ATV

Author: K.B.

  • Moment i sikletshëm në Shtëpinë e Bardhë: Trump has vështirësi teksa dekoron heroin e luftës

    Moment i sikletshëm në Shtëpinë e Bardhë: Trump has vështirësi teksa dekoron heroin e luftës

    Presidenti i SHBA-së, Donald Trump, pati një moment të sikletshëm gjatë ceremonisë së Medaljes së Nderit në Shtëpinë e Bardhë, kur ai mezi priste ta fiksonte dekoratën më të lartë ushtarake amerikane rreth qafës së një veterani të dekoruar.

    Momenti i pazakontë dhe i komentuar gjerësisht ndodhi të enjten, më 18 qershor 2026, gjatë një ceremonie zyrtare në Sallën Lindore të Shtëpisë së Bardhë, ku Trump nderoi tre heronj nga luftërat e Vietnamit dhe Afganistanit.

    Problemi lindi kur erdhi koha për t’ia dorëzuar medaljen Majorit të pensionuar të Ushtrisë Amerikane, Nicholas Dockery, një hero i luftës në Afganistan.

    Ndërsa kamerat u afruan, Trump u përpoq për disa momente të vendoste tokëzën në shiritin e nderit rreth qafës së Major Dockery.

  • Zhduket një person në Novobërdë, Policia fillon hetimet

    Zhduket një person në Novobërdë, Policia fillon hetimet

    Në fshatin Makresh i Epërm, në komunën e Novobërdës, është raportuar një rast i personit të zhdukur.

    Sipas njoftimit, më 18.06.2026, një femër kosovare ka informuar se fqinji i saj, një mashkull kosovar, është larguar nga shtëpia në periudhën 16–18 qershor dhe që nga ajo kohë nuk dihet vendndodhja e tij.

    Rasti është raportuar tek organet kompetente dhe aktualisht po hetohet nga autoritetet përkatëse për të sqaruar rrethanat e zhdukjes së tij.

  • Votat për karriget e parlamentit: Kush janë të parët dhe të fundit e partive?

    Votat për karriget e parlamentit: Kush janë të parët dhe të fundit e partive?

    Është duke shkuar drejt finalizimit procesi i zgjedhjeve të parakohshme të 7 qershorit.

    Komisioni Qendror i Zgjedhjeve gjatë së premtes po vazhdon me rinumërimin e 9 vendvotimeve të mbetura nga 185 të tilla në tërë Kosovën.

    Por tashmë, kur dihen edhe emrat se secila nga partitë kryesore sa ulëse do të ketë në parlament, kush janë “1-shat” e partive dhe kush renditet në fund të listës që do të jenë në përbërje të legjislaturës së 11-të të Kuvendit?

    Lëvizja Vetëvendosje me 53 mandate
    I pari me vota është kreu i këtij subjekti politik, Albin Kurti, me 324 mijë e 329 vota, shkruan Klankosova.tv.

    E 53-ta në listën e LVV-së është Fjolla Ujkani, e cila është e fundit për nga votat, me 15 mijë e 115 vota.

    Partia Demokratike e Kosovës me 22 deputetë drejt Kuvendit

    Ndërkaq, në krye të listës së Partisë Demokratike të Kosovës me 22 deputetë, për sa i përket numrit të votave, është kryetari i partisë, Bedri Hamza, me 126 mijë e 942 vota, kurse e 22-ta është Ariana Shoshi Musliu, e cila ka marrë 18 mijë e 620 vota.

    Lidhja Demokratike e Kosovës me 18 ulëse

    Listën e Lidhjes Demokratike të Kosovës me 18 ulëse në Kuvend e kryeson kandidatja për presidente, Vjosa Osmani, e cila ka 92 mijë e 235 vota. Paris Guri, që është deputeti i fundit I zgjedhur nga kjo parti, ka siguruar 16 mijë e 263 vota, shkruan .

    7 anëtarë të Aleancës fituan karrige në Kuvend

    44 mijë e 782 vota i ka fituar i pari i Aleancës, Ardian Gjini, parti kjo që përfaqësohet në legjislaturën e 11-të me shtatë deputetë.

    9 mijë e 858 vota kanë shkuar për Teuta Haxhiun, e cila është deputetja e fundit e zgjedhur nga kjo parti.

  • Përleshje fizike në Prishtinë, policia jep detaje: Mbetën dy persona të lënduar

    Përleshje fizike në Prishtinë, policia jep detaje: Mbetën dy persona të lënduar

    Të enjten mbrëma u plagosën dy persona pas një përleshje në Prishtinë. Policia të premten njoftoi se dy persona ishin sulmuar fillimisht nga një i dyshuar e më vonë i dyshuari është lokalizuar dhe është parë se ishte i plagosur.

    Sipas Policisë, njëri prej viktimave dhe i dyshuari janë dërguar në QKUK, e viktima raportohet të jetë në gjendje të rëndë.

    “Dy viktimat meshkuj kosovarë, kishin pësuar lëndime si pasojë e sulmit nga i dyshuari mashkull kosovar. Pas një kohe është lokalizuar i dyshuari i cili kishte pasur një plagë në këmbë dhe është dërguar në QKUK për tretman mjekësor. Në rast dyshohet se është përdorur një armë. Njëri nga viktimat dhe i dyshuari gjenden në QKUK nën mbikëqyrje të policisë për shkak të lëndimeve dhe sipas mjekut viktima është në gjendje të rëndë shëndetësore”, thuhet në raportin e PK-së.

    Njësitë relevante të policisë kanë dalë në vendin e ngjarjes dhe është konfiskuar vetura në të cilën kishte ndodhur rasti.

    Me vendim të prokurorit të dyshuarit i është caktuar masa e ndalimit policor.

  • 34-vjeçari në Ferizaj e gjen një kuletë me para e dokumente në rrugë dhe e dorëzon në Polici, lajmërohet pronari

    34-vjeçari në Ferizaj e gjen një kuletë me para e dokumente në rrugë dhe e dorëzon në Polici, lajmërohet pronari

    Policia e Rajonit të Ferizajt ka njoftuar se dje një burrë ka gjetur një portofol me dokumente personale dhe 160 euro, të cilin e ka dorëzuar në Polici

    Në stacion është paraqitur më pas pronari i portofolit, të cilit i janë kthyer dokumentet dhe paratë.

    “Më 18.06.2026, rreth orës 18:00, qytetari F.Abazi (34 vjeç), nga Ferizaji, ka treguar një shembull të lartë të ndershmërisë dhe përgjegjësisë qytetare, duke gjetur një portofol me dokumente personale dhe 160 euro në rrugën “Gjergj Fishta” në Ferizaj. Menjëherë pas gjetjes, ai e ka dorëzuar portofolin në stacionin policor në Ferizaj. Më pas, në stacionin policor është paraqitur qytetari E.A. (24 vjeç) nga Shtimja, i cili kishte humbur portofolin. Pas verifikimeve të kryera nga zyrtarët policorë, pronarit të ligjshëm i janë kthyer portofoli, dokumentet personale dhe shuma prej 160 eurosh. Drejtoria Rajonale e Policisë në Ferizaj e falënderon publikisht qytetarin F.Abazi për veprimin e tij shembullor dhe human. Ky gjest dëshmon përgjegjësi të lartë qytetare dhe kontribuon në forcimin e besimit dhe bashkëpunimit ndërmjet policisë dhe komunitetit”, thuhet në njoftim.

  • Daka: Vendi nuk mund të shkojë në zgjedhje çdo gjashtë muaj

    Daka: Vendi nuk mund të shkojë në zgjedhje çdo gjashtë muaj

    Ish-kryetarja e Komisionit Qendror të Zgjedhjeve, Valdete Daka, ka bërë thirrje për dialog dhe kompromis ndërmjet partive politike, duke vlerësuar se vendi nuk mund të vazhdojë të mbetet në një situatë të pafundme bllokade institucionale.

    Në FIVE në TV Dukagjini, Daka tha se përgjegjësia për tejkalimin e krizës politike bie mbi partitë parlamentare, të cilat sipas saj duhet të gjejnë një gjuhë të përbashkët për formimin e institucioneve dhe për të siguruar stabilitet politik.

    Sipas Dakës, nëse nuk arrihet një marrëveshje politike, Kosova rrezikon të mbetet e bllokuar në një cikël të vazhdueshëm zgjedhjesh dhe qeverish me mandat të kufizuar.

    “Partitë politike nuk e di cila me cilën, ajo që është në pushtet dhe njëra nga paritë opozitare apo dy apo të gjitha, duhet të dialogojnë dhe të arrijnë një marrëveshje që vendi të shkojë përpara. Përndryshe do të sillemi në këtë rrethin vicioz, çdo 6 muaj do të kemi zgjedhje, ushtrues të detyrës, qeveri në detyrë. Do të kemi para që shpenzohen kot, në vend që të shpenzohen për të mirën e qytetarëve…

    Nga ajo që kemi parë por edhe nga disa deklarata të disa eksponentëve të LDK=së, shihet që kanë gatishmëri që të bëjnë një koalicion. Mirëpo megjithatë mbetet peng emri i Vjosa Osmanit. Pse shkuam në zgjedhje, ishte mu ai emër për shkak të cili shkuam në zgjedhje. Dhe se a do të ketë LDK-ja emër tjetër është çështje tjetër, meqenëse e gjithë fushata e cila është zhvilluar, sloganet të gjitha kanë qenë në drejtim që zonja Osmani ta merre mandatin e dytë si presidente. Se sa do të arrihet kjo të tejkalohet, mbetet të shohim në ditët ne vijim”, ka thënë Daka.

  • Parashikimi i motit për sot

    Parashikimi i motit për sot

    Të premten parashikohet të mbajë mot me diell dhe vranësira të pakta.

    Era do të fryjë nga drejtimi verilindjes, me shpejtësi prej 10-38 km/h.

    Temperaturat minimale do të lëvizin prej 13 deri në 16°C, ndërsa ato maksimale prej 27 deri në 30°C

  • Arifi për VV-në: Preokupim e kanë me shku në zgjedhje, jo me gjetë zgjidhje

    Arifi për VV-në: Preokupim e kanë me shku në zgjedhje, jo me gjetë zgjidhje

    Kandidati për deputet nga Aleanca, Avni Arifi, ka thënë se partia e parë sërish po kërkon zgjedhje dhe jo zgjidhje.

    Ai shtoi se në zgjedhjet e 28 dhjetorit për këtë gjë kishte paguar LDK-ja, e tani VV-ja është në kërkim

    “Është një nismë që në një formë apo tjetër na flet për përgatitje për zgjedhje të reja, jo për një zgjidhje”, ka thënë Arifi në Edicionin Special të Klan Kosovës.

    “Çka e kanë preokupim është vetëm qysh me shku në zgjedhje me ia lanë fajin opozitës”.

    “Njëherë mas j të shkurtit pagoi LDK-ja sepse arriti me e bindë elektoratin që faji është i LDK-së, dhe pagoi LDK-ja me 28 dhjetor”.

    “Tash, çka shohim ne, e shohim, ka fillu qashtu edhe mundet me e pa një strategji të re të tregimit të fajtorit, jo të zgjidhjes së problemit”.

  • Podujeva shënon sot Ditën e Çlirimit, këto janë aktivitetet e planifikuara

    Podujeva shënon sot Ditën e Çlirimit, këto janë aktivitetet e planifikuara

    Komuna e Podujevës organizon sot, më 19 qershor, një sërë aktivitetesh me rastin e 27-vjetorit të Ditës së Çlirimit të qytetit.

    Aktivitetet do të nisin në orën 11:00 me seancën solemne të Kuvendit Komunal, e cila do të mbahet në objektin e Kuvendit Komunal në Podujevë.

    Më pas, në orën 11:45, do të bëhen homazhe në Kompleksin Memorial të Dëshmorëve në Penuhë, për të nderuar të rënët për lirinë e vendit.

    Në kuadër të shënimit të kësaj dite, në orën 13:30 në fshatin Miroc do të bëhet zbulimi i pllakës përkujtimore të heroit Ali Ajeti.

    Manifestimi do të përmbyllet në orën 20:00 me koncertin festiv që do të mbahet në Sheshin “4 Dëshmorët” në Podujevë.

  • Shoqata e Ndërtimit: Punëtorët të refuzojnë punën aty ku u rrezikohet jeta

    Shoqata e Ndërtimit: Punëtorët të refuzojnë punën aty ku u rrezikohet jeta

    Siguria në sektorin e ndërtimit në Kosovë vazhdon të mbetet një nga sfidat kryesore, ndonëse sipas Shoqatës së Ndërtimit në Kosovë, muajt e fundit janë shënuar përmirësime të dukshme në zbatimin e standardeve të sigurisë në vendpunishte.

    Kryetari i Shoqatës së Ndërtimit në Kosovë, Valon Vataj, në një prononcim për IndeksOnline, tha se niveli i sigurisë ende nuk është aty ku duhet të jetë, por theksoi se kompanitë po tregojnë përkushtim më të madh në mbrojtjen e punëtorëve.

    “Siguria në ndërtimtari mbetet ende jo në nivelin që të gjithë dëshirojmë, por përmirësimet e kohës së fundit janë të dukshme dhe inkurajuese. Ne si Shoqatë e Ndërtimit në Kosovë jemi në monitorim të vazhdueshëm të situatës së sigurisë në sektor dhe kemi hasur në bashkëpunim të shkëlqyeshëm me kompanitë ndërtimore, të cilat po tregojnë gjithnjë e më shumë përkushtim në zbatimin e masave të sigurisë, trajnimin e punëtorëve dhe ngritjen e standardeve në vendpunishte”, deklaroi Vataj.

    Ai theksoi se përgjegjësia për sigurinë nuk bie vetëm mbi kompanitë dhe institucionet, por edhe mbi vetë punëtorët.

    “Çdo punëtor duhet të refuzojë të punojë në vende ku rrezikohet jeta dhe shëndeti i tij, të përdorë pajisjet mbrojtëse personale dhe të respektojë procedurat e sigurisë në kantier”, u shpreh ai.

    Vataj u bëri thirrje punëtorëve që të raportojnë çdo shkelje apo mungesë të masave mbrojtëse, duke theksuar se vetëm përmes reagimit të përbashkët mund të parandalohen aksidentet.

    “Njëkohësisht, i inkurajojmë punëtorët që në rastet kur hasin në mungesë të masave të sigurisë ose në kushte të rrezikshme pune, të bëhen sinjalizues pranë institucioneve përgjegjëse dhe pranë Shoqatës së Ndërtimit në Kosovë, në mënyrë që të reagojmë së bashku për parandalimin e aksidenteve dhe ngritjen e standardeve të sigurisë në sektor”, tha ai.

    Sipas kreut të Shoqatës së Ndërtimit, ndërtimi i një kulture më të fortë të sigurisë kërkon angazhimin e përbashkët të kompanive, punëtorëve, institucioneve dhe organizatave profesionale.

    “Vetëm përmes bashkëpunimit ndërmjet kompanive, punëtorëve, institucioneve dhe organizatave profesionale mund të ndërtojmë një kulturë më të fortë të sigurisë në vendet e punës”.