Author: K.B.

Bullgarët kanë filluar të votojnë në zgjedhjet e teta parlamentare në pesë vjet, pasi protestat masive rrëzuan qeverinë e mëparshme të udhëhequr nga konservatorët në dhjetor.

Qendrat e votimit u hapën në orën 7 të mëngjesit. Votimet pritet të mbyllen në orën 17:00, ndërsa sondazhet e daljes priten menjëherë pas kësaj. Rezultatet zyrtare nuk priten para të hënës.

Protestat e dhjetorit tërhoqën qindra mijëra njerëz, kryesisht të rinj, në rrugë. Protestuesit kërkuan një gjyqësor të pavarur për të luftuar korrupsionin e përhapur, transmeton Telegrafi.

Radev, një ish-gjeneral i forcave ajrore, ka thënë se dëshiron ta çlirojë vendin nga “modeli i qeverisjes oligarkike” dhe mbështeti protestat kundër korrupsionit në fund të vitit të kaluar që rrëzuan qeverinë e mbështetur nga konservatorët.

Ai ka mbështetur rinovimin e lidhjeve me Rusinë dhe ka kritikuar dërgimin e ndihmës ushtarake në Ukrainë. Ai dha dorëheqjen nga presidenca kryesisht ceremoniale në janar për të nisur përpjekjen e tij për të udhëhequr qeverinë si kryeministër.

Radev gjithashtu ka kundërshtuar përpjekjet bullgare për të furnizuar me armë Ukrainën në përgjigje të pushtimit të Rusisë në vitin 2022, megjithëse ka thënë se nuk do ta përdorë të drejtën e vetos së Sofjes për të bllokuar vendimet e Bashkimit Evropian.

Ai ka bërë thirrje për rivendosjen e lidhjeve me Moskën dhe ka kritikuar një marrëveshje 10-vjeçare mbrojtëse të nënshkruar muajin e kaluar midis Bullgarisë dhe Ukrainës, duke shkaktuar akuza të reja nga kundërshtarët se ai është shumë i akomodueshëm ndaj Kremlinit.

Ish-presidenti gjithashtu u kritikua në internet pasi imazhe nga takimet me udhëheqësit botërorë, përfshirë presidentin rus Putin, u shfaqën gjatë tubimit të tij të fundit të fushatës.

Bullgaria, një komb me 6.5 milionë banorë, është përballur me paqëndrueshmëri të përsëritur politike që nga viti 2021, me parlamente të fragmentuara që kanë prodhuar qeveri të dobëta koalicioni.

Asnjëra nuk ka zgjatur më shumë se një vit para se të shembej mes protestave në rrugë ose manovrave parlamentare.

Shteti anëtar i Bashkimit Evropian ka kaluar nëpër një sërë administratash që kur protestat masive kundër korrupsionit në vitin 2021 i dhanë fund sundimit konservator të udhëheqësit të gjatë Boyko Borissov.

Partia pro-evropiane GERB e Borissov pritet të përfundojë e dyta, sipas sondazheve të opinionit, me rreth 20 përqind mbështetje, përpara aleancës liberale PP-DB.

Policia e Kosovës, në bashkëpunim me Prokurorinë Themelore në Mitrovicë, ka zhvilluar operacione të koordinuara kundër skemave piramidale dhe bixhozit të paligjshëm në disa rajone të vendit.

Gjatë aksioneve janë arrestuar 34 persona dhe janë kontrolluar rreth 50 lokacione, përfshirë biznese dhe shtëpi private.

Autoritetet kanë sekuestruar rreth 170 mijë euro para të gatshme, pesë automjete, armë zjarri dhe pajisje të tjera të përdorura në aktivitete të kundërligjshme.

Me vendim të prokurorit, 29 të dyshuar janë dërguar në mbajtje, ndërsa të tjerët janë liruar në procedurë të rregullt.

Operacionet janë zhvilluar edhe në Skenderaj, ku janë arrestuar 8 persona, prej të cilëve 4 janë dërguar në mbajtje.

KOMUNIKATË E PËRBASHKËT NGA POLICIA E KOSOVËS DHE PROKURORIA THEMELORE NË MITROVICË

34 të arrestuar në operacionin policor kundër skemave piramidale dhe bixhozit të paligjshëm Prishtinë, 19 prill 2026

Policia e Kosovës, Drejtoria për Hetimin e Krimit të Organizuar dhe Krimeve të Rënda në bashkëpunim të ngushtë me Prokurorinë Themelore në Mitrovicë, ka realizuar një sërë operacionesh të koordinuara në rajonin e Mitrovicës, Vushtrrisë, Istogut dhe Skenderajt me qëllim të luftimit të veprimtarive të kundërligjshme që ndërlidhen me organizimin e skemave piramidale dhe bixhozit të paligjshëm.

Bazuar në raportet zyrtare, gjatë këtyre operacioneve janë arritur këto rezultate:

➢ Janë arrestuar 34 persona të dyshuar.
➢ Janë kontrolluar rreth 50 lokacione të ndryshme, përfshirë lokale afariste dhe shtëpi private;
➢ Janë sekuestruar prova materiale që ndërlidhen me veprat penale, përfshirë:
✓ rreth 170,000 euro para të gatshme,
✓ pesë (5) automjete,
✓ armë zjarri,
✓ si dhe pajisje dhe materiale të tjera të përdorura për zhvillimin e aktiviteteve të kundërligjshme.

Me vendim të prokurorit kompetent:
• 29 të dyshuar janë dërguar në mbajtje, ndërsa
• të dyshuarit tjerë janë liruar në procedurë të rregullt.

Veprime policore në këtë fushëveprim, gjithashtu janë ndërmarr edhe nga hetimet rajonale dhe stacionet kompetente policore, ku ka pasur rezultate konkrete në parandalim dhe po ashtu arrestim të personave të dyshuar për përfshirje në vepra të ndryshme penale.

Në totalin e bastisjeve/kontrolleve dhe arrestimeve janë përfshirë edhe veprimet e ndërmarra policore në Skenderaj, ku janë kontrolluar 15 lokacione të ndryshme, 8 persona janë arrestuar dhe nga ta 4 janë derguar në mbajtje.

Këto operacione përfaqësojnë një angazhim të fuqishëm dhe të koordinuar institucional në parandalimin dhe luftimin e krimeve të rënda, krimit ekonomik dhe organizimit të aktiviteteve të paligjshme që cenojnë rendin juridik dhe sigurinë publike.

Policia e Kosovës dhe Prokuroria vlerësojnë lart profesionalizmin, përkushtimin dhe efikasitetin e zyrtarëve policorë dhe hetuesve të përfshirë në këto operacione komplekse, të cilat janë zhvilluar në disa faza dhe lokacione të ndryshme. Bashkëpunimi ndërinstitucional ka qenë kyç në arritjen e këtyre rezultateve konkrete.

Institucionet e zbatimit të ligjit mbeten të përkushtuara në luftimin e çdo forme të kriminalitetit dhe ftojnë qytetarët që të bashkëpunojnë duke raportuar çdo aktivitet të dyshimtë përmes kanaleve zyrtare.

Presidentja Vjosa Osmani deklaron se ka falënderuar Këshilltarin Special të Presidentit Trump, Massad Boulos, “për mbështetjen e palëkundur të Administratës Trump për Kosovën, përfshirë edhe për ftesën e SHBA-ve që Kosova të jetë anëtare themeluese e Bordit të Paqes”, shprehet ajo, nga takimi që u realizua gjatë qëndrimit në Antalya.

Tutje, në takim Osmani thekson se ka shprehur shpresën “që kjo mbështetje për popullin e Kosovës do të vazhdojë, ndërsa punojmë së bashku për të avancuar paqen dhe prosperitetin në rajonin tonë dhe më gjerë”.

“Kosova do të vazhdojë të jetë vendi më pro-amerikan në botë”, shkruan Osmani.

Prokuroria Speciale e Kosovës ka njoftuar se është arrestuar një person që dyshohet se është i përfshirë në sulmin terrorist në Banjskë.

Në njoftim thuhet se i dyshuari me inicialet S.R. u arrestua në pikën e kalimit kufitar nër Merdarë, dhe është ndaluar për 48 orë.

“Prokuroria Speciale e Republikës së Kosovës, ka ndaluar personin me incialet S.R., mbi bazën e dyshimit për përfshirje në vepra penale të natyrës së rëndë, përfshirë veprat që lidhen me sigurinë kombëtare dhe rendin kushtetues”, thuhet në njoftimin e Prokurorisë.

“I dyshuari është arrestuar nga Policia e Kosovës në pikën e kalimit kufitar në Merdarë, ndërsa me vendim të prokurorit, i njëjti është ndaluar për 48 orë”.

Sulmi terrorist në Banjskë kishte ngjarë më 24 shtator të vitit 2023, kur një grup serbësh të armatosur kishin sulmuar Policinë e Kosovës, ku ishte vrarë rreshteri Afrim Bunjaku.

Ahmet Ismaili mund të jetë qytetari i Kosovës me pagën më të lartë në sektorin publik.

Ai, si guvernatori i Bankës Qendrore të Kosovës merr 58 mijë e 706 euro neto pagë vjetore.

I bie që në muaj ai arkëton 4 mijë e 892 euro, neto.

Por, paga vjetore prej 60 mijë euro, nuk përfshinte krejt të ardhurat publike që ai mori, vitin e fundit nga shteti.

Në deklarimin e pasurisë që ka bërë, Ismaili ka futur edhe shumën prej 8 mijë e 208 euro “mëditje si kompensim për bord” dhe 9 mijë e 845 euro si mëditje – udhëtim zyrtar jashtë vendit.

Në total, ai ka marrë nga shteti, vitin e fundit 76 mijë e 759 euro.