Kryeministri Edi Rama ka mbledhur ditën e sotme Grupin Parlamentar të PS-së.
Rama ka pak minuta që ka mbërritur në Kryesinë e Kuvendit ku po zhvillohet mbledhja.
Top Channel raporton se kjo është një mbledhje rutinë që e zhvillojnë për të diskutuar mbi agjendën parlamentare.
Takimi vjen në kuadër të nismës “Punët për Shqipërinë” dhe kishte në fokus rienergjizimin dhe procesin zgjedhor në forumet drejtuese./TCh/
Pranvera është sezoni i freskisë dhe rigjallërimit, dhe ushqimi që zgjedhim luan rol kyçn në energjinë dhe shëndetin tonë.
Frutat dhe perimet e sezonit janë burim i pasur vitaminash dhe mineralesh,
Disa rekomandime për këtë sezon:
Frutat e freskëta
Portokallet, mandarinat, luleshtrydhet dhe kivi janë të pasura me vitaminë C.
Perimet e gjelbra
Spinaqi, rukola, lakrat dhe asparagu janë të pasura me antioksidantë dhe fibra.
Ushqimet me proteina të lehta
Peshku, pulë dhe vezë ndihmojnë energjinë pa rënduar stomakun.
Erëzat dhe bimët aromatike
Majdanozi, borziloku dhe rigoni jo vetëm shtojnë shije, por përmirësojnë tretjen.
Këshilla kryesore është të konsumoni sa më shumë ushqime të freskëta, të sezonit dhe të shmangni ato shumë të përpunuara. Kjo ndihmon trupin të pastrohet dhe të përgatitet për ditët e ngrohta që vijnë.
Në Galerinë e Arteve në Pejë sot mbahen dy ngjarje kulturore. Nga ora 12:00 promovohet libri “Karavani i Rozhajës”, i autorit Hilmo Haxhiq, ndërsa nga ora 18:00 hapet ekspozita kolektive e disa prej artistëve të njohur vendorë.
Në këtë ekspozitë do të prezantohen punimet e artistëve: Abdyl Berisha, Faik Krasniqi, Ferid Morina, Haxhi Krasniqi, Musa Kalaveshi, Nagip Belegu, Nijazi Llonqari, Nysret Ramosaj, Shefqet Borinca, Zijah Radoniqi dhe Zymer Mulliqi.
Kryetarja e Gjykatës Themelore në Prizren, Shpresa Emra, ka folur për aksionin ndaj të dyshuarve për keqpërdorim me vota, derisa tha se Gjykata nuk ka pasur kapacitet për 109 të ndaluarit.
Ajo tha se ka qenë hera e parë kur kjo Gjykatë është përballur me numër kaq të madh të personave të ndaluar. Sipas saj, ka qenë sfidë e theksuar numri i madh i personave të ndaluar.
“Sa i përket rasteve të njohura, nga kapitulli i të drejtave të votimit, ka qenë sfidë e theksuar për shkak të numrit të madh të personave të ndaluar, ku 109 persona janë ndaluar me masë të ndalimit 48 orë, ndërsa, 28 prej tyre i është parashtru kërkesa për caktimin e masës së paraburgimit”, tha ajo.
Kryetarja bëri të ditur se në bashkëpunim me Prokurorinë, janë organizuar dhe kanë caktuar nga katër prokurorë dhe gjyqtarë.
“Duke pasur parasysh se ky numër ka qenë shumë i madh, në bashkëpunim me Prokurorinë, jemi organizu dhe i kemi caktu gjyqtarët, Prokuroria i ka caktu katër prokurorë, ne i kemi caktu katër gjyqtarë dhe gjashtë bashkëpunëtorë profesionalë, të cilët kanë punu 24 orë, në mënyrë që procesi të shkojë në mënyrë të rregullt dhe mos të ketë ngecje”, u shpreh Emra.
Emra theksoi se kjo ka qenë sfidë për ta për shkak se nuk kanë pasur hapësira të mjaftueshme dhe nuk e dinë se si do i menaxhonin në rast se Prokuroria do kishte shkuar me 109 të ndaluar.
“Ne kemi qenë Gjykata e parë e cila ka fillu me këto lëndë. Domethënë me këto çështjet në lidhje me votimet dhe besoj që ka qenë sfidë për ne, për arsye se edhe objektin e kemi të vjetër edhe hapësira të mjaftueshme nuk kemi pas, edhe në fillim kanë qenë 109 të ndalum edhe nëse Prokuroria do kishte shkuar me 109, nuk e dimë se si do e kishim menaxhuar, 109, 109 avokatë, policë, kjo gjykatë nuk ka pasur kapacitet për menaxhimin, por me 23 persona i kemi menaxhu katër gjyqtarë edhe gjashtë bashkëpunëtorë edhe sigurisht se edhe me avokatë edhe me sigurim edhe me krejt, ka shku në mënyrë të rregullt”, tha ajo./Betimi për Drejtësi
Sipas analistit Dardan Sejdiu, duhen “pesë minuta punë” për zgjidhjen e problemit të presidentit.
Ai shpjegoi se nëse kryeministri i Kosovës Albin Kurti, është i interesuar të bashkëpunojë me Partinë Demokratike të Kosovës, kryhet kjo.
“Problemi i presidentit është inekzistent. Problemin e presidentit e krijon ky, e sajon ky e mirëmban. Nëse ke thënë sot që me LDK-në s’bëhet kjo punë me Bedri Hamzën, me PDK-në kryhet kjo punë”, deklaroi Sejdiu në Klan Kosova.
Gjatë ditës së djeshme, lideri i VV-së pati një takim me kryetarin e LDK-së Lumir Abdixhikun, ku diskutoi rreth temës së presidentit, për të cilin u shpreh optimist se do të gjendet një zgjidhje brenda afatit të mbetur.
Po ashtu tha se shpreson ta takojë edhe kryetarin e PDK-së Bedri Hamza.
Komisioni për Mbikëqyrjen e Agjencisë së Kosovës për Inteligjencë ka filluar mbledhjen e së martës, ku ka pasur disa pika të rendit të ditës.
Por, me të filluar mbledhja, ajo është mbyllur për media.
Përveç miratimit të proceverbalit të mbledhjes së kaluar, në rend dite është edhe shqyrtimi i planit të punës së Komisionit për sesionin pranveror të viti 2026 dhe të ndryshme.
Visar Azemi në cilësinë e dëshmitarit është duke dhënë dëshminë e tij në departamentin e Hetimeve të Policisë së Kosovës lidhur me njehsorët elektrik.
Azemi në një konferencë për medie, tha se është ftuar nga prokuroria në cilësinë e dëshmitarit dhe do t’i paraqes dëshmitë e tij.
Sipas tij, ky skandal i madh me njehsorët elektrik po tenton të minimizohet nga ana e KEDS dhe Ministrisë së Ekonomisë.
“Unë jam ftuar nga drejtoria për krime ekonomike për t’i paraqitur dëshmitë e mijë që i kam mbledhur dhe qytetarëve që mi kanë dërguar në adresën time të paraqes të gjitha të dhënat duke besuar në policinë dhe prokurorinë e Kosovës”, tha ai.
Visar Azemi nga LDK paralajmëroi se do te iniciojë edhe një peticion përmes të cilit do të kërkohet kthimi i parave tek qytetarët.
LDK-ja i çon në polici dëshmitë për skandalin e KEDS-it me njehsorët elektrikë
Gjykata Themelore në Prishtinë ka shpallur aktgjykim dënues ndaj të akuzuarit Idriz Alija lidhur me akuzën për vrasje të rëndë në tentativë ndaj gruas me të cilën bashkëjetoi Sh.T. Ai u shpall fajtor dhe u dënua me dënim unik prej 11 vjet burgim.
Në këtë rast, Idriz Alija akuzohej për tentim vrasje të rëndë ndaj Sh.T., me të cilën kishte bashkëjetuar. Po ashtu, akuzohet për armëmbajtje pa leje dhe mospërfillje të gjykatës, raporton “Betimi për Drejtësi”.
Aktgjykimi u shpall të martën nga kryetarja e trupit gjykues, Medie Bytyqi dhe anëtarët Gëzim Ademi dhe Alltën Murseli.
Sipas vendimit, për vrasje të rëndë në tentativë, Alija u dënua me 10 vjet burgim, për “Armëmbajtje pa leje” u dënua me 1 vit burgim, kurse për “Mosërfillje të gjykatës” u dënua me 6 muaj burgim. Ndaj tij, Gjykata shpalli dënim unik prej 11 vjet burgim.
Në dënimin me burgim, të akuzuarit i llogaritet koha e kaluar në paraburgim. Ai obligohet të paguajë shpenzimet e procedurës gjyqësore dhe atë për paushallin gjyqësor 150 euro dhe 50 euro të tjera për Fondin për Kompensimin e Viktimave të Krimit.
Urdhërohet konfisikimi i përhershëm i pistoletës me një karikator dhe tre fishekë. Po ashtu, u urdhërua Policia që në bashkëpunim me Prokurorinë pas plotfuqishmërisë së aktgjykimit të bëjë shkatërrimin e sendeve të konfiskuara.
E dëmtuara u udhëzua në kontest të rregullt juridiko-civil.
Të akuzuarit Alija, me aktvendim të veçantë i vazhdohet paraburgimi.
Kundër këtij aktgjykimi, palët kanë të drejtë ankese në afat prej 30 ditësh.
Ndryshe, në shpallje nuk ishte i pranishëm i akuzuari Alija, por vetëm avokati i tij, Haxhi Millaku.
Në dispozitivin e parë të aktakuzës, thuhet se më 6 gusht 2024, rreth orës 7:33 minuta, i pandehuri Idriz Alija në rrugën e “Pejës”, afër semaforëve në fshatin Bresje të Fushë-Kosovës, për shkak të mosmarrëveshjeve paraprake dhe raportimit të dy rasteve tjera të dhunës në familje, me qëllim tenton ta privojë nga jeta anëtarin e familjes, të dëmtuarën Sh.T., me të cilën ka bashkëjetuar. Përderisa e dëmtuara ishte me djalin e saj E.T., duke ecur në rrugë, i ka përcjellë nga mbrapa.
Aty thuhet se posa të dëmtuarit kalojnë vendkalimin për këmbësorë, i pandehuri përshpejton hapat, e nxjerr armën nga brezi, me dy duart e repetit, vrapon pas tyre nga mbrapa, në mënyrë dinake nga afërsia shkrep me armë zjarri në trupin e të dëmtuarës, pastaj e godet me duar në fytyrë e cila rrëzohet në tokë.
Tutje, në aktakuzë thuhet se pas këtij veprimi të të akuzuarit, djali i të dëmtuarës, i mitur E.T, tenton ta largojë nga ajo, derisa i pandehuri sërish shkrep disa herë mbi trupin e të dëmtuarës, e mandej e godet me forcë të madhe rreth tetë ose nëntë herë në kokë me kondak të armës së zjarrit, derisa dy qytetarë të rastit me forcë arrijnë t’ia largojnë armën e zjarrit, duke e hedhur atë në trotuar dhe e shtrijnë për toke, ku më pas të njëjtin policia e arreston.
Si pasojë e këtyre veprimeve të të pandehurit, thuhet se të dëmtuarës i shkaktohen tri plagë hyrëse-tejshkuese nga arma e zjarrit, ku si dëshmi posedon raportet mjekësore dhe e njëjta është hospitalizuar në Klinikën e Kirurgjisë Torakale, me ç’rast sipas ekspertizës mjeko-ligjore, ajo ka pësuar dëmtime të rënda trupore dhe të rrezikshme për jetën.
Me këtë, i pandehuri Alija ngarkohej se ka kryer veprën penale “Vrasja e rëndë në tentativë’ nga neni 173, paragrafi 1, pikat 1.3 dhe 1.5 lidhur me nenin 28, i Kodit Penal.
Gjithnjë sipas aktakuzës, në dispozitivin e dytë të saj, me datë, kohë dhe vend të përshkruar si në dispozitivin e parë, i pandehuri ka mbajtur në pronësi, kontroll ose posedim të paautorizuar në shkelje me ligjin e zbatueshëm për armët një pistoletë të tipit “Cervena Zastava” M-57, me të cilën ka shkrepur në trupin e të dëmtuarës disa herë, 3 nga gëzhojat e së cilës armë janë gjetur në vendin e ngjarjes si dhe një predhë, kurse armën e ka marrë një person i cili largohet nga vend i ngjarjes, ndërkaq Policia pas veprimeve hetimore më pas e ka gjetur armën dhe ka identifikuar personin nga i cili sekuestrohet arma e zjarrit. Gjithashtu, edhe ndaj këtij personi u iniciua procedurë penale.
Me këtë, i pandehuri Idriz Alija akuzohej se ka kryer veprën penale “Mbajtje në pronës, kontroll ose posedim të paautorizuar të armëve”, nga neni 366, paragrafi 1 i Kodit Penal.
Në dispozitivin e tretë të aktakuzës, i pandehuri Alija ngarkohet se nuk i është bindur aktvendimit të Gjykatës Themelore në Prishtinë, dega Fushë-Kosovë, Departamenti i Përgjithshëm, Divizioni Penal, përmes të cilit e kishte të ndaluar t’i afrohej të dëmtuarës-bashkëjetuese të tij, 20 metra në vende publike dhe 100 metra nga vendqëndrimi i tyre aktual.
Për këtë veprim, i pandehuri Alija akuzohej se ka kryer veprën penale “Mospërfillja e gjykatës” nga neni 393, paragrafi 1 i Kodit Penal.
Barcelona hodhi një hap të rëndësishëm drejt titullit në La Liga, pasi mposhti Atletico Madrid me rezultatin 2-1, duke e çuar diferencën në shtatë pikë ndaj Real Madridit.
Megjithatë, fundi i ndeshjes u shoqërua me tensione të dukshme, pasi Lamine Yamal u pa i frustruar teksa largohej nga fusha, duke injoruar përpjekjet e trajnerit Hansi Flick për ta qetësuar.
Pamjet televizive treguan gjithashtu se sulmuesi i ri reagoi me irritim edhe në momentin kur Robert Lewandowski realizoi golin e fitores në minutën e 87-të.
Fillimisht pati spekulime të ndryshme mbi arsyet e sjelljes së tij, por duket se incidenti nuk lidhej me abuzim racor gjatë ndeshjes.
Sipas raportimeve të para nga “Mundo Deportivo”, shkaku kryesor i pakënaqësisë së Yamal lidhej me një debat në fund të ndeshjes me trajnerin e portierëve, Jose Ramon de la Fuente.
Ky i fundit është parë duke i kërkuar lojtarit që të lëvizte topin më shpejt në dy raste vendimtare, ku Yamal fillimisht humbi kontrollin dhe më pas goditi mbi portë.
Reagimi i lojtarit ishte i menjëhershëm, duke drejtuar gishtin nga anëtari i stafit teksa largohej drejt tunelit.
Pamje të tjera nga transmetuesi DAZN tregojnë Yamal duke përsëritur dy herë frazën “Çfarë doni të bëj?”, ndërsa de la Fuente vazhdonte t’i bërtiste nga zona teknike.
De la Fuente është pjesë e stafit të Barcelonës që nga viti 2012, kur iu bashkua klubit gjatë periudhës së Tito Vilanova.
Ai ka një eksperiencë të gjatë si trajner dhe më herët ka punuar me klube si Hercules, Racing Santander dhe Gimnastic de Tarragona, pasi kishte zhvilluar edhe një karrierë si portier në futbollin katalanas.
Gjithashtu, ai është formuar në akademinë e njohur La Masia.
Gjatë verës së kaluar u raportua se e ardhmja e tij mund të vihej në pikëpyetje në rast të një largimi të kapitenit Marc-Andre ter Stegen, me të cilin ka një marrëdhënie të ngushtë profesionale.
Pavarësisht kësaj, Flick ka folur vazhdimisht në terma pozitivë për de la Fuente, duke theksuar rolin e tij të rëndësishëm në përshtatjen e stafit teknik dhe funksionimin e ekipit.
Në tunelin e Llogarasë pritet që brenda këtij muaji të nis dhe aplikimi i tarifave, ndërsa deri më tani kalimi është bërë pa pagesë.
Punimet për vendosjen e sistemit të pagesës tashmë kanë hyrë në fazën përfundimtare, ndërsa këtë të hënë janë zhvilluar dhe testet e fundit për funksionimin e pajisjeve.
Kudo janë vendosur kamerat e sigurisë dhe sistemet elektronike që do të pasojnë më pas me tarifimin e çdo mjeti që kalon në këtë aks.
Pagesa pritet të nisë nga 100 lekë për motoçikletat dhe maksimumi do të jetë 5 mijë lekë për mjetet e tonazhit të rëndë.
Për autoveturat tarifa e kalimit do të jetë 250 lekë, ose 500 lekë vajtje-ardhje, 500 lekë për mjete me karroceri, dhe 1000 lekë për furgonë e autobusë. /tch/