Author: K.B.

Një burrë i dyshuar për vrasjen me thikë të pronarit të një picerie Raffaele Stipa në Reggio Emilia mbrëmë u arrestua gjatë natës. Motra e Stipas u plagos gjithashtu në sulm, raporton agjencia italiane e lajmeve ANSA.

Sulm për picën falas
Sipas informacioneve fillestare, sulmi ndodhi pak pas orës 22:30 në picerinë Yoghi. Një burrë, shtetas i huaj dhe thuhet se klient i rregullt i lokalit, hyri brenda dhe kërkoi një picë falas. Pronari i picerise e refuzoi, duke i thënë gjoja: “Të kam dhënë tre, mjaft.” Burri më pas nxori një thikë, e goditi për vdekje Stipen dhe plagosi motrën e tij, dhe më pas iku me vrap.

I dyshuari u gjet shpejt
Policia nisi një kërkim dhe i dyshuari u gjet dhe u arrestua rreth orës 2 të mëngjesit. Raffaele Stipa i vrarë, në të gjashtëdhjetat, ishte me origjinë nga Capo d’Orlando në Siçili, por kishte jetuar prej kohësh në Reggio Emilia, ku drejtonte një piceri në rrugën Gran Sasso d’Italia për njëzet vjet. Motra e tij po trajtohet në spitalin Santa Maria Nuova.

Imami i fshatit Zlipotok, Gazmend Tahirovci, është therur për vdekje mbrëmë në rrethana ende të paqarta.

Sipas, sekretarit të KBI-së për rajonin e Gorës, Ajhan Beqiri, motivi i vrasjes nuk lidhet me punën e tij si imam i xhamisë.

“E tëra që mund të them është se vrasja e imamit nuk lidhet me punën e tij. Kemi informacione që ky akt i rëndë ka ndodhur për çështje private. Gazmendi ka qenë imam në zonën tonë dhe jemi të tronditur me humbjen e tij. Urojmë që organet e drejtësisë të kryejnë punën e tyre dhe të zbardhin sa më parë këtë rast. Ne bashkëndjejmë dhimbjen me familjen e të ndjerit dhe urojmë që Zoti ta ketë çuar në xhehnet”, ka thënë Beqiri për Indeksonline.

Policia ka arrestuar Beshmir Hamzën dhe babain e tij. Ky i fundit është arrestuar nën dyshimet për kryerjen e veprës penale “mosdhënie e ndihmës”, ndërkaq i biri i tij për vrasjen e Tahirovcit.

Presidenti i Shqipërisë, Bajram Begaj, dekretoi sot shpalljen e ligjit “për dhënie amnistie”.

Gjithashtu, Begaj dekretoi edhe shpalljen e ligjit “për sektorin e energjisë elektrike”, si dhe ligjin “për informacionin elektronik të transportit të mallrave”.

Sipas projektligjit të miratuar me votat e Partisë Socialiste dhe ato të PSD-së, 466 persona do të lirohen menjëherë nga burgu, nga të cilët 11 janë gra dhe 1 i mitur. Ndërkohë, 869 të tjerët do të përfitojnë ulje dënimi, mes tyre 8 gra dhe 1 i mitur. Amnistia penale hyn në fuqi 15 ditë pas botimit në Fletoren Zyrtare, shkruan Top Channel.

Drejtori i Onkologjisë Ilir Kurtishi përmes një statusi në rrjetin social, Facebook, ka thënë se temperaturat e larta mund të kenë ndikim më shumë te pacientët që marrin kimioterapi.

Ndërsa ka publikuar disa këshilla për pacientët që janë duke marrë kimioterapi gjatë ditëve të nxehta të verës.

Ndiqni këto këshilla:

Qëndroni të hidratuar

Pini ujë rregullisht gjatë gjithë ditës, edhe nëse nuk ndjeni etje.
Shmangni alkoolin dhe kufizoni pijet me shumë kafeinë nëse ju dehidratojnë. Shmangni ekspozimin në diell
Qëndroni në ambiente të freskëta ose me ajër të kondicionuar, veçanërisht nga ora 11:00 deri në 17:00.
Përdorni kapelë, syze dielli dhe krem mbrojtës (SPF ≥30) kur dilni jashtë, pasi disa barna të kimioterapisë e bëjnë lëkurën më të ndjeshme ndaj diellit. Vishni rroba të lehta
Zgjidhni rroba të gjera, me ngjyra të çelëta dhe prej pambuku ose materialesh që lejojnë ajrosjen.
Ushqehuni lehtë
Konsumoni vakte të vogla dhe ushqime të pasura me ujë, si fruta dhe perime të freskëta, nëse lejohen nga mjeku juaj. Pushoni sa herë që ndiheni të lodhur
Nxehtësia mund të rrisë lodhjen e shkaktuar nga kimioterapia. Monitoroni temperaturën e trupit
Nëse temperatura është 38°C ose më e lartë, kontaktoni menjëherë ekipin tuaj mjekësor. Ethet gjatë kimioterapisë mund të jenë shenjë e një infeksioni serioz. Kërkoni ndihmë mjekësore menjëherë nëse keni:
Marramendje ose të fikët.
Vështirësi në frymëmarrje.
Konfuzion ose përgjumje të pazakontë.
Të vjella ose diarre të vazhdueshme që pengojnë marrjen e lëngjeve.
Shenja dehidratimi (gojë e thatë, urinim i pakët, urinë shumë e errët).
Mos ndryshoni trajtimin tuaj

Vazhdoni të merrni barnat sipas udhëzimeve dhe mos shtyni seancat e kimioterapisë pa u konsultuar me onkologun.
:Çdo pacient është i ndryshëm. Nëse keni pyetje ose simptoma të reja, kontaktoni mjekët e onkologjisë.

26 persona u mbytën në Gjermani, ndërsa përpiqeshin t’i shpëtonin vapës së pazakontë.

Kjo u raportua nga Shoqata Gjermane e Shpëtimit (DLRG).

Mijëra banorë kanë shkuar në liqene, lumenj dhe pishina të hapura për t’u freskuar mes temperaturave ekstreme të larta. Por rekreacioni në ujë ka rezultuar në incidente tragjike.

Sipas DLRG-së, 26 persona u mbytën në vend midis 26 dhe 28 qershorit.

Ndërkohë, të paktën 7 vdekje në ujë u regjistruan vetëm më 25 qershor.

Përveç kësaj, të paktën 8 persona që po notonin në pellgje të ndryshme ujore u dërguan në kujdes intensiv.

Vërehet se shumica e tragjedive kanë ndodhur në ujëra që nuk janë të pajisura për not – lumenj dhe liqene gurore. Vende të tilla konsiderohen më të rrezikshme për shkak të ndryshimeve të papritura në thellësi, rrymave të ftohta nënujore dhe relievit kompleks të fundeve.

Një grup protestuesish kanë bllokuar sot hyrjen e Kuvendit, duke bërë të pamundur ose të vështirë daljen e deputetëve dhe ministrave nga salla e Kuvendit, teksa zhvillohej seanca plenare.

Teksa disa prej deputetëve dhe ministrave kanë dalë, ata i kanë goditur me vezë.

Ndërkohë ka pasur disa herë përplasje me policinë, e në fund janë kërkuar përforcime, ku kanë mbërritur forcat e ndërhyrjes së shpejtë për të hapur rrugën. /TCH/