Kuvendi i Kosovës po mban homazhe përkujtimore në nderim të jetës dhe veprës së akademik Rexhep Qosja.
Ish-presidentja e Kosovës, Atifete Jahjaga ishte e pranishme në homazhet në nderim të jetës dhe veprës së akademik, Rexhep Qosja.
Jahjaga me këtë rast ka shkruar ngushëllimet e saj në Librin e Zisë.
Kuvendi i Kosovës po mban homazhe përkujtimore në nderim të jetës dhe veprës së akademik Rexhep Qosja.
Deputetë të grupit parlamentar të PDK-së kanë bërë homazhe në nderim të jetës dhe veprës së akademik, Rexhep Qosja
Gjenerata Z po përdor një term të ri për takime dhe ne e kemi të vështirë ta anashkalojmë.
Rezulton se “jetuan të lumtur përgjithmonë” ndonjëherë kërkon të ulësh standardet.
Gen Z e ka quajtur këtë strategji “Shrekking”, të lidhesh me dikë më pak tërheqës, me shpresën për një trajtim më të mirë.
Shrekking i referohet një taktike takimi ku pajtohesh me dikë që nuk i plotëson standardet e tua, veçanërisht kur bëhet fjalë për pamjen fizike.
Amy Chan, një trajnere takimesh dhe autore e Breakup Bootcamp, The Science of Rewiring Your Heart tha: “Shumë njerëz e kanë vendosur pamjen më poshtë në listë ose kanë shpresuar që tërheqja do të rritet me kalimin e kohës, dhe kjo në vetvete nuk është diçka e keqe’.
Në kuadër të “World Boxing Cup” që po mbahet në Foz do Iguaçu nga 20 deri më 27 prill 2026, sot (24 prill) në ring do të ngjitet medalistja botërore dhe evropiane, Donjeta Sadiku.
Sadiku, e cila garon në kategorinë deri në 60 kilogramë, do të përballet me boksieren nga Polonia, Aneta Elżbieta Rygielska, në një duel vendimtar për sigurimin e medaljes.
Trajnerja e saj, Marjola Sallauka, është shprehur optimiste për paraqitjen e boksieres kosovare, duke besuar se Sadiku do të dalë fituese edhe nga ky përballje dhe do të sigurojë medalje, ndërsa objektivi kryesor mbetet ai i artë.
Kjo Kupë Botërore ka rëndësi të veçantë, pasi pikët e grumbulluara ndikojnë drejtpërdrejt në procesin e kualifikimit për Lojërat Olimpike Los Angeles 2028.
Policia e Kosovës ka bërë të ditur statistikat zyrtare për 24 orët e fundit, duke ofruar një pasqyrë të përgjithshme mbi gjendjen e sigurisë dhe trafikut në vend.
Sipas raportit, gjatë kësaj periudhe nuk është shënuar asnjë aksident trafiku me fatalitet, 16 aksidente trafiku kanë qenë me persona të lënduar, si dhe 36 aksidente me dëme materiale.
Në kuadër të kontrollit dhe menaxhimit të trafikut rrugor, Policia ka shqiptuar gjithsej 2101 tiketa trafiku për shkelje të ndryshme të rregullave.
Sa i përket sigurisë publike, janë arrestuar 24 persona, ndërsa 11 persona janë dërguar në mbajtje. Gjatë kësaj periudhe nuk është raportuar asnjë rast i ndalimit policor.
Shefi i grupit parlamenetar të AAK-së Besnik Tahiri, ka ardhur në Kuvendin e Kosovës me një portet të kongresmenit amerikan, Eliot Engel, i cili tha se portreti ka qenë kërkesë e kryetarit të AAK-së Ramush Haradinaj
Ai tha se këtë portret e ka bërë piktori Faton Kryeziu.
Sot Kuvendi i Kosovës do të mabjë seancë solemne në shenjë nderimi për kongresmenin amerikan, Eliot Engel.
Kryetari i Aleancës Kosovare të Bizneseve (AKB), Agim Shahini, ka thënë se viti 2026 do të jetë ndër vitet më të vështira për ekonominë, biznesin dhe qytetarët e Kosovës.
Përmes, një postimi në profilin e tij në rrjetin social Facebook, Shahini ka shkruar se Kosova po hyn në një fazë të thellimit të varësisë nga importi, ku prodhimi vendor po përballet me mungesë të mbështetjes dhe presion të madh nga konkurrenca e jashtme.
Ai thotë se AKB-ja vlerëson se rritja e vazhdueshme e importeve, deficit tregtar në nivele rekorde historike po e dobëson prodhimin vendor në tregun e brendshëm.
Postimi i tij i plotë:
IMPORTET PRITET TË ARRIJNË RRETH 8 MILIARDË € NË 2026 – EKONOMIA E KOSOVËS NË RREZIK SERIOZ!
Aleanca Kosovare e Bizneseve – Paralajmërim i hershëm!
AKB-ja, duke analizuar trendet e tregtisë së jashtme për 3 muajt e parë të vitit 2026 dhe duke i krahasuar me vitin 2025, paralajmëron se viti 2026 do të jetë ndër vitet më të vështira për ekonominë biznesin dhe qytetarët e Kosovës.
Kosova po hyn në një fazë të thellimit të varësisë nga importi, ku prodhimi vendor po përballet me mungesë të mbështetjes dhe presion të madh nga konkurrenca e jashtme.
AKB-ja vlerson se rritje e vazhdueshme e importeve, deficit tregtar në nivele rekord historik po e dobëson prodhimin vendor në tregun e brendshëm.
PROJEKSIONI I AKB-së PËR 2026
Importet pritet të arrijnë rreth 8 MILIARDË €.
Kjo do të thotë, varësi ekstreme nga mallrat e importuara,dalje masive e parasë nga ekonomia e Kosovës dhe ekonomi e bazuar në konsum, jo në prodhim.
Nëse vazhdon ky trend, deficiti tregtar do të thellohet edhe më shumë, prodhuesit vendorë do të humbasin konkurrencën dhe do të rritet papunësia dhe varfëria në Kosovë.
PARALAJMËRIMI I AKB-së
Mungesa e politikave të qarta për mbështetjen e prodhimit vendor po e shtyn ekonominë e Kosovës drejt një krize strukturore.
Viti 2026 rrezikon të jetë viti me deficitin më të madh tregtar në historinë e pasluftës.
Qeveria e vendit duhet t’i ndërmarrë disa hapa konkretë:
1. Mbështetje reale për prodhuesit vendorë
2.Strategji për zëvendësimin e importeve
3. Ulje e kostos së energjisë për bizneset
4.Rritje e eksporteve dhe prodhimit vendor dhe të subvencionojë.
Kosova nuk mund të zhvillohet duke importuar gjithçka dhe duke prodhuar pak.
Është koha për veprim – jo për heshtje tha ne fund Agim Shahini kryetar i Aleancës Kosovare të Bizneseve.
Evropa vazhdon të jetë një nga rajonet më të pasura në botë, por sot pasuria e një vendi nuk matet vetëm me sa prodhon ekonomia e tij.
Sipas analizës së platformës financiare HelloSafe, një vend konsiderohet “i pasur” jo vetëm nga të ardhurat e larta, por edhe nga mënyra si jetojnë qytetarët. Në këtë renditje për vitin 2026, Norvegjia renditet e para në botë.
Raporti thekson se treguesi GDP për banor nuk mjafton për të kuptuar realitetin, sepse nuk tregon nëse pasuria ndahet në mënyrë të drejtë mes njerëzve. Një vend mund të ketë shifra shumë të larta ekonomike, por kjo nuk do të thotë domosdoshmërisht që qytetarët jetojnë mirë.
Një shembull i qartë është Irlanda. Ajo ka një GDP shumë të lartë për banor, por kjo ndikohet shumë nga prania e kompanive të mëdha ndërkombëtare.
HelloSafe ka krijuar një “Indeks të Prosperitetit”, i cili kombinon disa faktorë: të ardhurat mesatare, nivelin e pabarazisë dhe treguesit socialë si shëndetësia dhe cilësia e jetesës. Qëllimi është të matet jo vetëm pasuria, por edhe mirëqenia reale e njerëzve.
Në këtë indeks, vendet europiane dominojnë renditjen. Norvegjia zë vendin e parë falë të ardhurave të larta dhe një sistemi shumë të balancuar social. Pas saj renditen Irlanda dhe Luksemburgu, të cilat gjithashtu kanë ekonomi të forta dhe standard të lartë jetese.
Në top-listë përfshihen edhe vende si Islanda, e cila vlerësohet për zhvillim njerëzor dhe nivel të ulët varfërie, si dhe Singapori, i cili ka të ardhura shumë të larta por ndikohet nga pabarazia më e madhe sociale.
Ndërkohë, Shtetet e Bashkuara renditen më poshtë në krahasim me Evropën, kryesisht për shkak të pabarazisë më të lartë
Raporti tregon gjithashtu se vende si Franca, Italia dhe Spanja kanë pozita më të mesme, për shkak të të ardhurave më të ulëta ose sfidave sociale, ndërsa disa vende të Evropës Lindore kanë rezultate më të dobëta në krahasim me Perëndimin.
Në përfundim, analiza thekson se sot koncepti i “vendit të pasur” ka ndryshuar. Nuk mjafton vetëm prodhimi ekonomik, por është po aq e rëndësishme se si shpërndahet pasuria dhe sa mirë jetojnë qytetarët në realitetin e përditshëm.
Nën përkujdesjen e Ushtrueses së Detyrës së Presidentes së Republikës së Kosovës, Albulena Haxhiu, janë organizuar homazhe përkujtimore dhe është hapur Libri i Zisë në nderim të jetës dhe veprës së akademikut Rexhep Qosja.
E, para që u shkrua në Librin e Zisë është ushtruesja e detyrës së presidentes, njëherit kryetarja e Kuvendit të Kosovës, Albulena Haxhiu.
Homazhet do të mbahen deri në orën 16:00, ndërsa dita e sotme (24 prill) në Kosovë është shpallur ditë zie në nderim të tij.
Akademiku, shkrimtari dhe kritiku letrar shqiptar, Rexhep Qosja, ka vdekur të enjten në moshën 90-vjeçare, ka njoftuar familja e tij.
Nipi i tij, Valjet Rexhepi, ka bërë të ditur përmes një postimi në Facebook se Qosja është varrosur të enjten në një ceremoni private familjare.
“Me dëshirë të të ndjerit, nuk do të organizohet ceremoni pritjeje nga familja. Familja nuk do të marrë pjesë në organizime institucionale. Lusim që privatësia jonë të respektohet dhe të na mundësohet të mbajmë zi në qetësi!”, ka shkruar Rexhepi./EO/
Ndërprerja e internetit në Iran po vazhdon edhe në ditën e 55-të, duke vështirësuar ndjeshëm komunikimin e qytetarëve me botën e jashtme.
Qasja është ndërprerë për më shumë se 55 ditë radhazi, pasi lidhja ka rënë në 2% të niveleve të zakonshme pas 1,296 orësh, sipas grupit të monitorimit të internetit NetBlocks.
“Kufizimet në aksesin në rrjetin global vazhdojnë të pengojnë tregtinë online, sistemet e pagesave dhe sektorët e ekonomisë që varen nga ai dixhital”, tha NetBlocks.
Sipas raportimeve, qeveria në Teheran ka një listë të bardhë të faqeve të internetit që njerëzit lejohen të kenë akses.