ATV

Author: K.B.

  • Ramabaja i kërkon falje publike Përparim Grudës të PDK’së

    Ramabaja i kërkon falje publike Përparim Grudës të PDK’së

    Mbrëmë u zhvillua një debat mes analistit politik Sadri Ramabaja dhe deputetit të Partisë Demokratike të Kosovës, Përparim Gruda. Debati u ndez pasi Ramabaja i drejtoi Grudës një pyetje provokuese, duke kërkuar të dijë se “ku ka punuar gjyshi i tij”.

    Pas debatit, sot Ramabaja ka kërkuar falje publike ndaj deputetit Gruda. Në një deklaratë të gjatë, ai theksoi se kërkimi i faljes nuk është akt nënshtrimi, por shprehje e lirisë morale dhe njohje e gabimit, duke iu referuar filozofisë perëndimore dhe mendimeve të Immanuel Kantit.

    Ramabaja gjithashtu kujtoi përvojat e tij personale si viktimë politike pas çlirimit të Kosovës, duke shpjeguar se mbrëmë kishte shkuar përtej natyrës së tij dhe kishte interpretuar gabimisht disa fakte, duke cenuar dinjitetin e Grudës. Ai shtoi se kërkimfalja është një akt që tejkalon dimensionin personal dhe kontribuon për pajtimin dhe kujtesën kolektive.

    “Filozofja Hannah Arendt e quante kërkimfaljen një ‘akt të rivendosjes së botës’, sepse përmes saj njeriu ndalon ciklin e pafund të dhunës e hakmarrjes dhe hap mundësinë për një fillim të ri”, përfundoi Ramabaja.

  • Nga 52,000 deri në 117,000 euro për episod, aktorët turq më të paguar

    Nga 52,000 deri në 117,000 euro për episod, aktorët turq më të paguar

    Sipas raportimeve të mediave turke, disa prej aktorëve kryesorë të serialeve turke, që gëzojnë pagat më të larta, janë Kenan İmirzalıoğlu, Afra Saraçoğlu, Demet Özdemir dhe Çağatay Ulusoy.

    Këta aktorë jo vetëm që kanë arritur të ndërtojnë një emër të njohur në vendin e tyre, por kanë shkuar përtej kufijve të Turqisë, falë projekteve të suksesshme dhe performancave të tyre të jashtëzakonshme.

    Pagat për çdo episod janë impresive. Kenan İmirzalıoğlu, një prej figurave më të njohura, përfiton rreth 117,000 euro, duke u shpallur si aktori më i paguar.

    Afra Saraçoğlu, një aktore e re dhe e talentuar, merr rreth 65,000 euro për episod.

    Po ashtu, Demet Özdemir, që është bërë ikonë e ekranit, fiton gjithashtu një shumë të konsiderueshme prej rreth 52,000 euro.

    Nga ana tjetër, Çağatay Ulusoy, që është i njohur për rolet e tij të suksesshëm, merr rreth 84,000 euro për episod.

    Me rritjen e kërkesës për prodhime turke, aktorët e lartpërmendur janë bërë figura qendrore jo vetëm për publikun turk, por edhe për ndjekësit në të gjithë botën.

    Pra, pagat e tyre të larta reflektjnë jo vetëm suksesin personal, por edhe ndikimin e përgjithshëm të artit turk në arenën ndërkombëtare.

  • Raundi i dytë i zgjedhjeve lokale, LVV synon fitore në 12 komuna

    Raundi i dytë i zgjedhjeve lokale, LVV synon fitore në 12 komuna

    Më 9 nëntor do të mbahet raundi i dytë i zgjedhjeve lokale në disa komuna të Kosovës.

    Lëvizja Vetëvendosje, përmes një postimi në rrjetin social “Facebook”, njofton se kjo parti është në balotazh në 12 komuna.

    Bashkë për fitore më 9 nëntor! Prishtinë, Mitrovicë, Gjilan, Prizren, Pejë, Gjakovë, Vushtrri, Rahovec, Fushë Kosovë, Obiliq, Kaçanik, Viti – Bashkë fitojmë! Në 12 komuna, me 12 kandidatë që përfaqësojnë punën, ndershmërinë dhe vizionin për zhvillim”, thuhet në njoftimin e LVV-së.

    Tutje, LVV ka bërë thirrje që qytetarët të dalin në zgjedhje dhe të votojnë.

    “Për një komunë më të drejtë, më të ndershme e më të mirë për të gjithë. Më 9 nëntor dalim të gjithë Bashkë, sepse Bashkë është forca jonë. Bashkë, numri është 105”.

  • Mos i vishni kurrë rrobat e reja pa i larë, arsyeja do t’ju trondisë

    Mos i vishni kurrë rrobat e reja pa i larë, arsyeja do t’ju trondisë

    Shumë prej nesh, nga padurimi për të veshur blerjet e reja, nuk presin asnjë moment dhe i veshin rrobat direkt nga dyqani. Por specialistët paralajmërojnë se ky zakon mund të ketë pasoja serioze për lëkurën dhe shëndetin.

    Edhe pse rrobat duken të pastra dhe aromatike, gjatë prodhimit, transportit dhe ekspozimit në dyqane ato kalojnë nëpër shumë duar dhe ambiente të ndryshme, ku mund të grumbullojnë kimikate të dëmshme dhe mikroorganizma. Prodhuesit përdorin substanca si formaldehid, ngjyrues artificialë dhe anti-myk për të ruajtur ngjyrën, elasticitetin dhe formën e rrobave, të cilat mund të shkaktojnë kruarje, skuqje, reaksione alergjike dhe irritime të lëkurës, veçanërisht tek fëmijët dhe personat me lëkurë të ndjeshme.

    Rrobat e reja shpesh provohen nga dhjetëra persona në dyqane, duke i ekspozuar ndaj djersës, parfumit dhe mikroorganizmave të ndryshëm. Edhe fibrat natyrale, si pambuku apo liri, trajtohen me kimikate gjatë prodhimit dhe nuk janë të përjashtuara nga këto rreziqe.

    Ekspertët këshillojnë që të gjitha rrobat e reja, veçanërisht të brendshmet, pizhameja dhe ato që vishen afër trupit, të lihen për larjen e parë me ujë të vakët dhe detergjent të butë. Rrobat me ngjyra të forta duhet të lahen veçmas për të shmangur ngjyrosjen e rrobave të tjera, ndërsa fëmijët duhet të kenë veçanërisht kujdes dhe çdo veshje e tyre të lahet dy herë para përdorimit. Për rrobat e ndjeshme, rekomandohet larje me dorë ose programe delikate dhe shmangie e temperaturave shumë të larta që mund të dëmtojnë ngjyrën.

    Pra, larja e parë nuk është thjesht një hap higjienik, por një mënyrë për të mbrojtur shëndetin dhe lëkurën tuaj nga irritimet dhe alergjitë e mundshme.

  • Liburn Aliu emërohet drejtor i ri i Portit të Durrësit

    Liburn Aliu emërohet drejtor i ri i Portit të Durrësit

    Liburn Aliu është emëruar sot drejtor i ri i Portit të Durrësit. Prezantimi i tij u bë nga zëvendëskryeministrja dhe ministrja e Infrastrukturës dhe Energjisë, Belinda Balluku.

    Në fjalën e tij, Aliu e cilësoi Portin e Durrësit si portin e të gjithë shqiptarëve dhe theksoi rëndësinë e tij strategjike për Kosovën dhe rajonin.

    “E dashur Belinda, të nderuar kolegë, ndihem shumë i privilegjuar për besimin që më është dhënë nga qeveria e Republikës së Shqipërisë dhe nga zëvendëskryeministrja, për një detyrë që është mjaft sfiduese. Porti i Durrësit është porti i gjithë shqiptarëve dhe i rajonit,” deklaroi ai.

    Aliu falënderoi qeverinë shqiptare, kryeministrin Edi Rama dhe zv.kryeministren Balluku për besimin, duke theksuar se “Porti i NATO-s do të ndihmojë në rritjen e sigurisë në mbarë rajonin.

  • Dashuri, fat apo tension? Horoskopi i 28 Tetorit

    Dashuri, fat apo tension? Horoskopi i 28 Tetorit

    Dashi
    Partneri juaj do t’ju tregojë sot se sa shumë kënaqësi ka të jetë pranë jush. Ditë e mbushur me surpriza dhe propozime interesante pritet. Beqaret mund të ndihen tërhequr nga një person që tashmë është në një lidhje. Në vendin e punës, do të duhet të tregoheni të kujdesshëm me detajet dhe të shmangni konfliktet me kolegët. Financat kërkojnë kujdes dhe menaxhim të matur derisa situata të stabilizohet.

    Demi
    Jeta në çift do të jetë e qëndrueshme sot. Nuk do lejoni që të tjerët të ndërhyjnë në marrëdhënien tuaj dhe do veproni sipas ndjenjave tuaja. Beqaret nuk do gjejnë dashurinë sot. Në aspektin financiar, është një kohë e mirë për të planifikuar investime afatgjata.

    Binjakët
    Yjet do ndikojnë pozitivisht në jetën tuaj sentimentale. Do jeni të arsyeshëm dhe do vendosni pas reflektimit. Beqaret mund të përjetojnë dashuri me shikim të parë kur nuk e presin. Në punë, mund të përballeni me sfida që kërkojnë zgjidhje kreative, ndaj mos hezitoni të ndani idetë tuaja. Megjithatë, në financa mund të ketë vështirësi për shkak të mungesës së planifikimit.

    Gaforrja
    Marrëdhënia me partnerin mund të kërkojë më shumë mirëkuptim dhe durim sot, ndaj dëgjoni me kujdes ndjenjat e tyre. Në punë, mund të merrni një lajm të mirë që do të përmirësojë motivimin tuaj. Shëndeti juaj është i qëndrueshëm, por do të ishte mirë të bëni një shëtitje ose të merrni pak ajër të pastër. Financat janë të mira, por mos lejoni optimizmin t’ju çojë në shpenzime të tepërta.

    Luani
    Jeta në çift do jetë e qetë dhe rutinore sot, pa ndryshime të mëdha por pa probleme serioze. Beqaret do vazhdojnë të ëndërrojnë dhe të kërkojnë personin e duhur. Në aspektin profesional, është një ditë e favorshme për të bashkëpunuar me të tjerët dhe për të ndërtuar ura të reja. Kujdesuni për shëndetin tuaj duke shmangur ushqimet e rënda dhe duke qëndruar të hidratuar. Në financa, mund të merrni një ofertë të mirë, por analizoni mirë para se të merrni vendime.

    Virgjëresha
    Marrëdhënia në çift mund të jetë delikate, me mundësi për debate të vogla. Beqaret do jenë të rezervuar dhe nuk do guxojnë të dalin për takime. Në punë, është një ditë e favorshme për të përfunduar projekte të vjetra dhe për të marrë vlerësime nga të tjerët. Gjendja financiare përmirësohet paksa krahasuar me ditët e fundit, por mbetet e ndjeshme; kujdes me shpenzimet.

    Peshorja
    Sot mund të ndjeni një energji të re në marrëdhëniet tuaja, duke ju ndihmuar të zgjidhni mosmarrëveshje të vjetra. Beqaret do fokusohen më shumë tek familja, duke lënë pas dore jetën sentimentale. Në vendin e punës, përqendrohuni në detyrat prioritare dhe mos lejoni shpërqendrimet të ndikojnë në performancën tuaj.

    Akrepi
    Komunikimi me partnerin është çelësi sot, ndaj mos i mbani ndjenjat për vete. Në punë, mund të merrni një përgjegjësi të re që do t’ju japë mundësi për të treguar aftësitë tuaja. Shëndeti mund të përmirësohet nëse i kushtoni vëmendje orarit të gjumit dhe aktivitetit fizik. Në aspektin financiar, shmangni huatë ose transaksionet e mëdha për momentin.

    Shigjetari
    Sot, marrëdhëniet tuaja dashurore kërkojnë më shumë sinqeritet sidomos nëse ka pasur keqkuptime të fundit. Në punë, jini të gatshëm të merrni këshilla nga kolegët me përvojë për të arritur rezultate më të mira. Shëndeti është i mirë, por mos harroni të ushtroni për të larguar tensionin e akumuluar. Financat janë të qëndrueshme, por situata mund të përkeqësohet nëse veproni pa plan.

    Bricjapi
    Dita e sotme mund të sjellë një romancë të re ose përforcim të lidhjes ekzistuese, nëse jeni të hapur për ndryshime. Në aspektin profesional, mund të merrni një shans të dytë për një projekt që kishit lënë pas dore. Financat janë të mira, por është e këshillueshme të shmangni blerjet impulsive.

    Ujori
    Marrëdhëniet tuaja sot janë të mbushura me harmoni dhe mirëkuptim, duke ju ndihmuar të kapërceni çdo tension të vogël. Beqaret janë të qartë për dëshirat e tyre, por momenti nuk është akoma i përshtatshëm. Në punë, është koha ideale për të ndarë idetë tuaja dhe për të nisur projekte të reja. Shëndeti është i qëndrueshëm, por kujdesuni ndaj mbingarkesës fizike gjithashtu. Financat paraqiten të balancuara, por mos harroni të kurseni për të ardhmen.

    Peshqit
    Sot mund të ndjeni një nevojë për më shumë intimitet dhe afërsi në marrëdhëniet tuaja, ndaj tregohuni të hapur me partnerin. Në punë, përballeni me sfida që kërkojnë durim dhe këmbëngulje, por suksesi është i mundur me përkushtim. Shëndeti është në gjendje të mirë, por mos e neglizhoni pushimin. Financat janë të qëndrueshme, por është e këshillueshme të shmangni riskun e tepruar në investime.

  • Në rast zgjedhjesh të reja, PDK rikandidon Bedri Hamzën për kryeministër

    Në rast zgjedhjesh të reja, PDK rikandidon Bedri Hamzën për kryeministër

    Nëse vendi shkon në zgjedhje të jashtëzakonshme, Partia Demokratike e Kosovës (PDK) do të garojë sërish me Bedri Hamzën si kandidat për kryeministër. Këtë e ka konfirmuar kryetari i PDK-së, Memli Krasniqi.

    “Unë besoj që po. Siç e kam thënë prej ditës kur e kam nominuar dhe tash bëhet më shumë se një vit nga ajo kohë ai (Bedri Hamza) është personi më i duhur për fazën që po na pret”, deklaroi Krasniqi.

    Sipas tij, situata në vend është përkeqësuar, si në aspektin ekonomik ashtu edhe në mirëqenien e qytetarëve dhe në raportet ndërkombëtare të Kosovës.

    Kryetari i PDK-së ka bërë të ditur se partia e tij nuk do të tentojë të krijojë Qeverinë aktuale, pasi sipas tij, asnjëra parti nuk e ka shumicën e nevojshme.

    “Rruga e vetme janë zgjedhjet, meqë asnjëra parti nuk e ka shumicën. Presidentja Vjosa Osmani do të duhej t’i ftonte partitë që tani për konsultime”, tha ai.
    Krasniqi theksoi se nuk ka nevojë të pritet afati prej 10 ditësh për hapat e ardhshëm, në mënyrë që të mos ketë vonesa të panevojshme.

    “Në kuptimin formal, Presidentja do të duhej të na kontaktonte qysh tash. Ma merr mendja që secili prej nesh që mund të ftohemi, do t’i thojmë që s’e kemi shumicën, andaj t’i ndërmerr veprimet…Jo, s’mundemi me marr mandat. Duhen 61 numra”, tha Krasniqi.

    Madje, sipas tij nuk ka nevojë të pritet fare 10 ditë, në mënyrë që të mos ketë vonesa tutje.
    Sa i përket Kuvendit, tha se pas herës së dytë nëse nuk bëhet shumica, shpërndahet automatikisht.

  • Pas reshjeve të mëngjesit, ja çfarë paralajmërojnë meteorologët!

    Pas reshjeve të mëngjesit, ja çfarë paralajmërojnë meteorologët!

    Pas fillimit të javës me mot të vranët dhe reshje lokale shiu, dita e martë, pritet të sjellë përmirësim të lehtë të kushteve atmosferike në gjithë territorin e Kosovës.

    Sipas Institutit Hidrometeorologjik të Kosovës, moti do të jetë i vranët me intervale me diell, ndërsa në disa rajone mund të ketë ende riga të izoluara shiu.

    Temperaturat minimale do të sillen ndërmjet 2 dhe 4 gradë Celsius, ndërsa ato maksimale do të arrijnë deri në 13 gradë Celsius, duke shënuar një rritje graduale gjatë orëve të mesditës.

    Era do të fryjë nga veriperëndimi me shpejtësi prej 1 deri në 5 metra për sekondë, duke mbajtur motin të freskët, por të qetë.

    Meteorologët parashikojnë që ky stabilizim i kushteve të jetë hyrje e një periudhe më të ngrohtë dhe më të qëndrueshme drejt fundit të javës, kur temperaturat pritet të rriten ndjeshëm.

  • Shpend Ahmeti kërkon nga partitë të tregojnë se me kënd janë të gatshëm me bo koalicione

    Shpend Ahmeti kërkon nga partitë të tregojnë se me kënd janë të gatshëm me bo koalicione

    Ish-kryetari i Prishtinës, Shpend Ahmeti, pasi me dështimin e Glauk Konjufcës për të formuar qeveri u hap rruga për zgjedhje të reja, tha se partitë politike në këto zgjedhje do të duheshin të tregonin se me kënd janë të gatshme të bëjnë koalicione për të mos u përsëritur i njëjti skenar.

    “Në këto zgjedhje kishte me qenë mirë me na tregu partitë se me kënd janë të gatshëm me bo koalicione se përndryshe do ta kemi një deja vu kolektive”, shkroi Ahmeti.

  • Kandidatët e LDK-së përmbyllin fushatën me premtime për ndryshim dhe zhvillim

    Kandidatët e LDK-së përmbyllin fushatën me premtime për ndryshim dhe zhvillim

    Kandidati për kryetar të Prishtinës nga radhët e Lidhjes Demokratike të Kosovës Përparim Rama, në ditën e fundit të fushatës zgjedhore, ka promovuar projektet e realizuara gjatë mandatit të tij përmes një video-incizimi, i shoqëruar me mesazhin: “Prishtina, s’është dashni kalimtare. Është përkushtim i përditshëm, i ndershëm, i zëshëm!”.

    Kandidati për kryetar në Gjilan, Arbër Ismajli gjatë vizitës tek familjet e heronjve Rexhep Mala dhe Nuhi Berisha. Ai premtoi përkushtim në qeverisje, duke vënë theksin te rinia, arsimi, kultura dhe zhvillimi ekonomik.

    Kurse kryetari aktual I Dragashit, kandidat edhe për një mandat, Bexhet Xheladini ka përmbyllur fushatën me inaugurimin e ujësjellësit në fshatin Brrut.

    Besnik Osmani kandidat për Fushë Kosovën prezantoi Palestrën e re Multifunksionale të Sportit dhe Kulturës me një investim prej 2.2 milionë euro.

    Burim Krasniqi në Rahovec është zotuar për një qeverisje gjithëpërfshirëse, pa dallime partiake, duke e cilësuar 12 tetorin si ditën e ndryshimit.

    Gazmend Muhaxhiri në Pejë, kandidat edhe për një mandat, ka ndarë pamje nga investimet infrastrukturore dhe është takuar me banorë të lagjeve Qyshk, Pavlan dhe Sahat Kulla, duke u zotuar për vazhdimin e projekteve zhvillimore.

    Driton Selmanaj në Prizren e ka quajtur 12 tetorin një moment historik për qytetin, duke bërë thirrje për qeverisje transparente.

    Në Shtime, Kastriot Shabani përmes një mesazhi mobilizues ka theksuar se “vetëm edhe një ditë na ka mbetur deri në ditën e ndryshimit”, duke i ftuar qytetarët të bëhen pjesë e këtij procesi.

    Në Ferizaj, kandidati Visar Azemi ka zhvilluar një takim me strukturat lokale të LDK-së, duke e konsideruar ekipin e tij si “më të mirin për Ferizajn”.

    Ndërkohë, në Viti, Sokol Haliti, kryetar aktual dhe kandidat për një mandat tjetër, ka mbyllur fushatën me mesazhin “Në këmbë, të fuqishëm, më të bashkuar se kurrë!”.