Author: K.B.

Presidentja e vendit, Vjosa Osmani, u ka shprehur ngushëllime familjeve të tre bashkatdhetarëve që humbën jetën tragjikisht, në vendin e punës në Austri.

Osmani tha se kjo tragjedi ka lënë një dhimbje të thellë e të pashuar jo vetëm te familjet e tyre, por te të gjithë.

“Me dhimbje të thellë morëm lajmin për humbjen tragjike të jetëve të bashkatdhetarëve tanë: Pajtim Bajrami, Asllan Musliu dhe Istref Zekaj, si pasojë e aksidentit të rëndë në një kantier ndërtimi në Vjenë.

Kjo tragjedi e rëndë, që ua ndërpreu jetën teksa punonin për ta siguruar jetesën, ka lënë një dhimbje të thellë e të pashuar jo vetëm te familjet e tyre, por te të gjithë ne.

Në këto momente të vështira, ju shprehim ngushëllime familjeve, miqve dhe të afërmve të viktimave.

Ndajmë dhimbjen me familjet dhe lutemi që të gjejnë forcë për ta përballuar këtë humbje të rëndë.

I përhershëm qoftë kujtimi për Pajtim Bajramin, Asllan Musliun dhe Istref Zekajn!”.

Asllan Musliu nga fshati Zaplluxhë i Komunës së Dragashit është në mesin e tre shtetasve të Kosovës që vdiqën në një aksident tragjik të martën në Austri.

Musliu dhe tre të tjerë vdiqën si pasojë e shembjes së një pjese të konstruksionit në një kantierë ndërtimi në distriktin Alsergrund të Vjenës. Ata mbetën të bllokuar nën rrënoja.

Vdekjen e Musliut dhe dy shtetasve të tjerë kosovarë, Pajtim Bajrami dhe Istref Zekajt, e konfirmoi të mërkurën Ambasada e Kosovës në Austri.

Musliu kishte emigruar në Austri pasluftës, sipas fjalëve të Rrahim Bektashit, drejtorit të një shkolle fillore në Prizren, ish koleg i luftës me viktimën.

Bektashi tha se ndihej i trishtuar nga lajmi për vdekjen e Musliut, ish kolegut të tij në Trupat Mbrojtëse të Kosovës.

“I trishtë lajmi për ndarjen nga jeta të bashkëluftëtarit, rreshterit të Batalionit Gardist pran Z2M të Trupave Mbrojtëse të Kosovës: Asllan Musliu të cilin e njoha nga afër”, shkroi Bektashi të mërkurën.

“Ai gjatë luftës së fundit në Kosovë ishte pjesë e Drejtimit taktik nr 2 të operacionit ‘Shigjeta’”, tha Bektashi. “Më kujtohet dita kur e la uniformën dhe mori rrugën e mërgimit… ishte një ndarje emocionale…”

“Lamtumirë bashkëluftëtari im”, përmbylli Bektashi mesazhin e tij.

Udhëheqësi suprem iranian, Ajatollah Mojtaba Khamenei, ka refuzuar propozimet për uljen e tensioneve ose për ndërprerjen e konfliktit të armatosur me Shtetet e Bashkuara të Amerikës, të cilat Teherani i mori përmes dy vendeve ndërmjetëse, tha sot një zyrtar i lartë iranian.

Qëndrimi i Khameneit ndaj hakmarrjes ndaj SHBA-ve dhe Izraelit ishte “shumë i ashpër dhe serioz” në takimin e tij të parë të përkushtuar për politikën e jashtme, tha një zyrtar i paidentifikuar, i cili nuk sqaroi nëse Khamenei ishte i pranishëm personalisht në takim.

I njëjti burim raportoi se udhëheqësi suprem tha se “nuk është koha e duhur për paqe deri sa SHBA-të dhe Izraeli të jenë ‘në gjunjë’, të pranojnë humbjen dhe të paguajnë kompensim”.

Tre burime thanë më 14 mars për Reuters se administrata amerikane ka refuzuar përpjekjet e aleatëve të Lindjes së Mesme për të nisur bisedime diplomatike me qëllim të përfundimit të luftës në Iran.

Që nga fillimi i luftës amerikano-izraelite kundër Iranit më 28 shkurt, të paktën 2000 persona janë vrarë, dhe fundi i konfliktit nuk duket i afërt.

Sundimi i Ngushticës së Hormuzit, përmes të cilit kalon një e pesta e naftës botërore, është mbyllur, dhe aleatët amerikanë refuzuan kërkesën e presidentit amerikan, Donald Trump për ndihmë për ta hapur, çka ka ndikuar në rritjen e çmimeve të energjisë dhe ka përforcuar frikën nga inflacioni.

Prokurori i Shtetit ka njoftuar se gjatë 24 orëve të fundit nga prokuroritë themelore janë ngritur 44 aktakuza kundër 61 personave për kryerjen e veprave të ndryshme penale.

Po ashtu, me urdhër të Prokurorit të Shtetit janë ndaluar 12 persona, si dhe janë parashtruar tri kërkesa për caktim të paraburgimit ndaj tre personave të dyshuar për kryerje të veprave penale.

Prokuroria Speciale, gjatë 24 orëve të fundit ka ndaluar një person të dyshuar për veprën penale “Shpëlarja e parave”.

Prokuroria Themelore në Prishtinë, gjatë 24 orëve të fundit ka ndaluar dy persona, ka ushtruar një kërkesë për caktimin e masës së paraburgimit për një person për vepër penale, si dhe ka ngritur pesë aktakuza kundër trembëdhjetë (personave për vepra të ndryshme penale.

Prokuroria Themelore në Prizren, gjatë 24 orëve të fundit, ka ndaluar një person të dyshuar, si ka parashtruar një kërkesë për caktim të paraburgimit kundër një personi. Ndërsa, nga kjo prokurori ka ngritur njëmbëdhjetë aktakuza kundër trembëdhjetë personave, për vepra të ndryshme penale.

Prokuroria Themelore në Pejë, gjatë 24 orëve të fundit, ka ngritur pesë (5) aktakuza kundër pesë (5) personave.

Prokuroria Themelore në Gjilan, gjatë 24 orëve të fundit, me urdhër të prokurorit të shtetit, ka ndaluar një (1) person, në kohëzgjatje prej 48 orëve, si dhe ka ngritur pesë (5) aktakuza kundër pesë (5) personave, për vepra të ndryshme penale.

Prokuroria Themelore në Gjakovë, gjatë 24 orëve të fundit, ka parashtruar një (1) kërkesë për caktimin e masës së paraburgimit, kundër një (1) personi, ka ngritur katër (4) aktakuza, kundër katër (4) personave, si dhe ka ndaluar një (1) person në kohëzgjatje prej 48 orësh, për vepra të ndryshme penale.

Prokuroria Themelore në Mitrovicë, gjatë 24 orëve të fundit, ka ndaluar pesë (5) persona, si dhe ka ngritur gjashtë (6) aktakuza kundër gjashtë (6) personave, për vepra të ndryshme penale.

Prokuroria Themelore në Ferizaj, gjatë 24-orëve të fundit, ka ndaluar një (1) person të dyshuar dhe ka ngritur tetë (8) aktakuza kundër pesëmbëdhjetë (15) personave, për vepra të ndryshme penale.

Në vijim gjeni raportin e veçuar për secilën prokurori:

1. Prokuroria Speciale e Republikës së Kosovës

Ndalimet e personave me urdhër të prokurorit:

Prokuroria Speciale, gjatë 24 orëve të fundit ka ndaluar një (1) person të dyshuar për veprën penale “Shpëlarja e parave”.

2. Prokuroria Themelore Prishtinë

Ndalimet e personave me urdhër të prokurorit:

Departamenti i Përgjithshëm- Me urdhër të Prokurorit të Shtetit ka ndaluar një (1) person për vepër penale ‘’Lëndim i lehtë trupor’’, si dhe ka ndaluar një (1) person për vepër penale ‘’Rrezikim i trafikut publik’’.

Kërkesat për caktimin e paraburgimit apo masa të tjera:

Departamenti i Përgjithshëm- Me Urdhër të Prokurorit të Shtetit ka ushtruar një (1) kërkesë për caktimin e masës së paraburgimit për një (1) person për vepër penale ‘’Mbajtja në pronësi, kontroll ose posedim të paautorizuar të armëve’’ si dhe veprën penale ‘’Kanosja’’.

Aktakuzat:

Prokuroria Themelore në Prishtinë, gjatë 24 orëve të fundit ka ngritur pesë (5) aktakuza kundër trembëdhjetë (13) personave, për vepër penale:

Një (1) aktakuzë kundër tetë (8) personave, për vepër penale ‘’Pranimi i ryshfetit në sektorin privat’’

Një (1) aktakuzë kundër dy (2) personave, për vepër penale ‘’Dhunë në familje’’

Një (1) aktakuzë kundër një (1) personi, për vepër penale ‘’Kanosja’’

Një (1) aktakuzë kundër një (1) personi, për vepër penale ‘’Vjedhja’’

Një (1) aktakuzë kundër një (1) personi për vepër penale ‘’Ngacmimi’’

3. Prokuroria Themelore Prizren

Ndalimet e personave me urdhër të prokurorit:

Departamenti i Përgjithshëm, me urdhër të prokurorit ka ndaluar për 48 orë, një (1) person të dyshuar për veprat penale “Lëndimi i lehtë trupor” dhe “Kanosja” sipas KPRK-së.

Kërkesat për caktim të paraburgimit (apo masa tjera):

Departamenti i Krimeve të Rënda, ka parashtruar një (1) kërkesë për caktim të paraburgimit ndaj një (1) personi të dyshuar për veprën penale “Fajdeja” dhe “Detyrimi” sipas KPRK-së.

Aktakuzat:

Prokuroria Themelore në Prizren, ka ngritur njëmbëdhjetë (11) aktakuza kundër trembëdhjetë (13) personave, për veprat penale si në vijim:

Dy (2) aktakuza kundër dy (2) personave për veprën penale “Vjedhja”;

Një (1) aktakuzë kundër dy (2) personave për veprat penale “Kanosja”, “Sulmi” dhe “Dhuna në familje”;

Një (1) aktakuzë kundër dy (2) personave për veprat penale “Sulmi” dhe “Lëndimi i lehtë trupor”;

Një (1) aktakuzë kundër një (1) personi për veprën penale “Sulmi”;

Një (1) aktakuzë kundër një (1) personi për veprën penale “Kanosja”;

Një (1) aktakuzë kundër një (1) personi për veprën penale “Lëndimi i lehtë trupor”;

Një (1) aktakuzë kundër një (1) personi për veprën penale “Mashtrimi”;

Një (1) aktakuzë kundër një (1) personi për veprën penale “Mospërfillja e gjykatës”;

Një (1) aktakuzë kundër një (1) personi për veprat penale “Sulmi” dhe “Lëndimi i lehtë trupor”;

Një (1) aktakuzë kundër një (1) personi për veprën penale “Vjedhja e shërbimeve”.

4. Prokuroria Themelore Pejë

Aktakuzat:

Një (1) aktakuzë kundër një (1) personi për veprën penale “Ndërtimi pa leje”

Dy aktakuza kundër dy (2) personave për veprën penale “Rrezikimi i trafikut publik”

Një (1) aktakuzë kundër një (1) personi për veprën penale “Lëndim i lehtë trupor”

Një (1) aktakuzë kundër një (1) personi për veprën penale “Sulmi”

5. Prokuroria Themelore Gjilan

Ndalimet e personave me urdhër të prokurorit:

Prokuroria Themelore në Gjilan, në një rast, me urdhër të prokurorit kujdestar, të martën me datë 17 mars 2026 ka ndaluar një (1) person, i dyshuar për veprën penale Bashkësia jashtëmartesore me personin nën moshën gjashtëmbëdhjetë vjet nga neni 240 i Kodit Penal të Kosovës.

Aktakuzat:

Prokuroria Themelore në Gjilan, me datë 17 mars 2026 ka ngritur pesë (5) aktakuza kundër pesë (5) personave, për veprat penale, si në vijem:

Dy (2) aktakuza kundër dy (2) personave pë veprën penale “Cenimi i fshehtësisë së votimit ’’;

Një (1) aktakuzë kundër një (1) personi për veprën penale “Vjedhja”

Një (1) aktakuzë kundër një (1) personi për veprën penale “Posedimi i paautorizuar i narkotikëve, substancave psikotrope ose analoge”;

Një (1) aktakuzë kundër një (1) personi për veprën penale “Ndertimi pa leje, dhe Heqja apo dëmtimi i vulave zyrtare ose i shenjave”.

6. Prokuroria Themelore Gjakovë

Ndalimet e personave me urdhër të prokurorit:

Gjatë 24 orëve të fundit, me urdhër të prokurorit kujdestar, në Prokurorinë Themelore në Gjakovë, Departamenti i Përgjithshëm, ka ndaluar një (1) person, në kohëzgjatje prej 48 orësh, për shkak të veprës penale “Kanosja”.

Kërkesat për caktimin e masës së paraburgimit (apo masa tjera):

Prokuroria Themelore Gjakovë, ka parashtruar një (1) kërkesë për caktimin e masës së paraburgimit, kundër një (1) personi, për shkak të veprave penale “Vrasja e rëndë” dhe “Mbajtja në pronësi, kontroll ose posedim të paautorizuar të armëve”.

Aktakuzat:

Prokuroria Themelore në Gjakovë, ka ngritur katër (4) aktakuza, kundër katër (4) personave, për veprat penale, si në vijim:

Një (1) aktakuzë, kundër një (1) personi, për veprën penale “Dhuna në familje”,

Një (1) aktakuzë, kundër një (1) personi, për veprën penale “Lëndimi i lehtë truporë”,

Një (1) aktakuzë, kundër një (1) personi, për veprën penale “Kanosja”,

Një (1) aktakuzë, kundër një (1) personi, për veprën penale “Mbajtja në pronësi, kontroll ose posedim të paautorizuar të armëve”.

7. Prokuroria Themelore Mitrovicë

Ndalimet e personave me urdhër të prokurorit:

Prokuroria Themelore në Mitrovicë, gjatë 24 orëve të fundit ka ndaluar një (1) person për veprën penale “Vrasja në tentativë”, dy (2) persona për veprën penale “Shkaktimi i rrezikut të përgjithshëm“, një (1) person për veprën penale “Rrezikimi i trafikut publik“, si dhe një (1) person është ndaluar për veprën penale “Përvetësimi në detyrë“.

Aktakuzat:

Prokuroria Themelore në Mitrovicë, ka ngritur gjashtë (6) aktakuza kundër gjashtë (6) personave, për vepra të ndryshme penale.

Dy (2) aktakuza kundër dy (2) personave, për veprën penale “Lëndimi i lehtë trupor”,

Dy (2) aktakuza kundër dy (2) personave, për veprën penale “Dhuna në familje“,

Një (1) aktakuzë kundër një (1) personi, për veprën penale “Mbajtja në pronësi, kontroll ose posedim të paautorizuar të armëve”,

Një (1) aktakuzë kundër një (1) personi, për veprën penale “Kanosja”.

8. Prokuroria Themelore Ferizaj

Ndalimet e personave me urdhër të prokurorit:

Prokuroria Themelore në Ferizaj, Departamenti i Përgjithshëm me urdhër të prokurorit kujdestar, ka ndaluar një (1) person në kohëzgjatje prej 48-orësh, për shkak të dyshimit të veprës penale ““Mbajtja në pronësi, kontroll ose posedim të paautorizuar të armëve” dhe “Kanosja” sipas Kodit Penal të Republikës së Kosovës.

Aktakuzat:

Prokuroria Themelore në Ferizaj, ka ngritur tetë (8) aktakuza kundër pesëmbëdhjetë (15) personave, për veprat penale si në vijim:

Dy (2) aktakuza kundër dy (2) personave për veprën penale “Kanosja”,

Një (1) aktakuzë kundër tre (3) personave për veprën penale “Lëndimi i lehtë trupor”,

Një (1) aktakuzë kundër tre (3) personave për veprën penale “Vjedhja e pyllit”,

Një (1) aktakuzë kundër dy (2) personave për veprën penale “Ndërtimi pa leje”,

Një (1) aktakuzë kundër dy (2) personave për veprën penale “Mbajtja në pronësi, kontroll ose posedim të paautorizuar të armëve”,

Një (1) aktakuzë kundër një (1) personi për veprën penale “Vetëgjyqësia”.

Izraeli shënjestroi Ministrin iranian të Inteligjencës, Esmail Khatib, në një sulm gjatë natës në Teheran. Kështu është bërë me dije sipas një zyrtari izraelit. Ky sulm vjen një ditë pas vrasjes së zyrtarit më të lartë të sigurisë së vendit, Ali Larijani.

Zyrtari tha se Izraeli ende nuk e ka konfirmuar vdekjen e tij. Ministri izraelit i Mbrojtjes, Israel Katz, tha të martën se Izraeli do të vazhdojë të shënjestrojë dhe vrasë anëtarë të udhëheqjes së Iranit.

“Kryeministri dhe unë i kemi udhëzuar Forcat e Mbrojtjes së Izraelit të vazhdojnë ndjekjen e udhëheqjes së regjimit të terrorit dhe represionit në Iran”, tha Katz në një deklaratë.

Janë caktuar 30 ditë paraburgim ndaj prindërve të pesëvjeçarit në Janjevë të Lipjanit, të dyshuar për neglizhencë dhe keqtrajtim ndaj fëmijës.

Kështu ka konfirmuar zëdhënësja e Prokurorisë, Kaltrina Shal.

“E konfirmoj se është mbajtur seanca dëgjimore dhe është aprovuar kërkesa e Prokurorit të Shtetit për caktimin e masës së paraburgimit në kohëzgjatje prej 30 ditësh ndaj të pandehurve nga Gjykata kompetente”, tha Shala.

Pesëvjeçari u dërgua në QKUK në gjendje të rëndë shëndetësore, me plagë të rënda në shputa, dhe i njëjti pritet që sonte të hyjë në operim.

Sipas autoriteteve, ushtria amerikane hodhi bomba bunkerësh 2270 kilogramëshe në bazat nëntokësore të raketave iraniane pranë Ngushticës së Hormuzit të martën.

Sulmi masiv i njoftuar nga Komanda Qendrore e SHBA-së erdhi ndërsa lufta me Iranin kishte ndaluar rrjedhën e transportit detar përmes rrugës ujore jetësore të Gjirit Persik.

“Orë më parë, forcat amerikane përdorën me sukses municione të shumta depërtuese të thella 2270 kilogramëshe në bazat e raketave iraniane të përforcuara përgjatë vijës bregdetare të Iranit pranë Ngushticës së Hormuzit”, tha komanda rajonale në X rreth orës 7 të mbrëmjes.

“Raketat iraniane kundër anijeve në këto vende përbënin një rrezik për transportin ndërkombëtar detar në ngushticë”, shtoi CENTCOM.

Një zyrtar amerikan i tha CNN se municionet ishin GBU-72 Advanced 5K Penetrator, një eksploziv i lëshuar për herë të parë nga avionët amerikanë në vitin 2021.

Bomba masive u zhvillua për të “kapërcyer sfidat e shënjestrave të ngurtësuara, të varrosura thellë dhe u projektua si për avionë luftarakë ashtu edhe për bombardues”, sipas një njoftimi për shtyp të Forcave Ajrore të SHBA-së nga viti 2021.

Ngushtica e Hormuzit është mbyllur në mënyrë efektive nga një bllokadë iraniane duke përdorur mina, dronë dhe anije, duke ndaluar 27% të energjisë globale detare dhe duke shkaktuar rritjen e çmimeve të naftës mbi 100 dollarë për fuçi.

Trump, si publikisht ashtu edhe në mediat sociale, ka sulmuar aleatët evropianë – përfshirë Francën dhe Mbretërinë e Bashkuar – për refuzimin e tyre për të ndihmuar në rihapjen e rrugës ujore vendimtare.

SHBA-të do të “vazhdojnë të pakësojnë me shpejtësi aftësinë e Iranit për të kërcënuar lirinë e lundrimit në dhe përreth Ngushticës së Hormuzit”, tha admirali Brad Cooper, komandant i CENTCOM, në një deklaratë video të hënën.

“Progresi ynë mbetet i qëndrueshëm dhe ne mbetemi vigjilentë kundër armikut”, vazhdoi Cooper.

Lufta në Liban po lë pasoja të rënda tek fëmijët, ku çdo ditë po vritet ose plagoset një numër i barabartë me një klasë nxënësish, sipas një zyrtari të lartë të UNICEF.

Sipas të dhënave të Ministrisë së Shëndetësisë në Liban, të paktën 111 fëmijë janë vrarë dhe 334 janë plagosur nga sulmet izraelite që nga 2 marsi, kur grupi i armatosur Hezbollah iu bashkua konfliktit rajonal duke qëlluar drejt territorit izraelit. Kjo përkthehet në rreth 30 fëmijë të prekur çdo ditë, raporton Reuters.

Zëvendësdrejtori ekzekutiv i UNICEF-it, Ted Chaiban, tha se situata është alarmante: “Kjo është një klasë fëmijësh çdo ditë që ose vriten ose plagosen në Liban që nga fillimi i luftës”.

Sipas tij, përveç viktimave, lufta ua ka marrë fëmijëve ndjenjën e normalitetit dhe sigurisë. Në nivel rajonal, rreth 1,200 fëmijë janë vrarë në javët e fundit – afro 200 në Iran, katër në Izrael dhe një në Kuvajt.

“Fëmijët po paguajnë një çmim të tmerrshëm. Kërkesa jonë e parë është ulja e tensioneve dhe një zgjidhje politike për këtë luftë”, tha Chaiban për Reuters në Bejrut.

Ndërkohë, Izraeli ka deklaruar se nuk synon qëllimisht civilët dhe se paralajmërimet para sulmeve u japin atyre kohë të mjaftueshme për t’u larguar.