Author: K.B.

Qindra qytetarë janë mbledhur për të protestuar para Kuvendit të Kosovës kundër ekspozitës me pasaktësi “Masakrat e në Kosovë 1998–1999” e cila u vendos dy ditë më parë në sheshin e Prishtinës.

Protestuesit kaluan me forcë edhe Policinë e Kosovës për të kaluar tek objekti i Kuvendit.

“UÇK – Poshtë tradhtarët”,ishte një nga shkrimet e shkruara para Kuvendit.

Ekspozita mori kritika të shumta për pasaktësitë e detajeve të masakrave që kanë ndodhur gjatë luftës së fundit në Kosovë.

Kryetari i OVL-UÇK, Hysni Gucati në konferencë për media të dielën, tha se kjo ekspozitë ishte fyerje për këtë organizatë dhe jo vetëm.

Opinionistja, Aida Dërguti ka marrë pjesën në protestën e sotme të organizuar nga veteranët e UÇK-së, kundër ekspozitës, duke thënë se nuk do të lejojnë të poshtërohen e nëpërkëmben viktimat civile.

Sipas saj, autorët e kësaj siç e ka quajtur ajo shfrenim duhet të mbajnë përgjegjësi direkte.

“Veteranë, ndihemi jashtëzakonisht keq që gjatë luftës nuk patëm kapacitete të mjaftueshme të mbrojmë gjithë popullatën civile. Mirëpo, sot nuk do të lejojmë të poshtërohen e nëpërkëmben viktimat civile nga kushdo që në kohën e luftës ishte larg ngjarjeve të luftës e masakrave, ndërsa sot përdor referenca nga Serbia. Autorët e këtij shfrenimi mbajnë përgjegjësi direkte bashkë me aktorët politikë që e mundësuan atë. Barabartë, njësoj mbi çdo zyrtar që përdori fonde publike për të financuar një përmbajtje të tillë. Dhe kjo përbën një skandal të vërtetë. Institucionet shtetërore kanë detyrim të mbrojnë historinë e jo të subvencionojnë poshtërimin e saj”, ka thënë Durguti, raporton EO

Ajo, ka kërkuar llogaridhënie institucionale nga të gjithë për siç ka thënë zyrtarët që financuan ose miratuan këtë ekspozitë.

“Prandaj, kërkojmë llogaridhënie institucionale nga të gjithë zyrtarët që financuan ose miratuan këtë ekspozitë. Institucionet e drejtësisë do të shqyrtojnë pa vonesë veprimet e iniciatorëve. Po ashtu kërkojmë urgjentisht tërheqjen e botimeve të autorëve nga hapësirat publike dhe pikat e shitjes deri në përfundimin e procesit të llogaridhënies.

Gjithashtu e tutje, çdo libër apo ngjarje që ka të bëjë me luftën nuk guxon të sponsorizohet e as të shpërndahet nga institucionet e vendit pa kaluar nëpër filtrat e Institutit të Historisë dhe Akademisë së Shkencave dhe Arteve të Kosovës. Asnjë organ shtetëror nuk ka të drejtë të ofendojë luftën nga e kjo lindi Republika e Kosovës. Lavdi dëshmorëve dhe martirëve, gjaku i të cilëve u bë vulë e lirisë”, ka thënë ajo.

Prokuroria Themelore në Prishtinë ka njoftuar se ka iniciuar hetime lidhur me shembjen e dheut në rrugën “Don Shtjefën Kurti” në Komunën e Prishtinës.

Departamenti për Krime të Rënda, Njësiti për Hetimin e Krimeve Ekonomike dhe Korrupsion, ka autorizuar grumbullimin e të gjitha informatave dhe provave shtesë për të verifikuar nëse veprimet ose mosveprimet e zyrtarëve të komunës përbëjnë shkelje të nenit 414 të Kodit Penal për “Keqpërdorim të pozitës apo autoritetit zyrtar”.

“Prokuroria Themelore në Prishtinë përkatësisht Departamenti për Krime të Rënda- Njësiti për Hetimin e Krimeve Ekonomike dhe Korrupsion, njofton opinionin publik se më datë 30.03.2026, në kuadër të detyrës së tij zyrtare, ka inicuar një rast ndaj zyrtarëve përgjegjës të Komunës së Prishtinës, me qëllim të verifikimit nëse veprimet apo mosveprimet e tyre përbëjnë elemente të përgjegjësisë penale për kryerjen e veprës penale ‘’Keqpërdorim i pozitës apo autoritetit zyrtar’’, sipas nenit 414 të Kodit Penal të Republikës së Kosovës”, thuhet në njoftim.

Nënkryetarja e Kuvendit të Kosovës nga PDK-ja, Vlora Çitaku, ka deklaruar se kërkim-falja nuk mjafton për rastin e ekspozitës “Masakrat në Kosovë 1998–1999”, duke kërkuar hetim të veçantë për mënyrën se si është proceduar kërkesa

Ajo tha se në kërkesn që ju është ardhur në kryesi nuk ka pasur emrin e Shkelzen Gashit. Sipas saj pasaktësitë e evidentuara prekin drejtpërdrejt familjarët e viktimave dhe dëmtojnë të vërtetën historike.

“Nga pasaktësitë që u pa në ekspozitë, në raste të tilla kërkim falja nuk mjafton. Unë vetëm mund ta marr me mend se si janë ndjerë familjarët e viktimave të masakrës famëkeqe të Dubravës, nëna ime e ka një të vrarë aty. Ka pasur pasaktësi edhe të tjera por kjo ndikon në narracionin dhe të vërtetën historike. Këtu nuk duhet të përfundojë hetimi. Kërkesa ka ardhur nga organizata Integra, kërkesa i është drejtuar kryetares së Kuvendit pastaj ajo e ka ndarë më ne. Çfarë thuhet në kërkesë është që synohet që të publikohen fotografi të masakrave që kanë ndodhur në Kosovë gjatë vitit 1998-99. Se besoj që do të kishte njeri që nuk do ta pranonte mirëpo në kërkesën është nënshkruar nga Kushtrim Koliqi, askund nuk figuron emri i Shkëlzen Gashit dhe as që ekspozita do të bëhet bazuar në librin. Përtej pasaktësive këtu ka një manipulim të qëllimshëm dhe këtu duhet të ketë një hetim të veçantë, si ka ardhur kjo kërkesë, pse është mashtruar kryesia e Kuvendit. Këtu nuk ka asnjë emër të ndonjë organizate tjetër. Shoqata e Shkëlzen Gashit nuk është këtu, unë kurrë me dorën time nuk do të kisha nënshkruar atë që ka emrin e Shkëlzen Gashit, ai është një kontrovers. Kjo është një njollë që do të mbetet. Kam kërkuar rikthimin e mjeteve”, tha ajo.

Çitaku tha gjithashtu se deri më tani nuk kanë pranuar ftesë për takim nga kryeministri për çështjen e zgjedhjes së presidentit.

“Nuk kemi pranuar asnjë ftesë, do ta shohim formën dhe përmbajtjen dhe pastaj e shohim. Është shumë e rëndësishme që qytetarët e Kosovës ta kenë të qartë se ku është burimi i situatës”, tha ajo.

Para Kuvendit të Republikës së Kosovës, ka nisur protesta e thirrur nga OVL-UÇK kundër ekspozitës me pasaktësi “Masakrat në Kosovë 1998–1999” e vendosur dy ditë më parë në qendër të Prishtinës.

Kjo organizatë e kanë cilësuar atë ekspozitë si shtrembërim të së vërtetës për Luftën Çlirimtare.

Për të protestuar janë mbledhur qindra qytetarë para këtij institucioni.

Ekspozita e cila mori kritika të shumta për pasaktësitë e detajeve të masakrave që kanë ndodhur gjatë luftës së fundit në Kosovë, u përcjell edhe me reagimin e OVL-UÇK.

Kryetari i OVL-UÇK, Hysni Gucati në konferencë për media të dielën, tha se kjo ekspozitë ishte fyerje për këtë organizatë dhe jo vetëm.

Veteranët e luftës së UÇK-së, kanë tentuar të hyjnë me forcë në hyrje të Kuvendit, nga ana e deputetëve.

Aty shihen edhe zyrtarë policor të cilët mundohen t’i ndalojnë protestuesit.

Protesta e OCL- UÇK-së, është thirr kundër ekspozitës që u vendos në sheshet e Prishtinës, e cila pasqyroi pasaktësi për masakrat e Kosovës./Ekonomia Online

Kryesia e Kuvendit ka caktuar seancë për ditën e enjte.

Të enjten Kuvendi u rikthehet punimeve pas pezullimit të masës së përkohshme të cilën e pati caktuar Gjykata Kushtetueses.

Anëtarët e Kryesisë së Kuvendit kanë miratuar rendin e ditës për seancën e së enjtes.

Rendi i ditës i miratuar:

1. Miratimi i procesverbaleve nga seancat e mëparshme,

2. Deklarimet jashtë rendit të ditës,

3. Pyetjet parlamentare,

4. Shqyrtimi i Projektligjit nr.10/L-008 për Ratifikimin e Marrëveshjes për qasje në Arsimin e Lartë dhe pranim për studime në Ballkanin Perëndimor,

5. Shqyrtimi i Projektligjit nr.10/L-009 për Ratifikimin e Amendamentit “nr.3 të Marrëveshjes Financiare ndërmjet Republikës së Kosovës dhe Bashkimit Evropian, për Programin IPA 2018“,

6. Shqyrtimi i Projektligjit nr.10/L-010 për Ratifikimin e “Amendamentit nr. 2 të Marrëveshjes Financiare ndërmjet Republikës së Kosovës dhe Bashkimit Evropian, për Programin IPA 2017“,

7. Shqyrtimi i Projektligjit nr.10/L-011 për ratifikimin e Marrëveshjes së Kredisë mes Republikës së Kosovës dhe Bankës Evropiane për Investime për Projektin Energjia Diellore Fotovoltaike në KEK – Porta Globale,

8. Shqyrtimi i Projektligjit nr.10/L-012 për ratifikimin e Marrëveshjes së Kredisë ndërmjet Republikës së Kosovës, e Përfaqësuar nga Ministria e Financave, Punës dhe Transfereve dhe Bankës Evropiane për Rindërtim dhe Zhvillim (BERZh) për Projektin e efiçencës së energjisë në ndërtesa publike,

9. Shqyrtimi i Projektligjit nr.10/L-013 për ratifikimin e Marrëveshjes së Kredisë “ Projekti i Rrugës me Shpejtësi të Lartë Prishtinë – Mitrovicë” (Kredi shtesë) ndërmjet Fondit Saudit për Zhvillim dhe Republikës së Kosovës,

10. Shqyrtimi i Projektligjit nr.10/L-014 për ratifikimin e Marrëveshjes së Kredisë ndërmjet Republikës së Kosovës dhe Bankës Evropiane për Rindërtim dhe Zhvillim për Projektin “Impianti për Trajtimin e Ujërave të Zeza në Podujevë”,

11. Formimi i Komisionit Ad-Hoc për përzgjedhjen e kandidatëve për një (1) anëtar të Komisionit të Pavarura të Mediave,

12. Formimi i Komisionit Ad-Hoc për përzgjedhjen e kandidatëve për tre (3) anëtarë nga radhët e komunitetit shqiptar dhe për dy (2) anëtarë jo shumicë në Komisionin e Pavarura të Mediave,

13. Formimi i Komisionit Ad-Hoc për përzgjedhjen e kandidatëve për gjashtë (6) anëtarë nga komuniteti shqiptar, një (1) anëtar nga komuniteti serb dhe një (1) antar nga komunitetet jo shumicë në Bordin e Radiotelevizionit të Kosovës,

14. Propozimi i GP të Listës Serbe për emërimin e deputetit Branislav Nikoliq në komisione parlamentare.

3. Shqyrtimi i propozimeve dhe i kërkesave

Teherani thotë se “nuk kemi pasur asnjë kontakt të drejtpërdrejtë me SHBA” dhe se “flitet për kërkesa të tepërta dhe të paarsyeshme.

Zëdhënësi i Ministrisë së Jashtme iraniane, Esmail Baghaei, tha të hënën se Teherani “nuk ka zhvilluar asnjë negociatë të drejtpërdrejtë me Shtetet e Bashkuara deri më tani”.

“Ajo që është diskutuar janë mesazhe që kemi marrë përmes ndërmjetësve, sipas të cilave Shtetet e Bashkuara duan të negociojnë”, tha Baghaei në deklaratat e transmetuara nga agjencia gjysmëzyrtare e lajmeve Tasnim.

“Pyes veten se sa njerëz në Amerikë i marrin seriozisht pretendimet e diplomacisë amerikane! Detyra jonë është e qartë, ndryshe nga pala tjetër, e cila vazhdon të ndryshojë qëndrimin e saj”, shtoi ai.

Ministri theksoi se Irani e ka të qartë qëndrimin e tij në këtë situatë konflikti.

“Irani ka qenë i qartë në lidhje me qëndrimin e tij që nga fillimi dhe ne e dimë shumë mirë se cili është kuadri që po shqyrtojmë. Materiali që na u transferua përfshinte kërkesa të tepërta dhe të paarsyeshme”, tha Baghaei.

Dhe në fund vuri në dukje negociatat nëpërmjet Pakistanit, i cili ka shprehur interesin e ndërmjetësuesit për t’i dhënë fund luftës.

“Takimet që po zhvillon Pakistani janë një kuadër që ata vetë e vendosën dhe në të cilin ne nuk morëm pjesë. “Është pozitive që vendet në rajon janë të interesuara të përfundojnë luftën, por ato duhet të jenë të kujdesshme se cila palë e filloi luftën”, tha ai.

Spanja ka mbyllur hapësirën e saj ajrore për avionët amerikanë të përfshirë në sulmet ndaj Iranit, tha të hënën ministrja e Mbrojtjes, Margarita Robles.

“Ne nuk autorizojmë përdorimin e bazave ushtarake apo të hapësirës ajrore për veprime që lidhen me luftën në Iran,” tha ajo për gazetarët në Madrid. Ky vendim detyron avionët ushtarakë të shmangin Spanjën, një anëtare e NATO-s, gjatë udhëtimit drejt Lindjes së Mesme, por nuk përfshin situata emergjente, raportoi El País.

Ministri i Ekonomisë, Carlos Cuerpo, tha se ky vendim pasqyron qëndrimin e qeverisë spanjolle për të mos marrë pjesë në një luftë që, sipas tyre, është nisur në mënyrë të njëanshme dhe kundër së drejtës ndërkombëtare.

Kryeministri spanjoll, Pedro Sánchez, ka qenë një prej kritikëve më të ashpër të sulmeve amerikane dhe izraelite ndaj Iranit, duke i cilësuar ato të pakujdesshme dhe të paligjshme. Ndërkaq, Presidenti amerikan Donald Trump ka kërcënuar të ndërpresë tregtinë me Madridin për refuzimin e përdorimit të bazave spanjolle, raporton Reuters.

Sot, në mbledhjen e shtatë të Qeverisë së Republikës së Kosovës u miratua propozim – vendimi për dërgimin e kontingjentit të Forcës së Sigurisë së Kosovës në kuadër të Forcës Stabilizuese Ndërkombëtare për Gazën.

Nëpërmjet këtij propozim – vendimi, Republika e Kosovës po merr rol aktiv në sigurinë ndërkombëtare dhe po dëshmon gatishmëri për ta ruajtur stabilitetin rajonal.Në vijim gjeni postimin e plotë të ministrit të Mbrojtjes, Ejup Maqedonci:

“Sot, në mbledhjen e Qeverisë, miratuam propozim-vendimin për dërgimin e kontingjentit të Forcës së Sigurisë së Kosovës, si pjesë e Forcës Stabilizuese Ndërkombëtare për Gazën.