Author: K.B.

Partia Demokratike e Kosovës, bazuar në të dhënat preliminare të votave të numëruara e të publikuara në platformën online të Komisionit Qendror të Zgjedhjeve, ka siguruar 24 ulëse në Kuvendin e Kosovës me 21.42% të votave.

Pavarësisht se disa kandidatë për deputetë kanë arritur të marrin vota për ulëse në Kuvend, kuota gjinore mund t’i lë ata jashtë.

Deri në numërimin e mbi 87 për qind të votave të kandidatëve për deputetë, në PDK pesë gra kanë arritur të sigurojë votë për ulëse në organin legjislativ.

Megjithatë, siç parashihet me kuotën gjinore sipas Ligjit për Zgjedhjet e Përgjithshëm (30% është minimumi i përfaqësimit të njërës apo tjetrës gjini), në këtë përbërje duhet të jenë minimumi 8 gra.

Nga numërimi i deritashëm i votave, Kosovare Murseli, Eliza Hoxha dhe Ariana Musliu-Shoshi mund të zënë vendin e Adriatik Berishës, Xhavit Halitit, respektivisht Rrustem Mustafës, të cilët janë në pozitat 22, 23 dhe 24.

Duhet pasur parasysh se shifrat aktuale të votave të numëruara nuk janë finale, dhe renditja e kandidatëve për deputetë mund të ndryshojë.

Një investigim i përbashkët nga disa media nordike dhe baltike ka zbuluar se Rusia po zgjeron infrastrukturën ushtarake pranë kufijve të saj për të akomoduar dhjetëra mijëra trupa shtesë.

Mediat kanë analizuar imazhet satelitore të objekteve ushtarake ruse pranë kufijve evropianë dhe kanë gjetur aktivitet të gjerë ndërtimi në disa vende.

Imazhet zbulojnë kazerma të shumta të reja të afta për të strehuar mijëra trupa, si dhe depo municionesh dhe vende për ruajtjen e pajisjeve.

Kazerma dhe grupe të reja pajisjesh ushtarake janë identifikuar në Pechenga, rreth 10 km nga kufiri norvegjez në Lapland. Zhvillime të ngjashme janë duke u zhvilluar në Petrozavodsk pranë kufirit finlandez. Pajisjet po grumbullohen gjithashtu në Sapernoye pranë Finlandës, Luga në Oblastin Pskov dhe Baltiysk në Oblastin Kaliningrad të Rusisë.

Një kompleks i ri infrastrukturor ushtarak është në ndërtim e sipër në Kirillovskoye, rreth 70 km nga kufiri finlandez, ndërsa një bazë ekzistuese në Kandalaksha në Detin e Bardhë po zgjerohet.

Si pjesë e hetimit, gazetarët intervistuan gjithashtu zyrtarë të sigurisë dhe ekspertë ushtarakë.

Sipas gjenerallejtënant Pasi Välimäki, komandant i Ushtrisë finlandeze, infrastruktura e zgjeruar e Rusisë përfundimisht mund të akomodojë rreth 80,000 trupa pranë kufirit të Finlandës, krahasuar me afërsisht 20,000 që ishin më parë.

Vetëm baza në Pechenga pritet të jetë e aftë të strehojë deri në 17,000 trupa pas zgjerimit, nga kapaciteti i saj aktual prej 7,000. Në përgjithësi, objektet e reja dhe të zgjeruara mund t’i lejojnë Rusisë të stacionojë deri në 115,000 personel përgjatë kufijve të saj me Evropën Veriore dhe rajonin e Balltikut.

Thomas Nilsson, kreu i Shërbimit të Inteligjencës dhe Sigurisë Ushtarake të Suedisë, tha se zhvillimet përfaqësojnë një kërcënim që duhet të merret seriozisht, duke shtuar se agjencia e tij nuk beson se grumbullimi ushtarak është thjesht për shëmbëlltyrë, por përkundrazi synon përgatitjen e kapaciteteve për një konfrontim në shkallë të gjerë me NATO-n në të ardhmen.

Besohet se forcat ruse po planifikojnë të stacionohen në këto objekte pasi të përfundojë faza aktive e luftës kundër Ukrainës.

Gjenerali major Brian Nissen, komandant i forcave të NATO-s në shtetet baltike dhe Poloni, tha se për sa kohë që Rusia mbetet e bllokuar në Ukrainë, kërcënimi i menjëhershëm ushtarak është i ulët, por paralajmëroi se situata mund të ndryshojë me shpejtësi nëse ka një pauzë në luftime.

Shefi i Mbrojtjes së Norvegjisë, Eirik Kristoffersen, tha se nëse Rusia po i ndërton forcat e saj në nivelet që ka njoftuar – siç duket se tregojnë imazhet satelitore – kërcënimi ushtarak për Norvegjinë do të rritet.

Ekipi kombëtar i futbollit të Republikës Çeke përjetoi kaos në fillim të qëndrimit të tyre në Meksikë, ku po përgatiten për Kupën e Botës. Seanca e parë stërvitore në Guadalajara u shënua nga një aksident i çuditshëm trafiku, i cili u pasua nga një surprizë në fushë. Autobusi me lojtarët ngeci në hyrje të kompleksit sportiv, gjë që shkaktoi një kolaps trafiku.

Pas një konference për shtyp të drejtuar nga trajneri Miroslav Koubek, skuadra çeke u nis për seancën e parë stërvitore. Megjithatë, me të mbërritur në Sports Arena, e cila ndodhet përgjatë Autostradës Nogales, shoferi i autobusit hyri në hyrjen e gabuar, duke bërë që automjeti të ngecë.

Pavarësisht disa përpjekjeve për të manovruar, autobusi nuk mundi të lëvizte. Lojtarëve nuk u mbeti zgjidhje tjetër veçse të dilnin dhe të ecnin nëpër parking drejt fushës ku duhej të stërviteshin përpara ndeshjes kundër Koresë së Jugut.

Autobusi i ndaluar krijoi shpejt një bllokim trafiku, duke bllokuar dy nga tre korsitë në rrugën hyrëse. Garda Kombëtare, e cila po siguronte sigurinë për ekipin çek, gjithashtu erdhi në ndihmë, duke mbyllur korsinë e mbetur për t’i dhënë shoferit më shumë hapësirë për të manovruar. Por as kjo nuk ndihmoi. Për shkak të terrenit të pabarabartë dhe zhavorrit, autobusi mbeti i palëvizshëm.

¡REPÚBLICA CHECA COLAPSÓ EL TRÁFICO DE ZAPOPAN! 😰

El camión se quedó atascado en la entrada del complejo del entrenamiento y bloquearon la vialidad por casi una hora ❌

Los jugadores tuvieron que caminar un buen tramo para poder entrenar 😳 pic.twitter.com/PQXVaJt02v

— ESPN.com.mx (@ESPNmx) June 11, 2026

Dush i ftohtë gjatë stërvitjes

Kur lojtarët më në fund mbërritën në fushë dhe u mblodhën rreth stafit të trajnerëve për të marrë udhëzime, pasoi një tjetër tronditje. U vunë në punë spërkatësit automatikë, duke i lagur jo vetëm lojtarët, por edhe gazetarët e shumtë të mbledhur atje.

Ndryshe, Republika Çeke do të luajë ndeshjen e parë në Grupin A kundër Koresë së Jugut. Do të jetë ndeshja e dytë e Kupës së Botës dhe është planifikuar për nesër (e premte) në orën 4 të mëngjesit sipas kohës tonë lokale.

Të dielën e 7 qershorit një rast dhunimi është raportuar në Polici në komunën e Skenderajt.

Nga Prokuroria Themelore në Mitrovicë ka se viktima është e mitur dhe se ndaj të dyshuarit është caktuar masa e ndalimit prej 48 orësh.

“Po, vajza është e mitur. Personi i dyshuar është ndaluar për 48 orë. Rasti është duke u hetuar”, tha zëdhënësi i kësaj prokurorie Valon Preteni, ndërsa ka shtuar se hetimet po vazhdojnë.

Policia përmes raportit 24 orësh bëri të ditur se i dyshuari është arrestuar të mërkurën e 10 qershorit.

“Skenderaj / 07.06.2026 – 03:00. Më 10.06.2026 është arrestuar i dyshuari mashkull kosovar për shkak se i njëjti dyshohet se ka kryer veprën e lartcekur ndaj viktimën femër kosovare. I dyshuari pas inicimit të rastit me vendim të prokurorit është dërguar në mbajtje”, thuhet në raportin e policisë.

Instituti i Kosovës për Drejtësi (IKD) ka thënë se po përcjell me shqetësim të thellë vendimmarrjen e fundit të Komisionit të Pavarur të Mediave (KPM), përmes së cilës thotë se ky institucion është duke cenuar seriozisht lirinë e mediave në Kosovë. Këto vendime, sipas IKD-së, paraqesin tejkalim të mandatit ligjor të KPM-së dhe krijojnë standard të rrezikshëm për funksionimin e mediave, debatit publik dhe demokracisë.

“Në vendimmarrjen e saj, KPM është duke marrë kompetenca që nuk i takojnë rregullatorit, por gjykatës. Përmes këtyre vendimeve, KPM po shqipton sanksione ndaj mediave për deklarata të personave të tretë, të dhëna në debate televizive, duke ua mveshur mediave përgjegjësi automatike për çdo fjalë të të ftuarve. Një qasje e tillë është e kundërligjshme dhe e papranueshme në një shoqëri demokratike”, thuhet në reagimin e IKD-së.

Organizata thekson se KPM-ja është rregullator i mediave, jo gjykatë që shqyrton përgjegjësinë për shpifje apo ofendim ndaj palëve të treta.

“Detyra e KPM-së është të vlerësojë nëse mediumi ka respektuar standardet profesionale: a ka ndërhyrë moderatori kur ka qenë e nevojshme, a është dhënë mundësi për përgjigje, a është bërë dallimi mes faktit dhe opinionit, a është ruajtur balanca dhe a është vepruar me kujdes editorial. Por, KPM nuk ka kompetencë të konstatojë vetë se një deklaratë është shpifje, e pavërtetë apo dëmtuese për reputacionin e dikujt. Këto janë çështje që mund të iniciohen me padi civile nga palët që potencialisht mund të konsiderojnë se iu është cenuar ndonjë e drejtë dhe atë përmes rrugëve gjyqësore”, vijon reagimi.

Sipas IKD-së këtu qëndron problemi. Ata thonë se në vend se të analizojë sjelljen editoriale të mediumit, KPM-ja po shqyrton përmbajtjen e deklaratave të të ftuarve dhe po i dënon mediat sikur ato të ishin autorë të deklaratave.

“Kjo e kthen përgjegjësinë editoriale në përgjegjësi objektive, standard ky që bie ndesh me lirinë e medias dhe me parimet themelore të nenit 10 të Konventës Evropiane për të Drejtat e Njeriut. Gjykata Evropiane për të Drejtat e Njeriut (GJEDNJ) ka vendosur qartë se ndëshkimi i gazetarit për përhapjen e deklaratave të bëra nga një person tjetër në intervistë e pengon seriozisht rolin e mediave në debat publik dhe mund të arsyetohet vetëm kur ka arsye veçanërisht të forta (Jersild kundër Danimarkës, §35). Po ashtu, GJEDNJ ka theksuar se nuk mund të kërkohet nga gazetarët që sistematikisht dhe formalisht të distancohen nga çdo citim që mund të provokojë, fyejë apo dëmtojë reputacionin e dikujt (Thoma kundër Luksemburgut, §64). Në të njëjtën frymë, GJEDNJ ka konstatuar se përgjegjësia objektive për përmbajtje të palëve të treta, pa balancim mes lirisë së shprehjes dhe reputacionit, cenon nenin 10 të Konventës (Magyar Jeti Zrt kundër Hungarisë, §83)”.

Për më tepër, IKD-ja thotë se në çështje të tilla duhet bërë dallim i qartë mes fakteve dhe gjykimeve vlerësuese.

“GJEDNJ ka theksuar se faktet mund të provohen, ndërsa e vërteta e gjykimeve vlerësuese nuk është e provueshme në të njëjtën mënyrë (Lingens kundër Austrisë, §46). KPM nuk mund ta shmangë këtë test dhe të sillet sikur çdo deklaratë e rëndë politike është automatikisht shkelje e mediumit. Në këtë drejtim IKD fton kryetarin dhe anëtarët e KPM t’i kthehen ligjshmërisë dhe misionit të tyre për të ushtruar kompetencat dhe përgjegjësitë e tyre vetëm në bazë të ligjit dhe brenda autorizimeve dhe kompetencave që ofron Kushtetuta dhe ligji i aplikueshëm në Kosovë”, thotë reagimi.

IKD-ja rithekson se gjuha fyese, sulmet personale dhe pretendimet e rënda në hapësirën publike nuk duhet të normalizohen. Mediat, siç thotë IKD-ja, kanë përgjegjësi profesionale për mënyrën se si i trajtojnë këto deklarata.

“Por kjo përgjegjësi nuk mund të kthehet në ndëshkim automatik. Nëse dikush pretendon se është shpifur, rruga ligjore është gjykata. Nëse KPM vlerëson se mediumi nuk ka respektuar standardet editoriale, atëherë duhet ta provojë konkretisht dështimin editorial dhe proporcionalitetin e masës dhe jo automatikisht të sanksionojë mediat”, thuhet tutje në reagim.

IKD-ja i ka bërë thirrje KPM-së që të luajë rolin e saj kushtetues dhe ligjor si rregullator, jo si gjykatë.

“KPM duhet ta kthejë ligjshmërinë në vendimmarrjen e saj, përfshirë vendimet e kundërligjshme për shkak të tejkalimit të afateve dhe procedurave të ndërlidhura me rekomandimet e Zyrës Ekzekutive të udhëhequr nga ushtrues detyre jashtë standardeve ligjore. KPM duhet të heqë dorë nga qasja armiqësore ndaj mediave dhe të veprojë vetëm mbi bazën e ligjit, fakteve, procedurës së rregullt dhe standardeve evropiane për lirinë e medias”.

IKD-ja ka thënë se KPM-ja duhet që urgjentisht të përfundojë procedurën për zgjedhjen e kryeshefit ekzekutiv, në përputhje me ligjin dhe përmes një procesi meritor. Vazhdimi i ushtrimit të kësaj pozite përmes ushtruesve të detyrës cenon ligjshmërinë, funksionalitetin dhe besueshmërinë e vendimmarrjes së KPM-së, sipas tyre.

IKD-ja gjithashtu ka kërkuar përgjegjësi dhe llogaridhënie edhe nga Kuvendi i Kosovës, i cili ende nuk e ka funksionalizuar Bordin e Ankesave ndaj vendimeve të KPM-së.

“Mosfunksionalizimi i këtij mekanizmi ua cenon mediave të drejtën për mjet efektiv juridik dhe e lë vendimmarrjen e KPM-së pa kontrollin e nevojshëm institucional brenda procedurës administrative. IKD i bën thirrje legjislaturës së ardhshme që, në emërimin e personave në institucionet e pavarura, të udhëhiqen vetëm nga kriteret e integritetit personal, profesionalizmit dhe pavarësisë. Institucionet e pavarura nuk guxojnë të mbushen me persona që marrin vendime të kundërligjshme, cenojnë lirinë e mediave dhe e kthejnë rregullatorin në instrument presioni ndaj debatit publik”, përfundon reagimi.

Policia po zhvillon kontrolle në disa zona të Tiranës, në Pëllumbas, Qafë Mollë dhe në fshatrat e Elbasanit, për të gjetur trupin e Eglant Koçit, i cili u vra nga shoku.

34-vjeçari Eglant Koçi paraditen e 4 qershorit doli nga banesa e tij për të ardhur një pallat në bulevardin “Zhan Dark” për të takuar shokun e tij Armand Shakaj.

Brenda zyrës Eglanti hyri, por nuk doli më. Në brendësi të të cilës policia gjeti gjurmë gjaku e mbetje biologjike që do t’i vlejnë hetimit.

Kati i dytë i këtij pallati ka disa njësi tregtare dhe korridoret janë me kamera të cilat kanë kapur 34-vjeçarin duke hyrë, por jo duke dalë. Armand Shakaj duket se ishte gjakftohtë në krim, pasi është kujdesur të fshehë gjurmët duke shkëputur kamerat në korridore.

Pas shkëputjes së kamerave të brendshme Shakaj urdhëroi kamerierin e lokalit të tij Enea Zyferin të shkëpuste energjinë elektrike, që kamerat të mos kapnin transportimin e 34-vjeçarit nga zyra drejt makinës së tij “Porsh” që qëndronte e parkuar jashtë pallatit.

Zyferiu u arrestua si bashkëpunëtor dhe këtë të mërkurë Gjykata e Tiranës e la në burg deri në përfundim të hetimeve. Para gjykatës ai ka thënë se nuk ka dijeni për fatin e 34-vjeçarit pasi zbatoi vetëm urdhrat e pronarit. Ai i tha se do të transportonte një frigorifer.

Pas disa ditësh hetimesh intensive Policia e Tiranës arriti të gjente mjetin e autorit të dyshuar ku në bagazhin e tij u gjetën materiale biologjike që janë çuar për inspektim.

Me vlerë për hetimin është dhe motori i viktimës që sipas hetimeve autori i dyshuar pas krimit e ka çuar fillimisht tek tregu elektrik më pas në zonën e 5 majit ku dhe e sekuestroi policia.

Provat në zyrë, makinë motor janë çuar në laboratorin shkencor, i cili pritet të nxjerrë një përgjigje zyrtare.

Prishtina sot po shënon 27-vjetorin e çlirimit të saj me aktivitete të ndryshme përkujtimore dhe simbolike në kryeqytet.

Në kuadër të aktiviteteve të ditës, është zhvilluar edhe një aksion simbolik para hyrjes së Qeverisë së Kosovës, ku veterani i UÇK-së, Agim Pllashniku, ka vendosur postera me mbishkrimin “Ne jemi çlirimtarë, jo zullumqarë”.

Posterat janë vendosur krahas fotografive të ish-presidentit Hashim Thaçi dhe ish-kryeparlamentarit Kadri Veseli, të cilët po mbahen në paraburgim në Hagë.

Liderët e pjesëmarrësve të Procesit të Bashkëpunimit të Evropës Juglindore, në Samitin e mbajtur dje nën Kryesimin bullgar, miratuan Deklaratën e Samitit të SEECP-së në Sofje, duke shënuar 30 vite të pronësisë rajonale dhe duke rikonfirmuar rëndësinë e vazhdueshme të bashkëpunimit, stabilitetit, sigurisë dhe qëndrueshmërisë në të gjithë Evropën Juglindore.

Liderët e SEECP-së gjithashtu miratuan Raportin Vjetor të Këshillit për Bashkëpunim Rajonal (RCC), tani i disponueshëm në faqen e internetit të RCC-së, si dhe Përditësimin Afatmesëm të Strategjisë SEE2030, duke konfirmuar mbështetjen për punën e RCC-së në avancimin e bashkëpunimit rajonal, integrimit evropian dhe rezultateve praktike për qytetarët, bizneset dhe institucionet.

Duke folur në Samit, Sekretari i Përgjithshëm i RCC-së, Amer Kapetanović, tha se Evropa Juglindore ka një mekanizëm funksional të bashkëpunimit rajonal, rezultate konkrete, mbështetje të qartë publike dhe përkrahje të qëndrueshme nga qeveritë, por se shkalla dhe shpejtësia e ndryshimeve globale kërkojnë një përgjigje më të fortë strategjike.

“Tridhjetë vite më parë, SEECP ndihmoi në rikthimin e kulturës së dialogut. Sot, ai duhet të ndihmojë në ndërtimin e kulturës së zbatimit strategjik. Rajoni ynë përballet me një trekëndësh presionesh: demografinë, produktivitetin dhe qëndrueshmërinë. Nëse nuk trajtohen, këto presione mund të kthehen në kërcënime serioze. Kjo është arsyeja pse Evropa Juglindore nuk mund t’i lejojë vetes përgjigje të fragmentuara ndaj sfidave të përbashkëta strukturore. Bashkëpunimi rajonal nuk është slogan. Është domosdoshmëri,” tha Sekretari i Përgjithshëm i RCC-së, Amer Kapetanoviq.

Liderët e SEECP-së përshëndetën Raportin Vjetor të RCC-së dhe vlerësuan kontributin e RCC-së në forcimin e bashkëpunimit, koordinimit dhe arritjes së rezultateve në rajon. Ata shprehën mbështetje për punën e vazhdueshme të RCC-së në shndërrimin e prioriteteve politike në rezultate praktike dhe nënvizuan rëndësinë e një platforme rajonale të aftë për t’iu përgjigjur sfidave të përbashkëta në mënyrë më strategjike dhe më të koordinuar.

Në Deklaratën e Samitit të Sofjes, pjesëmarrësit e SEECP-së njohën kontributin e RCC-së si krahu operacional i SEECP-së në forcimin e bashkëpunimit rajonal, vlerësuan vlerën e saj të shtuar si qendër e bashkëpunimit rajonal dhe inkurajuan Kryesimin e ardhshëm të Bukureshtit që të vazhdojë të forcojë sinergjinë SEECP-RCC, përfshirë duke lehtësuar punën e RCC-së në mbështetje të kornizës së SEECP-së dhe aspiratave evropiane të pjesëmarrësve të SEECP-së.

Deklarata gjithashtu rikonfirmoi perspektivën e BE-së për pjesëmarrësit e SEECP-së që aspirojnë t’i bashkohen Unionit, nënvizoi rëndësinë e bashkëpunimit rajonal gjithëpërfshirës dhe marrëdhënieve të mira fqinjësore, si dhe njohu rolin e Tregut të Përbashkët Rajonal në avancimin e integrimit ekonomik dhe integrimit në Tregun e Vetëm të BE-së.

Samiti përfundoi me dorëzimin zyrtar të Kryesimit të SEECP-së nga Sofja te Bukureshti, me Bukureshtin që do të çojë përpara agjendën e bashkëpunimit rajonal në periudhën në vijim.