ATV

Author: K.B.

  • Fondacioni Frutex & Golden Eagle do ta mbulojnë të gjithë koston e operimit të Gentianit në Turqi

    Fondacioni Frutex & Golden Eagle do ta mbulojnë të gjithë koston e operimit të Gentianit në Turqi

    Pronari i Frutexit, Shaqir Palushi, ka njoftuar se Fondacioni Frutex & Golden Eagle do të mbulojë të gjitha shpenzimet për operimin e Gentianit, i cili po përballet me probleme serioze në nyjet e duarve dhe ka nevojë për trajtim urgjent jashtë vendit.

    Përmes një postimi publik, Palushi bëri të ditur se ndërhyrja kirurgjikale do të kryhet në Turqi, ndërsa fondacioni do të financojë tërësisht operimin në vlerë prej 5 mijë eurosh.

    “Gentiani, i cili po përballet me probleme serioze në nyjet e duarve, ka nevojë për operim urgjent jashtë vendit. Fondacioni Frutex & Golden Eagle do ta mbulojnë të gjithë koston e operimit”, ka shkruar ai.

    Ndihma për Gentianin vjen si pjesë e angazhimeve humanitare që fondacioni realizon për qytetarët që kanë nevojë për trajtim mjekësor dhe mbështetje financiare.

  • Ushtria zbret me parashuta në një ishull për të ndihmuar një britanik të dyshuar me hantavirus

    Ushtria zbret me parashuta në një ishull për të ndihmuar një britanik të dyshuar me hantavirus

    Mjekët ushtarakë britanikë janë hedhur me parashutë në ishullin e largët atlantik Tristan da Cunha për të ndihmuar një shtetas britanik i dyshuar me hantavirus.

    Burri ishte larguar nga MV Hondius — anija turistike e goditur nga një shpërthim vdekjeprurës i virusit — në mesin e prillit, në territorin më të largët të banuar britanik jashtë shtetit, ku ai jeton.

    Ai raportoi simptomat e para dy javë pasi kishte zbritur nga anija dhe thuhet se ndodhet në gjendje stabile ndërsa qëndron i izoluar. Tashmë janë konfirmuar gjashtë raste me virusin, përfshirë edhe dy britanikë të tjerë që po trajtohen jashtë anijes.

    Të shtunën, nga një avion RAF A400M u hodh edhe oksigjen, pasi rezervat në ishull kishin arritur në një nivel “kritik”, tha Ministria e Mbrojtjes (MoD).

    Gati një muaj pas vdekjes së parë në bordin e MV Hondius, anija tashmë ka mbërritur në Tenerife, ku autoritetet po ndihmojnë më shumë se 100 persona të zbresin për t’u riatdhesuar.

    Tre persona kanë vdekur nga shpërthimi, përfshirë dy që u konfirmua se kishin hantavirus.

    Hantavirusi është një grup virusesh që bartet nga brejtësit. Shumica e hantaviruseve nuk transmetohen nga personi te personi, por varianti Andes — i identifikuar te disa persona që kishin qenë në anijen holandeze — transmetohet.
    Britaniku që jeton në Tristan da Cunha kishte zbritur nga anija më 14 prill, sipas Organizatës Botërore të Shëndetësisë (OBSH).

  • Vjosa Osmani prezanton Visar Xanin si pjesë të ekipit të saj

    Vjosa Osmani prezanton Visar Xanin si pjesë të ekipit të saj

    Kandidatja e LDK-së për presidente, Vjosa Osmani e ka prezantuar Visar Xanin si pjesë të ekipit të tij.

    Ajo tha se tha se puna e Visar Xanit për 18 vjet lidhet me fjalën publike.

    Postimi i plotë:

    Për më shumë se tetëmbëdhjetë vjet, puna e Visar Xanit lidhet ngushtë me fjalën publike.

    Visari i përket atij brezi që e njohu Kosovën në lëvizje, në debat, në përpjekjen e saj të vazhdueshme për t’u bërë shtet më i fortë e më i drejtë. Fillimisht si gazetar e analist politik, me syrin kritik ndaj zhvillimeve shoqërore e politike, e më pas brenda vetë institucioneve, aty ku fjala duhet të shndërrohet në përgjegjësi dhe puna në rezultat.

    Në organizata ndërkombëtare dhe në administratë publike, Visari ka sjellë qetësinë e njerëzve që e kuptojnë shtetin si një projekt në të cilin duhet të punohet ditë pas dite. Visari ka kontribuar në reforma, në komunikim institucional dhe në formimin profesional të shumë zyrtarëve në Kosovë, në veçanti me rolin e tij si Koordinatori Nacional i RESPA-s për Kosovën.

    Mbi të gjitha, ai sjell një cilësi që rrallë thuhet, por lehtësisht dallohet: seriozitetin e njeriut që e sheh shërbimin publik si detyrim ndaj qytetarëve dhe jo si privilegj.

    I nderuar Visar, na priftë e mbara në këtë rrugëtim të përbashkët

  • OVL-UÇK tregon emrat e dëshmorëve që ranë nga 1 deri më 15 maj gjatë luftës në Kosovë

    OVL-UÇK tregon emrat e dëshmorëve që ranë nga 1 deri më 15 maj gjatë luftës në Kosovë

    Organizata e Veteranëve të Luftës së UÇK-së, ka postuar në Facebook për dëshmorët e rënë nga data 1 deri në 15 maj.

    Në njofitm thuhet se sakrifica e tyre mbetet themel i shtetit tonë dhe amanet i përhershëm për brezat që vijnë.

    Postimi i plotë:

    Nga 1 deri më 15 maj, gjatë luftës tonë çlirimtare, ranë këta dëshmorë të kombit shqiptar.

    Në ditët më të rënda për popullin shqiptar, ata nuk u zmbrapsën përballë armikut, por u ngritën si mburojë e Kosovës dhe si zëri i pavdekshëm i lirisë. Sakrifica e tyre mbetet themel i shtetit tonë dhe amanet i përhershëm për brezat që vijnë.

    Asllan Gashi, Abdiselam Ahmeti, Abedin Myrtezi, Agim Selmanaj, Agron Veliu, Agron Veliqi, Burim Veliqi, Emin Musliu, Emrush Buzhala, Faton Kiqina, Gani Rrustemaj, Halil Gashi, Jemin Musliu, Musa Maloku, Rexhep Zenelaj, Sadik Ganijaj, Sadik Rrustemaj, Shpend Hiseni, Adnan Bunjaku, Agim Sadiku, Agim Sadriu, Ali Hyseni, Ali Zeneli, Bajram Musa, Bastri Hyseni, Beqir Hyseni, Besim Rexhepi, Elmaz Peci, Faruk Beqiri, Feta Gega, Halil Gashi, Hasan Hasani, Jakup Shehu, Mehdi Musliu, Nystret Musa, Xhavit Bajraktari, Xhevdet Ahmeti, Abdyl Duqi, Bajram Sallahaj, Besim Tiku, Fazli Jakupi, Liman Koca, Naim Xani, Nasuf Gashani, Nasuf Goxhuli, Nesret Halili, Rifat Goxhufi, Tahir Gashani, Avdyl Nimani, Bislim Tretça, Fehmi Preteni, Hadije Spahiu, Mursel Boletini, Naim Hyseni, Nazmi Bashota, Nazmi Karrafeta, Abedin Murtezi, Behxhet Hamza, Behxhet Shabani, Elhami Hasani, Enver Kukaj, Florim Maliqi, Imri Halili, Isuf Mulaj, Januz Zejnullahu, Kamush Shatrolli, Metë Aliaj, Pal Palucaj, Ramadan Rexhepi, Shabi Kajolli, Luan Haradinaj, Artim Jashari, Afrim Krasniqi, Avdi Kelmendi, Bedri Bazaj, Florin Maliqi, Gani Kelmendi, Kadri Qollaku, Liman Rekaj, Nijazi Rexhepi, Safet Rexhepi, Tafil Osmani, Bahri Fazliu, Adnan Krasniqi, Ahmet Gjikolli, Arrnaud Paillard, Bujar Roka, Demush Lataj, Demush Mavraj, Françesko Bider, Gani Brahimaj, Gazmend Zeqiri, Hamdi Çetaj, Hazyr Këpuska, Luan Krasniqi, Osman Tafa, Safet Rexhepi, Sherif Muqaj, Tomë Gjokaj, Visar Juniku, Yllka Domi, Agim Hasanaj, Besim Halilaj, Haki Kameraj, Afrim Berisha, Ajet Rrahmani, Bekim Kelmendi, Bekim Mavraj, Bujar Neziri, Emin Berisha, Esat Shabani, Hasan Maloku, Hysni Berisha, Ibish Mavraj, Jeton Ahmeti, Kushtrim Hoxha, Menderes Dervishaj, Menhend Dervishaj, Metush Gashi, Muharrem Gashi, Muharrem Morina, Mustafë Shabani, Nexhat Bajrami, Përparim Berisha, Ragip Morina, Ramush Shatrolli, Rexhep Berisha, Sabedin Hamiti, Safet Elshani, Tafil Osmani, Ukshin Maloku, Xhelal Morina, Hazir Mala, Ilir Konushevci, Ali Hoxha, Ali Ivaja, Azem Musliaj, Azem Ukaj, Bajram Musliaj, Dashmir Krasniqi, Fatmir Hyseni, Megzun Boshnjaku, Rifat Beqiraj, Sefedin Xërxa, Shemsi Musliaj, Taulant Nura, Shukri Qorri, Afrim Behrami, Agim Haxhiavdyli, Hajriz Muhadini, Hamdi Ferati, Ilir Berisha, Ilir Sadrijaj, Islam Koci, Islam Neziraj, Ismet Osmani, Lan Dobraj, Muhamet Kabashi, Naim Luboci, Shaqir Tërshana, Sherif Buqaj, Xhevdet Dobra, Ylber Hoxha, Afrim Syla, Ali Hasi, Arben Shala, Bardh Aliaj, Besim Nuka, Emin Kryeziu, Fatos Ademaj, Idriz Gajraku, Ismail Ismaili, Ismet Marmullaku, Izet Beqiraj, Kreshnik Ademaj, Muhamet Kabashi, Naim Orllati, Nazim Bakiu, Nikollë Dodaj, Qamil Osmani, Shaban Morina, Shefqet Thaqi, Urim Mehmeti, Xhafer Grabovci, Xhevdet Loshaj, Adem Bajrami, Adem Gashi, Agron Rrahmani, Avdullah Avdullahu, Bekim Bytyqi, Elmi Morina, Gëzim Duqi, Hajdar Ademi, Ilmi Morina, Mehmet Dula, Milaim Krasniqi, Murat Dula, Ramiz Rexha, Sadri Neziri, Shefqet Rexha, Sinan Rexha, Xhevdet Krasniqi, Arif Hysenaj, Bedrush Gashi, Burim Veliqi, Faton Vehbiu, Idriz Gajraku, Nijazi Bajraktari, Shefshet Bazaj, Qaush Morina, Adem Ahmetaj, Bedrush Gashi, Hamdi Ferati, Hamdi Krasniqi, Ismet Morina, Nuhi Haliti, Sali Gashi, Skender Gega, Mehedin Morina, Ajdin Rramanaj, Avdullah Lushi, Driton Demaku, Emrush Krasniqi, Hasan Çeku, Isuf Shala, Jahë Tofaj, Qamil Ilazi, Rifat Smajli, Sabit Hiseni, Selim Shehu, Shaban Smajli, Sinan Berisha, Muhamet Çitaku, Adem Mulaj, Behram Behrami, Faik Gogjuli, Hamzë Zyberaj, Ilmi Bahtiari, Lahë Gashi, Malush Ahmeti, Muharrem Mehmeti, Nuhi Berisha, Sadri Shala, Sadri Neziri dhe Shefqet Bazaj.

    OVL UÇK-së i përkujton me nderimin më të lartë dëshmorët e rënë gjatë luftës tonë çlirimtare dhe nuk do t’i harrojë kurrë sakrificën, gjakun dhe amanetin e tyre për liri. Lavdi e përjetshme dëshmorëve të kombit!

  • Rrahje për kontest pronësor mes dy vëllezërve në Mitrovicë, njëri nga ta bëhet për spital

    Rrahje për kontest pronësor mes dy vëllezërve në Mitrovicë, njëri nga ta bëhet për spital

    Një mosmarrëveshje rreth një kontesti pronësor ka eskaluar në përleshje fizike mes dy vëllezërve në Mitrovicën e Jugut.

    Sipas raportit të Policisë, rasti ka ndodhur më 9 maj 2026, rreth orës 13:45, ku dy të dyshuar meshkuj janë përleshur ndërmjet vete pas mosmarrëveshjeve lidhur me pronën.

    Gjatë incidentit, lëndime ka pësuar edhe një viktimë mashkullore, e cila kishte tentuar t’i ndalonte të dyshuarit. Viktima ka pranuar trajtim mjekësor.

    Me vendim të prokurorit, pas inicimit të rastit, të dyshuarit janë dërguar në mbajtje.

    Njoftimi i PK:

    Mitrovicë Jugu / 09.05.2026 – 13:45. Dy të dyshuar m/k (vëllezër) pas një mosmarrëveshje rreth një kontesti pronësor ishin përleshur ndërmjet vete. Pas incidentit, trajtim mjekësor ka pranuar viktima m/k e cila kishte tentuar ti ndalojë të dyshuarit. Me vendim të prokurorit pas inicimit të rastit të dyshuarit janë dërguar në mbajtje.

  • Arben Gashi njofton nëse do të kandidojë për deputet

    Arben Gashi njofton nëse do të kandidojë për deputet

    Arben Gashi nga radhët e Lidhjes Demokratike të Kosovës (LDK), ka bërë të ditur se do të jetë kandidat për deputet në zgjedhjet e parakohshme parlamentare.

    Gashi këtë e ka njoftuar me anë të një postimi në ‘Facebook’, ku ka thënë se është propozuar nga dega e LDK’së në Pejë dhe ajo në Prishtinë.

    “Me propozim të Degës së LDK-së në Pejë dhe Degës IV të LDK-së në Prishtinë, jam kandidat edhe për një mandat për deputet në Kuvendin e Kosovës. Falënderoj strukturat e LDK-së, votuesit dhe qytetarët e Kosovës për besimin e vazhdueshëm ndaj meje. Ju garantoj se do të vazhdoj me përkushtim në mbrojtje të vlerave tona politike, të sistemit demokratik dhe të besimit qytetar, për një Kosovë demokratike, të zhvilluar dhe të përhershme”, ka deklaruar Gashi.

    Gashi kandidoi edhe në zgjedhjet e kaluara parlamentare, mirëpo s’i pati votat e mjaftueshme që të bëhej deputet.

  • Zgjedhjet e 7 qershorit, sot përfundon afati për subjektet e reja politike për aplikim për certifikim

    Zgjedhjet e 7 qershorit, sot përfundon afati për subjektet e reja politike për aplikim për certifikim

    Listës së 22 partive politike dhe 3 koalicioneve që deri më 7 maj njoftuan pjesëmarrjen në zgjedhjet e parakohshme të 7 qershorit, mund t’i shtohen edhe subjektet e reja politike.

    Sot, më 10 maj në orën 24:00, KQZ do të përmbyllë afatin për subjektet e reja politike, si nismat qytetare dhe kandidatët e pavarur, për të aplikuar për certifikim të pjesëmarrjes në zgjedhjet parlamentare të radhës.

    Zëdhënësi i KQZ-së, Valmir Elezi, ka thënë një ditë më herët për Ekonomia Online se certifikimit do t’i nënshtrohen vetëm subjektet e reja politike, siç janë koalicionet, nismat qytetare dhe kandidatët e pavarur, por jo edhe partitë politike, që ligji për zgjedhjet e përgjithshme i konsideron të certifikuara automatikisht.

    “Deri më 10 maj, subjektet e reja politike (koalicionet, nismat qytetare dhe kandidatët e pavarur) duhet të dorëzojnë online në KQZ, respektivisht në Zyrën për Regjistrim, Certifikim dhe Kontrollin Financiar, aplikimin për certifikim për pjesëmarrje në zgjedhjet e parakohshme për Kuvendin e Kosovës. Sipas Ligjit për Zgjedhjet e Përgjithshme, partia politike konsiderohet automatikisht e certifikuar, andaj ky proces do të vlejë vetëm për subjektet e reja politike, që në këtë rast janë koalicionet, nismat qytetare dhe kandidatët e pavarur”, tha Elezi.

    Ndërkaq, dy ditë më pas, deri më 12 maj, të gjitha subjektet politike kanë kohë për të dorëzuar online në KQZ listën me emrat e kandidatëve me të cilët do të garojnë në zgjedhjet për Kuvend.

    “Më 12 maj përmbyllet afati 11-ditor për subjektet politike (partitë politike, koalicionet, nismat qytetare dhe kandidatët e pavarur) për të dorëzuar listën me emrat e kandidatëve për deputetë për t’u certifikuar për pjesëmarrje në zgjedhjet e parakohshme të 7 qershorit. Dorëzimi i listës me emrat e kandidatëve për deputetë, duhet të bëhet përmes platformës elektronike dhe procedura është e ngjashme me zgjedhjet e fundit që u mbajtën në dhjetor të vitit të kaluar”, tha ai.

    Në zgjedhjet e fundit parlamentare, të mbajtura më 28 dhjetor, Komisioni Qendror i Zgjedhjeve certifikoi 1,180 kandidatë për deputetë nga 24 subjekte politike. Nga këto, 18 ishin parti politike, 3 koalicione, 2 nisma qytetare dhe 1 kandidat i pavarur.

    Deri më tani, nga 53 parti politike të regjistruara në Kosovë, 22 prej tyre kanë njoftuar KQZ-në se do të marrin pjesë në zgjedhjet e 7 qershorit, 9 të tjera për mospjesëmarrje dhe janë formuar 3 koalicione të ndryshme.

    Partitë politike që kanë njoftuar pjesëmarrjen në zgjedhje janë: 1. Partia Socialdemokrate; 2. Kosovaki Nevi Romani Partia; 3. Partia Socialdemokrate e Ashkalinjve; 4. Za Slobodu Pravdu i Opstanak; 5. Srpska Lista; 6. Yenilikçi Türk Hareket Partisi; 7. Lidhja Demokratike e Kosovës; 8. Fjala; 9. Lëvizja Përparimtare e Romëve të Kosovës; 10. Partia Rome e Bashkuar e Kosovës – PREBK; 11. Socialdemokratska Unija; 12. Jedinstvena Goranska Partija; 13. Kosova Demokratik Türk Partisi; 14. Nova Demokratska Stranka; 15. Iniciativa e Re Demokratike e Kosovës; 16. Kosovski Savez; 17. Partia Balliste; 18. Partia Qytetare për Mirëqenie Sociale; 19. Partia Liberale Egjiptiane; 20. Aleanca për Ardhmërinë e Kosovës; 21. Stranka Demokratske Akcije; dhe 22. Partia Demokratike e Kosovës.

    Partitë politike që kanë njoftuar mospjesëmarrjen në zgjedhje janë: 1. Partia Demokratike e Unitetit; 2. Balli Kombëtar i Kosovës; 3. Lëvizja Qytetare Vatra; 4. Bashkimi për Ndryshim Anamorava; 5. Partia e Drejtësisë; 6. Srpski Narodni Pokret; 7. Partia Reforma Demokratike; 8. Aleanca Kosova e Re; dhe 9. Nisma Socialdemokrate.

    Partitë politike që kanë njoftuar formimin e koalicionit: 1. Demokratska Stranka Bošnjaka dhe Demokratska Stranka Vatan (Koalicija VAKAT); (2). Partia e Ashkalinjëve për Integrim, Partia Demokratike e Ashkanlive të Kosovës dhe Lëvizja për Bashkëveprim (Ashkalitë e Bashkuar) dhe 3. Lëvizja Vetëvendosje, Guxo, Alternativa dhe Partia Shqiptare Demokristiane (Lëvizja VETËVENDOSJE!).

  • Pasi u bë pjesë e PDK-së për zgjedhjet e 7 qershorit, reagon Rrustem Mustafa

    Pasi u bë pjesë e PDK-së për zgjedhjet e 7 qershorit, reagon Rrustem Mustafa

    Rrustem Mustafa nga Partia Demokratike e Kosovës, përmes një postimi në Facebook, ka thënë se kjo parti ‘’mundet bashkë’’, dhe se, Kosova ka nevojë për normalitet, institucione funksionale dhe bashkim në ndërtim e integrim.

    Mustafa ka thënë edhe se PDK është gati për ndryshimin që e meriton çdo qytetar.

    Postimi i tij i plotë:

    PDK mundet bashkë

    Kosova ka nevojë për normalitet institucione funksionale dhe bashkim në ndërtim e integrim. Duhet ti largojmë nga politika ata që mbajnë vendin në tension përçarje dhe paaftësi.

    Është koha për përgjegjësi stabilitet dhe shtet që ecën përpara. Ne jemi gati për ndryshimin që meriton çdo qytetar.

    PDK mundet Bashkë!.

  • Demhasaj pas fotos së Kurtit me Mickoskin: Përçarësi më i madh i shqiptarëve gjithandej

    Demhasaj pas fotos së Kurtit me Mickoskin: Përçarësi më i madh i shqiptarëve gjithandej

    Arton Demhasaj nga AAK’ja ka kritikuar ashpër kryeministrin në detyrë të Kosovës, Albin Kurti, duke e quajtur atë “përçarësi më i madh i shqiptarëve gjithandej”.

    Reagimi i Demhasajt erdhi pas pjesëmarrjes së Kurtit në një tubim partiak në Maqedoninë e Veriut, ku ai u shfaq përkrah kryeministrit maqedonas, Hristijan Mickoski, në mbështetje të koalicionit shqiptar VLEN.

    Në reagimin e tij, Demhasaj tha se Kurti “ka harruar” sjelljen e Mickoskit gjatë incidenteve në stadium, ku sipas tij pati thirrje kundër shqiptarëve dhe për zhdukjen e tyre, ndërsa Mickoski “vetëm qeshte dhe nuk reagoi fare”.

    Ai shtoi se është “e rëndë” që Kurti buzëqesh pranë një politikani që, sipas tij, “e ka luftë të përditshme gjuhën shqipe në Maqedoni”, duke e cilësuar këtë si “tragjedi në vete”.

    Në fund të reagimit, Demhasaj i drejtohet Kurtit me fjalët: “Mos lësho pe, kryeministër!”.

  • “U luta për një fëmijë dhe Allahu më dha pesë” – mrekulli në Etiopi, gruaja lind pesënjakë pas 12 vitesh pritjeje

    “U luta për një fëmijë dhe Allahu më dha pesë” – mrekulli në Etiopi, gruaja lind pesënjakë pas 12 vitesh pritjeje

    Një grua ka lindur pesënjakë në shtetin rajonal Harari të Etiopisë, pas 12 vitesh përpjekjesh për të pasur një fëmijë.

    Bedriya Adem tha se ajo dhe bashkëshorti i saj ishin “tepër të gëzuar” që “u bekuan me pesë fëmijë njëherësh”.

    35-vjeçarja lindi katër djem dhe një vajzë, të cilët janë të gjithë “me shëndet të plotë”, në Spitalin e Specializuar Hiwot Fana, tha spitali.

    “Nuk mund ta shpreh lumturinë time me fjalë”, tha ajo, duke kujtuar se si ishte “e mbushur me depresion dhe dhimbje” derisa lutjet e saj u përgjigjën.

    Drejtori i spitalit, Dr. Mohammed Nur Abdulahi, tha se nëna dhe foshnjat mbetën nën kujdesin mjekësor në spital.

    Mjeku njoftoi se Bedriya kishte mbetur shtatzënë natyrshëm, pa ndihmën e fertilizimit in vitro (IVF), të cilin spitali nuk e ofron.

    Raportohet se mundësia për të lindur pesënjakë në mënyrë natyrale është rreth një në 55 milionë.

    Bedriya tha se fillimisht i ishte thënë se ishte shtatzënë me katër foshnje, por kur lindi, pati edhe një.

    “U luta vetëm për një fëmijë dhe Allahu më dha pesë”, tha ajo, duke folur për ndjesinë e saj gjatë “pritjes së gjatë”.

    “Kalova 12 vjet në dhimbje, duke u fshehur dhe duke u lutur vazhdimisht për fëmijë – më në fund, Allahu më dëgjoi”, shtoi gruaja.

    Fëmijët janë emëruar Naif, Ammar, Munzir, Nazira dhe Ansar.