Pak momente para nisjes së ndeshjes Kosova-Zvicra, në “Fadil Vokrri” nga kombëtarja u pensionua mesfushori Herolind Shala.
Në nderim të tij u bë një ceremoni simbolike dhe iu nda mirënjohja për të nga presidenti i FFK-së, Agim Ademi.
Në formacionin e “Dardanëve” pritet të ketë ndryshime ku në portë do të kthehet Aro Muriq, në vend të Amir Saipit, kurse në defanzivë Kosova do të jetë pa Lumbardh Dellovën, Albian Hajdarin.
NISMA Socialdemokrate është deklaruar se nuk do të marrë pjesë në seancën e së mërkurës në Kuvendin e Kosovës, e thirrur nga Grupi Parlamentar i Lëvizjes Vetëvendosje.
NISMA ka thënë se kjo seancë është thirrur me urgjencë e pa konsultim paraprak me subjektet politike.
Tutje thuhet se tema të tilla kërkojnë përgjegjësi institucionale, përgatitje dhe debat serioz, jo nxitim e improvizime.
Komunikata e plotë:
NISMA Socialdemokrate nuk do të marrë pjesë në seancën e nesërme të orës 11:00, e thirrur me urgjencë dhe pa konsultim paraprak me subjektet politike, ndonëse aty figurojnë çështje të rëndësishme për vendin. Tema të tilla kërkojnë përgjegjësi institucionale, përgatitje dhe debat serioz, jo nxitim e improvizime!
Prej muajsh, vendi ndodhet në krizë të qartë politike për shkak se nuk ekziston shumicë parlamentare. Ky është realitet i konfirmuar publikisht dhe zyrtarisht nga të gjitha partitë politike gjatë takimeve me Presidenten e Republikës. Përkundër kësaj, janë zvarritur proceset, janë shpikur skenarë dhe janë krijuar iluzione për shumicë që nuk ekziston.
NISMA Socialdemokrate ka qenë forca më konstruktive në këtë periudhë të vështirë.
Ne kemi kërkuar me kohë marrëveshje politike, koordinim ndërmjet subjekteve dhe përgjegjësi të përbashkët për të dalë nga kriza, pa kalkulime elektorale!
Kemi ofruar gatishmëri të pakushtëzuar për çdo zgjidhje që i shërben vendit, por nuk kemi pranuar të bëhemi pjesë e skenareve që vetëm sa e thellojnë bllokadën.
Thirrja e kësaj seance, pa agjendë të dakorduar, pa konsultim dhe pa respektim të rregullave parlamentare, nuk e pasqyron seriozitetin që kërkojnë marrëveshjet ndërkombëtare, angazhimet financiare dhe çështjet buxhetore. Këto tema nuk mund të trajtohen si dekor për fushatë dhe as si instrument i propagandës ditore.
Për këto arsye, NISMA Socialdemokrate nuk do të marrë pjesë në këtë seancë të improvizuar.
Ne do të mbetemi të përkushtuar ndaj zgjidhjeve që i shërbejnë qytetarëve, që rikthejnë normalitetin institucional dhe që respektojnë rendin kushtetues.
Në këtë moment vendi ka nevojë për qartësi, përgjegjësi dhe veprim të matur, jo për lëvizje të nxituara me prapaskenë elektorale.
NISMA Socialdemokrate
Kuvendi i Kosovës ka dalë me njoftim zyrtar lidhur me dy seancat e jashtëzakonshme që do të mbahen nesër – njëra për votimin e Qeverisë së re, e tjetra për votimin e buxhetit e marrëveshjeve ndërkombëtare.
Seanca e parë do të mbahet në orën 11:00.
Në rend dite:
1. Formimi i komisioneve parlamentare,
2. Shqyrtimi i Projektligjit nr. 09/L-002 për ratifikimin e Marrëveshjes ndërmjet Republikës së Kosovës dhe Bashkimit Evropian mbi aranzhimet për zbatimin e përkrahjes së Unionit për Kosovën në kuadër të instrumentit për reforma dhe rritje,
3. Shqyrtimi i Projektligjit nr. 09/L-003 për ratifikimin e Marrëveshjes së Financimit për Programin e parë për „Financimin e Politikave Zhvillimore për Efektivitetin Fiskal, Konkurrueshmërinë dhe Rritjen e Gjelbër“, ndërmjet Republikës së Kosovës, e përfaqësuar nga Ministria e Financave, Punës dhe Transfereve si dhe Asociacionit Ndërkombëtar për Zhvillim (pjesë e Grupit të Bankës Botërore),
4. Shqyrtimi i Projektligjit nr. 09/L-004 për ratifikimin e Marrëveshjes së Kredisë për “Instrumentin për Reforma dhe Rritje për Ballkanin Perëndimor” ndërmjet Bashkimit Evropian, që përfaqësohet nga Komisioni Evropian si Huadhënës, dhe Republikës së Kosovës si Huamarrës, dhe Bankës Qendrore të Kosovës si Agjent i Huamarrësit,
5. Shqyrtimi i Projektligjit nr. 09/L-005 për Ratifikimin e Marrëveshjen e Kredisë në mes të Republikës së Kosovës përfaqësuar nga Ministria e Financave, Punës dhe Transfereve, dhe Asociacioni Ndërkombëtar për Zhvillim për Projektin “Kompas“-Qasja Gjithëpërfshirëse e Kosovës Për Forcimin E Sistemit Të Shëndetësisë,
6. Shqyrtimi i Projektligjit nr. 09/L-006 për Ratifikimin e Marrëveshjen e Kredisë në mes të Republikës së Kosovës, përfaqësuar nga Ministria e Financave, Punës dhe Transfereve, dhe Asociacioni Ndërkombëtar për Zhvillim (ANZH) për Projektin “Edukimi në fëmijërinë e hershme dhe kujdesi për kapitalin njerëzor të Kosovës”,
7. Shqyrtimi i parë i Projektligjit nr. 09/L-001 mbi ndarjet buxhetore për Buxhetin e Republikës së Kosovës për vitin 2026,
8. Miratimi i buxhetit për komunat: Prishtinë, Gjilan dhe Zubin Potok,
9. Çështja e financimit të RTK-së.
Ndërkohë, seanca tjetër do të mbahet në orën 14:00, ku pika e vetme e rendit të ditës është zgjedhja e Qeverisë.
Presidentja Vjosa Osmani e ka mandatuar Glauk Konjufcën si mandatar për formimin e Qeverisë, pas dështimit të Albin Kurtit.
Osmani kishte deklaruar se Konjufca dhe VV kanë besim të plotë se mund t’i arrijnë 61 vota, sa janë të nevojshme për votimin e Qeverisë.
Afati 15 ditor që ka Konjufca për ta prezantuar përbërjen e kabinetit qeveritar, përfundon pikërisht nesër.
Një 88 vjeçar është gjetur pa shenja jete në shtëpinë e tij në fshatin Bablak të Ferizajt.
Lajmi është konfirmuar nga Kanun Veseli, zëdhënës i Policisë për rajonin e Ferizajt
“Më datë 18.11.2025, rreth orës 11:05, policia është njoftuar se në fshatin Bablak të Ferizajt një person në shtëpinë e tij është pa ndjenja. Patrulla ka dalë menjëherë në vendngjarje dhe brenda në shtēpi është gjetur personi pa shenja jete, vdekjen e tij e ka konstatuar Ekipi i Emergjencës nga Ferizaj . Viktima është një mashkull, rreth 88 vjeç”, tha Veseli.
Në vendngjarje janë angazhuar njësitë e hetimeve dhe forenzika, të cilat po punojnë për zbardhjen e rrethanave.
Prokurori i shtetit është njoftuar për të gjitha veprimet policore. Rasti është cilësuar si “Hetim mbi vdekjen”.
të gjithë botën, ka histori personale unike, si ajo nga Brazili. Në këtë vend, Kamila Rodrigues Cardoso, me origjinë nga Patos de Minas, e ndryshoi jetën e saj plotësisht, pasi la botën e modës për t’u bërë murgeshë në moshën 18 vjeç. Tani ajo njihet si “Motra Eva” dhe rasti i saj ka ngjallur kuriozitet dhe vëmendje nga e gjithë bota, duke u bërë viral në rrjetet sociale.
Kamila Rodrigues nuk e mori këtë vendim rastësisht , por kur jeta e saj ndryshoi plotësisht, pasi humbi të atin në moshën nëntëvjeçare. Ajo tregoi se çfarë ndodhi në një intervistë me ‘The Noite’: “Gjatë kohës sime si modele mendova se do ta kisha gjetur profesionin tim, por humbja e të atit vuajta nga depresioni dhe ankthi. Fillova të mendoja se të qenit modele nuk ma mbushte më zemrën”.
Pavarësisht kësaj, ajo më parë fitoi konkursin e bukurisë Miss Rising Sun Teen Continent, gjë që e çoi në pjesëmarrjen në Miss Brazil dhe më pas në Miss Universe, por kjo nuk e ndryshoi idenë e saj të përmendur më parë, pasi ajo zgjodhi botën e fesë.
“Pikërisht atëherë kërkova kishën dhe fillova të lutesha rruzaren. Një ditë, gjatë predikimit, pashë një murgeshë të kalonte dhe pashë tek ajo një dritë shumë të fortë. Fillova të admiroja rrobat e saj, të studioja jetën e një murgeshe dhe të shihja veten me rangun dhe velin”, shpjegoi ajo në programin e lartpërmendur.
Pastaj ajo hyri në një manastir dhe zgjodhi të ndryshonte emrin e saj në Eva, diçka që ajo e sqaroi gjithashtu: “Një zgjedhje simbolike për të qenë gruaja e parë në historitë e Biblës”.
Sot, ajo është tashmë 21 vjeç dhe është pjesë e Kongregacionit të Santa Dei Genitrix, një institucion i pavarur nga Kisha Apostolike Katolike Romake në Brazil. Ngjashëm, ajo spikat për bukurinë e saj kur u publikua një video në të cilën shfaqej duke shitur sende fetare.
Përtej kësaj, ajo mban gjithashtu një profil diskret rreth jetës personale, megjithëse përdor edhe rrjetet sociale për të ndarë punën shpirtërore dhe aktivitetet komunitare.
Edicioni i tretë i Javës së Filmit Etnografik, nis sot dhe do të zgjasë deri më 20 nëntor 2025, aktivitet ky që synon të promovojë përdorimin e filmit si mjet kërkimor, interpretues dhe reflektues në antropologji.
Gjatë tri ditëve të kësaj ngjarje do të shfaqen filma të përzgjedhur, të cilët trajtojnë tema të ndryshme kulturore, sociale dhe komunitare, duke sjellë perspektiva të reja mbi realitetet që studiohen në fushën e antropologjisë.
Pas çdo shfaqjeje, pjesëmarrësit do të kenë mundësinë të përfshihen në diskutime të hapura me panelin e përbërë nga studentë, kolegë dhe profesorë të Departamentit të Antropologjisë. Ngjarjet mbahet në Sallën 014, në Fakultetin Filozofik, Prishtinë.
Një mërgimtar nga Kosova ka vdekur në Mekë pasi kishte kryer ritualin e Umrës.
I ndjeri është Kenan Haliti nga Ferizaj, i moshës rreth 50 vjeçar.
Ai kishte jetuar në Gjermani.
Haliti vdiq teksa po shkonte drejt aeroportit për t’u kthyer nga Umra.
Sipas informacioneve, shkaku i vdekjes dyshohet të ketë qenë një infarkt.
Ai do të varroset në Mekë.
Më 19 nëntor, të mërkurën, për të dytën herë me radhë do të mbahet seanca për formimin e qeverisë së re, ku mandatari i dytë i Lëvizjes Vetëvendosje, Glauk Konjufca pritet të matet, a i ka apo jo votat.
Në ditën e fundit të afatit 15-ditor për finalizimin e këtij procesi, Kuvendi i Kosovës do të mblidhet në orën 14:00 për të shqyrtuar dhe votuar kabinetin e ri qeveritar.
Para kësaj seance, deputetët pritet të zhvillojnë mbledhjen për miratimin e Buxhetit të Kosovës, e cila është caktuar të nis në orën 11:00.
Mandatari për formimin e Qeverisë, nënkryetari i LVV-së, Glauk Konjufca, ende nuk e ka bërë të ditur nëse ka siguruar votat e nevojshme për formimin e qeverisë së re.
Në konferencën globale të ardhshme mbi kontrollin e duhanit, që mbahet javën e ardhshme, do të diskutohet edhe për ndotjen masive që shkaktojnë filtërat e cigareve, me disa ekspertë që rekomandojnë ndalimin total të tyre.
“Zgjidhja më e mirë për mjedisin do të ishte heqja e filtrave plotësisht,” tha Andrew Black, kreu i përkohshëm i sekretariatit të Konventës së Kornizës për Kontrollin e Duhanit (FCTC) të OBSH-së, të enjten.
Sipas sekretariatit, filtërat plastik të cigareve janë artikulli më i hedhur në botë. Ata lirojnë kimikate toksike në mjedis dhe shkatërrohen në mikroplastikë — ndërkohë që nuk ofrojnë asnjë përfitim të madh për duhanpirësit.
Konferenca e 11-të e FCTC do të mbahet në Gjenevë nga 17 deri më 22 nëntor, dhe OBSH ka paralajmëruar se industria e duhanit po përpiqet të ndikojë dhe të pengojë ngjarjen.
Si ndotin ambientin filtërat e cigareve?
Rreth 4.5 trilion filtër cigare hidhen çdo vit në botë, duke i bërë artikullin më të zakonshëm të hedhur.
Këto filtër janë toksikë dhe burim kryesor i ndotjes plastike, pasi nuk dekompozohen.
Filtrat plastik nuk rrisin sigurinë e cigareve, shton Black.
Rudiger Krech, shefi për mjedisin dhe ndryshimet klimatike në OBSH, theksoi se është koha për të ndaluar plastikën në filtrat e cigareve, pasi ato janë “ndotësit kryesorë të ujërave” dhe “mbajnë kimikate toksike”.
Masa konkrete do të varet nga vendet pjesëmarrëse. Aktualisht, rreth 180 shtete kanë ratifikuar FCTC-në, që ka hyrë në fuqi më 2005 dhe përfshin masa si:
Paralajmërime grafike në paketat e cigareve
Ligje për zona pa tym
Rritje taksash mbi duhanin
Konferenca do të vendosë për masat që do të ndikojnë në trajektoren e epidemisë globale të duhanit për brezat e ardhshëm. Aktualisht, mbi 7 milionë vdekje çdo vit shkaktohen nga duhani — një numër që mund të parandalohet.
Rreziqet e produkteve të reja të duhanit
Agjenda e konferencës përfshin edhe marketingun agresiv të produkteve të duhanit dhe shqetësimet për fëmijët që tërhiqen drejt adiktimit nga produktet e reja.
Sipas OBSH-së, më shumë se 100 milionë njerëz përdorin cigare elektronike, përfshirë të paktën 15 milionë adoleshentë 13-15 vjeç. Drejtori i OBSH-së, Tedros Adhanom Ghebreyesus, tha se pavarësisht promovimit si alternativa më e sigurt, nuk ka prova që cigaret elektronike kanë përfitime reale për shëndetin publik, ndërsa dëmi po rritet.
Industria e duhanit, sipas tij, ka vetëm një motiv: fitim financiar, dhe po përpiqet të ndikojë në konferencë përmes lobimit dhe ndarjes së opinionit publik.
Produkte të reja të marketinguara si “reduktim i dëmshmërisë” janë në fakt tërheqëse për fëmijët, me ngjyra të ndezura dhe shije të ëmbla. Industria po përdor gjithashtu rrjetet sociale për të promovuar produktet midis të rinjve, duke i ekspozuar ata ndaj adiktimit.
Çfarë synon OBSH-ja?
OBSH kërkon ndalim të plotë të reklamave, promovimit dhe sponsorimeve të produkteve të duhanit, përfshirë cigaret elektronike dhe produktet me nikotinë.
Ministri në detyrë i Financave, Hekuran Murati, ka thënë se kryetari i Prishtinës Përparim Rama e ka “shumë të lehtë” ta zgjidhë cështjen e buxhetit të kryeqytetit.
“Përparim Rama e ka shumë të lehtë që ta bëjë zgjidhjen për buxhetin e Komunës së Prishtinës – le t’i kërkojë Lumir Abdixhikut që ta votojnë në Kuvend, dhe buxheti i Prishtinës bëhet pjesë e Ligjit të Buxhetit 2025. Kaq e thjeshtë është.”
Ai tha se ka zëra që Abdixhiku duhet të japë dorëheqje dhe në vend të tij të vijë Përparim Rama. Sipas tij, kjo ka filluar të prodhojë efektet e para në LDK.
“Por siç duket, shtimi i zërave se tash edhe Lumir Abdixhiku duhet të japë dorëheqje dhe në vend të tij në krye të LDK-së duhet të vijë Përparim Rama, ka filluar të prodhojë efektet e para në LDK. Ndryshe nuk ka se si spjegohet qëndrimi kategorik i grupit parlamentar të LDK-së për të mos e miratuar Buxhetin 2025 për Komunën e Prishtinës, kur tashmë janë me miliona euro fatura të papaguara që janë mbledhur në mungesë të buxhetit të miratuar, dhe ka mbetur pak më shumë se 1 muaj deri në fund të vitit fiskal. Shumë keq që për shkak të rivalitetit të brendshëm në LDK, po e pësojnë qytetarët e Prishtinës.”