ATV

Author: K.B.

  • Dhimbje fyti? Ja kur duhet të bëni analiza dhe të mos gaboni me antibiotikët

    Dhimbje fyti? Ja kur duhet të bëni analiza dhe të mos gaboni me antibiotikët

    Dhimbja e fytit mund të jetë bakteriale, virale apo më rrallë parazitare. Analizat mikrobiologjike ndihmojnë në diagnozë të saktë, shmangin përdorimin e panevojshëm të antibiotikëve dhe parandalojnë komplikimet

    Diagnoza mikrobiologjike mundëson trajtim në kohë dhe shmang përdorimin e panevojshëm të antibiotikëve, sidomos gjatë sezonit të gripit dhe COVID-19.

    Shkaktari bakterial më i shpeshtë është Streptococcus pyogenes, i cili kërkon diagnostikim dhe trajtim të hershëm për të parandaluar komplikimet.

    Dhimbja e fytit është një nga simptomat më të shpeshta të infeksioneve të rrugëve të sipërme të frymëmarrjes. Ajo mund të ketë origjinë bakteriale, virale, më rrallë parazitare. Diagnostikimi i saktë dhe në kohë është thelbësor për të zgjedhur terapinë e duhur dhe për të shmangur përdorimin e panevojshëm të antibiotikëve, i cili mbetet një problem serioz në praktikën klinike, transmeton Telegrafi.

    Shkaktarët më të shpeshtë të dhimbjes së fytit
    Streptokoku (Streptococcus pyogenes – streptokok beta-hemolitik i grupit A)

    Streptokoku është shkaktari më i rëndësishëm bakterial i dhimbjes së fytit. Infeksioni zakonisht fillon papritur, me temperaturë të lartë, dhimbje gjatë gëlltitjes, skuqje të fytit dhe shpesh me shtresa të bardha në bajame. Mungesa e kollës dhe dhimbjet e forta gjatë gëlltitjes janë elemente që e bëjnë më të dyshimtë për etiologji bakteriale.

    Diagnostikimi:

    Strisho e fytit me antibiogram
    Test i shpejtë për streptokok (më pak i ndjeshëm, por i shpejtë dhe praktik)
    Zbulimi i hershëm është shumë i rëndësishëm, sepse trajtimi adekuat parandalon komplikime si ethet reumatizmale, glomerulonefriti dhe përhapja e infeksionit.

    Virusi Epstein–Barr (EBV)

    Ky virus shkakton mononukleozën infektive, e cila karakterizohet nga dhimbje e zgjatur e fytit, zmadhim i nyjeve limfatike, temperaturë dhe lodhje e theksuar. Shpesh mund të shoqërohet edhe me zmadhim të shpretkës dhe mëlçisë.

    Diagnostikimi:

    Analiza serologjike (antitrupa EBV IgM dhe IgG)
    Hemogrami (prania e limfociteve atipike)
    Adenovirusi

    Adenovirusi është shkaktar i shpeshtë i infeksioneve virale të fytit, veçanërisht te fëmijët. Karakteristikë është shoqërimi me konjuktivit (skuqje e syve), temperaturë dhe simptoma të përgjithshme të infeksionit respirator.

    Diagnostikimi:

    Analiza serologjike (IgM dhe IgG në serum)
    Në raste të veçanta, metoda PCR
    Citomegalovirusi (CMV)

    CMV mund të shkaktojë një tablo klinike të ngjashme me mononukleozën, me dhimbje fyti, lodhje dhe temperaturë. Zakonisht ka ecuri më të lehtë, por mund të jetë i rëndësishëm te pacientët me imunitet të dobësuar.

    Diagnostikimi:

    Serologji (IgM dhe IgG, aviditet sipas nevojës)
    Më rrallë PCR
    Toxoplasma gondii

    Një shkaktar më i rrallë i dhimbjes së fytit, por që mund të japë simptoma të ngjashme me infeksionet virale, përfshirë lodhje dhe zmadhim të nyjeve limfatike.

    Diagnostikimi:

    Teste serologjike (IgM, IgG dhe aviditet IgG)

    Kur duhet bërë analiza për dhimbjen e fytit

    Analizat mikrobiologjike rekomandohen kur janë të pranishme:

    dhimbje e fortë e fytit dhe vështirësi në gëlltitje
    temperaturë e lartë
    shtresa të bardha në bajame
    nyje limfatike të zmadhuara
    simptoma që zgjasin më shumë se disa ditë
    mungesë përmirësimi pas trajtimit fillestar
    Në praktikë klinike, këto kritere shpesh ndihmojnë për të diferencuar infeksionet bakteriale nga ato virale dhe për të vendosur nevojën për testim.

    Pse është i rëndësishëm testimi

    ndihmon në dallimin midis infeksionit bakterial dhe atij viral
    shmang përdorimin e panevojshëm të antibiotikëve
    mundëson terapi të synuar dhe më efektive
    ul rrezikun e komplikimeve afatshkurtra dhe afatgjata
    Në institucionet shëndetësore përdoret kombinimi i metodave klasike mikrobiologjike dhe analizave moderne molekulare (PCR), për të siguruar diagnozë të saktë dhe orientim të drejtë të trajtimit.

    Shtesë sezonale

    Gjatë sezonit të infeksioneve respiratore, veçanërisht në periudhat me rritje të gripit dhe COVID-19, rekomandohen edhe:

    testet për virusin e gripit (Influenza)
    testet për SARS-CoV-2 (COVID-19)
    Këto analiza zakonisht realizohen me metodën PCR dhe ndihmojnë në diferencimin e shkaqeve të dhimbjes së fytit në kontekst epidemiologjik.

  • Jackie Chan feston ditëlindjen, s’do e besoni moshën e vërtetë

    Jackie Chan feston ditëlindjen, s’do e besoni moshën e vërtetë

    Jackie Chan festoi ditëlindjen e tij të 72- të dhe po vërteton se mosha është thjesht një numër.

    Ylli legjendar i filmave aksion tregon që mosha është thjeshtë numër, pasi pritet të dalin në kinema disa filma të suksesshëm këtë pranverë, transmeton Indeksonline.

    Nga dramat prekëse te aventurat plot aksion, Chan vazhdon të ripërcaktojë atë që është e mundur në moshën 72 vjeç .

    Pavarësisht se ka hyrë në dekadën e tetë, Jackie Chan e ka bërë të qartë qëndrimin e tij si kristali: dalja në pension nuk do të ndodhë kurrë.

    Sipas deklaratave nga intervistat në maj 2025, kur u pyet për tërheqjen nga aktrimi, Chan deklaroi: “Do t’i bëj vetë akrobacitë e mia deri në ditën që do të dal në pension, gjë që nuk ndodh kurrë”.

  • Eurovision 2026 publikon renditjen zyrtare të gjysmëfinaleve, Shqipëria performon e 13-ta në natën e dytë

    Eurovision 2026 publikon renditjen zyrtare të gjysmëfinaleve, Shqipëria performon e 13-ta në natën e dytë

    Organizatorët e Eurovision 2026 kanë publikuar renditjen zyrtare të paraqitjes (running order) për dy gjysmëfinalet që do të zhvillohen në Vjenë, Austri. Sipas njoftimit, Gjysmëfinalja e parë do të mbahet më 12 maj, Gjysmëfinalja e dytë më 14 maj, ndërsa Finalja e Madhe është planifikuar më 16 maj 2026.

    Një nga risitë e këtij edicioni është rikthimi i jurive profesionale edhe në gjysmëfinale, krahas televotimit të publikut – praktikë që nuk aplikohej në këtë fazë që nga viti 2022.

    Në dy netët gjysmëfinale do të performojnë edhe vendet e “Big 5” – Franca, Gjermania, Italia dhe Mbretëria e Bashkuar – si dhe Austria si vend pritës. Këto shtete kualifikohen automatikisht në finale, por do të ngjiten në skenë gjatë gjysmëfinaleve.

    Shqipëria është vendosur të performojë në Gjysmëfinalen e dytë, në pozicionin e 13-të, me këngëtaren Alis dhe këngën “Nân”.

    Renditja e Gjysmëfinales 1 – 12 maj

    Moldova: Satoshi – Viva, Moldova!
    Suedia: FELICIA – My System
    Kroacia: LELEK – Andromeda
    Greqia: Akylas – Ferto
    Portugalia: Bandidos do Cante – Rosa
    Gjeorgjia: Bzikebi – On Replay
    — Italia: Sal Da Vinci – Per Sempre Sì (Big 5)
    Finlanda: Linda Lampenius x Pete Parkkonen – Liekinheitin
    Mali i Zi: Tamara Živković – Nova Zora
    Estonia: Vanilla Ninja – Too Epic To Be True
    Izraeli: Noam Bettan – Michelle
    — Gjermania: Sarah Engels – Fire (Big 5)
    Belgjika: ESSYLA – Dancing on the Ice
    Lituania: Lion Ceccah – Sólo Quiero Más
    San Marino: SENHIT – Superstar
    Polonia: ALICJA – Pray
    Serbia: LAVINA – Kraj Mene

    Renditja e Gjysmëfinales 2 – 14 maj

    Bullgaria: DARA – Bangaranga
    Azerbajxhani: JIVA – Just Go
    Rumania: Alexandra Căpitănescu – Choke Me
    Luksemburgu: Eva Marija – Mother Nature
    Çekia: Daniel Zizka – CROSSROADS
    — Franca: Monroe – Regarde ! (Big 5)
    Armenia: SIMÓN – Paloma Rumba
    Zvicra: Veronica Fusaro – Alice
    Qiproja: Antigoni – JALLA
    — Austria: COSMÓ – Tanzschein (vendi pritës)
    Letonia: Atvara – Ēnā
    Danimarka: Søren Torpegaard Lund – Før Vi Går Hjem
    Australia: Delta Goodrem – Eclipse
    Ukraina: LELÉKA – Ridnym
    — Mbretëria e Bashkuar: LOOK MUM NO COMPUTER – Eins, Zwei, Drei (Big 5)
    Shqipëria: Alis – Nân
    Malta: AIDAN – Bella
    Norvegjia: JONAS LOVV – YA YA YA

  • “Nafta “e lirë”. Rryma “e lirë”. Buka “e lirë”. Vaji “i lirë”-Rrahmani ironizon keq me Kurtin: Mirëmëngjesi nga “Republika Autoritare” e Kosovës

    “Nafta “e lirë”. Rryma “e lirë”. Buka “e lirë”. Vaji “i lirë”-Rrahmani ironizon keq me Kurtin: Mirëmëngjesi nga “Republika Autoritare” e Kosovës

    Deputeti i PDK-së, Eman Rrahmani, ka vlerësuar se Kosova është shndërruar në një “Republikë Autoritare”.

    Ai fajtor për këtë e ka bërë kryeministrin Albin Kurti.

    Në profilin e tij në “Facebook”, Rrahmani ia ka përmendur Kurtit xhipin e zi dhe ka ironizuar me ngritjen e çmimeve për shumë produkte në Kosovë.

    “MIRËMËNGJESI nga “Republika Autoritare” e Kosovës. Urime, Kryeministër, për xhipin mbi 500 mijë euro. Nafta “e lirë”. Rryma “e lirë”. Buka “e lirë”. Vaji “i lirë”. Mielli “i lirë”. Barnat “falas”. Pacientët nuk kanë më nevojë të dalin jashtë vendit për trajtim. Të rinjtë po kthehen masivisht. Fabrikat po hapen çdo javë. Termocentrali i ri u ndërtua. Ekonomia po lulëzon. Populli po jeton më mirë se kurrë. Bankat po falimentojnë… Sepse shteti i ka ulur kamatat në zero. Po punojnë me zero fitim. Po mezi po mbijetojnë”, ka shkruar ai.

  • Ramadani: Zgjedhja e presidentit do të ishte lajm i mirë, mos i ndalni takimet deri të arrihet marrëveshja

    Ramadani: Zgjedhja e presidentit do të ishte lajm i mirë, mos i ndalni takimet deri të arrihet marrëveshja

    Njohësi i çështjeve të sigurisë, Burim Ramadani, ka vlerësuar se zgjedhja e presidentit të ri të vendit do të ‘’ishte lajm i mirë’’, dhe se, një marrëveshje për këtë çështje do të kuptonte ‘’veprim të pjekur politik nga partitë’’.

    Ramadani, ka kërkuar nga krerët e partive që të mos i ndalin takimet për presidentin deri sa të arrihet marrëveshja, përcjell Gazeta Express.

    Postimi:

    Zgjedhja e Presidentit do të ishte lajm i mirë.

    Një marrëveshje për Presidentin e ri do të shënonte veprim të pjekur politik nga partitë parlamentare dhe lidershipi i tyre. Jam i bindur se kjo do t’i mundësonte Kosovës kornizë të stabilitetit dhe, rrjedhimisht, qartësi të viteve përpara.

    Mos i ndalni takimet deri kur të arrihet marrëveshja. Pasi ato kanë rifilluar, e mendoj të rëndësishme që të përmbyllen me rezultat.

    E kundërta do të shënjonte papjekuri!

  • Nëntë policë dënohen me vdekje në Indi për vrasjen e dy personave gjatë Covid-19

    Nëntë policë dënohen me vdekje në Indi për vrasjen e dy personave gjatë Covid-19

    Nëntë oficerë policie janë dënuar me vdekje në Indi për shkak të vdekjes së një babai dhe të birit gjatë paraburgimit në vitin 2020.

    P Jeyaraj, 58 vjeç, dhe djali i tij Benicks, 38 vjeç, vdiqën në burg në shtetin jugor të Tamil Nadu – disa ditë pasi u arrestuan për dyshimin se mbanin hapur dyqanin e tyre të telefonave celularë në shkelje të rregullave të izolimit gjatë pandemisë Covid-19.

    Të dy u zhveshën dhe u sulmuan pa mëshirë para njëri-tjetrit, tha gjyqtari i dënimit të hënën – duke e përshkruar rastin si një abuzim të qartë të autoritetit.

    “Ata e bënë këtë me qëllim vrasjen”, tha ai.

    Oficerët, të cilët u shpallën fajtorë për vrasje muajin e kaluar, do të jenë në gjendje të apelojnë kundër dënimeve të tyre.

    “Ata sulmuan njerëz të paarmatosur. Ata nuk duhet të falen. Ata nuk duhet të marrin dënime më të lehta bazuar në moshën ose prejardhjen e tyre familjare. Ata janë të gjithë të arsimuar”, tha gjithashtu gjyqtari për oficerët në dhënien e dënimit, shkruan BBC, transmeton Klankosova.tv.

    Dhjetë oficerë policie në total u arrestuan për vdekjen brutale të babait dhe të birit, por njëri nga të akuzuarit vdiq nga Covid në vitin 2020.

    Rasti shkaktoi protesta në Tamil Nadu, me ligjvënës të opozitës shtetërore midis atyre që dolën në rrugë. Lideri i opozitës Rahul Gandhi dhe ylli indian i briketit, Shikhar Dhaëan ishin midis atyre që kërkuan drejtësi për dy burrat në mediat sociale.

    Vdekjet gjithashtu e sollën përsëri çështjen e brutalitetit policor në Indi në qendër të vëmendjes.

    Grupet e të drejtave thonë se qindra njerëz vdesin ndërsa janë në paraburgim në Indi çdo vit. Ata theksojnë se tortura dhe abuzimi për të nxjerrë rrëfime nga të dyshuarit janë bërë pjesë e policimit.

    Gjatë këtij viti, disa ekspertë të OKB-së i bënë thirrje Indisë të ndërmarrë reforma të mëdha për të modernizuar policimin në përputhje me standardet ndërkombëtare të të drejtave të njeriut.

  • Pasuria e vëllezërve Tate në 2026: Sa vlejnë realisht Andrew dhe Tristan?

    Pasuria e vëllezërve Tate në 2026: Sa vlejnë realisht Andrew dhe Tristan?

    Andrew Tate dhe Tristan Tate kanë krijuar prej vitesh imazhin e një pasurie shumë të madhe, me makina luksoze, avionë privatë dhe deklarata të forta për sukses financiar.

    Megjithatë, në vitin 2026, pasuria e tyre reale mbetet e paqartë dhe shumë më komplekse se sa pretendimet publike.

    Vëllezërit Tate u bënë të njohur fillimisht përmes sporteve luftarake dhe më pas ndërtuan një profil të fuqishëm online.

    Andrew Tate zhvilloi biznese në internet si platforma edukimi, komunitete me abonim dhe aktivitete të mëparshme në industrinë e ‘webcam’-it, duke i konsideruar këto si burimet kryesore të të ardhurave.

    Ndërkohë, ndikimi i tij në rrjete sociale i ka mundësuar të fitojë nga reklamat, partneritetet dhe përmbajtjet me pagesë, si dhe ka deklaruar investime në kriptomonedha dhe pasuri të paluajtshme.

    Megjithatë, vlerësimet për pasurinë e tij ndryshojnë shumë – nga dhjetëra miliona deri në qindra miliona dollarë – për shkak të mungesës së verifikimit të pavarur dhe dallimit mes pretendimeve dhe realitetit.

    Situata bëhet edhe më e ndërlikuar nga problemet ligjore në Rumani, ku autoritetet kanë sekuestruar pasuri si makina, prona dhe para.

    Kjo ka ndikuar në aksesin e tij në kapital dhe në funksionimin e bizneseve, duke e bërë gjendjen financiare të paqëndrueshme dhe të varur nga rezultati i proceseve gjyqësore.

    Nga ana tjetër, Tristan ka ndërtuar një pasuri më të qëndrueshme, e vlerësuar rreth 20 milionë dollarë, përmes aktiviteteve në media, bizneseve online dhe investimeve në sektorë si mikpritja dhe lojërat.

    Edhe pasuria e tij ndikohet nga të njëjtat çështje ligjore.

    Pasuria e vëllezërve Tate mbetet subjekt debatesh.

    Ajo është ndërtuar kryesisht mbi ndikimin në internet dhe aftësinë për të monetizuar vëmendjen publike.

    Por, për shkak të hetimeve dhe pasigurive ligjore, nuk është e qartë sa nga kjo pasuri është reale, e qëndrueshme dhe e disponueshme në të ardhmen.

  • Mos i mbani paratë në kasafortën e hotelit: Këtu janë më të sigurta

    Mos i mbani paratë në kasafortën e hotelit: Këtu janë më të sigurta

    Hajdutët e dinë saktësisht ku kërkojnë, ndaj duhet të mendoni më zgjuar se ata

    Ruajtja e sendeve personale gjatë udhëtimit mund të jetë sfidë e vërtetë, ndërsa metodat klasike të mbrojtjes shpesh nuk janë më të mjaftueshme. Çantat rreth belit apo xhepat e fshehtë nën rroba dikur konsideroheshin zgjidhje të sigurta, por hajdutët me përvojë i identifikojnë shumë shpejt këto zona të synuara. Për këtë arsye, sot kërkohet një qasje më e zgjuar dhe më diskrete ndaj sigurisë.

    Si ju lexojnë hajdutët pa e kuptuar
    Hajdutët me përvojë vëzhgojnë me kujdes sjelljen e udhëtarëve. Një turist që rregullon vazhdimisht çantën apo kontrollon xhepat pa e kuptuar tregon se ku i mban sendet me vlerë. Fryrjet nën rroba të holla verore vihen re lehtë, ndërsa çantat klasike të udhëtimit shpesh ua lehtësojnë punën hajdutëve. Mbrojtja e vërtetë qëndron te një rregull i thjeshtë: të mos bini në sy dhe të përziheni me ambientin përreth.

    Truku i thjeshtë që ju shpëton paratë
    Gabimi më i madh që bëjnë udhëtarët është mbajtja e të gjitha dokumenteve, kartave dhe parave në një vend. Udhëtarët e kujdesshëm i ndajnë mjetet: për përdorim ditor mjafton një shumë e vogël dhe një kartë, ndërsa pjesa tjetër ruhet në vend më të sigurt. Një taktikë shumë efektive është përdorimi i një portofoli të rremë me pak para dhe karta të vjetra. Në rast grabitjeje, ai dorëzohet pa hezitim, ndërsa sendet e vërteta mbeten të sigurta.

    Vendet që hajdutët nuk i kontrollojnë kurrë
    Kur duhet të mbani më shumë para me vete, vendet më të sigurta janë ato që nuk tërheqin vëmendje. Ambalazhi bosh i kremit për diell, balsami i buzëve apo një kuti higjienike mund të jenë fshehje ideale. Hajdutët zakonisht kërkojnë portofol ose pajisje elektronike, ndërsa këto sende i anashkalojnë. Për dokumente, shumë të përshtatshëm janë edhe xhepat e fshehtë të qepur në rroba, të padukshëm nga jashtë.

    Rregulli që ju mbron më shumë se çdo fshehje
    Siguria gjatë udhëtimit nuk varet vetëm nga vendi ku i fshihni sendet, por nga mënyra si planifikoni dhe silleni. Ndani kartat, paratë dhe dokumentet, keni gjithmonë një alternativë rezervë dhe shmangni ekspozimin e panevojshëm në publik. Në këtë mënyrë mund të përqendroheni te ajo që ka më shumë rëndësi: shijimi i udhëtimit, jo frika për sendet tuaja.

  • Gjykata Kushtetuese hap dyert për qytetarët të mërkurën

    Gjykata Kushtetuese hap dyert për qytetarët të mërkurën

    Në shënim të Ditës së Kushtetutës, Gjykata Kushtetuese do të hap dyert për qytetarët, shkruan Reporteri.net.

    Më 8 prill do të organizojë aktivitetin “Dita e Gjykatës së Hapur”, ku të gjithë qytetarët, e veçanërisht studentët e drejtësisë, përfaqësuesit e komunitetit juridik dhe vizitorët e tjerë, do të kenë mundësi që të vizitojnë objektin e Gjykatës Kushtetuese dhe të njihen më për së afërmi me Gjykatoren, me Bibliotekën dhe me ambientet në të cilat punojnë gjyqtarët dhe zyrtarët e Gjykatës, si dhe të informohen drejtpërsëdrejti përkitazi me historikun, me punën e deritanishme dhe me kompetencat kushtetuese të këtij institucioni.

    “Organizimi i vizitës së qytetarëve të interesuar do të bëhet në përputhje me kapacitetet akomoduese që ofron ndërtesa e Gjykatës Kushtetuese dhe për grupe prej jo më shumë se pesëmbëdhjetë (15) personash në të njëjtën kohë. Vizitat do të organizohen çdo orë, ndërmjet orës 10:00 dhe 14:00, ndërsa kohëzgjatja maksimale e vizitës do të jetë dyzet e pesë (45) minuta. Para vizitës në Gjykatë, të gjithë vizitorët e moshës mbi 16 vjeç duhet të kenë me vete dhe të dorëzojnë në recepcion një dokument zyrtar identiteti (kartë studentore, letërnjoftim apo pasaportë). Gjatë vizitës, vizitorët do të kenë mundësi të bëjnë foto vetëm në Gjykatore dhe në oborrin e Gjykatës”, thuhet në njoftim.

  • Don Xhoni ka një “dhuratë” për fansat e tij

    Don Xhoni ka një “dhuratë” për fansat e tij

    Reperi i njohur, Don Xhoni ka bërë të ditur se po vjen me një projekt të ri muzikor.

    Ai këtë e ka bërë të ditur përmes rrjeteve sociale, duke thënë se kjo është një dhuratë për fansat e tij.

    Reperi ka njoftuar se kënga do të publikohet të mërkurën në ora 18:00.

    “Veç drynin me ia shti”, ka shkruar Don Xhoni.