritja e festivalit ka qenë e qëndrueshme çdo vit, me një zgjerim që në disa edicione ka arritur deri në 30%, duke e kthyer Sunny Hill në një nga ngjarjet kulturore dhe muzikore me ndikimin më të madh në rajon.

    Ky sukses është reflektuar edhe në vlerësimet ndërkombëtare: për tre vite radhazi, Sunny Hill Festival është renditur ndër Top 10 festivalet më të mira në Evropë (katëgorinë mid-size), sipas Shoqatës Evropiane të Festivaleve të Muzikës me seli në Holandë.

    Edicioni i vitit 2026 pritet të jetë edhe më i madh i Sunny Hill Festival. Organizatorët paralajmërojnë një festival më të madh se kurrë më parë, me më shumë artistë ndërkombëtarë, më shumë skena, një program edhe më të zgjeruar dhe një audiencë globale që vazhdon të rritet çdo vit.

    Për disa ditë çdo verë, Prishtina shndërrohet në destinacionin më interesant evropian të muzikës, kulturës dhe energjisë rinore. Qindra gazetarë dhe media prestigjioze ndërkombëtare – përfshirë The Neë York Times, BBC, The Guardian, Vogue, Elle dhe shumë të tjera – kanë raportuar ndër vite nga Sunny Hill, duke e prezantuar Kosovën para qindra miliona njerëzve në mbarë botën.

    Me nisjen e shitjes së biletave “Believers”, fillon zyrtarisht numërimi mbrapsht për një tjetër verë që pritet ta vendosë Prishtinën në qendër të hartës globale të festivaleve.

    Sunny Hill Festival 2026 po vjen – dhe fansat e parë që i marrin biletat e tyre shpejtë do të bëhen pjesë e përvojës së paharrueshme të këtij edicioni.

  • Këshilltari i Kurtit: Vetëvendosje nuk ia ka borxh Vjosa Osmanit ta bëjë presidente

    Këshilltari i Kurtit: Vetëvendosje nuk ia ka borxh Vjosa Osmanit ta bëjë presidente

    Këshilltari i kryeministrit Albin Kurti, Jeton Zulfaj, ka reaguar përmes një postimi në Facebook lidhur me debatin për zgjedhjen e presidentit të Kosovës dhe rolin e Vjosa Osmani në këtë proces.

    Zulfaj ka theksuar se Osmani është zgjedhur në dy nga pozitat më të larta shtetërore falë votave të Lëvizja Vetëvendosje.

    “Vjosa është zgjedhur kryeparlamentare dhe presidente me votat e Lëvizjes Vetëvendosje. Dy nga tri pozitat më të larta në shtet, Kryeparlamentar dhe President, pozita që nderojnë çdo qytetar, Vjosa Osmani i ka marrë me ndihmën e Lëvizjes Vetëvendosje. Asnjë figurë e Lëvizjes Vetëvendosje nuk i ka mbajtur të dy pozitat, pavarësisht kontributit dhe atributeve të tyre”, ka shkruar ai.

    Sipas tij, Osmani nuk është anëtare e Vetëvendosjes dhe karrierën politike e ka ndërtuar fillimisht te Lidhja Demokratike e Kosovës.

    “Vjosa nuk është anëtare e Lëvizjes Vetëvendosje. Ajo është ngritur si figurë politike përmes Lidhjes Demokratike të Kosovës (LDK). Megjithatë, gjatë kohës sa ishte në LDK, ajo nuk arriti të marrë asnjë post të lartë shtetëror pa votat e Lëvizjes Vetëvendosje”, ka shkruar Zulfaj.

    Ai ka rikujtuar gjithashtu se në zgjedhjet e vitit 2019 Osmani ishte vendosur nga LDK si kandidate për kryeministre, por sipas tij nuk arriti të fitojë zgjedhjet.

    “Për herë të parë kur LDK e konsideroi për një pozitë më të lartë ishte në zgjedhjet e vitit 2019. Në kohën kur pritej që Albin Kurti të fitonte zgjedhjet, LDK e vendosi Vjosën si kundërkandidate për kryeministre dhe në listë ia dhanë numrin 81. Ajo i humbi ato zgjedhje, ndërsa kur filluan negociatat për koalicionin qeveritar, LDK e mënjanoi nga procesi”, ka shtuar ai.

    Zulfaj ka theksuar se në historinë e pasluftës së Kosovës nuk ka pasur rast që koalicioni qeverisës të zgjedhë një president nga opozita.

    “Në historinë e pasluftës së Kosovës nuk kemi pasur asnjë rast kur pozita, pra koalicioni qeverisës, ka zgjedhur një president nga opozita. Po ashtu duhet theksuar se në historinë e pasluftës së Kosovës nuk ka pasur kurrë rast kur një subjekt i vetëm fiton gjysmën e elektoratit, siç është rasti me Lëvizjen Vetëvendosje”, ka shkruar ai.

    Sipas tij, edhe në vitin 2021 koalicioni qeverisës kishte tri pozitat kryesore shtetërore.

    “Në vitin 2021 koalicioni Vetëvendosje–Guxo kishte edhe qeverinë, edhe kryeparlamentarin, edhe presidencën. Ky është koalicioni që e bëri Vjosën presidente”, ka theksuar Zulfaj.

    Ai ka shtuar se aktualisht i njëjti koalicion po propozon një kandidat tjetër për president.

    “Sot është i njëjti koalicion që, sikur më 2021, po propozon një kandidat tjetër për president nga radhët e veta. Kësaj here një kandidat që ka gëzuar konsensus si kryetar i Kuvendit dhe mbështetje të madhe popullore”, ka shkruar ai.

    Në reagimin e tij, Zulfaj ka thënë se Osmani është figurë e respektuar, por sipas tij Vetëvendosje nuk ka obligim ta mbështesë për një mandat tjetër.

    “Vjosa është figurë e nderuar, ish kryeparlamentare dhe presidente dhe e denjë për çdo pozitë, por Vetëvendosje nuk ia ka borxh Vjosës ta bëjë presidente”, ka deklaruar ai.

    Ai ka folur edhe për rolin e presidentit në sistemin politik të Kosovës, duke theksuar se fuqia kryesore vendimmarrëse i takon Kuvendit dhe shumicës parlamentare.

    “Republika jonë është demokraci kushtetuese parlamentare. Presidenti nuk ka fuqi ekzekutive, sepse fuqia ndodhet në Kuvend, te shumica parlamentare. Është shumica parlamentare ajo që miraton buxhetin dhe përcakton orientimin e politikave dhe zhvillimit të vendit”, ka shkruar Zulfaj.

  • F-35 izraelit rrëzon aeroplanin luftarak iranian mbi Teheran, publikohen pamjet e betejës

    F-35 izraelit rrëzon aeroplanin luftarak iranian mbi Teheran, publikohen pamjet e betejës

    Një aeroplan luftarak F-35I i Forcave Ajrore Izraelite rrëzoi një aeroplan luftarak iranian Yak-130 të prodhuar në Rusi mbi Teheran të mërkurën, tha IDF.

    Incidenti shënoi gjithashtu herën e parë në rreth 40 vjet që Forcat Ajrore Izraelite u angazhuan në luftime ajër-ajër me aeroplanë me pilot, transmeton Telegrafi.

    Herën e fundit që aeroplanët e forcave ajrore izraelite rrëzuan një aeroplan armik me pilot ishte më 24 nëntor 1985, mbi Liban. Në atë incident, një F-15 i IAF rrëzoi dy aeroplanë luftarakë sirianë MiG-23.

    Në një audio regjistrim të publikuar nga ushtria, shefi i IAF, gjeneralmajor Tomer Bar, i tha pilotit të F-35I se veprimet e tij ishin “historike”.

    “Përgjimi historik mbi qiellin e Teheranit është një shprehje e fuqisë së forcave ajrore dhe vendosmërisë suaj personale. Misioni tjetër tashmë po ju pret”, tha Bar.

    Duke folur me gazetarët, komandanti i bazës ajrore Nevatim — ku ndodhen aeroplanët F-35 të IAF — tha: “Ne e identifikuam aeroplanin, e ndaluam dhe e lëshuam [një raketë]”.

    “Aeroplani iranian rrezikoi aeroplanin [tonën]. Mund ta kishte goditur aeroplanin tonë, kështu që e qëlluam”, tha gjenerali i brigadës “Daled,” — i identifikuar vetëm nga grada dhe inicialet e emrit në hebraisht.

    Komandanti i bazës ajrore tha se F-35 qëlloi raketën ndërsa ajo ishte duke synuar vendet e regjimit iranian në Teheran. Ai tha se F-35 “e di si ta bëjë këtë shumë shpejt dhe me saktësi”.

    Piloti që qëlloi aeroplanin iranian ishte relativisht i ri në forcë, sipas komandantit të bazës ajrore, megjithëse tha se ky nuk ishte fluturimi i tij i parë në Iran.

    Pamjet e postuara në mediat sociale supozohet se tregojnë avionin që rrëzohet mbi malet Lavasan, pak në veri të Teheranit.

    “Avioni iranian rrezikoi avionin [tonë]. Mund të kishte goditur avionin tonë, kështu që e qëlluam”, tha gjeneral brigade “Daled”, – i identifikuar vetëm nga grada dhe inicialet e emrit në hebraisht.

    Komandanti i bazës ajrore tha se F-35 qëlloi raketën ndërsa ishte në mes të synimit të vendeve të regjimit iranian në Teheran. Ai tha se F-35 “e di si ta bëjë këtë shumë shpejt dhe me saktësi”.

  • Izraeli u bën thirrje banorëve të Bejrutit të evakuohen: Sulme të reja po vijnë

    Izraeli u bën thirrje banorëve të Bejrutit të evakuohen: Sulme të reja po vijnë

    Ndërsa Izraeli lufton në një front të dytë në Liban kundër Hezbollahut, ushtria ka lëshuar një alarm urgjent për banorët në periferitë jugore të Bejrutit, të njohura gjerësisht si fortesa të Hezbollahut, duke u thënë atyre të evakuohen menjëherë nga shtëpitë e tyre.

    “Çdo lëvizje drejt jugut mund t’ju vërë në rrezik jetën”, tha zëdhënësi i IDF-së, Avichay Adraee, duke sinjalizuar se sulme të reja po vijnë.

    “Ne do t’ju njoftojmë në kohën e duhur për t’u kthyer në shtëpitë tuaja”, shtoi ai.

    Urdhri për evakuim shënon herën e parë gjatë këtij konflikti që ushtria izraelite u ka bërë thirrje pjesëve të gjera të kryeqytetit libanez të evakuohen.

    Paralajmërimet e mëparshme për evakuim në Bejrut kanë qenë për ndërtesa specifike që IDF-ja i ka goditur më pas.

    Urdhri i fundit mbulon katër lagje kryesore në periferitë jugore Dahieh të qytetit.

    Ndërkohë, Nawaf Salam, kryeministri libanez, ka bërë thirrje për ndalimin e çdo aktiviteti ushtarak nga Trupat e Gardës Revolucionare Islamike të Iranit në vendin e tij.

    Ndryshe, grupi militant Hezbollah me bazë në Liban mbështetet nga Irani.

    Ministri i Informacionit i Libanit shtoi se çdo anëtar i IRGC-së do të arrestohet dhe se një ndalim i grupit do të hapte rrugën për deportim.

  • Haradinaj për Kurtin: Me tym ka hi, me tym duhet me qit

    Haradinaj për Kurtin: Me tym ka hi, me tym duhet me qit

    Ish-nënkryetari i OVL-UÇK-së, Nasim Haradinaj, ka deklaruar se kryeministri, Albin Kurti, sipas tij ka hyrë me dhunë në pushtet dhe në të njëjtën mënyrë do të largohet.

    Në Klan Kosova, Haradinaj tha se Kurti, sipas tij, ka ardhur në pushtet përmes tensioneve.

    “Ai që ka hyrë me dhunë nuk del kurrë pa dhunë, ( Albin Kurti). Ka fitu tu kall në parlament, ka fitu tu u shpall viktima…tu e bo tjetrin. Ka bo tu u thirr me Astrit Deharin. Tash o rruga me tym o hi, me tym duhet me qit”, tha Haradinaj gjatë emisionit.

  • Rusia dhe Ukraina do të shkëmbejnë 500 të burgosur lufte gjatë dy ditëve të ardhshme

    Rusia dhe Ukraina do të shkëmbejnë 500 të burgosur lufte gjatë dy ditëve të ardhshme

    Rusia dhe Ukraina shkëmbyen 200 të burgosur lufte nga secila palë të enjten dhe do të shkëmbejnë nga 300 të tjerë secila të premten, tha Ministria e Jashtme ruse.

    Të dyja palët kanë shkëmbyer periodikisht të burgosur lufte dhe trupa të kthyer të ushtarëve të vdekur – së fundmi javën e kaluar – pavarësisht mungesës së përparimit drejt një marrëveshjeje paqeje për t’i dhënë fund luftës së tyre katërvjeçare.

  • Goditet perla e Teheranit e mbrojtur nga UNESCO-ja

    Goditet perla e Teheranit e mbrojtur nga UNESCO-ja

    Pallati Golestan, një nga toponimet kulturore të Teheranit nën mbrojtje të UNESCO-s, është dëmtuar rëndë në sulmet e Izraelit dhe Shteteve të Bashkuara ndaj kryeqytetit të Iranit. Dritaret, dyert dhe pasqyrat janë dëmtuar nga shpërthimet pranë sheshit Arag në qendrën kulturore-historike të Teheranit, ka njoftuar agjencia e lajmeve ISNA.

    Organizata e Kombeve të Bashkuara për Arsim, Shkencë dhe Kulturë ka bërë të ditur se ua ka dërguar të gjitha palëve koordinatat gjeografike të lokaliteteve në Listën e Trashëgimisë Botërore dhe atyre me rëndësi kombëtare, në mënyrë që të shmanget çdo dëmtim i mundshëm.

    Golestani, ose “Pallati i kopshtit të trëndafilave”, është një nga komplekset mbretërore më të vjetra në Teheran dhe njihet edhe për sallën e pasqyrave.

    Autoritetet iraniane kanë njoftuar se një pjesë e artefakteve ishte zhvendosur më herët në një thesar për ruajtje. Pallati Golestan ka një hyrje monumentale dhe ka disa sallone të përdorura tani si muze, si sallën e pasqyrave, sallën e diamanteve dhe dhomën e fildishtë. Në dhomën e fronit, i quajtur Talar-e Salam, është froni i famshëm i Palluhit i cili, më 1739, u soll nga India nga Nader Shah si plaçkë lufte.
    SHBA-ja dhe Izraeli më 28 shkurt sulmuan Iranin, duke vrarë udhëheqësin suprem ajatollahun Ali Khamenei, ndërsa Donald Trump më parë kishte akuzuar autoritetet në Teheran se po zhvillonin një program të rrezikshëm bërthamor, gjë që Irani e ka mohuar vazhdimisht.

    Irani u kundërpërgjigj me sulme ndaj vendeve të Gjirit Persik, ku ndodhen baza ushtarake amerikane.