ATV

Author: K.B.

  • Presidenti i Iranit pretendon se mbi 14 milionë iranianë kanë dalë vullnetarë për të luftuar në mbrojtje të vendit

    Presidenti i Iranit pretendon se mbi 14 milionë iranianë kanë dalë vullnetarë për të luftuar në mbrojtje të vendit

    Presidenti i Iranit, Masoud Pzeshkian, ka pretenduar se mbi 14 milionë iranianë kanë dalë vullnetarë për të luftuar, raporton NBC News.

    Ai ka deklaruar se ata janë ofruar vullnetarisht për të luftuar në mbrojtje të vendit.

    Në një postim në X, Pezeshkian tha se iranianët janë të gatshëm të “sakrifikojnë jetën e tyre”.

    “Më shumë se 14 milionë iranianë krenarë deri më tani kanë shpallur gatishmërinë e tyre për të sakrifikuar jetën për të mbrojtur Iranin. Edhe unë kam qenë, jam dhe do të jem i gatshëm të jap jetën për Iranin”, ka deklaruar Pezeshkian.

  • ‘‘Po e rikthejmë teleferikun e Germisë’’, Rama: Parku është potencial i pashfrytëzuar

    ‘‘Po e rikthejmë teleferikun e Germisë’’, Rama: Parku është potencial i pashfrytëzuar

    Kryetari i Prishtinës, Perparim Rama, ka thënë se po e rikthejnë teleferikun e Germisë, duke shtuar se parku është hapësirë e përbashkët, dhe një potencial i pashfrytëzuar.

    Rama ka thënë se hapat konkretë për realizimin e këtij projekti janë diskutuar në një takim me me përfaqësues të komunitetit sportiv, organizatave rekreative dhe institucioneve relevante, përcjell Gazeta Express.

    ‘’ Duke qenë se Gërmia është zonë e mbrojtur, çdo hap do të ndërmerret me kujdes maksimal, në përputhje të plotë me standardet më të larta mjedisore dhe kornizën ligjore në fuqi’’, ka shtuar Rama.

    Postimi:

    Po e rikthejmë teleferikun e Gërmisë 🚡

    Rikthimi i ski-liftit nuk është thjesht një projekt, është rikthim i një ndjenje që shumëkush e mban mend, dhe një mundësi e re për brezat që vijnë.

    Gërmia ka qenë gjithmonë më shumë se një park, është hapësira jonë e përbashkët, frymëmarrja e qytetit dhe një potencial i pashfrytëzuar për t’u kthyer në një pistë të vërtetë skijimi dhe pistë për sporte tjere reakreative.

    Në një takim të zgjeruar me përfaqësues të komunitetit sportiv, organizatave rekreative dhe institucioneve relevante, janë diskutuar në detaje hapat konkretë për realizimin e këtij projekti, i cili tashmë po merr trajtë të qartë zhvillimore.

    Duke qenë se Gërmia është zonë e mbrojtur, çdo hap do të ndërmerret me kujdes maksimal, në përputhje të plotë me standardet më të larta mjedisore dhe kornizën ligjore në fuqi.

    Në koordinim të ngushtë me institucionet qendrore, po punohet intensivisht për qartësimin e procedurave dhe krijimin e bazës së nevojshme ligjore dhe teknike për jetësimin e këtij projekti.

    Një zhvillim i madh është në horizont.

  • Çështja e presidentit, Haziri: Pa marrëveshje për bashkëpunim s’ka rezultat, kompromisi është vlerë e jo dobësi

    Çështja e presidentit, Haziri: Pa marrëveshje për bashkëpunim s’ka rezultat, kompromisi është vlerë e jo dobësi

    Deputeti i Lidhjes Demokratike të Kosovës, Lutfi Haziri, lidhur me çështjen e presidentit, ka thënë se gjatë këtij muaji do të vërtetohet nëse ka vullnet politike, dhe, pa marrëveshje për bashkëpunim s’do të ketë rezultat.

    Haziri, ka vlerësuar edhe se, pragmatizmi dhe kompromisi janë vlera politike e jo dobësi, dhe se, populli i Kosovës, nuk meriton qeverisje tjetër po asaj euroatlantike, përcjell Gazeta Express.

    ‘’ Në të kundërtën, Kosova, për mungesë pragmatizmi, duhet të zgjedhë përmes gjykatësve të Gjykatës Kushtetuese ose zgjedhjeve 8-milionëshe’’, ka thënë Haziri.

    Postimi:

    Populli i Kosovës është europian me orientim, nuk meriton qeverisje tjetër pos asaj euroatlantike, ku LDK tash e 37 vjet beson, punon e ndërton!

    Prilli është muaji që do të determinojë nëse ka vullnet politik në Kosovë, nëse ka marrëveshje për bashkëpunim, pa të cilën nuk del rezultati, sepse pragmatizmi dhe kompromisi janë vlera politike e jo dobësi.

    Sa më shumë fiton mbështetje, bëhesh më i përgjegjshëm, sepse duhet ndarë me të tjerët.

    Në të kundërtën, Kosova, për mungesë pragmatizmi, duhet të zgjedhë përmes gjykatësve të Gjykatës Kushtetuese ose zgjedhjeve 8-milionëshe.

    Ky popull i Kosovës është europian me orientim, nuk meriton qeverisje tjetër pos asaj euroatlantike, ku LDK tash e 37 vjet beson, punon e ndërton!

  • Kusari: Këta janë emrat e deputetëve që do të marrin vendime jetike për mediat

    Kusari: Këta janë emrat e deputetëve që do të marrin vendime jetike për mediat

    Juristja e medias Flutura Kusari ka publikuar listën e anëtarëve të dy komisioneve parlamentare ad-hoc të themeluara për zgjedhjen e anëtarëve në Komisionin e Pavarur të Mediave dhe Radio Televizionin e Kosovës.

    Kusari ka thënë se anëtarët e dy komisioneve të përkohshme, në ditët në vijim, do të marrin vendime jetike për fushën e mediave.

    KPM është organi rregullues i mediave, të cilin pushteti aktual ka provuar ta fusë nën kontroll përmes dërgimit të njerëzve të lidhur me Vetëvendosjen dhe përmes tij të vendosë nën trysni mediat.

    Në anën tjetër, RTK-ja tashmë kontrollohet defacto nga Vetëvendosje, e cila ka instaluar një ish-aktivist si drejtor të Transmetuesit Publik.

    Postimi i plotë i Kusarit:

    Në ditët në vijim, do të zgjedhen anëtaret e KPM-së dhe RTK-së.

    Këta janë emrat e deputetëve të komisioneve ad hoc që do të marrin vendime me rëndësi jetike në fushën e mediave.

    Emrat i kam siguruar përmes kërkesës për qasje në dokumente publike në Kuvend të Kosovës, institucion ky që kthen përgjigje në kohë rekorde.
    ____
    Përbërja e Komisionit Ad-Hoc për përzgjedhjen e kandidatëve për anëtar të Komisionit të Pavarura të Mediave:

    Grupi Parlamentar i LVV-së
    Alban Bajrami – kryetar
    Arbëreshë Kryeziu Hyseni
    Egzon Azemi
    Fitim Haziri
    Nezir Kraki

    Grupi Parlamentar i PDK-së
    Ariana Musliu Shoshi –Zëvendëskryetare e parë
    Ganimete Musliu

    Grupi Parlamentar i LDK-së
    Ermal Sadiku

    Grupi Parlamentar i Listës Serbe
    Igor Simiq- Zëvendëskryetar i dytë

    Grupi Parlamentar Multietnik
    Fridon Lala

    Grupi Parlamentar i AAK-së
    Time Kadrijaj
    _____
    Përbërja e Komisionit Ad-Hoc për përzgjedhjen e kandidatëve për gjashtë (6) anëtarë nga komuniteti shqiptar, një (1) anëtar nga komuniteti serb dhe një (1) anëtar nga komunitetet jo shumicë në Bordin e Radiotelevizionit të Kosovës:

    Grupi Parlamentar i LVV-së

    Arbërie Nagavci- kryetare
    Arbëreshë Kryeziu Hyseni
    Egzon Azemi
    Fitim Haziri
    Nezir Kraki

    Grupi Parlamentar i PDK-së
    Ariana Musliu Shoshi
    Ganimete Musliu

    Grupi Parlamentar i LDK-së
    Armend Zemaj- Zëvendëskryetar i parë
    Grupi Parlamentar i Listës Serbe
    Slavko Simiq

    Grupi Parlamentar Multietnik
    Emilija Rexhepi- Zëvendëskryetare e dytë
    Grupi Parlamentar i AAK-së
    Time Kadrijaj

  • Rihapet ura që e lidh Arabinë Saudite me Bahreinin

    Rihapet ura që e lidh Arabinë Saudite me Bahreinin

    Është rihapur lidhja e vetme rrugore mes Arabisë Saudite dhe Bahreinit, pasi ishte mbyllur përkohësisht për arsye sigurie gjatë sulmeve ajrore iraniane.

    Autoritetet kishin pezulluar qarkullimin në ‘Rruga e Mbretit Fahd’ si masë paraprake, për shkak të frikës nga mbeturinat e mundshme pas sulmeve ndaj objekteve energjetike në zonë.

    Rreth pesë orë më vonë, u njoftua rihapja e urës, ndërsa autoritetet konfirmuan në rrjetet sociale se lëvizja e automjeteve kishte rifilluar normalisht, shkruan TCH.

    Rruga e Mbretit Fahd është një korridor strategjik prej rreth 25 kilometrash, i përbërë nga një seri urash që lidhin dy vendet e Gjirit dhe shërben si nyja kryesore e transportit mes tyre.

  • E kërcënoi dhe e fyeu, Haradinaj për Korab Bajgorën: Askush mbi ligjin, të gjithë e marrin ndëshkimin që u takon

    E kërcënoi dhe e fyeu, Haradinaj për Korab Bajgorën: Askush mbi ligjin, të gjithë e marrin ndëshkimin që u takon

    Ditë më parë, një person, Korab Bajgora, përmes një video të postuar në Facebook, ka kërcënuar, sharë e fyer, kryetarin e Aleancës për Ardhmërinë e Kosovës, Ramush Haradinajn dhe familjen e tij.

    I njëjti, më vonë u arrestuar, dhe për të, Prokuroria Themelore në Pejë ka bërë kërkesë për caktimin e masës së paraburgimit.

    Lidhur me këtë rast, është deklaruar vetë Haradinaj, ka thënë se të gjithë e marrin ndëshkimin që u takon, ose nga ligji ose nga zoti.

    “Kushdo, të gjithë kanë me marr ndëshkimin për aq sa i takon, ja prej ligjit ja prej Zotit. Çka do që e bajnë kanë me pagu, kushdo që e bon mbi këtë dhe, pra kanë me marrë, ja prej ligjit ja prej zotit”, tha dje Haradinaj në Debatplus.

  • Albulena Haxhiu nis punën si ushtruese e detyrës së presidentes

    Albulena Haxhiu nis punën si ushtruese e detyrës së presidentes

    Ushtruesja e detyrës së presidentes, Albulena Haxhiu, është mirëpritur me lule nga stafi i Presidencës në ditën e saj të parë në Zyrën e Presidentes, pasi e mori këtë detyrë të shtunën gjatë ceremonisë zyrtare nga ish-presidentja Vjosa Osmani.

    “Ju uroj shëndet e punë të mbarë dhe uroj që secili në këtë institucion ta bëjë dhe të japë më të mirën nga vetja”, iu tha Haxhiu stafit të Presidencës.

    Ajo ndau gjithashtu një video në Facebook nga pritja që i është bërë në Presidencë.

    “Faleminderit stafit të Presidencës për pritjen e ngrohtë dhe atmosferën e këndshme në mëngjesin e sotëm”, shkroi udhëheqësja Haxhiu.

  • Komuna e Istogut vendos tabela paralajmëruese për ruajtjen e mjedisit

    Komuna e Istogut vendos tabela paralajmëruese për ruajtjen e mjedisit

    Komuna e Istogut ka vendosur tabela paralajmëruese në disa zona të qytetit, me qëllim rritjen e vetëdijes dhe përkujdesjes ndaj mjedisit.

    Nga Drejtoria e Inspeksionit bëhet thirrje që qytetarët të respektojnë rregullat dhe të mos hedhin mbeturina jashtë hapësirave të caktuara, pasi shkeljet ndëshkohen me gjobë sipas ligjit në fuqi.

    Komuna njofton se do të vazhdojë me masa konkrete për mbrojtjen e ambientit dhe për promovimin e ndërgjegjësimit publik.

  • LDK i përgjigjet Haradinajt që tha se s’i intereson takimi me Abdixhikun: Korrektësinë tonë po e shndërron ne sulm publik

    LDK i përgjigjet Haradinajt që tha se s’i intereson takimi me Abdixhikun: Korrektësinë tonë po e shndërron ne sulm publik

    Lidhja Demokratike e Kosovës i është përgjigjur kreut të AAK-së, Ramush Haradinaj, i cili ka thënë se s’ka interes të takohet me kreun e kësaj partie për ta pyetur rreth diskutimeve me kreun e LVV-së, Albin Kurtin, për temën e presidentit.

    LDK në një përgjigje për Express kanë thënë se kërkesa e Abdixhikut për takim me Haradinajn s’ka qenë dhe s’është çështje e ndonjë “roli” që po tentohet të imponohet në publik.

    “Ka qenë një minimum korrektese politike dhe institucionale, i ndërtuar ndër vite, veçanërisht në rrethana që kërkojnë koordinim dhe përgjegjësi”, kanë thënë nga LDK.

    Sipas kësaj partie, shndërrimi i kërkesës për takim në sulm publik nuk është e denjë për nivelin e diskutimeve që kërkon situata.

    “Shndërrimi i kësaj korrektese në sulm publik është i panevojshëm dhe i padenjë për nivelin e komunikimit që kërkon situata politike në vend.LDK nuk do të bëhet pjesë e këtij standardi. Ne vazhdojmë me seriozitet, korrektesë dhe përgjegjësi”, kanë thënë nga LDK.

  • Pse disa njerëz bien pa ndjenja kur shohin gjak? Ja çfarë po ndodh në trupin tuaj

    Pse disa njerëz bien pa ndjenja kur shohin gjak? Ja çfarë po ndodh në trupin tuaj

    Simptomat përfshijnë marramendje, djersitje, dobësi, shikim të ngushtuar dhe rënie, ku rreziku më i madh është lëndimi gjatë vetë rënies

    Marrja e gjakut, që shpesh bën pjesë në metodat bazë diagnostikuese, për disa njerëz është përvojë shumë e vështirë dhe mund të çojë deri në humbje të vetëdijes në atë moment.

    Dr. Jordan Gaines Lewis shpjegon se një reagim i tillë ndaj gjakut apo marrjes së gjakut ka një shpjegim shumë specifik fiziologjik dhe nuk është domosdoshmërisht shenjë e “stomakut të dobët”, por një refleks i lidhur ngushtë me mënyrën se si sistemi ynë nervor mbron trurin. Humbja e vetëdijes nga pamja e gjakut ka edhe emrin e saj: sinkopa vazovagale. Kjo është një gjendje në të cilën trupi reagon papritur, zemra dhe enët e gjakut ndryshojnë ritmin, presioni i gjakut bie dhe truri merr përkohësisht më pak gjak dhe oksigjen sesa i nevojitet.

    Në thelb të këtij procesi qëndron nervi vagus, një nga nervat kryesorë që lidh trurin me organet e brendshme. Kur aktivizohet një pjesë e caktuar e trungut të trurit, mund të nisin procese që ngadalësojnë rrahjet e zemrës dhe zvogëlojnë forcën e saj, ose zgjerojnë enët e gjakut dhe ulin presionin e gjakut. Rezultati është i ngjashëm: trupi ju “vendos” në pozicion horizontal, shpesh pa paralajmërim, sepse në këtë pozicion gjaku arrin më lehtë në tru. Tingëllon frikësuese, por në këtë reagim ka logjikë. Është sikur trupi, para se ta kuptoni çfarë po ndodh, bën lëvizjen më të shpejtë për të rikthyer ekuilibrin.

    Autorja për Psychology Today thekson se humbjen e vetëdijes e paralajmërojnë këto simptoma: marramendje, zhurmë ose gumëzhitje në veshë, djersitje, dobësi, probleme me shikimin dhe vështirësi në të folur. Pas kësaj vjen rënia, e cila është më e rrezikshmja për shkak të lëndimeve të mundshme, edhe pse vetë sinkopa zakonisht zgjat pak.

    Shkaktari nuk është vetëm gjaku. Edhe qëndrimi i gjatë në këmbë, temperaturat e larta, uria, dehidratimi, si dhe stresi i fortë ose emocionet intensive mund të aktivizojnë të njëjtin mekanizëm.

    Studiuesit besojnë se të gjithë e kemi këtë refleks deri diku kur përballemi me një dëmtim serioz. Ekziston edhe një teori evolucionare që e bën këtë fenomen edhe më interesant: është e mundur që humbja e vetëdijes dikur të ketë pasur rol mbrojtës.

    Një ekspert nga Cleveland Clinic, Dr. Fred Jäger, shpjegon se në të kaluarën, humbja e vetëdijes mund ta bënte një person të dukej si i vdekur, duke ndalur sulmin e mëtejshëm. Besohet gjithashtu se ulja e rrahjeve të zemrës dhe e presionit të gjakut mund të ndihmojë në ngadalësimin e gjakderdhjes në rast dëmtimi, megjithëse ende nuk është plotësisht e qartë pse disa njerëz janë më të prirur ndaj këtyre episodeve, qoftë për shkak të gjenetikës, hormoneve apo kombinimit të faktorëve të ndryshëm.

    Këshilla është e thjeshtë: nëse ndjeni marramendje, ngushtim të shikimit ose djersë të ftohta, është më mirë të uleni ose të shtriheni menjëherë. Kjo është mënyra më e shpejtë për të mbrojtur veten nga rënia dhe për të ndihmuar trupin të stabilizohet. Nëse humbja e vetëdijes ndodh shpesh, pa arsye të qartë ose shoqërohet me simptoma të tjera, duhet të kërkoni ndihmë mjekësore.