ATV

Author: K.B.

  • Policia e ndoqi në rrugë për një orë – Detaje nga arrestimi i Britney Spears

    Policia e ndoqi në rrugë për një orë – Detaje nga arrestimi i Britney Spears

    Britney Spears u arrestua për drejtim nën ndikimin e drogës pas një ndjekjeje të gjatë një-orëshe në rrugë.

    Ajo u ndalua nga policia e trafikut në Ventura, Kaliforni, pasi lëvizte në mënyrë të rrezikshme midis korsive.

    Spears, 44 vjeçare, u lirua nga paraburgimi dhe duhet të paraqitet në gjykatë më 4 maj.

    Detajet e ndjekjes

    Sipas një regjistrimi të thirrjes në 911, automjeti i Spears – një BMW i zi kabriolet 2026 – vijonte të ndryshonte korsitë rregullisht.

    Ndjekja zgjati nga ora 20:13 deri rreth 21:13, kur Spears doli nga makina dhe policia ndërhyri.

    U kërkua gjithashtu një ekspert për identifikimin e përdorimit të drogës (DRE).

    Ekipi e konsideroi ngjarjen si “incident të pakëndshëm” dhe tha se Britney do të marrë masat e nevojshme për të respektuar ligjin.

    Ata shtuan se shpresojnë që ajo të marrë ndihmën dhe mbështetjen e duhur, dhe se fëmijët e saj do të kalojnë kohë me të.

    Spears ka dy djem, Sean Preston dhe Jayden James, të cilët jetojnë aktualisht me babanë e tyre, Kevin Federline, në Havai.

    Problemet e kaluara me ligjin dhe familjen

    Kjo nuk është hera e parë që Spears ka probleme me ligjin në trafik.

    Më parë është kapur duke përdorur telefonin gjatë drejtimit dhe duke kaluar korsitë e kundërta pas natës së daljes.

    Ajo gjithashtu ka pasur probleme të mëparshme ligjore dhe një betejë të gjatë me familjen.

  • Tensione në parlamentin shqiptar, Balla i kërkon ndjesë Vokshit për deklaratën, demokrati Balliu përplaset fizikisht me të

    Tensione në parlamentin shqiptar, Balla i kërkon ndjesë Vokshit për deklaratën, demokrati Balliu përplaset fizikisht me të

    Seanca plenare ka rinisur me tensione të ashpra, kjo pas deklaratës së Taulant Ballës, i cili më pas deklaroi se numri 0900 që u tha nga ai u keqinterpretua nga demokratët.

    Demokratët më pas, përkatësisht në fillim Klevis Balliu, ka sulmuar fizikisht Taulant Ballën, e më pas u përfshi edhe Gazment Bardhi e demokratët e tjerë.

    Balla i kërkoi falje deputetes Albana Vokshi, nëse ajo është ndjerë e fyer, teksa shtoi se ai numër i përket BE-së.

    “Kjo situatë nuk ka të bëjë fare, nuk ka lidhje me fyerje. Ka të bëjë me një numër telefonik që përdoret për të marrë informacion në Bashkimin Europian. Sa i përket keqinformimit nëse kolegia Vokshi ndjehet e fyer i kërkoj ndjësë, por isha duke folur për reformën në BE. Ja ku e keni numrin me 0900. Ti nuk njeh as din as iman, as familje, sigurisht unë edhe për dëmtimin. Kërkoj ndërprerjen e seancës deri në qetësimin e situatës”, tha Balla, ndërsa opozita po fliste me tone të ashpra rreth tij./TCH

    Video:

  • Kërkesa për ndryshime kushtetuese për Presidentin, Zemaj: E vonshme

    Kërkesa për ndryshime kushtetuese për Presidentin, Zemaj: E vonshme

    Armend Zemaj nga Lidhja Demokratike e Kosovës ka folur para seancës e cila u thirr në mbrëmje rreth ndryshimeve kushtetuese sa i përket zgjedhjes së Presidentit.

    Ai e ka cilësuar si të vonshme kërkesën për këto ndryshime.

    “Kërkesa për ndryshime është e vonshme, këto ndryshime që kanë kaluar edhe nëpër filltrat e Gjykatës Kushtetuese kanë një kohë të gjatë”, deklaroi Zemaj.

  • Rashiq para seancës: Nuk besoj se Lista Serbe është e gatshme për veprime konstruktive

    Rashiq para seancës: Nuk besoj se Lista Serbe është e gatshme për veprime konstruktive

    Ministri për Komunitete dhe Kthim Nenad Rashiq, ka folur para mediave para nisjes së seancës për votimin e ndryshimeve kushtetuese për zgjedhjen e Presidentit nga populli.

    Ai u pyet nga gazetarët nëse beson se Lista Serbe do t’i votojë këto ndryshime.

    Rashiq deklaroi se nuk beson se Lista Serbe do ta bëntë një gjë të tillë.

    “Unë nuk besoj që Lista Serbe është e gatshme që të bëjë çfarëdo veprimi i cili është konstruktiv”,deklaroi Rashiq para mediave.

    Ndër të tjera, ai deklaroi se si ministër nuk ka rol kyç në zgjedhjen e Presidentit.

  • Agim Bahtiri: Vendi s’do të shkojë në zgjedhje, qytetarëve duhet t’u jepet e drejta për ta zgjedhur Presidentin

    Agim Bahtiri: Vendi s’do të shkojë në zgjedhje, qytetarëve duhet t’u jepet e drejta për ta zgjedhur Presidentin

    Deputeti i VV-së, Agim Bahtiri, thotë se “opozitës nuk do i realizohen planet” dhe sipas tij vendi nuk do të shkojë në zgjedhje.

    Ai në një postim në FB ka shkruar:

    Opozita ka planifikuar të festojë Vitin e Ri Kinez, por planet nuk do t’iu realizohen. Vendi nuk do të shkojë në zgjedhje dhe qytetarëve duhet t’u jepet e drejta që të votojnë për Presidentin ose Presidenten e Kosovës.

  • Mustafa: Ku ishte VV që 5 vjet që nuk i bënte ndryshimet kushtetuese për zgjedhjen e Presidentit direkt nga populli

    Mustafa: Ku ishte VV që 5 vjet që nuk i bënte ndryshimet kushtetuese për zgjedhjen e Presidentit direkt nga populli

    Komisioni për Legjislacion ka miratuar ndryshimet kushtetuese për presidentin të propozuara nga Vjosa Osmani, të cilat synojnë që presidenti i vendit të zgjidhet drejtpërdrejt nga qytetarët.

    Për këtë ka reaguar Besian Mustafa, deputet i LDK-së, i cili ka pyetur se ku ka qenë VV që 5 vjet për të bërë këto ndryshime kushtetuese.

    “Sa shumë po e dojnë VV-ja sonte Gjykatën Kushtetuese Po, pajtohem, le të zgjidhet Presidenti direkt nga populli, qysh kemi thënë edhe në 2010-11 kur është diskutuar kjo çështje. Por ku ishte VV qe 5 vjet pushtet? Pse KURRË nuk e hapën këtë diskutim deri sonte?”, ka shkruar Mustafa në Facebook.

  • Kuvendi del me njoftim për seancën e thirrur për amandamentet e Presidentes

    Kuvendi del me njoftim për seancën e thirrur për amandamentet e Presidentes

    Deputetët e Kuvendit të Kosovës janë ftuar në seancën lidhur me amandamentet për zgjedhjen e drejtpërdrejt të Presidentit.

    Në uebfaqen e Kuvendit është konfirmuar se seanca e jashtëzakonshme plenare është planifikuar të nisë në orën 20:00, ndonëse seanca nuk ka nisur akoma.

    Detajet:

  • Seanca për ndryshime kushtetuese në ditën kur duhet të zgjedhet Presidenti, Hamza: Jo në 2-3 orët e fundit të afatit kjo temë

    Seanca për ndryshime kushtetuese në ditën kur duhet të zgjedhet Presidenti, Hamza: Jo në 2-3 orët e fundit të afatit kjo temë

    Deputetët e Kuvendit të Kosovës janë ftuar sonte në seancë lidhur me amandamentet për zgjedhjen e drejtpërdrejt të Presidentit.

    Kjo s’po i duket në rregull kryetarit të PDK-së, Bedri Hamza, sidomos sepse për disa orë i skadon mandati presidentes aktuale, Vjosa Osmani, dhe se po flitet për një temë kaq të rëndësishme siç janë ndryshimet kushtetuese, raporton Ekonomia Online.

    “Para 15 minutash e ftuan seancën. Kjo i bie që për tema kaq të rëndësishme, për ndryshime kushtetuese, edhe pse PDK vazhdimisht ka qenë e hapur që presidenti ka mundësi të zgjidhet me votë të drejtpërdrejtë. Jo në 2–3 orët e fundit, jo për një temë kaq të rëndësishme”, ka deklaruar Hamza.

  • Çfarë parashohin amendamentet e propozuara për presidentin

    Çfarë parashohin amendamentet e propozuara për presidentin

    Amendamentet kushtetuese të propozuara nga presidentja Vjosa Osmani dhe të miratuara në Komisionin Parlamentar për Legjislacion parashohin të ndryshojnë mënyrën se si zgjidhet presidenti i Kosovës.

    Këto ndryshime parashohin të ndryshojnë në tërësi Nenin 86 [Zgjedhja e Presidentit] të Kushtetutës së Kosovës.

    Amendamentet parashohin që presidenti i Kosovës të zgjidhet drejtpërdrejt nga qytetarët, përmes votimit, dhe që zgjedhjet presidenciale të shpallen nga kryetari i Kuvendit, jo më vonë se 6 muaj para se të përfundojë mandati i presidentit aktual.

    Sipas amendamenteve, nëse asnjëri nga kandidatët në rundin e parë të garës zgjedhore nuk arrin të marrë shumicë absolute prej më shumë se 50 për qind të votave të popullit, mbahet rundi i dytë i zgjedhjeve midis dy kandidatëve që kanë marrë numrin më të madh të votave herën e parë dhe kandidati që merr më së shumti vota në rundin e dytë zgjidhet president i Republikës së Kosovës.

    Po ashtu, parashihet që të shtohet një nen i ri, i cili mundëson që mandati i presidentit aktual, që është zgjedhur nga Kuvendi i Kosovës, të vazhdojë derisa presidenti i ri të zgjidhet dhe të bëjë betimin.

    Amendamentet parashohin po ashtu mundësinë që të garojnë në zgjedhje presidenciale edhe ish-presidentët që kanë shërbyer para se të bëheshin këto ndryshime.

    Presidentin e zgjedhur nga populli nuk mund ta shkarkojë Kuvendi, por organi ligjvënës mund ta dorëzojë në Gjykatën Kushtetuese peticionin për shkarkimin e tij, sipas amendamenteve./REL

  • Më pak se pesë orë afat, s’ka njoftim se është thirrë seancë për zgjedhjen e Presidentit

    Më pak se pesë orë afat, s’ka njoftim se është thirrë seancë për zgjedhjen e Presidentit

    Lëvizja Vetëvendosje ka bërë me dije se kandidati i tyre për President të ri është Glauk Konjufca, por teksa kanë mbetur me pak se 5 orë afat për zgjedhjen e Presidentit, nuk ka ndonjë njoftim se është thirrur seancë e re.

    Mbrëmë Kryetarja e Kuvendit Albulena Haxhiu ka thënë se pasi nuk ka kandidaturë të dytë nuk do të thërras seancë.

    Kryeministri Albin Kurti ka paralajmëruar për sot pasdite zhvillime ndërsa kandidati i VV’së për President i ka kërkuar opozitës që ta propozojë dikë.

    Çështja e kandidaturës ka përplasur mbrëmë Presidenten Osmani e cila nuk është kandiduar nga Vetëvendosje.

    Partia e Kurtit ka thënë se ia ka ofruar asaj 30 nënshkrime për t’u futur në garë dhe kjo ka nxitur përplasje me Presidencën. Këshiltarët e Osmanit kanë thënë se shefja e shtetit hynë për t’u rizgjedhur e jo për formalitet pa i ofruar votë.

    Sot Osmani ka dërguar në Kuvend amendamente kushtetuese për zgjedhje direkte të Presidentit te cilat janë shqyrtur dhe miratuar nga Komisioni Legjislativ dhe ndërsa tani pritet të shqyrtohen në seancë plenare.