Author: K.B.

Gjykata Themelore e Ferizajt e ka dënuar me 11 muaj burgim, gjashtë mijë euro gjobë dhe pesë vite dënim plotësues një edukatore të një kopshti në Ferizaj, për veprat penale “keqtrajtim apo braktisja e fëmijës dhe lëndimi i lehtë trupor”.

Sipas Gjykatës, e pandehura M.A., akuzohet se më datë 4 nëntor 2025 dhe 5 nëntor 2025, në vazhdimësi, në intervalin kohor nga ora 09:00 deri më 14:30 në një kopsht të fëmijëve në Ferizaj, ka keqpërdor të drejtat e saj të cilat i kishte si edukatore, e të cilës i ishin besuar në ruajtje, edukim dhe kujdes dy fëmijët e moshës 2 vjeçar.

Aty thuhet se i detyronte me dhunë për të fjetur, i tërhiqte për flokësh dhe i përplaste për dysheme.

“… pra me dashje i ka keqtrajtuar ata duke përdorur masa fizike dhe mendore, duke i detyruar me dhunë për të fjetur, duke i shtyrë, tërhequr për flokë dhe përplasur për dysheme të dëmtuarit – fëmijët, me të cilin veprim ka kryer në vazhdim veprën penale keqtrajtim apo braktisja e fëmijës nga neni 243 paragrafi 1 lidhur me nenin 77 të Kodit Penal të Republikës së Kosovës”, thuhet në njoftim.

Më datë 5 nëntor 2025, e njëjta akuzohet se në intervalin kohor nga ora 09:00 deri më 14:30 në Ferizaj, “ e sulmon me dashje njërin të dëmtuar fëmijë dy vjeçar, pra viktimë e ndjeshme, i cili asaj i`u kishte besuar në ruajtje, edukim dhe kujdes në atë mënyrë që e kap për flokë e tërheqë duke i`a dëmtuar – shkulur flokët si dhe duke i`a dëmtuar lëkurën në atë pjesë të kokës, pra duke i shkaktuar lëndime të lehta trupor – gjendje pas kontuzionit (ndrydhjes) në kokë, lëndime këto të përshkruara në akt ekspertimin mjeko – ligjor të datës 25 nëntor 2025, me të cilin veprim ka kryer veprën penale lëndimi i lehtë trupor nga neni 185 paragrafi 1 nën paragrafi 3.1 të Kodit Penal të Republikës së Kosovës”.

“Kundër këtij aktgjykimi, palët kanë të drejtë ankese në afat prej tridhjetë (30) ditëve nga dita e pranimit të aktgjykimit në formë të shkruar. Ankesa i drejtohet Gjykatës së Apelit në Prishtinë, përmes Gjykatës Themelore në Ferizajt”, përfundon njoftimi.

Kryetari i Skenderajt, Sami Lushtaku, ka bërë një postim në Facebook, para intervistimit të tij lidhur me rastin e djeshëm, ku ndër tjerash ka thënë se, ‘’si gjithmonë, edhe sot i përgjigjem drejtësisë’’.

Lushtaku, ka shkruar edhe se, ai i respekton institucionet për të cilat, ai dhe bashkëluftëtarët e tij kanë luftuar.

‘’ Për dallim nga Albin Kurti, i cili nuk respekton as Policinë e as Prokurorinë, që Kushtetutën e shkel sa herë i konvenon politikisht, unë i respektoj dhe ju përgjigjem gjithmonë institucioneve të Republikës’’, ka shkruar ai.

Postimi:

Unë i përgjigjem Republikës, kombit dhe Zotit.

Si gjithmonë, edhe sot i përgjigjem drejtësisë.

I respektoj institucionet për të cilat unë dhe bashkëluftëtarët e mi kemi luftuar dhe kemi dhënë gjithçka.

Për dallim nga Albin Kurti, i cili nuk respekton as Policinë e as Prokurorinë, që Kushtetutën e shkel sa herë i konvenon politikisht, unë i respektoj dhe ju përgjigjem gjithmonë institucioneve të Republikës.

Bëj thirrje për qetësi dhe maturi ndërsa shpresoj që Prokuroria të mos instrumentalizohet, por ta kryejë punën e vet në mënyrë të pavarur, pa ndikime dhe pa presion!

Organizata “Albanians for America” ka shprehur mirënjohje për Departamentin amerikan të Shtetit pas lajmit se ky institucion ka proceduar në Kongresin amerikan lejen për eksportimin e artikujve të mbrojtjes dhe shërbimeve ushtarake për Kosovën në vlerë prej mbi 14 milionë dollarësh, duke thënë se ky “është mesazh i qartë besimi ndaj shtetit tonë dhe institucioneve të sigurisë”.

“Përcjellja për shqyrtim në Komitetin për Marrëdhënie me Jashtë të Senatit amerikan dëshmon seriozitetin institucional dhe mbështetjen bipartizane që gëzon Kosova në Ëashington. Nga Humvee, ASV, dronët dhe sistemet moderne të mbrojtjes, e deri te mbështetja për transformimin e FSK-së në ushtri profesionale e të denjë për NATO, SHBA-të kanë qenë gjithmonë më Kosovën në momentet vendimtare. Angazhimi i FSK-së në misione ndërkombëtare dhe përgatitjet për pjesëmarrje në forcën stabilizuese në Gazë janë dëshmi e rolit gjithnjë e më aktiv të shtetit tonë në krah të aleatëve. Albanians For America shpreh mirënjohjen e thellë për Departamentin amerikan të Shtetit, Kongresin e Shteteve të Bashkuara, Komitetin për Marrëdhënie me Jashtë të Senatit, si dhe për të gjitha institucionet amerikane që vazhdojnë ta mbështesin Kosovën në forcimin e sigurisë, sovranitetit dhe rrugëtimit të saj euroatlantik”, thuhet në komunikatën e organizatës.

Albanians For America tha se mbështetja e Amerikës për Kosovën mbetet një nga shtyllat më të rëndësishme të paqes, stabilitetit dhe demokracisë në rajon.

“Albanians For America mbetet e përkushtuar për forcimin e raporteve Kosovë–SHBA dhe në mbështetjen e çdo hapi që e afron Kosovën me NATO-n dhe familjen euro-atlantike. Miqësia jonë me Amerikën është aleancë politike, vlerash, lirie dhe besimi në të ardhmen”.

Albanians For America mirënjohje DASH’it pas lajmit për lejimin e shitjes së armëve për Kosovën
Read more

Alush Gashi ka ndërruar sot sot papritmas. Lajmin për ndarjen nga jeta e ka prekur thellë njeriun që ishte i pandarë për vite me të, veprimtarin dhe biznesmenin Mustafë Abazi.

“Sot humba mikun tim më të mirë, Prof. Dr. Alush Gashin.

Është shumë e vështirë të gjej fjalë për këtë dhimbje. Kujtimet, bisedat dhe momentet që kemi kaluar bashkë do të mbeten gjithmonë në zemrën time.
Do të më mungosh pafund, miku im.

U prehsh në paqe” shkruan Abazi në njoftim.

Kryetari i LDK’së, Lumir Abdixhiku, ka ngushëlluar për vdekjen e Alush Gashit, një ndër themeluesit e kësaj partie e bashkëpunëtor i ish-presidentit Ibrahim Rugova.

Abdixhiku tha se Gashi kishte qenë për të mentor e këshilltar dhe e përshkroi atë si njeri të urtë e të matur.

“Ishte një prej njerëzve më të afërt që pata në këtë rrugëtim. Në këtë rrugëtim timin, rrallë kam takuar njerëz me aq maturi e aq mirësi. Në momentet më të vështira, tek ai gjeja gjithmonë qetësi. Një mendim të peshuar. Një fjalë që të kthjellonte. Një përkujdesje të heshtur, pa zhurmë, pa kërkuar asgjë”.

Abdixhiku tha se do t’i mungojë e se i mbeti peng që s’mundi të përshëndetej e të pinte kafe edhe njëherë me të.

“Nuk arritëm të përshëndetemi në këtë botë profë. Kjo më dhemb shumë. Më mbetet peng. Sepse gjithmonë kam menduar se do të kemi edhe një bisedë tjetër. Edhe një kafe. Edhe një këshillë të fundit”.

Postimi i plotë:

Më iku një mik i madh.

Një mik i vërtetë.

Alush Gashi, bashkëpunëtor i afërt i Presidentit Rugova, njeri i urtë e i mençur i politikës sonë, sot na la.

Për mua ishte shumë më shumë se kaq. Ishte mentor. Ishte këshilltar. Ishte një prej njerëzve më të afërt që pata në këtë rrugëtim. Në këtë rrugëtim timin, rrallë kam takuar njerëz me aq maturi e aq mirësi. Në momentet më të vështira, tek ai gjeja gjithmonë qetësi. Një mendim të peshuar. Një fjalë që të kthjellonte. Një përkujdesje të heshtur, pa zhurmë, pa kërkuar asgjë.

E kam të vështirë ta besoj se nuk do të flasim më. Se nuk do ta kem më atë telefonatë, atë mendim të urtë, atë qetësi që dinte ta sillte edhe kur gjithçka bëhej zhurmë.

Nuk arritëm të përshëndetemi në këtë botë profë. Kjo më dhemb shumë. Më mbetet peng. Sepse gjithmonë kam menduar se do të kemi edhe një bisedë tjetër. Edhe një kafe. Edhe një këshillë të fundit.

Shpresoj të të kem bërë krenar, sadopak. Siç jam përpjekur gjithmonë të jem në lartësinë e besimit, këshillave e miqësisë sate.

Do të më mungosh shumë profë.

Ishe njeriu më i sinqertë në këtë rrugëtim kaq të vështirë.

Pusho në paqe!

Ilirijanës, Anilit e Arbanit, bëhuni të fortë. Mbi të gjitha, ndjehuni krenar! Askush si ai.

Kandidatja për presidente nga LDK-ja, Vjosa Osmani ka reaguar pasi ndërroi jetë Alush Gashi.Sipas Osmanit Gashi na la në kohën kur shembulli i njeriut të dijes, të urtësisë e të përbashkimit na duhet më së shumti

Reagimi i plotë:

Profesor Alush Gashi na la.

Na la në kohën kur shembulli i njeriut të dijes, të urtësisë e të përbashkimit na duhet më së shumti.

Profesori i shquar i anatomisë, njeriu i përkushtuar ndaj dijeve, e zbërtheu anatominë tonë politike dhe, bashkë me prijësin tonë historik, Presidentin Rugova, i dha udhë vizionit për shtetin.

Nga Shtëpia e vogël e Lidhjes së Shkrimtarëve në Prishtinë e deri te Shtëpia e madhe e Bardhë në Ëashington e gjithandej globit, ai foli për Kosovën duke e gdhendur fjalën e duke e skalitur mendimin. Diplomat në sjellje, i urtë në mendim, njerëzor e i afërt me të gjithë, i fortë në qëndrime e në aleanca, ai na e la përfytyrimin e pashlyeshëm për shtetin.

Ngushëllime të sinqerta për familjen Gashi dhe miqtë e bashkëpunëtorët e shumtë që sot përjetojnë dhimbje për këtë humbje të madhe.

I përhershëm kujtimi për Ty, profesor Alush!

Në një konferencë për mediat, ministri i Mbrojtjes i Shqipërisë, Ermal Nufi, foli për bashkëpunimin trepalësh me Kosovën dhe Kroacinë për stërvitjen ushtarake.

Ai u ndal edhe te stërvitja e përbashkët mes NATO-s dhe ushtrisë serbe, duke u shprehur se kjo gjë nuk e shqetëson aspak, raporton TopChannel

“Kemi një bashkëpunim me Kroacinë dhe Kosovën. Shtetet bashkëpunojnë në industrinë e mbrojtjes. Në kuadër të marrëveshjes, është që të nxisë bashkëpunimin, meqë Kroacia dhe Shqipëria janë të dyja pjesë e NATO-s. Jemi të dyja në kuadrin e strategjisë së aleancës që i përket mbrojtjes. Sa i përket bashkëpunimit me Kosovën, është në prodhimin e mjeteve ushtarake”.

“Sot që flasim ka një stërvitje që zhvillohet mes NATO-s dhe ushtrisë serbe. Fakti që kjo stërvitje ndodh dhe fakti që Shqipëria e Kroacia janë pjesë e NATO-s, dhe në Kosovë është prezenca e KFOR-it që është mision i NATO-s, tregon që stërvitja e NATO-s atje është më shumë nxitje flake mediatike atje”, tha ndër të tjera ministri Nufi.

Shefi i Shtabit të përgjithshëm të Forcave të Armatosura të Shqipërisë, Arben Kingji, tregoi detaje rreth stërvitjes së përbashkët mes Shqipërisë, Kosovës dhe Kroacisë.

“Në lidhje me pyetjen, stërvitjet do të zhvillohen në Kroaci, ku ne jemi në fazën e planifikimit. Po ashtu edhe një në Shqipëri. Nuk do të jenë tre shtete, por edhe të tjera, qoftë nga NATO, qoftë nga vende me të cilat bashkëpunojmë”, tha Kingji.

Në konferencën e organizuar nga Rrjeti Global i Bizneseve Shqiptare, kryetari i Aleancës për Ardhmërinë e Kosovës, Ramush Haradinaj, diskutoi me përfaqësues të biznesit për sfidat dhe mundësitë e zhvillimit ekonomik të vendit, si dhe për rolin vendimtar të diasporës në forcimin e ekonomisë dhe mbështetjen e bizneseve vendore.

Haradinaj theksoi se sipërmarrësit janë shtylla e ekonomisë së Kosovës, duke krijuar vende pune, duke mbajtur familje dhe duke dhënë shpresë përmes punës dhe investimeve të tyre.

Ai u shpreh se Aleanca për Ardhmërinë e Kosovës ka qëndruar gjithmonë krah bizneseve, duke vlerësuar se nuk mund të ketë shtet të fortë pa ekonomi të fortë dhe pa mbështetje të drejtpërdrejtë për sektorin privat.

Duke prezantuar orientimet e programit për zgjedhjet e ardhshme, Haradinaj tha se fokusi kryesor do të jetë fuqizimi i ekonomisë vendore, lehtësirat fiskale, digjitalizimi dhe krijimi i një klime më të favorshme për investime të huaja. Ai theksoi se ky program do të zbatohet në qeverisje me kandidatin për Kryeministër, Ardian Gjini.

Në fjalën e tij, Haradinaj nënvizoi gjithashtu se siguria mbetet parakusht për zhvillim ekonomik, duke theksuar se anëtarësimi në NATO është objektiv strategjik për një Kosovë më të sigurt dhe më atraktive për investime.

Ai veçoi edhe rolin e diasporës dhe bizneset shqiptare në botë, duke i cilësuar si ura lidhëse me tregjet dhe përvojat ndërkombëtare, të domosdoshme për zhvillimin ekonomik të vendit.

“Bashkëpunimi me diasporën dhe bizneset është rruga që e çon Kosovën përpara”, u shpreh Haradinaj.

Pas tenderit për shtypjen e fletëvotimeve, broshurave të kandidatëve dhe listave të votuesve për zgjedhjet e 7 qershorit, Komisioni Qendror i Zgjedhjeve ka anuluar edhe tenderin për furnizim me kabina të votimit.

Për këtë tender, KQZ ka pranuar vetëm një ofertë, e cila tejkalon buxhetin e paraparë për këtë procedurë prokurimi.

Kompania që ka ofertuar është “DIARI BM SH.P.K”, me çmim 21 mijë e 948 euro, ndërkohë vlera që kishte ndarë KQZ ishte 15 mijë euro. Pra, rreth shtatë mijë euro më e lartë.

Edhe ky tender ishte planifikuar me procedurë të negociuar pa publikim të njoftimit për kontratë.

“KOMISIONI QENDROR I ZGJEDHJEVE anulon aktivitetin e prokurimit sepse oferta e pranuar është mbi buxhetin e AK-KQZ”, thuhet në vendim.

Tenderi tjetër për shtypjen e fletëvotimeve u anulua të mërkurën, meqë autoriteti kontraktes nuk pranoi asnjë ofertë.

Vlera e parashikuar e kësaj kontrate ishte 284 mijë e 506 euro dhe ishte planifikuar të jepet me procedurë të negociuar pa publikim të njoftimit të kontratës.

Ish-ministri i Shëndetësisë, njëherësh anëtar i kryesisë së Lidhjes Demokratike të Kosovës (LDK), Alush Gashi ka ndërruar jetë.

Lajmin e bëri të ditur djali i tij, Anil Gashi përmes një postimi në rrjetin social në Facebook.

“Të dashur miq, me dhimbje të thellë ju njoftojmë se ka ndërruar jetë më i dashuri ynë, Alush Gashi. Familja, të afërmit dhe miqtë do ta kujtojnë gjithmonë me dashuri, respekt dhe mirënjohje për jetën, veprën dhe kujtimet që la pas. Për detajet rreth ceremonisë do të njoftoheni me kohë.