Author: K.B.

Pas më shumë se 5 vjetësh, Shtetet e Bashkuara të Amerikës kanë vendosur t’i heqin non gratën kryetarit të Partisë Demokratike, Sali Berisha.

Lajmi është konfirmuar nga kreu i PD-së, i cili ndonëse nuk iu përgjigj pyetjeve të gazetarëve, hyri në sallën e Kuvendit me duartrokitje.

“Unë erdha, u krye”, tha Berisha nga foltorja. Ndërkohë që ende nuk ka një reagim nga ambasada e SHBA-së lidhur me këtë lajm.

Në 19 maj 2021, pas zgjedhjeve të përgjithshme, të cilat PD-ja I humbi, DASH shpalli non grata ish-kryeministrin Berisha dhe familjen e tij.

Ishte vetë sekretari i Shtetit në atë kohë Antony Blinken i cili përmes një mesazhi në Twitter shkruante se ish-presidenti Shqipërisë Sali Berisha me aktet e tija korruptive minojnë demokracinë.

“Unë në mënyrë publike shpall Berishën dhe anëtarët e familjes së tij të ngushtë si të ndaluar për të hyrë në SHBA. Ne- thekson sekretari amerikan i shtetit- qëndrojmë të bashkuar kundra korrupsionit me partnerët tanë në Shqipëri”.

Refuzimi i gazit amerikan nga ana e qeverisë në detyrë, ka bërë që ish-kryeministri, Avdullah Hoti të dalë me thirrje për protesta demokratike.

Përmes një postimi në Facebook, Hoti ka parashtruar tri pyetje, që sipas tij, janë thelbësore për secilin politikan dhe secilin qytetar.

1. Pse Kurti e refuzon projektin e gazit amerikan, në situatën kur të gjitha vendet e rajonit po përfshihen në këtë projekt strategjik për të dalë nga sfera e ndikimit rus? 2.Pse Kurti nuk ka bërë absolutisht asgjë në gjashtë vite të qeverisjes së tij sa i përket ndërtimit të kapaciteteve të reja energjetike? 3.Kujt i intereson që Kosova të vijojë të jetë e varur nga importi i energjisë?”, shtron pyetjet ai.

Sipas ish-deputetit, heshtja përballë një dëmi të tillë nuk është neutralitet, por, siç thotë ai, është bashkëfajësi.

“Kauzë për të protestuar deri në largimin e qeverisë ka qenë gjithashtu edhe suspendimi i Kosovës nga stërvitja ushtarake “Defender Europe ‘23” në vitin 2023, si dhe pezullimi i dialogut strategjik Kosovë-SHBA në shtator 2025. Por kur i gjithë aktiviteti opozitar organizohet rreth kapjes së posteve shtetërore, e jo rreth kauzave dhe interesit shtetëror, atëherë rezultati i zgjedhjeve është ky që e pamë të dielën e kaluar – rezultat që në përpikëri reflekton politikën pa kauzë shtetërore, pa vizion dhe pa guxim”.

Kandidatja për deputete e LDK’së, Janin Ymeri, ka bërë të ditur se ka dorëzuar padi për shpifje kundër zëvendëskryeministrit Gluak Konjufca. Ymeri pretendon se Konjufca ka shpifur në emisionin Debat Plus kur ka folur për temën e energjisë elektrike dhe ka kërkuar kërkimfalje publike nga Konjufca.

Postimi i plotë:

Me avokatin Donat Lushaku dorëzuam padinë për shpifje ndaj zëvendëskryeministrit Glauk Konjufca.

Të paditurit pra Glauk Konjufcës i kërkohet të bëj falje publike për shpifjen e bërë në emisionin Debat Plus.

Në të kundërtën i kërkohet kompensim dhe varësisht nga vlerësimi i gjykimit të ardhurat nga kompensimi do i dërgohen shoqatës ‘Doën Syndrome Kosova’.

Për më pak se 1 vit, unë kundër pushtetit ose akterë pushteti jemi në 3 beteja ligjore.

Së pari kam dërguar rast për hetim në Prokurori Speciale për keqpërdorimet në çmim të rrymës, për çfarë jam thirr në dëshmi dhe kam pranuar të dëshmoj edhe në Gjykatë.

Së dyti, KEK më ka paditur për shpifje, padia është rrëzuar edhe tani ende është në proces se KEK nuk heq dorë.

Së treti, për shpifjen e nënkryetarit të Lëvizjes Vetvendosje njëherit edhe zëvendës kryeministër e Ministër i Jahshtëm, isha unë ajo që dorëzoj padi për të vendosur të vërtetën në vend.

Pra 1 njeri kundrejt 1 Aparati të tërë shtetëror me

3 Beteja Ligjore.

Departmaneti i Shtetit i ka hequr sanksionimin “non grata” kryetarit të Partisë Demokratike, Sali Berishës.

Kështu ka raportuar media e drejtuar nga Andi Bushati “lapsi.al” si dhe autori televiziv Çim Peka.

Sipas “Lapsi”-t, lirimi nga “non grata” i është komunikuar personalisht Sali Berishës nga e ngarkuara me punë e ShBA-sl, Nancy Van Horme.

Pas ngjarjes së rëndë të ndodhur një ditë më parë në Gjirokastër, ku humbi jetën 15-vjeçari A.P. pasi u fut për t’u larë në pishinë, këtë të enjte është arrestuar pronari i pishinës.

Sipas raportimeve të policisë, është ndaluar shtetasi E.K., i cili është arrestuar në flagrancë nga oficerët e policisë gjyqësore të Komisariatit të Policisë Gjirokastër.

Mbi të rëndon akuza për veprën penale “Shkelje e rregullave të sigurisë dhe mbrojtjes në punë”.

Mësohet se i mituri ishte hedhur për t’u larë dhe më pas ka ndërruar jetë, pasi ka pësuar infarkt. Pas ngjarjes së rëndë, u shoqëruar në polici edhe disa persona. /Euronews.al/

Posta e Kosovës ka lëshuar në qarkullim emisionin më të ri të pullave postare kushtuar FIFA World Cup 2026, me rastin e hapjes së ngjarjes më të madhe futbollistike në botë.

Emisioni filatelik përbëhet nga dy pulla postare dhe një bllok filatelik, të cilat pasqyrojnë në mënyrë simbolike emocionin, pasionin dhe frymën bashkuese që sjell Kampionati Botëror. Përmes elementeve artistike dhe simbolikës së futbollit, ky emision synon të promovojë sportin, miqësinë dhe komunikimin ndërmjet popujve.

Sipas Postës së Kosovës, pullat postare përfaqësojnë më shumë sesa objekte koleksionimi, duke bartur kujtime, emocione dhe mesazhe që mund të shpërndahen përmes letrave dhe kartolinave në mbarë botën.

Kampionati Botëror FIFA 2026 do të zhvillohet nga 11 qershori deri më 19 korrik 2026 në Kanadë, Meksikë dhe Shtetet e Bashkuara të Amerikës, duke u bërë edicioni i parë në histori që organizohet nga tri shtete dhe me pjesëmarrjen e 48 kombëtareve.

Posta e Kosovës u ka bërë thirrje koleksionistëve, bizneseve dhe qytetarëve që ta bëjnë pjesë të koleksioneve të tyre këtë emision të veçantë filatelik, i cili i kushtohet festës globale të futbollit.

Jared Kushner është i lidhur me një marrëveshje zhvillimi pronash në Shqipëri që ka shkaktuar protesta në të gjithë vendin, pasi kompania e tij e investimeve, Affinity Partners, mbështeti një sërë projektesh turistike luksoze në bregdetin e Adriatikut.

Propozimi prej 1.4 miliardë eurosh do të transformonte një pjesë të ishullit të Sazanit në një vendpushim luksoz me hotele, vila, apartamente, një marinë dhe ambiente të tjera luksoze.

Kjo ka ngjallur kundërshtim nga grupet mjedisore dhe aktivistët vendas, të cilët argumentojnë se kërcënon ekosistemet e ndjeshme dhe nuk ka transparencë të mjaftueshme mbi rolin e investitorëve të saj.

Kushner është një biznesmen amerikan dhe këshilltar i presidentit të SHBA-së Donald Trump.

I njohur më mirë si dhëndri i Trumpit, Kushner luajti një rol të spikatur në Shtëpinë e Bardhë gjatë mandatit të parë të Trumpit nga viti 2017 deri në vitin 2021, duke u bërë një nga figurat më me ndikim dhe më kontraverse të administratës.

Kushner është lidhur me një sërë përpjekjesh diplomatike që përfshijnë Iranin, Ukrainën dhe Rusinë, duke marrë pjesë në bisedime që synojnë uljen e tensioneve dhe avancimin e marrëveshjeve të mundshme të paqes.

Në muajt e fundit, ai ka punuar së bashku me të dërguarin e lartë të Trumpit, Steve Witkoff, në negociatat lidhur me programin bërthamor të Iranit dhe luftën në Ukrainë.

Në shkurt të vitit 2026, presidenti Donald Trump emëroi zyrtarisht Kushnerin si të Dërguar Special për Paqen, duke i dhënë atij një rol zyrtar në përpjekjet e ndërmjetësimit ndërkombëtar të administratës.

Nga pasuritë e paluajtshme në politikë

I lindur më 10 janar 1981, në Livingston, New Jersey, Kushner vjen nga një familje e pasur.

Babai i tij, Charles Kushner, themeloi Kushner Companies, një kompani zhvillimi dhe investimesh në prona, shkruan euronews.

Jared Kushner u diplomua në Universitetin e Harvardit përpara se të merrte diploma të përbashkëta në drejtësi dhe biznes nga Universiteti i New Yorkut.

Përpara se të hynte në politikë, Kushner zgjeroi perandorinë e pasurive të patundshme të familjes së tij dhe bleu gazetën New York Observer në vitin 2006 në moshën 25 vjeç.

Më vonë ai u bë drejtor ekzekutiv i Kushner Companies, duke mbikëqyrur investime të mëdha në prona në New York dhe më gjerë.

Kushner u martua me Ivanka Trump, vajzën e Donald Trump, në vitin 2009.

Pas fitores së Trumpit në zgjedhjet presidenciale të SHBA-së në vitin 2016, Kushner iu bashkua Shtëpisë së Bardhë si këshilltar i lartë.

Edhe pse nuk kishte përvojë të mëparshme qeveritare, atij iu dha një portofol i gjerë që përfshinte reformën e drejtësisë penale, politikën tregtare, modernizimin e qeverisë dhe diplomacinë e Lindjes së Mesme.

Lidhje me Moskën

Jared Kushner u shfaq në mënyrë të spikatur në Raportin Mueller , një hetim amerikan që arriti në përfundimin se Rusia ndërhyri në zgjedhjet presidenciale të vitit 2016.

Kushner u intervistua nga hetuesit, por nuk u akuzua kurrë për ndonjë krim.

Një nga arritjet më të rëndësishme të Kushnerit në qeveri ishte roli i tij në Marrëveshjet e Abrahamit, një seri marrëveshjesh që normalizuan marrëdhëniet midis Izraelit dhe disa shteteve arabe, përfshirë Emiratet e Bashkuara Arabe dhe Bahreinin.

Mbështetësit ia atribuuan atij ndihmën në riformësimin e diplomacisë rajonale, ndërsa kritikët vunë në dyshim ndikimin afatgjatë të marrëveshjeve.

Megjithatë, ndikimi i tij i gjerë dhe lidhjet e ngushta familjare me presidentin tërhoqën kritika nga kundërshtarët, të cilët argumentuan se roli i tij i zbehu vijat ndarëse midis shërbimit publik dhe besnikërisë familjare.

Babai i tij, Charles, mori një falje presidenciale nga Trump në fund të administratës së tij të parë, pasi u dënua për evazion fiskal dhe donacione të paligjshme të fushatës në vitin 2004, gjë që çoi në një burgim dy-vjeçar.

Charles u emërua ambasador i SHBA-së në Francë dhe Monako në vitin 2025 nga administrata e dytë e Trump.

Mbështetja saudite

Pasi u largua nga qeveria në vitin 2021, Jared Kushner themeloi Affinity Partners, një kompani private kapitali e fokusuar në investime në SHBA, Izrael dhe rajonin e Gjirit.

Kompania tërhoqi vëmendje pasi mori mbështetje të konsiderueshme nga Fondi Publik i Investimeve të Arabisë Saudite.

Kushner mbetet një figurë me ndikim në politikë dhe biznes ndërkombëtar.

Ndërsa ai ka qëndruar kryesisht larg fushatave të përditshme politike, marrëdhënia e tij e ngushtë me Trumpin dhe lidhjet e gjera në Lindjen e Mesme vazhdojnë ta bëjnë atë një figurë të shquar në skenën globale.

Policia e Kosovës, ka njoftuar për një përleshje që ka ndodhur mes tre personave në Suharekë.

Si pasojë e rastit, policia shton se, janë arrestuar dy të dyshuar, ndërsa i treti është liruar.

‘‘ARMËMBAJTJE PA LEJE & LËNDIM I LEHTË TRUPOR & DËMTIM PRONE

Suharekë / 10.06.2026 – 18:50. Dyshohet se pas një mosmarrëveshje janë përleshur mes veti tre të dyshuar meshkuj kosovarë. Si pasoj dy të dyshuar kanë pësuar lëndime trupore dhe kanë pranuar tretman mjekësor. Njëri prej të dyshuarve ka dëmtuar me një mjetë të fort veturën e të dyshuarit tjetër. Me urdhër të prokurorit është kontrolluar shtëpia e njërit prej të dyshuarve por nuk është gjetur asgjë e dyshuar. Dy prej të dyshuarve janë arrestuar dhe me vendim të prokurorit janë dërguar në mbajtje, kurse i dyshuari i tretë është liruar në procedurë të rregullt.’’, ka thënë Policia në raport.