Author: K.B.

Mesatarisht të paktën 47 gra dhe vajza vriteshin çdo ditë gjatë luftës në Gaza , sipas shifrave të publikuara nga UN Women të premten, dhe agjencia paralajmëroi se vdekjet kanë vazhduar gjashtë muaj pas një armëpushimi të brishtë.

Më shumë se 38,000 gra dhe vajza u vranë në Gaza midis tetorit 2023 dhe dhjetorit 2025, sipas raportit të UN Women, një agjenci që përqendrohet në barazinë gjinore.

“Gratë dhe vajzat përbënin një përqindje shumë më të lartë të vdekjeve sesa ato të vërejtura në konfliktet e mëparshme në Gaza”, u tha gazetarëve në Gjenevë Sofia Calltorp, drejtuese e veprimeve humanitare të agjencisë, shkruan Reuters.

“Ata ishin individë me jetë dhe me ëndrra”, shtoi ajo.

Agjencia shprehu shqetësim se vrasja e grave dhe vajzave ka vazhduar që nga armëpushimi i tetorit, megjithëse nuk e di saktësisht se sa kanë vdekur për shkak të mungesës së të dhënave të agreguara sipas gjinisë.

Presidenti i Recep Tayyip Erdoğan dhe Zonja e Parë Emine Erdoğan i kanë dërguar një ftesë ish- presidentes së Kosovës, Vjosa Osmani, për të marrë pjesë në edicionin e radhës të Forumit Diplomatik të Antalias.

Në një postim publik, ish-presidentja Osmani ka shprehur mirënjohjen e saj për këtë ftesë dhe për mbështetjen e vazhdueshme nga Turqia.

“Falënderoj presidentin Erdoğan dhe zonjën e parë Emine Erdoğan për përkrahjen e vazhdueshme dhe ftesën e tyre që sërish sivjet të jemi pjesë e Forumit Diplomatik të Antalias”, ka shkruar Osmani.

OVL e UÇK-së tha se deri më tani nuk ka pranuar asnjë përgjigje nga Kryeministri i Kosovës dhe Kryeparlamentarja lidhur me kërkesat e tyre për hartimin dhe miratimin e Ligjit për mbrojtjen e vlerave të Luftës së UÇK-së, si dhe për garantimin e të drejtave të veteranëve që u takojnë me ligj.

Organizata tha se kjo kërkesë është drejtuar zyrtarisht më datë 20 shkurt 2026.

“Pavarësisht pritjes dhe gatishmërisë sonë për bashkëpunim institucional, mungesa e reagimit nga institucionet përkatëse është shqetësuese dhe e papranueshme për një kategori që ka dhënë gjithçka për lirinë e këtij vendi”.

OVL e UÇK-së tha se nëse nuk ndërmerren hapa konkretë dhe të menjëhershëm për adresimin e këtyre “kërkesave “ dhe për përmirësimin e statusit të veteranëve, Organizata e Veteranëve të Luftës së UÇK-së “do të detyrohet të ndërmarrë veprime konkrete, përfshirë organizimin e protestave”.

“Qëllimi ynë mbetet i pandryshuar: mbrojtja e vlerave të luftës çlirimtare, ruajtja e dinjitetit të veteranëve dhe garantimi i të drejtave që u takojnë me meritë”.

Komisioni Ad hoc për përzgjedhjen e kandidatëve për anëtarë të Bordit të RTK-së ka përmbyllë procesin e intervistimit të kandidatëve.

Në një njoftim, Kuvendi i Kosovës tha se “i gjithë procesi ka qenë i hapur, transparent dhe është monitoruar nga shoqëria civile dhe i njëjti është zhvilluar brenda afate të përcaktuara ligjore”.

Për gjashtë pozita për anëtarë të Bordit të Radiotelevizionit të Kosovës, komisioni ka propozuar për votim në seancë plenare dymbëdhjetë kandidatë: Valmirë Thaqi, Flokart Aliu, Gëzim Brahaj, Fatos Mustafa, Arbërore Riza, Xheraldina Cërnobregu, Njomza Beqiri Novosella, Anita Toqi, Lulzim Beqiri, Fatmir Podrimaj, Ilirjan Himaj dhe Avni Zuka.

Prej dymbëdhjetë kandidatëve të propozuar Kuvendi zgjedh gjashtë anëtarë të Bordit të Radiotelevizionit të Kosovës.

Për një pozitë për anëtar të Bordit të Radiotelevizionit të Kosovës, nga radhët e komunitetit serb, komisioni ka propozuar për votim dy kandidatë: Ivana Milić dhe Vidosav Kostović, ndërsa për një pozitë për anëtar të Bordit nga radhët e komuniteteve të tjera jo shumicë, janë propozuar kandidatët Anesa Čolaković dhe Aldin Šabani.

Është pensionuar nga detyra e gjyqtarës Valdete Daka.

Kjo është bërë e ditur përmes një njoftimi për media nga Gjykata Supreme e Kosovës.

Pas një karriere të gjatë, mbi 30-vjeçare në sistemin gjyqësor, prej të cilave 16 vite në Gjykatën Supreme, gjyqtarja Valdete Daka ka arritur moshën e pensionimit.

Deputetja e Kosovës nga radhët e grupit parlamentar LVV, Albena Reshitaj ka thënë se Byroja Shtetërore për Verifikimin dhe Konfiskimin e Pasurisë së Pajustifikueshme nuk është kundër askujt, por është kundër pasurisë pa djersë.

Reshitaj në foltoren e Kuvendit të Kosovës tha se ky ligj është kundër çdo zyrtari që është pasuruar në mënyrë të pandershme.

“Ky ligj nuk është kundër askujt, por është kundër çdo pasurie pa djersë, kundër çdo privilegji të ndërtuar mbi padrejtësi, kundër çdo zyrtari që e ka parë shtetin si plaçkë. Ky ligj është kundër një mentaliteti që e ka dëmtuar vendin për vite, pasuri pa djersë, pa llogari pa nder. Jemi një popull që kemi përjetuar shumë padrejtësi, shumë dhimbje, prandaj kemi detyrim moral të mos lejojmë që sakrifica të kthehet në biznes, liria të kthehet në monedhë dhe shteti të kthehet në pronë private”, tha Reshitaj.

Juristja shqiptare Rudina Jasini nuk do të jetë më pjesë e ekipit të Mbrojtjes së Rexhep Selimit në procesin gjyqësor ndaj tij, Hashim Thaçit, Kadri Veselit dhe Jakup Krasniqit në Dhomat e Specializuara të Kosovës.

Vendimi është marrë nga udhëheqësi i mbrojtjes së Selimit, Geoffrey Roberts më 27 mars.

“Më 27 mars 2026, mbrojtësi i Rexhep Selimit, Z. Geoffrey Roberts, i ka dërguar një letër udhëheqësit të zyrës së mbrojtjes duke deklaruar se ka vendosur t’ia ndërpres kontratën Znj. Jasini si bashkëmbrojtëse e Z. Selimi me efekt të menjëhershëm”, thuhet në njoftimin e Regjistrit.

Angazhimi i Jasinit në Dhomat e Specializuara, përfundoi zyrtarisht më 7 prill, 2026.

Jasini, studiuese e specializuar e të drejtës penale ndërkombëtare dhe profesoreshë në Oksford, është avokatja e parë shqiptare në Tribunalin e Hagës për krimet e luftës në ish-Jugosllavi, në rastin Haradinaj.

Pas pesë vitesh angazhim në mbrojtjen e dhjetëshit të luftës së UÇK-së, Jasini ndau përshtypjet e saj mbi procesin e madh të Speciales duke e cilësuar teatër absurditeti dhe tentim për rishkrimin e historisë.

“Ky proces gjyqësor që u kthye në teatrin e absurditetit, ku një Prokurori është përpjekur të rishkruaj historinë e UÇK-së dhe luftën për pavarësi përmes akuzave të shtrembëruara. Por historia nuk mund të shkruhet as në atë sallë gjyqi dhe as në sallonet e Brukselit dhe Uashingtonit. Ajo është shkruar me sakrificën e qytetarëve të Kosovës, me gjakun e luftëtarëve të lirisë dhe me jetën e dëshmorëve”, shkruante Jasini një ditë para fjalëve përfundimtare të Thaçit, Veselit, Selimit e Krasniqit.

Vetëm brenda një kohe të shkurtër nga publikimi i deklarimeve të pasurisë së politikanëve dhe zyrtarëve tjerë shtetërorë, faqja e Agjencisë për Parandalimin e Korrupsionit në Kosovë ka rënë nga funksioni.

Kjo faqe, ku janë publikuar me mijëra formularë të dekarimit të financave, aktualisht është e paqasshme për publikun.

Deputeti i PDK-së, Përparim Gruda, në fjalën e tij në Kuvendin e Kosovës ku po bëhet leximi i parë i Projektligjit për Byronë për Konfiskimin e Pasurisë së Pajustifikueshme, ka listuar disa prej vërejtjeve që ka lidhur me Projektligjin.

Gruda ka thënë se gabimi i parë ka qenë fakti që s’ka pasur konsultim publik. Ai ka thënë se i ka propozuar ministres së Drejtësisë, Donika Gërvalla, që të ketë një konsultim publik legjislativ në mes të leximit të dytë dhe të tretë.

“S’ka pasur konsultim publik, duhej të vihej në konsultim publik para miratimit në Qeveri. Një ligj kaq i ndjeshëm duhet t’i nënshtrohet një debati nga profesionistët. Duhej t’i jepej mundësi secilit qytetar që të japë mendimin për këtë ligj. Është standard që kërkohet. Ka qenë një lëshim që s’do të duhej të ndodhte”, ka thënë Gruda.

“Mund të organizojmë mes dy leximeve, konsultim publik për legjislacion, ia kam propozuar edhe ministres. Mendoj se është rruga se si ta bëjmë ligjin në përputhje me Kushtetutën”, ka thënë Gruda tutje.

Ai ka thënë se edhe lënia e disa çështjeve për t’u rregulluar me akte nën-ligjore është përsëri problematike, meqë Kushtetuesja ka sqaruar se gjithçka duhet të rregullohet me Ligj.

“Vërejtja e dytë. Kushtetuesja ka bërë vërejtje për ligjin se asgjë s’mund të rregullohet me akte nën-ligjore, por me ligj. Ajo dispozitë që i është lënë drejtorit për veprime me disa akte-nënligjore duhet të fshihet”, ka thënë Gruda, raporton Express.

Deputeti i PDK-së ka folur edhe për mungesën e mekanizmit të kompensimit, duke thënë se një mekanizëm i tillë është i nevojshëm për ta bërë Byronë më efikase. Sipas Grudës, kompensimi duhet të jetë më i lartë, në mënyrë që Byroja të mos trajtojë çfarëdo rasti.

“Mungesa e mekanizmit për kompensim efikas. Ky mekanizëm e bën byronë më efikase, për të mos u marrë me çfarëdo rasti”, ka thënë ai tutje.

Gruda ka thënë se Projektligji ka edhe probleme në mënyrën se si është shkruar, duke thënë se s’është shkruar me gjuhë juridike.

“Ligji s’është shkruar në gjuhë juridike”, ka thënë Gruda tutje.

Ai ka kritikuar edhe emrin e Projektligjit, duke thënë se në përmbajtje nuk pasqyrohet, meqë Byroja nuk konfiskon pasuri, por Gjykata.

|”Byroja nuk konfiskon pasuri. Titulli i Ligjit nuk e reflekton përmbajtjen e Ligjit. Gjykata vendos për konfiskimin”, ka thënë Gruda.

Ai ka thënë se sot PDK-ja do të abstenojë në lexim të parë, me qëllim të krijimit të hapësirës për të pasur konsultime legjislative në mes të leximeve për të adresuar vërejtjet.

Gruda ka thënë se nëse ato ndryshime s’do të ndodhin, PDK nuk ka se s’i ta përkrah një Ligj të tillë.

“Që ligji të kalojë duhet t’i jepet shans përmirësimit”, është shprehur Gruda.

Këtë të premte disa orë para protestës ka folur kreu i Partisë Demokratike lidhur me skenarët e zhvillimit të sotëm opozitar. Berisha tha se lëvizja e sotme do të jetë një nga protestat më të fuqishme sipas tij dhe ndryshe nga protestat e mëparshme.

“Kryengritjen e tyre paqësore më të fuqishme që ka njohur Shqipëria. Ngrihen mbi dhunën, për të mbrojtur nderin e çdo shqiptari ndaj një agresioni të rëndë, të një organizatë kriminale të drejtuar nga Rama. Akti i fundit i Ramës, është akti më armiqësor që ka ndërmarrë në serinë e akteve armiqësore. Bllokimi i heqjes së imunitetit nga Edi Rama ishte një mburojë për veten e tij pasi në dosjen e Ballukut Rama është aksionet me 60% të veprave kriminale që mban ajo dosje”, tha Berisha.

Ndërkohë sipas tij një tjetër arsye për t’u ngritur në protestë është dhe çmimi i naftës.

“Të gjitha vendet në Europë dyfishuan subvencionet për naftën për fermerët, Rama me një akt të papërgjeshmërisë absolute e hoqi dhe atë pak që jepte”, tha Berisha.

Skenari i kësaj protestë sipas Berishës do të jetë kryengritje paqësore, por që asnjë forcë në botë nuk do ta ndalë.

“Kryengritja paqësore e opozitës nuk ndalet dhe nuk ka forcë në botë që ta ndalë, kjo kryengritje është jetike”, tha ai