Author: K.B.

Sot në Kazermën “Adem Jashari” në Prishtinë do të diplomojë gjenerata e 2026-ës të kadetëve të Forcës së Sigurisë së Kosovës.

Në ceremoninë e diplomimit që do të nisë nga ora 10:00 pritet të marrin pjesë edhe krerët e institucioneve.

Punime të domosdoshme për siguri të sistemit

Prishtinë:

1.

Nga TS 110/20 kV Prishtina 7 do të ndërpritet:
Dalja 20 kV J23 Veterniku 1 (kodi: 19000094) nga ora 10:00 deri 11:30
Vendet: Rr. Ali Vitia, Rr. Rexhep Krasniqi te TMK, Lagjja e Spitalit te BMW, 351 Holger Petersen, Rr. Shkupi Lokal-3, Rr. Behar Begolli Hyr/G, Hill Rejs obj. 6, Puhiza II, Al Trade, Hyrja I, Objekti I, Hyr/G, Richard Holbrook B02.
Arsyeja: Mirëmbajtje preventive, instalimi i transformatorit toroidal.

2.

Nga TS 110/20 kV Prishtina 7 do të ndërpritet:
Dalja 20 kV J25 Hajvalia 1 (kodi: 19000098) nga ora 11:30 deri 13:00
Vendet: Hajvali Shkolla, Hajvali Policia, Hajvali Ulzat 1, Hajvali Ulzat 2, Mili Hajvali.
Arsyeja: Mirëmbajtje preventive, instalimi i transformatorit toroidal.

3.

Nga TS 110/20 kV Prishtina 7 do të ndërpritet:
Dalja 20 kV J27 Hajvalia–Irfani (kodi: 19000099) nga ora 13:00 deri 14:30
Vendet: Zllatar te Liqeni i Badovcit, Zllatar Bejtush Gërbeshi.
Arsyeja: Mirëmbajtje preventive, instalimi i transformatorit toroidal.

Prizren

Punime të domosdoshme për siguri të sistemit

1.

Nga TS 35/10 kV Prizreni IV do të ndërpritet:
Dalja 10 kV J09 Qendra Teknike (kodi: 30033009) nga ora 11:00 deri 12:00
Vendet: Rrugët: Ismet Jashari – Kumanova (një pjesë), Hoxhë Tahsini (një pjesë), Ramadan Zaskoci, Suzi Çelebi, Beteja e Koshares (një pjesë), Azem Hajdari, Kaçanik, Aleksandër Moisiu, Bajram Kelmendi, Sefedin Laçi, Jul Variboba, Beran Gashi, Norë Kelmendi, Betim Berisha, Dukle, Sylejman Vokshi (një pjesë), Halim Spahiu, Karl Topia, Rugova (një pjesë), Asret Poniku dhe Alajdin Gjezari.
Arsyeja: Mirëmbajtje preventive, testimi i Mbrojtjes Rele.

2.

Nga TS 35/10 kV Prizreni IV do të ndërpritet:
Dalja 10 kV Bajram Curri J08 (kodi: 30033008) nga ora 12:00 deri 13:00
Vendet: Rrugët: Kukësi, Xhevat Berisha, Sali Bytyqi, Mbreti Pleurat, Bajram Curri, William Walker. Afaristë: “Afioni”, “Etem-Trade”, “EULEX”, “Kuk-Komerc”, “Sharri Beton”, “Sharri Pllast”.
Arsyeja: Mirëmbajtje preventive, testimi i Mbrojtjes Rele.

3.

Nga TS 35/10 kV Prizreni IV do të ndërpritet:
Dalja 10 kV J16 KFORI Turk (kodi: 30033016) nga ora 13:00 deri 14:00
Vendet: Rr. Sali Bytyqi, Rr. Turgut Özal, Rr. Elbasani, Rr. Beteja e Lumes, Rr. Mbreti Pleurat.
Arsyeja: Mirëmbajtje preventive, testimi i Mbrojtjes Rele.

Mitrovicë

Punime të domosdoshme për siguri të sistemit

Nga TS 110/10 kV Vushtrria 2 do të ndërpritet:
TR 1 (J03) dhe pa tension mbesin të gjitha daljet 10 kV dhe një dalje 20 kV prej orës 10:00 deri në ora 16:00
Vendet: Rrugët: Ukshin Kovaçica, Isa Boletini, Rr. 18 Prilli, Rr. Kadri Zeka, Adnan Shyti, Ahmet Selaci, Arsim Tahiri (një pjesë), Avni Rrustemi, Basri Beqiri (një pjesë), Drini i Bardhë (një pjesë), Ganimete Terbesh i (një pjesë), Gjergj Kastrioti Skënderbeu, Hamdi Gashi (një pjesë), Haxhi Zeka (një pjesë), Faruk Beqiri (një pjesë), Sahit Avdyli (një pjesë) dhe Shote Galica.
Fshatrat: Banjska, Dobërllukë, Kçiq i Madh, Pasomë, Sllatinë, Smrekonicë dhe Tërllabuç.
Fshatrat: Akrashticë, Ashlan, Balinc, Beqiq, Bruznik, Bukosh, Dolak, Dubovc, Galicë, Hercegov, Liqej, Lugmir, Mikushnicë (një pjesë), Novolan (një pjesë), Okrashticë, Oshlan, Pantinë, Shtitaricë, Shtruher, Stacioni Hekurudhor dhe Taraxha (një pjesë).
Fshatrat: Bukosh, Dervar, Dolak, Druar, Kollë, Mihaliq, Novolan, Reznik, Shallc dhe Vërnicë.
Rrugët: 2 Maji, Azem Bejta, Azem Galica (një pjesë), Bahri Kuqi, Basri Ali Hyseni (një pjesë), Cetines (një pjesë), Dëshmorët e Kombit (një pjesë), Drenicës, Rrustem Hyseni, e Shalës, Shote Galica (një pjesë), Fahrul Beqiri (një pjesë), Gjergj Kastrioti (një pjesë), Gjon Buzuku (një pjesë), Haxhi Zeka, Hoxhë Kadri Prishtina (një pjesë), Isa Mërnica (një pjesë), Ismail Qemajli, Lutfi Musiqi, Magjistralja, Januz Jashari (një pjesë), Vushtrri (një pjesë) dhe fshatrat: Begaj, Novosellë e Begut, Studime, Studime e Ulët, Sutjeska.
Rrugët: Bahri Kuqi, Ismail Qemajli (një pjesë). Fshatrat: Begaj, Gojbulë, Gumnishtë, Karaçë, Novosellë e Begut (një pjesë), Shilovicë, Skromë, Studime, Studime e Ulët dhe Studime e Epërme.
Pesove Mulliri, konsumatorë komercialë Pompat e Ujit “Ibër Lepenci” në Vushtrri dhe Samadrexhë (një pjesë), NATO Support and Procurement Agency në fshatin Novosellë.
Arsyeja: Mirëmbajtje preventive – mirëmbajtje e nënstacionit.

NS 35/10 kV Shupkovci do të ndërpritet:
Nga dalja 10 kV Shala në degëzimin e Rashanit do të ndërpriten këta TS nga ora 10:00 deri 15:30:

TS 10/0.4 kV Rashan-2-Shkolla (kodi: 70000101015)
TS 10/0.4 kV Rashan 1 (kodi: 70000101016)
TS 10/0.4 kV Rashan 3 (kodi: 70000101017)
TS 10/0.4 kV Tërsten (kodi: 70000101018)
Vendet: Rashan, Tërstenë.
Arsyeja: Mirëmbajtje preventive, pastrim traseje
Gjakovë

Punime të domosdoshme për siguri të sistemit

Nga TS 35/10 kV Xërxa do të ndërpritet:
Dalja 10 kV Xërxa (kodi: 82081003) nga ora 10:00 deri 15:30
Vendet: Xërxë – kryesisht konsumatorë komercialë – biznese.
Arsyeja: Mirëmbajtje preventive, pastrim traseje.

Policia e Tiranës ka arrestuar 19 persona dhe ka proceduar penalisht 12 të tjerë pas incidenteve të regjistruara gjatë protestës së zhvilluar një ditë më parë para Parlamentit.

Sipas Policisë, të arrestuarit akuzohen se kanë kundërshtuar dhe goditur me sende të forta efektivët e rendit, kanë dëmtuar një automjet policie, si edhe kanë sulmuar deputetë të Kuvendit të Shqipërisë gjatë tubimit.

Mes të arrestuarve është edhe shtetasi A. Ll., 35 vjeç, i cili dyshohet se ka goditur një gazetar gjatë protestës.

Autoritetet bëjnë me dije se gjatë përplasjeve mbetën të lënduar 15 punonjës të Policisë së Shtetit, ndërsa u dëmtua edhe një automjet policie.

Ndërkohë, 12 persona janë proceduar penalisht në gjendje të lirë për përfshirjen e tyre në ngjarje.

Policia njofton se puna vijon për identifikimin e edhe gjashtë personave të tjerë, të cilët janë dokumentuar me pamje filmike duke kryer veprime të dhunshme gjatë protestës.

Materialet procedurale i janë referuar Prokurorisë së Tiranës për veprat penale “Shkatërrim prone”, “Kundërshtim i punonjësit të policisë”, “Goditje për shkak të detyrës”, “Prishje e rendit dhe e qetësisë publike”, “Organizim dhe pjesëmarrje në grumbullime dhe manifestime të paligjshme”, “Mosbindje ndaj urdhrit të ligjshëm të punonjësit të policisë” dhe “Pengim i qarkullimit të mjeteve të transportit”.

Njoftimi i plotë i policisë:

Tiranë

Kundërshtuan dhe goditën me sende të forta punonjësit e Policisë, dëmtuan një automjet policie si dhe sulmuan deputetët e Kuvendit të Shqipërisë gjatë tubimit të zhvilluar dje, arrestohen 19 shtetas.

Procedohen penalisht 12 shtetas.

Vijon puna për identifikimin dhe të 6 shtetasve të tjerë që janë dokumentuar me pamje filmike për veprime të dhunshme.

Gjatë tubimit u dëmtuan 15 punonjës policie dhe një automjet policie.

Në vijim të veprimeve procedurale të kryera nga strukturat e Drejtorisë Vendore të Policisë Tiranë, në lidhje me tubimin e zhvilluar dje pranë Parlamentit, u bë arrestimi në flagrancë i shtetasve:

-B. K., 35 vjeç; A. E., 24 vjeç; G. P., 36 vjeç; D. B., 32 vjeç; K. P., 46 vjeç; R. D., 30 vjeç; A. Y., 40 vjeç; N. Q., 43 vjeç; Y. Sh., 52 vjeç; E. Gj., 39 vjeç; F. B., 56 vjeç; R. P., 35 vjeç; A. T., 34 vjeç; A. N., 35 vjeç; E. B., 45 vjeç; A. H., 35 vjeç; E. G., 23 vjeç, E. B., 20 vjeç.

Si dhe shtetasi A. Ll., 35 vjeç, pasi ka goditur një gazetar.

Gjithashtu, u proceduan penalisht në gjendje të lirë shtetasit: F. D., 63 vjeç; Sh. B., 33 vjeç; V. D., 29 vjeç; E. Gj., 38 vjeç; T. T., 43 vjeç; E. A., 31 vjeç; G. S., 20 vjeç; R. D., 30 vjeç; A. M., 39 vjeç; M. J., 47 vjeç, A. G., 47 vjeç dhe A. K., 22 vjeçe.

Grupi hetimor vijon punën për identifikimin e shtetasve të tjerë që mund të kenë kryer veprime të kundërligjshme gjatë tubimit të zhvilluar dje.

Materialet procedurale i janë referuar Prokurorisë së Tiranës, për veprat penale “Shkatërrim prone”, “Kundërshtim i punonjësit të policisë”, “Goditje për shkak të detyrës”, “Prishje e rendit dhe e qetësisë publike”, “Organizim dhe pjesëmarrje në grumbullime dhe manifestime të paligjshme”, “Mosbindje ndaj urdhrit të ligjshëm të punonjësit të policisë” dhe “Pengim i qarkullimit të mjeteve të transportit”.

Plagosja e katërfishtë në Podujevë, 28 gëzhoja plumbash u gjetën në vendngjarje, policia ua bastisi shtëpitë të dyshuarve

Policia e Kosovës doli me njoftim të ri për plagosjen e katërfishtë që ndodhi dje në Podujevë.

Në raportin 24-orësh, policia tha se pas gjuajtjeve me armë zjarri ku u plagosën tre të dyshuar dhe një burrë, kalimtar rasti, u gjetën 28 gëzhoja të plumbave.

“Ka ndodhur një rast gjuajte me armë zjarri ku kanë mbetur të plagosur tre të dyshuar meshkuj kosovarë dhe një viktimë mashkull kosovar (kalimtar i rastit), të cilët kanë pranuar tretman mjekësor. Lidhur me rastin kanë intervenuar menjëherë zyrtarë policorë dhe njësitë relevante policore, të cilat në vendngjarje kanë gjetur dhe sekuestruar tri armë zjarri dhe 28 gëzhoja”.

Policia gjithashtu tha se i ka bastisur shtëpitë e të dyshuarve ku ka gjetur armë e fishekë të shumtë.

Në vendngjarje ka dalë stafi i lartë menaxhues i PK-së, ekipet mjekësore dhe prokurori i rastit, me vendim të të cilit janë bastisur edhe pronat e të dyshuarve ku janë gjetur dhe sekuestruar dy karikatorë me 58 fishekë, dy karikatorë të tjerë me 27 fishekë, dy armë të shkurta me 82 fishekë dhe një armë gjuetie me 49 fishekë. Rasti i nënshtrohet procedurave të mëtejme hetimore në bashkëpunim dhe koordinim me organet e drejtësisë.

Ambasada e Shteteve të Bashkuara ka njoftuar këtë të enjte se në kryeqytetin shqiptar po vijojnë protestat e përnatshme përpara ndërtesës së Kryeministrisë, e cila ndodhet në Bulevardin “Dëshmorët e Kombit”, midis Sheshit Skënderbej dhe Sheshit Nënë Tereza.

Sipas njoftimit, tubimet pritet të vazhdojnë edhe në ditët në vijim dhe mund të shtrihen potencialisht edhe në qytete të tjera të vendit. Ambasada thekson se, megjithëse protestat dhe grumbullimet e mëdha shpesh nisin në mënyrë paqësore, situata mund të ndryshojë shpejt.

Autoritetet paralajmërojnë se në zonat ku zhvillohen protestat mund të ketë prani të shtuar policore, bllokime rrugësh, devijime të trafikut dhe vështirësi në qarkullim, veçanërisht në orët para dhe gjatë zhvillimit të tubimeve. Po ashtu, nuk përjashtohet zgjerimi i protestave në zona përreth, përfshirë institucione të tjera qeveritare.

Ambasada u bën thirrje qytetarëve amerikanë dhe publikut në përgjithësi që të shmangin demonstratat, të jenë të kujdesshëm ndaj rrethinës, të kufizojnë shpërqendrimet si përdorimi i telefonit apo kufjeve në vende publike dhe të ndjekin mediat lokale për informacion të përditësuar.

Gjithashtu rekomandohet që qytetarët të kenë gjithmonë një plan emergjence ose daljeje dhe të mbajnë profil të ulët gjatë lëvizjes në zonat ku mund të ketë grumbullime.

Ditën e djeshme, Paneli Zgjedhor për Ankesa dhe Parashtresa ka njoftuar se, ka vendosur për refuzimin e pesë ankesave të deponuara lidhur me rezultatin e zgjedhjeve të 7 qershorit.

Pjesë e këtyre ankesave, kanë qenë ato të Bekim Haxhiut, Qëndrim Kryeziut nga Partia Demokratike e Kosovës, NDS-së së Emilija Rexhepit dhe Listës Serbe.

Rreth kësaj, Gazeta Express, ka dërguar pyetje në Gjykatën Supreme, për të kuptuar se nëse kjo gjykatë ka pranuar ndonjë ankesë lidhur me vendimin e PZAP’së, nga ku është bërë e ditur se deri më tani s’është bërë një gjë e tillë.

‘’Pas konfirmimit nga Zyra për Menaxhimin e Lëndëve, ju njoftojmë se deri më tani nuk është pranuar asnjë ankesë ndaj vendimeve të PZAP-së pas shpalljes së rezultateve përfundimtare të zgjedhjeve të 7 qershorit’’, thuhet nga Supremja.

Ndryshe, afati për të iu drejtuar Gjykatës lidhur me çështjen në fjalë, është deri nesër.

Express, ka kontaktuar edhe me Bekim Haxhiun nga PDK. I pyetur se a do i drejtohet Supremes me ankesë, Haxhiu, në thënë shkurt ‘’po patjetër’’.

Sa i përket certifikimit të rezultateve zgjedhore të 7 qershorit, për Express, nga KQZ kanë thënë se diçka e tillë do të bëhet pas përfundimit të këtyre procedurave.

Drejtori i Përgjithshëm i Organizatës Botërore të Shëndetësisë, Tedros Adhanom Ghebreyesus, njoftoi se shpërthimi i Hantavirusit konsiderohet zyrtarisht i përfunduar, pasi kontakti i fundit i një personi të ekspozuar rezultoi negativ dhe përfundoi periudhën e karantinës.

“Kontakti i fundit i një personi të ekspozuar ndaj Hantavirusit në anijen turistike MV Hondius ka përfunduar periudhën e karantinës, ka rezultuar negativ në testim dhe është kthyer në shtëpi.

Që nga 25 maji nuk janë raportuar raste të tjera. Prandaj, kemi kënaqësinë të njoftojmë se OBSH e konsideron të përfunduar shpërthimin e Hantavirusit”, deklaroi Tedros Adhanom Ghebreyesus.

Sipas OBSH-së, numri i përgjithshëm i rasteve gjatë këtij shpërthimi mbetet 13, ndërsa tre persona humbën jetën. Autoritetet shëndetësore identifikuan dhe monitoruan më shumë se 650 kontakte në 33 vende.

Megjithatë, Organizata Botërore e Shëndetësisë thekson se puna nuk përfundon me mbylljen e shpërthimit. Tedros bëri të ditur se OBSH do të vijojë bashkëpunimin me qeveritë dhe partnerët ndërkombëtarë për të studiuar më tej Hantavirusin dhe për të përmirësuar njohuritë mbi zhvillimin e sëmundjes.

Po ashtu, organizata po koordinon një studim ku marrin pjesë 21 shtete, me synim zhvillimin e metodave më të avancuara diagnostikuese, trajtimeve dhe vaksinave që mund të përdoren në raste të ngjashme në të ardhmen.

Në përfundim të deklaratës së tij, kreu i OBSH-së falenderoi Argjentinën, Kepin e Gjelbër, Kilin, Holandën, Afrikën e Jugut, Mbretërinë e Bashkuar dhe veçanërisht Spanjën për solidaritetin e treguar në mundësimin e zbarkimit dhe riatdhesimit të sigurt të pasagjerëve dhe ekuipazhit të anijes në Tenerife.

Lidhja e Bizneseve të Kosovës, ka reaguar pas mbylljes së përkohshme të Qumështores “Vita”.

Në reagim thuhet se ky është alarm për gjithë sektorin privat në Kosovë.

Sipas Lidhjes së Bizneseve të Kosovës ky vendim është goditje direkte për gjithë ekonominë e Kosovës.

Komunikata e plotë:

Lidhja e Bizneseve të Kosovës

Mbyllja e Qumështores VITA është goditje direkte ndaj ekonomisë së Kosovës!

Ajo që po ndodh me Qumështoren VITA është alarm për gjithë sektorin privat në Kosovë.

Mbyllja e një prej prodhuesve më të mëdhenj vendorë nuk është vetëm çështje e një kompanie – është goditje e drejtpërdrejtë ndaj qindra vendeve të punës, qindra fermerëve vendorë, zinxhirit të furnizimit dhe stabilitetit të tregut në Kosovë.

Kjo është një goditje e rëndë ndaj prodhimit vendor dhe një sinjal jashtëzakonisht negativ për investitorët – si vendorë ashtu edhe të huaj.

Institucionet duhet ta kenë të qartë: bizneset nuk janë objekt eksperimentesh apo vendimesh që rrezikojnë ekzistencën e tyre. Kosova nuk ndërtohet duke i mbyllur fabrikat, por duke i mbrojtur ato.

Sundimi i ligjit po –

Por jo selektivitet, jo presion dhe jo vendime që shkatërrojnë ekonomi.

Mjaft më me qasje që dëmtojnë prodhuesit vendorë dhe klimën e biznesit në vend.

Lidhja e Bizneseve të Kosovës do të qëndrojë fuqishëm në mbrojtje të çdo biznesi vendor dhe të ekonomisë së vendit.

Një 78-vjeçar nga lagjja Bregu i Diellit në Prishtinë është raportuar i zhdukur që nga mëngjesi i së enjtes, ndërsa familjarët e tij kanë kërkuar ndihmën e qytetarëve për ta lokalizuar sa më shpejt.

Bëhet fjalë për Xhafer Raqin, i cili, sipas familjarëve, është larguar nga shtëpia rreth orës 08:00 dhe që nga ajo kohë nuk dihet asgjë për vendndodhjen e tij.

Familja ka bërë të ditur se 78-vjeçari vuan nga demenca, gjë që e bën edhe më urgjente gjetjen e tij.

Po ashtu, familjarët kanë njoftuar se rasti është raportuar edhe në Policinë e Kosovës, e cila ka nisur procedurat për kërkimin e tij.

“Rastin e kemi lajmëruar edhe në polici. Jo, për kërkime nuk kemi angazhuar ndonjë ekip të kërkim-shpëtimit. Kemi dal mbi 30 vetë për ta kërkuar, familjarë po e kërkojmë gjithkund nëpër qytet”, deklaruan ata për Klankosova.

Ata bënë thirrje që kushdo që ka informacion për vendndodhjen e tij të lajmërojnë në numrin +383 44 737 900.

Deputeti i zgjedhur i Partisë Demokratike të Kosovës (PDK), Arben Mustafa, ka reaguar pas zhvillimeve rreth qumështores “VITA”, duke kritikuar ashpër qasjen e institucioneve shtetërore ndaj prodhuesve vendorë.

Në një reagim publik, Mustafa ka thënë se veprimet e fundit ndaj kësaj fabrike tregojnë, sipas tij, një qasje represive ndaj sektorit privat dhe prodhuesve vendorë, të cilët po përballen me pasiguri të shtuar.

Ai ka vlerësuar se një klimë e tillë e dëmton drejtpërdrejt ekonominë e vendit dhe ndikon në largimin e investimeve.

“‘Inspektori’ Armend Muja po i çon prodhuesit vendorë drejt mbylljes. Represioni i sotëm ndaj qumështores Vita tregon luftën që kjo qeveri po e zhvillon kundër sektorit privat dhe prodhuesve vendorë”, ka deklaruar Mustafa.
Sipas tij, në një ambient të tillë nuk mund të ketë as investime vendore e as të huaja, pasi, siç tha ai, qeveria po shihet si armiqësore ndaj sektorit privat.

Mustafa ka shtuar se kjo qasje nuk synon zhvillimin ekonomik dhe krijimin e kushteve për një jetë me dinjitet në Kosovë, por përkundrazi, po krijon një model ekonomik ku qytetarët bëhen gjithnjë e më të varur nga ndihmat e qeverisë.

Ai ka theksuar se Kosova duhet të orientohet drejt politikave që mbështesin prodhimin, punësimin dhe investimet, në vend të pengesave ndaj bizneseve vendore.